小火焰韓式咖啡廳 (觀點中心) (已結業)

記得對上一次食韓國Bingsu係大概5/6年前，美國讀大學時食。之後返到香港無咩留意呢樣甜品，但最近經過觀塘發現一間【小火焰韓國咖啡廳】，有非常多唔同種類既韓國野食、最主要係有好多甜品、而且bingsu就係其中一樣。所以趁放工經過就去食啦。芝味炸鷄（半份）：食甜品前當然要食D鹹食打個底，今次就叫左半份芝士炸鷄，非常新鮮熱辣，芝士醬都算多，不過個炸粉唔太似平時D炸鷄，有少少偏厚，不過分量、味道同新鮮程度我都滿意！松露曲奇脆脆3.6牛乳雪花冰：我本身以爲松露係松露朱古力既意思，原來係黑松露！！最上面係有少少微鹹既黑松露cream、下面係cookie & cream雪糕，最下面係有D穀物脆脆既牛奶雪花冰。好濃好creamy，唔會食到後面就無味！黑松露cream係最特別既地方，可以令整體食落去無禁膩。鍾意嘗鮮可以試下！

呢個係觀塘嘅人氣韓食 終於有機會試到柚子明蝦水冷面個汁酸酸甜甜咁好fresh 再就加上冰 岩哂呢排咁熱咁悶焗嘅天氣食而且仲有啲柚子 橘子果肉係入面個面都好彈牙煙韌 韓式甜辣年糕炸雞個甜辣醬好正宗 完全就係韓國會食到嘅味道個炸雞都炸得啱啱好 個皮好香脆 就算擺左一陣差唔多最後再食都唔會好快淋哂而啲肉就好嫩 就算係雞胸都唔會鞋炸紫菜卷好經典啲韓式小食佢入面係包左彈牙嘅粉絲 出面就係炸到黃金啲紫菜包住 就咁食嘅話係帶有少少油香同咸味推薦同甜辣炸雞/炒年糕一齊嗌 咁就可以沾個啲醬 更加惹味白桃乳酸特飲好refresh 酸酸甜甜咁 白桃味唔係好fake嘅味凍綠茶latte綠茶味好濃 同奶嘅比例啱啱好糯米糍3.6牛奶乳雪花冰本身以為個底會就咁得啲冰 但原來都仲有啲牛奶醬 咁食到最底就唔會冇哂味 好貼心個糯米糍好煙韌 入面係朱古力cream 而出面就包住朱古力粉

小火焰🔥喺觀塘區都幾出名，次次去食都好多人排隊😂 不過都唔洗等好耐就入到座～拉絲芝士烤豬肉伴泡菜炒飯($78)餐廳好鬼豪爽😆 俾好多芝士，鋪滿大半碗飯，芝士加上甜辣醬汁，辣味變得溫和，豐富口感，而烤豬肉食落似漢堡排👀 有4-5件。泡菜醬燒黑豚拌飯($68)有好多塊黑豚肉同配菜，黑豚肉好淋身，撈埋甜甜哋嘅醬汁同紫菜食好惹味！另外加左2個小食，分別係辛辣小杯年糕(+$10)同埋甜辣韓式炸雞🍗(+$10)，竟然有三件炸雞！呢個價錢呢個份量，真係無野可以挑剔👏🏻凍蜂蜜柚子茶(+$3) 唔太甜，幾好～藍柑白桃梳打(+$28)藍色好靚打卡一流，酸酸甜甜飲落好清新，又解辣又爽！🍹套餐真係抵到飛起😱😱😱 人均唔洗$100已經好滿足，仲要唔洗加一，實會encore😋！

送完貨順便到附近搵食，揀左食小火焰因評價不錯，加上就腳夠方便嘛。兩點黎到都係全場爆滿，開頭諗住係lunch time peak啦，點知原來下午茶都好爆，人氣滿滿啊～坐低左就睇下餐牌，嘩，淨係午餐都一大本，幾十款餐可選，仲有大量小食可以用優惠價加配，個人覺得小食好吸引，唔覺唔覺寫左好多落去落單紙添。會唔會太誇張，滿漢大餐咁樣，哈哈，但我後面個枱都係加左好多樣。跟餐送的免費餐飲都有八款選擇，揀左熱蜂蜜生薑茶，甜甜地加上薑味強烈，幾好飲喎，仲覺得好養生添。主食點左牛扒溫泉蛋焗泡菜炒飯，賣相幾好，大量芝士做到拉絲效果，隻溫泉蛋就熟左啲得少少流心，牛扒正正常常嘅薄牛扒貨式，六十幾蚊個午餐都知啦。泡菜炒飯幾香唔，泡菜下得多，酸酸地咁但唔辣的。先到嘅脆香牛油雞翼，個樣就黑左啲但無燶㗎，好香脆，好似加左七味粉幾惹味。再來有韓國奄牛蒡，個量都幾多，牛蒡有咬口，奄得入味，味道有點似中式嘅醬瓜。另一個涼菜涼拌大荳芽，辣椒粉下得多都有少少辣，但無嗆喉，如果加少少麻油應該更好。另一款炸物甜辣韓式炸雞，食韓國野好似一定要有炸雞先有feel，係啖啖肉無骨嘅炸雞球，加左甜辣醬幾好味，三大舊抵叫喎。最後黎吉列炸蠔，等左

疫情好轉，咁我同同事一齊試一試觀塘嘅韓國料理， 咁見到呢間餐廳都幾多人食， 都試下啦，其實入面坐得都幾舒服，而且餐廳裏面都成日播住啲kpop mv，感覺都幾韓式， 咁我同同事叫咗以下:滷豬手粉絲鍋: 咁呢個係我同事叫嘅，咁我都食咗少少，其實窩裏面啲粉絲我覺得都幾算多， 而且粉絲都幾滑，個主角當然係個豬手啦， 咁我覺得個豬手肉質都ok，而且都算大件，另外亦都有啲豬皮食下， 而呢個鍋亦都有一啲絲瓜同埋韓國年糕所以其實呢個都幾多料。 另外呢個鍋就有少少微辣， 不過我覺得幾好食。辣炒豬肉蓋飯： 咁呢一個係我自己叫嘅，因為我鍾意食肥豬肉，而且我鍾意多少少辣，呢個蓋飯都唔錯，其實佢鋪滿咗一啲紫菜，紫菜加埋個豬肉好好食，再加埋佢個辣醬令到個豬肉更加鮮味， 加埋啲辣醬，好快食曬成碗飯呀 。所以如果鍾意輕食嘅朋友可以試下呢一個。最後因為今餐要快食，所以我哋好快食完，叫咗兩樣嘢，大家各自各食就好快就閃人返公司做嘢啦，不過鍾意食韓式嘅朋友可以試下呢間。

朋友個個都知我鍾意食韓國嘢 最近放假就約左我黎依間觀塘好出名嘅韓國餐廳牛肉石鍋飯 $98色彩繽紛嘅石鍋飯賣相好靚 食落去因為有好多蔬菜所以口感好好個石鍋因為溫度好熱所以個底都做到飯焦效果👍🏻生牛肉店員有溫馨提示記得貼近個石鍋表面三分鐘直至熟透😆芒果窩夫 $68黎到小火焰又點可以唔食佢地出名既甜品呢芒果夠晒甜 窩夫即整🧇食落外脆內軟 連埋啲芝士蛋糕都好食韓式甜辣年糕炸雞 半份 $98甜辣炸雞炸得脆身 配埋特製既甜辣醬汁好開胃 食完一舊接一舊停唔到口😆紅柚荔枝梳打 $28飲落去好清新 一啲都唔會死甜賣相又靚 拎嚟IG打卡一流舖頭長期播緊韓星mv 店內音樂都係Kpop 店員有問必答 又會溫馨提示食物質素又好價錢又夠貼地 一定會再encore阿😆📍小火焰韓式咖啡廳觀塘觀塘道410號觀點中心1樓1號舖

今天去觀塘買水晶手鏈沿路經過觀點中心見到有間韓國餐廳有很多食客於是進去吃個下午茶沒想到餐牌好厚有不少食物都是「打卡、厄like」外觀非常吸引我們點了三個小食、一個甜品和一杯飲品店員主動和我們hold住甜品如果我們要上可以通知他們十分貼心第一道菜是冰梅蕃茄明蝦沙律$88白色一條條的像蒟蒻絲每一條都很有咬口蕃茄是用冰梅醃的酸酸甜甜十分清新蝦子🦐有四大隻每隻的蝦腸已經挑乾淨而且新鮮無雪味蜂蜜提子脆米炸雞（半份）$98這是我第一次吃的味道外面的韓國🇰🇷料理店都是芝士、辣味等蜂蜜配提子是第一次新鮮感十足炸雞到的時候我們等了一陣先食想不到炸雞🍗還是酥脆而且雞身的油份弄乾吃起來不會滿嘴油雞皮很脆上面還有不少蜂蜜加上提子乾是不錯的配搭炸紫菜卷$38遊裡的紫菜卷做得十分出色外脆內軟之餘還保留紫菜的鮮味爐板燒布朗尼$78這令我十分驚艷的一道因為上菜是有一個小火爐真的名符其實「小火焰」布朗尼烤到焦脆加上雪糕半熔的狀態一口有兩種口感布朗尼很大件兩個人吃剛剛好曲奇沙冰$48朋友點了這個份量很多加上觀感吸引上面的曲奇🍪加上朱古力的沙冰有雙重朱古力的味道喜歡朱古力的朋友不妨一試

今日同朋友仔係觀塘街完街街，肚餓餓地，就提議到附近觀塘中心一樓既《小火焰咖啡廳》食午餐，掛住買野😅😅😅，原來時間都差不多3:30， 嘩，一睇餐牌原來好多選擇😚😚，我們女仔又怕肥又想食，炸雞份量（可選 一份/ 半份 ）最適合我地，食少少又可以試下 ，禁就叫左半份炸雞 ～原來剩係炸雞都有4 種口味 😊😊😊，我地叫左特別既 蜂蜜提子🍇脆米炸雞，炸雞黎到時候，熱辣辣，既好香脆又加上有蜜糖風味配提子，味道醒神開胃！ 另外餐牌特飲圖片好吸引，就叫左杯 《曲奇沙冰》飲吓啦，侍應放低杯飲品是嚇我一跳，點解杯飲品仲大杯個張圖片㗎😍😍😍巧靚靚啊！即刻試飲，朱古力既香濃又夠冰凍，另外嗰塊曲奇餅乾同朱古力餅乾條好好味，超正配搭🥰 🥰🥰實在太多選擇，下次要來試下其他食物先👍👍👍

位於觀塘apm隔離既小火焰主打韓式fusion菜 相信好多foodies都食過😆最近睇韓綜見到oppa食炸雞 搞到我都好想食😝就約咗朋友一齊黎食舖頭係開放式設計 等位個陣可以睇住mv 聽住kpop 一啲都唔會悶韓式甜辣年糕炸雞 $98 半份有時候食韓國嘢真係想盡量食多啲菜式 嗌半份就可以滿足到我哋既願望甜辣炸雞酸酸甜甜好開胃 炸雞炸得酥脆 咬落去又保持到肉質好Juicy🥰牛肉石鍋飯 $98必點菜式🤩好多款蔬菜 顏色好繽紛生牛肉同埋雞蛋都係靠石鍋嘅熱力整熟自己可以控制熟度咁就唔怕overcook😆芒果窩夫 $68之前都嚟過食佢其他甜品 今次就試一試依個芒果窩夫窩夫即叫即整 一出爐外脆內軟糯 配埋幾甜嘅芒果 好開胃😋香燒牛扒番茄湯烏冬 $68用左韓式燒汁調味既牛扒份量都幾多 蕃茄湯香濃又唔酸 份量大方 我哋差啲都食唔晒🤣

前菜選了吹脹水牛芝士牛肉野菌沙律🥗，吹脹水牛芝士佢真係吹脹架，好過癮！😅芝士味好濃，口感唔錯🤩🧀。牛肉就基本野 蔬菜新鮮😎另外點了一道小食是Bang Bang 薯條🍟，面加左好多芝士醬，越食越想食😍！薯條最緊要係咩啊？係夠熱夠脆，呢個有齊👍🏻。韓式炸雞當然都有叫，芝味炸雞🍗，炸雞外脆內軟 ，口落去啲雞肉汁喼哂出黎，夾埋啲芝士汁，絕配！滷豬手粉絲鍋🥘，豬手煮到好軟身，索哂啲湯嘅味道，加埋啲粉絲一齊食，感覺好清新🥰。

之前一直都有聽朋友推介過呢間餐廳，今日終於到我食啦。呢到既款式好多，面/石頭鍋飯/炸雞等等都有，仲有甜品! 我地叫叫左個炸紫菜卷，入面係粉絲黎既，炸得好香脆。另外叫左個韓式甜辣年糕炸雞。如果少人去食，炸雞仲可以叫半份，咁就可以試多D款式啦。炸雞炸粉唔厚，都幾辣，個人建議可以將炸紫菜卷沾下個炸雞醬會更好食! 入面既年糕都好出色。之後叫左個柚子明蝦水冷面，平時食親D韓國餐廳多數都係得最基本既水冷面，但呢到既水冷面都有分好幾種。柚子明蝦水冷面食落幾fresh ，蝦都幾大隻。甜品我地叫左糯米糍3.6 牛奶雪花冰，上面仲有個朱古力雪糕，雪花冰去到底都仲有朱古力醬，所以食到底都仲好夠味，好滿足。

韓式甜辣年糕炸雞 (半份) $88正正常常幾好食嘅甜辣年糕炸雞，應該唔係即刻炸起嘅，但係炸雞夠熱同脆卜卜😚醬汁都中規中矩幾好食卡邦尼年糕 $88卡邦尼年糕非常深得我心！！！啲日式卡邦尼意粉汁俾年糕索晒🤤加埋半熟蛋真心perfecto👌🏻可以連啲汁都lam埋🤣芝士海鮮菜餅 $78芝士仲係拉絲嘅！！！但係個人覺得海鮮因為無咩味所以無幫成件事加到分，可能芝士泡菜煎餅仲好味！芒果布朗尼3.6牛乳雪花冰 $68太難食所以唔講

《吹脹水牛芝士牛肉野菌沙律》🥗估佢唔到 水牛芝士竟然可以吹得脹🎈啱晒啲食客打卡之餘 芝士嘅鹹味🧀再夾埋爽口嘅牛肉🐮做最佳嘅前菜係最適合.《Bang Bang 薯條》🍟薯條表面有啲乾身不過一食就發現佢每一條幼幼既薯條🍟都沾滿好濃味嘅芝士不知不覺下就會將成個籃既薯條食哂.《芝咪炸雞》🍗雞嘅表皮炸到金黃色 超級脆皮令我最意想不到就係雞肉鮮嫩多汁🐥又大嚿又好食.《滷豬手粉絲鍋》🥘全晚唯一一樣係冇芝士嘅餸🐷豬手搭上經過長時間熬製嘅奶白色豬骨湯再夾埋索哂湯味嘅粉絲 非常清甜

之前去過呢間鋪頭既分店，記得佢既dinner令我好難忘，今次大圍開左分店，好興奮因為好近我，一於同媽咪食下佢既Lunch先～🔅海鮮炒淮山麵佢海鮮款式都幾多，有魷魚、海蝦、青口，佢個汁係有少少creamy既海鮮汁，覺得有d似龍蝦湯既味道，加上佢個麵用准山整，好爽口！評分: 4.442/5🔅香燒牛扒番茄湯烏冬佢個番茄湯唔似嗰啲味精蕃茄湯，蕃茄味都幾出，而佢個牛扒都幾淋，加埋軟滑爽口嘅讚岐烏冬，真係食到shirt shirt聲！評分: 4.443/5🔅蒲燒鰻魚佢個燒汁好甜，淋上去個鰻魚上邊好夾，同埋肉質鮮嫩！評分: 4.423//5🔅熱紫薯latte個賣相好靚，同埋飲落去頭嗰層真係會有啲紫薯蓉！而且啲奶好熱飲落去好舒服！評分:4.342/5🔅紅棗蜂蜜茶我叫左少甜，我覺得食咁多油膩野叫呢杯茶岩曬！紅棗係海量既多，再加埋甜甜的蜜糖水，清熱養生。評分：4.263/5

去APM行街，但留係商場到食野又太多人🤦‍♀️行行下去左觀點中心試呢間韓國餐廳😍食返個Tea先💓💓野菜炒粉絲：😎好多菜又有冬菇係入面，好香，粉絲索曬味，不錯💓份量一個人都幾夠炸雞Combo：成碟都係雞/薯條又好似太多😂呢個combo就可以一次過試曬3樣野，有炸雞有雞軟骨又有薯條😍炸雞有甜辣醬，食落好開胃、中等辣，惹味🤤雞軟骨都好夠味👍個🍟不得了！！撈曬滿滿既芝士粉！仲加左芝士醬😍👍超級推介呢份Combo!下次我會再單點份薯條食🤭🤭