小炒皇 (已結業)

星期一Green Monday, 放工後相約友人去食飯傾下計, 今次我地決定轉轉口味, 改為食中菜小炒, 去了位於山林道的小炒皇食飯.我地先點了脆口小食, 紅燒鮑魚多士.每塊多士上也放了一隻鮑魚, 賣相相當矜貴.鮑魚幾有咬口, 質感不俗, 味道調教適中.而多士夠香脆, 兩者幾夾, 雙重口感.再來是蟹肉釀蟹蓋.我本身都鍾意食蟹, 但要剝瞉就較為麻煩, 這個已經拆好蟹肉, 非常方便我這些懶人.食的時候仲熱辣辣, 蟹肉幾鮮美, 而且仲啖啖肉.話明是小炒皇, 當然要點一些惹味的菜式, 愛食濃味的我, 見到鐵板黑椒豬手就決定要試一試.上枱時已被豬手的SIZE嚇親, 因為好大隻, 比平日食的豬手大, 而且以鐵板上枱, 聽到咋咋聲, 特別吸引.豬手只需要用刀輕輕切開, 已經骨肉分離.我第一時間食豬手皮, 皮相當鬆軟, 又夠滑身, 入口軟棉棉感覺好正, 這是我最鍾意食的質感.豬手肉也夠腍身, 完全不會乾身和硬, 入口多了一份黑椒味, 更惹味, 用來配白飯食一流, 但我地怕食唔晒, 所以無點白飯, 單食就覺得咸了一點.另外點了皇子一品雞附伊麵.用個爐上枱, 直到煮番滾便可以食. 除了雞外, 配料也相當豐

工作時候大多都會聽收音機收聽電台節目, 目的是為了分散工作上的壓力, 而近期於電台最常聽到的歌便是謝安琪的“山林道”, 雖然歌詞內容並非是說尖沙嘴的山林道, 光是見歌名感覺份外親切, 皆因公司就在山林道隔離呢!午飯時間大多會走到山林道覓食, 貪其方便又多選擇, 由街頭到街尾, 由砂煲, 金鳳, 味一番, 平城, 井橋到老趙, 就連高流灣跟新聯威都去過, 差不多吃遍整條山林道! 唯獨其中一間新開的中菜 - 小炒皇未有食過, 只因公司大夥兒吃中菜午餐, 前後十多人都會走到白加士街的“軍記”。每次經過"小炒皇"總會嗅到濃香的炒蒜味, 非常吸引, 於是趁晚上OT過後, 人不是太多時, 試試這間中菜館。 位於山林道街頭, 位置非常搶眼, 與砂煲並排, 大大個招牌相當易找。職業病發作, 飯前總愛留意人家的裝潢, 飯店格局中國色彩甚濃, 尤其喜歡玻璃門上的一對銅把手, 如果換上富中國色彩的大木門, 霸氣度定必爆燈! 店內天花木吊飾, 牆身木雕花, 有別於一般的小菜館, 甚為講究。飯店佔地不算太大, 長長方方的. 不過放了與天花木飾呼應的圓桌後, 仍保持有空間感!牆上的菜式照片比菜單內的文字來得吸引,

百物騰貴之前的香港，小炒處處有，據前輩所說，小菜酒家若然不夠鑊氣，早就關門大吉，明火高溫巨鐵鑊炒作，當年是必然的事。今日的香港，尤其在商業中心區，即中環尖沙咀一帶，想找一家小炒飯店，機乎絕無僅有，願意走遠一些，亦要懂得找；例如地址是尖沙咀區，實際上，坐地鐡該在佐敦站下車的山林道，前輩帶路，就有一家。 位於山林道頭段的小炒皇，原來開業已經一年多，依稀有印象路過， 門外貼滿惹味小炒菜式照片，圖文並茂，務求吸引過路人，但始終沒有朋友口啤，我就是未有留意。 踏入小店，小炒之油醬香味樸鼻，果然名符其實，小炒皇，沒有入錯店。店內間格四方實用，以圓桌為主，一夥人聚餐的客人較多。 我們一行4人，不夠人多勢眾，但亦有可吃，主攻招牌菜，四菜一飯，足夠滿足！鮑魚多士 當鮑魚遇上多士，就是一道創新的粵菜，從來鮮鮑只有煎香方才好吃，這個是我的個人口味，因為我覺得鮮鮑先天不足，肉質不夠彈性，亦遠不及乾鮑濃郁，因此，用猛火香煎或燒烤過，收收水份，令質感緊密一點，就可增加嚼勁。 面前的飽魚多士，也許是整棵齊炸，兩者皆炸至焦香金黃，乾身有光澤，但無多餘油份滲出，見到底下伴以生菜乾脆俐落無油漬更可確實。

今晚相約老友於山林道搵食日本菜 酒吧 韓燒 放題 任君選擇偏偏我地㨂左小炒皇 錯誤的決定⋯ 時間尚早 唔算多人 㨂左兩款小食作前菜 鮑魚多士 炸到金黃香脆嘅多士配上原隻鮑魚仔 賣相非常吸引 配埋鮑汁應該無得輸點知一入口 把口"浪"過油⋯多士中的油全部一下子爆發⋯😑 蟹肉釀蟹蓋 um...有蟹味但亦附近了蟹殻😪 鐵板黑椒豬手 太重口味 咸到有點難入口...唔計咸味的話 豬手係彈牙有咬口的 最後叫左皇子一品雞 全晚最好食嘅一款菜色雞肉嫩滑 醬汁味道適中 附送嘅伊麵亦爽口👍🏼 總結 有點失望 ⋯

又是〈每月飯聚〉的日子, 見到並非西餐就知輪到我負責, 皆因友人只會帶我食西餐, 其他異國菜多數由我尋覓, 今晚就來一頓中菜。想一想, 我倆的確很少一起吃中菜, 不知合她心水嗎? 巨大的招牌高掛店子正中, 還配上一個鑊仔人logo, 既搶眼又挺有趣。門面還貼滿多幅菜式的相片, 看來有很多選擇, 馬上入去看看餐牌先。推門而入, 內裏地方不大, 座位分左右兩邉, 前方有多張四至八人的大圓枱, 後方則有一排四人的長座位, 而最盡頭便是廚房區。灰泥磚的牆身配通花的木架, 帶點傳統的中式的味道, 而牆上沒有花巧的擺設, 只是簡簡單單貼滿菜名, 簡樸平實。餐簿也設計簡單, 只是印上菜名, 但分門別類, 清晰簡潔, 有是日精選、招牌菜、家禽類、豬牛類、海鮮小菜、煲仔小菜、風味小菜、炒麵飯類、冷盤及冰鎮系列, 還有按時價而定的生猛海鮮, 的確選擇眾多, 令我倆都眼花繚亂。******************************一向都知海參是高蛋白、低脂肪、低膽固醇, 具有高營養價值的食品, 但平時我倆都很少自家製, 所以大家都看中這道薑葱撈海參絲 ($88)。一上枱已聞到麻油香, 面頭灑了金黃的芝

久唔久都會想食下麻甩小炒朋友介紹呢間係佐敦既小炒皇唔錯見地點都唔算難搵，就去試一試Menu好有大排檔既味道室內裝修帶d中國風，都幾別緻紅燒鮑魚多士(6件) $148第一次黎食，梗係要試d招牌菜啦因為當日放工去食勁肚餓食剩2件先記得影相多士烘得香脆配上軟腍既鮑魚，口感上有好大既對比味道方面，鮑魚本身煮得好夠味就算唔加汁都一樣好食雖然$148先得6件好似係有d貴不過都幾值得一試蟹肉釀蟹蓋 $68/1件小公主由細到大都好鍾意食蟹所以見到呢到有個釀蟹蓋即刻點左黎試釀蟹蓋入面個餡係白汁底除左好多一梳梳既蟹肉外仲有d蔬菜粒蟹肉比得多，而且好鮮甜，同白汁同幾夾蔬菜粒為個菜加左d咬口都算係一個花心機既菜式招牌鐵板黑椒豬手 $138男友食野比較重口味所以就叫左個黑椒豬手滿足下佢豬手拎刀輕輕一切就已經骨肉分離D肉好嫩又滑連個皮都煮到化哂，完全唔駛點咬就食到黑椒汁呢d咁重口味既野多數都加左好多味精但食完意外地唔算口渴用黎撈飯真係一流古法荷葉籠仔蒸班頭腩飯(細) $158見有飯又有魚都幾抵食所以就叫左一個喇飯係炒飯底，上面鋪滿左頭腩魚肉既精華落哂d飯到雖然唔算勁鮮，不過都好好食魚有腌過所以好滑唯獨係無咩荷葉既

小炒皇 生拆蟹肉釀蟹蓋🦀 ($68)蟹蓋入面放滿晒餡，食到煙肉、洋蔥、蟹肉等等。蟹味有少少被洋蔥同煙肉味蓋過，少左啲蟹肉既鮮味，但幾有新鮮感，味道食落都算唔錯。 一品雞配伊麵🐔 ($168)新鮮嘅雞件加上海蔘絲、螺片絲同竹笙一齊以上湯烹調，鮮味十足。雞件夠嫩夠滑，海蔘同螺片爽口彈牙，放埋個伊麵落去燴，同啲鮮竹笙一齊吸盡湯嘅精華😻，味道濃得黎又唔會話好咸。 鐵板黑椒豬手🐷 ($138)賣相好靚好吸引，可惜鐵板唔夠熱，冇乜炸一聲既快感😂。味道方面，黑椒味唔算太重，唔會太辣，咸度亦剛好。食落豬手嘅肉炆得好冧，而豬皮亦絕對值得一讚，口感香滑，直滑喉嚨😆，加肉與皮中間嘅脂肪，入口即溶💦，又唔會膩。雖然罪惡感好強，但司令真係忍唔住食多幾舊呀。 芥辣牛柳粒🐂 ($138)中式牛柳粒都算常見既菜式，今次叫左個芥辣牛柳粒，牛肉咬落仲係半生熟好juicy💦，配有少少既芥辣味同沙律醬味，平衡得幾好，唔會攻鼻。

平時都係尖沙咀都係發掘日式意式美食, 今日同朋友黎到呢間小炒皇, 發覺廣東小菜其實都有精彩嘅地方。先有兩道較精緻嘅小食, 紅燒鮑魚多士及蟹肉釀蟹蓋。前者名貴嘅食材, 大廚當然烹調得出色, 入味、煙韌嘅口感, 加上鮑魚本身嘅鮮味, 已經滋味十足, 加上脆身嘅金黃多士, 兩者唔同層次合二為一, 相當特別! 而蟹肉釀蟹蓋亦色香味俱全, 有芝士嘅點綴下, 金黃色嘅外表及濃濃嘅香味係必然, 而蟹肉配上冬茹火腿作餡料, 同樣令人食過不停! 小菜方面, 我地叫左呢道魚鄉金沙骨。以咸蛋粹作為醬汁, 薄薄一層鎖著金黃嘅金沙骨, 味道唔會太咸, 但又可以帶出金沙骨嘅濃濃肉味, 係必叫之選!! 最後有呢道古法荷葉籠仔蒸斑頭腩飯。斑頭腩魚身以至魚皮都係非常嫩滑, 而且份量亦唔少, 足夠令我地仔細品嚐當中嘅鮮味。而大廚用上香蔥、蒜蓉等配料一同去蒸, 令魚肉而至飯粒都係同等滋味!

尖沙咀山林道向來甚多食肆，由於已離開尖沙咀最繁榮的地帶，租金稍為便宜，所以容許很多不同類型的小店生存。這晚沿著彌敦道逛著，又不想幫襯商場內的高級餐廳或集團式連鎖店，就到山林道開餐吧。靠近路口有一間【小炒皇】，門面沒有特色裝修，看來是一間街坊格局的港式小炒店，反正不是經常幫襯這種小店，就試一試吧。雖然小店沒有魚缸，但店傍的一條小巷也放了幾個發泡膠箱，養殖了一些海鮮。店內牆上貼了一張大型海報，大部份也是海鮮菜式。原來這小店在鴨脷洲起家，一向歡迎自來海鮮交由小店炮制，當然要收取油料費；又或者可以要求小店代訂各類海鮮。非常典型的港式小炒店格局，地方細細、又有一點凌亂，既沒有美侖美煥的裝修，員工服務態度熱誠得來又欠缺一點內歛……總之是很街坊的小菜館。蝦多士食得多，紅燒鮑魚多士（6件 $148）未食過，名字又幾吸引，一於試試。一看每隻鮑魚的外型及大小尺寸，已肯定只是大連鮮鮑魚仔，但顏色深沈，卻又似炆乾鮑。原來廚師覺得傳統的果皮清蒸鮑魚仔，肉質雖鮮甜，但卻嫌爽靱，並不適合所有人，尤其是老人家。所以廚師蒸熟鮑魚之後，再加上炆乾鮑的烹調方法進行第二次扣煮，當然所需時間少很多，但已能夠做到軟腍、煙韌、少許

以前返工，經常晚餐。這日經過山林道，想起之前朋友曾經向我推介過小炒皇，於是便決定入內一試。一般中式飯店的格局， 每枱的空間都挺大的，一點也不逼夾。菜式選擇十分多，而且很多都是很特別的，非一般中餐廳能提供的選擇。我們看見幾乎每枱食客都點了紅燒鮑魚多士(148/6件）金於是也跟着點了。很有特色而且很豪華的一道小吃。鮑魚跟麵包都就炸到變了金黃色， 賣相已經很吸引。都是上的鮑魚很大一隻，用料十足。 單看鮑魚的大細已經覺得這道鮑魚多士十分超值。鮑魚煮得超柔軟，有咬口但用力一咬便能俐落地把鮑魚咬開。麵包開襯揸得香脆，但那裏還是保留了白麵包的香味和軟熟口感，所以食落不會太乾。而且餐廳方面配上了鮑魚汁，稍加一點粘稠的鮑魚汁再提起整個多士的香味。生拆蟹肉釀蟹蓋($68/1隻）蟹蓋內釀滿了蟹肉、火腿、忌廉和芝士，將表面焗至金黃。雖然蟹蓋不算很大一隻，但蟹肉餡料釀得滿滿的，同樣十分足料。蟹肉加忌廉味道還算清淡，所以餐廳方面加了火腿粒去提味，還附上了陳醋，才讓這個菜不會變得太單調。酥炸日本廣島蠔($118/8隻)這道菜真的很划算。每一隻蠔都鼓鼓的，而且炸粉很薄，炸得外層香脆，但蠔還是流心的。不過其中一兩隻炸得

尖沙咀都食到小炒皇啦！鮑魚多士，鮑魚好香！加上炸到酥脆香口既多士，係一直最中意既菜式之一呢一品雞，一上枱已經聞到香噴噴，每舊雞都有最愛既雞皮，雞炆得超入味！而且肉質超滑，食到差唔多加多個麵，正呀！牛肉粒超香口，洋蔥味甚濃，送左成碗飯。最後必點豬手，份量大之餘肉汁超濃口，肉質頗淋，不錯！

同家人一行四人食中菜，一來家人喜歡中菜，二來份量比較大份實夠飽。當日落大雨，人流唔算多，可以坐得舒服一點，而且不會太嘈。叫了個一品鍋，還有點海鮮類，肉類。但估唔到份量真的很大，很滿足。紅燒鮑魚多士 （$148/6件）的骰美觀，每人一件剛剛好。鮑魚與多士組合，中西合璧。鮑汁濃度剛好，唔會過咸過杰身，掛上鮑魚上閃令令。鮑魚肉質彈牙易咬，而且都幾厚身。多士薄薄地，炸得好脆卜卜，口感一脆一彈好有對比。配上鮑汁更美味。蟹肉釀蟹蓋 （$ 68 /隻）原本想每人件，但怕膩就一齊分享。一上枱超熱，岩岩焗起所以散發出來香味更誘人。面層既芝士焗得好香，唔使自己拆就可以食到啖啖蟹肉。好creamy好滑，食完有少少膩。皇子一品雞 （半隻）$168一品鍋好大，半隻雞都迫迫地一鍋。除左有雞肉，仲有海參、竹笙、元貝仔。先試左個汁，幾濃味又唔會過咸。呢款雞鍋味道溫和，男女老少都岩食，唔會好似雞煲個款甘辣。海參比較薄身，但都好爽口。竹笙吸哂雞汁好好味。大大鍋熱住上，原來仲有個伊麵。可以食完雞先放個麵落去。試完幾件雞，我地就心急地落埋伊麵，個麵吸盡雞汁好濃味。雞肉肉質嫩滑，而且d肉好易離骨，食得好方便，唔做死咬難咬開d肉