小火焰韓式咖啡廳 (觀點中心) (已結業)

今日收工去觀塘買廚房用品，順便約朋友食晏，去試下觀點中心呢間人氣小火焰咖啡廳，，去到果然滿座，等咗十分鐘左右先可以入座😅餐廳有單點，有套餐，套餐款式非常多，樣樣都想試🤭，最後，決定要兩份午餐同甜品🧏‍♀️BB骨蕃茄湯烏冬烤豬仔骨多肉, 肉質入味唔靱，配醬汁食惹味好食，蕃茄湯底酸甜開胃，烏冬份量都幾多😋魷魚水冷麵夏天最啱食水冷麵，湯底酸甜冰涼，加咗冰碎保持低温，配菜有温泉蛋，蘿蔔絲、青瓜絲同雪梨絲，魷魚微辣爽靱😋糯米糍3.6牛奶乳雪花冰雪花冰大大碗，賣相吸引，除咗朱古力雪糕球同朱古力慕絲糯米糍，雪花冰上鋪滿朱古力粉，仲有杏仁片，糯米糍軟糯好食，我哋食到停唔到口，推薦🤩仲有好多其他菜式想試，會再encore😝

休息日同屋企人黎觀塘觀點中心一樓小火焰午餐，12點過黎已經好多人等緊開門，人氣超火爆，好彩都算黎得早，等左一陣就有位。甜薯咖哩吉列豬扒飯 $62小魔怪最近愛上食咖哩，而呢度既咖哩雖然話有點微辣，但我家小朋友食冇問題。咖哩好送飯，吉列豬排亦炸得香脆可口，好食到停唔到口。😋海鮮炒淮山面 $78第一次食淮山面，又幾好食wo😋。有大量魷魚、蝦、青口，份量好足，熱辣辣食好好食，忍唔住一啖接著一啖。🤤埋單時發現午餐免加一，超有良心。😊👍

韓國菜我又黎啦😋😋去唔到韓國唯有食返餐韓國菜👍韓式甜辣年糕炸雞半份炸雞鋪滿左甜甜辣辣嘅醬汁令人好想見咗一件再加埋煙銀嘅年糕😋😋炸紫菜卷傳統嘅韓國街頭小食呢個真係令人難以忘懷😋😋雖然係好簡單一個紫菜包住粉絲拎去咋但係真係好好食👍食嘅時候好有韓國嘅味道😋辣炒豬肉蓋飯拌飯呢樣嘢真係必食😋😋再自己加啲甜辣醬落去再撈辣炒豬肉再加埋紫菜同埋蔬菜👍依個真係食到唔停得口,好快就食晒成碗😬

200蚊以内可以食到以下美食，有冇可能？有嘅。而間舖就係位於觀塘觀點中心嘅『小火焰韓式咖啡廳』。人都幾多，來到都要等吓先入到座。『大醬粉絲海鮮鍋』除咗美味嘅韓式粉絲之外，仲有大蝦，青口和蜆，配有一碗白飯，超抵。水冷麵食得多，但『北寄貝水冷麵』就第一次試，好爽吖，人爽，北寄貝也爽，仲有必備的配菜和半隻蛋。『韓國醃牛蒡』平時少食，出街就食多，醃得好够味;『吉列炸蠔』粉醬不太厚，蠔味十足，下次叫多碟。『辛辣小杯年糕』、『3.6牛乳奶凍』、『單球雪糕』都好食，熱即磨咖啡仲送件抹茶曲奇，2杯送2件，好開心吖。

韓食唔一定係傳統韓國菜的😎多元化的食物更吸引大家去試。。。。。。觀塘人氣的小火焰🔥下午茶時間都係咁多人🍜鰻魚燒豚骨烏冬$78🥗涼拌海帶$10(追加小食) 🫓芝士夾餅$15(追加小食) 🍧糯米滋3.6牛乳雪花冰$68🍹白桃乳酸特飲(加$12可轉特飲)食物份量都幾多😝兩個人都食唔晒，不過因為人多所以等左好耐先上菜，飲品等左45mins催左2次先有，下次都係平日先去。。。。。。價錢都算合理~

好掛住韓國嘢食呀🤤 又去「小火焰」醫下肚先😋 lunch time 好抵食，食物都包一杯熱飲，所以都幾多人，不過等好快就有位👍🏻 溫泉蛋燴牛肋肉飯 $58牛肋肉好淋，好入味，個汁都好濃，拌飯一流👍🏻 加埋溫泉蛋仲正，好味😋 蜜糖芥末雞扒焗泡菜炒飯 $68好大份，幾靚仔，雞扒好厚，件數又多，配蜜糖芥末醬好好味👍🏻 泡菜炒飯少少辣，好味😋魷魚水冷麵 $68魷魚微微辣，好好味呀😍 水冷麵份量多，配上酸酸甜甜的清湯，好好味，夏天食啱曬👍🏻蜂蜜柚子茶、蜂蜜紅棗茶、蜂蜜生薑茶幾款都好好味，甜度啱啱好👍🏻😋

今日去咗觀塘觀點中心食嘢！見到呢間韓式餐廳嘅menu都幾多樣化☺️同埋價錢都幾平，於是就試吓啦😆😆🔻#羽衣甘藍特色菜餅 $68呢個薄餅勁特別！😚係普通餐廳都好少見😂😂成個薄餅好香泡菜味，薄薄地😆聽聞羽衣甘藍超級健康，雖然個薄餅嘅羽衣甘藍就唔係好多，但都有佢嘅香味！😉另外佢上面仲放咗幾片泡菜，少少辣，好開胃✨🔻#泡菜鰻魚石鍋炒飯 $108石鍋炒飯啱啱上枱個時仲熱辣辣咁燒緊🔥🔥我哋即刻將啲泡菜同鰻魚撈埋，整體個炒飯都幾有鑊氣👍🏻👍🏻啲飯粒幾濕潤，但略嫌啲鰻魚少咗少少😂🔻#泡菜惹菌辣炒年糕 $78年糕口感非常煙韌💕💕佢係屬於又幼身啲嘅韓國年糕，食好多都唔會覺得滯！😂😂另外個醬汁味道帶點辣很惹味！正🤤

今日母親節！前一晚喺（開飯喇）精心挑選選咗呢間店，因為真係太多好評！好奇心驅使下（系港島中西區過去）決定試一試。一家六口有大有細11:45去到（12:00開門）已開始排隊。成間餐廳裝修畀我感覺，雖不是豪華但講舒適一點過份，坐低叫食物員工有分工有條理。會溫馨提示客人，非常貼心（特別要讚下入邊啲女員工），做事認真有禮貌。某啲男員工就……。食物上臺速度適中，主食及甜品要自己叫起。食物分量叫做大份。一般情況下叫餐肯定捧住個肚走。食物的賣相也屬於打卡類型，至於味道我一家六口有大有細，全部俾叻，讚不絕口。話要下次再食過及會推介畀朋友同學等。總之一句講曬，這間係一間性比價高，不二之選的韓國菜餐廳。

觀點中心近行人天橋呢度原來有間餐廳，而且仲要幾受歡迎，價錢又親民。🍴 拉絲芝士BB豬肋骨伴泡菜炒飯 ($98) ⭐️⭐️⭐️⭐️成功做到拉絲效果，豬肋骨本身都用左燒烤醬整成，食落甜甜地好到位。雖然肉唔係話好多，但配埋芝士同埋啲泡菜炒飯，食完都會好飽肚。🍴 炸雞Combo ($78) ⭐️⭐️⭐️⭐️甜辣炸雞同埋雞軟骨，炸得啱啱好，雞肉唔會整到好乾，正啊！幼身嘅薯條配上好多好多嘅芝士粉，簡直係最佳配搭。賣相望落去已經非常之吸引，份量非常之合適兩個人share，真係啱啱好！.............................. 小火焰韓式咖啡廳 (觀點中心)地址📍: 觀塘觀塘道410號觀點中心1樓1號舖總評分: 8.2/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️💫

依家無得去旅行，真係好掛住韓國既嘢食，今次黎到呢間韓國餐廳，叫咗個弘大二人餐。前菜：首先黎個三小碟，包餣泡菜、餣海帶、餣蘿蔔，好入味帶有微辣；之後我均加咗十蚊，要咗個醬油鮑魚，鮑魚軟淋入味；跟咗個紫菜芝麻飯團，飯團有麻油香味，勁有韓國味道沙律：胡麻豬手沙律，薄切豬手，肥瘦適中，配埋醬汁同新鮮沙律菜，清新可口芝味炸雞：最懷念韓國炸雞，即叫即炸，最正係雞面撒滿芝士粉，仲有唧滿芝士醬，雞肉嫩滑，熱辣辣卡邦尼年糕：醬汁濃郁，拌勻滑泉蛋，美味道倍增海鮮大醬鍋：我地轉咗豬骨湯底，海鮮有青口魷魚，再配有椰菜粟米仔粉絲，海鮮新鮮，湯底濃郁，飲完碗又一碗甜品：香蕉朱古力窩夫，窩夫脆口，配冰凍雪糕，絕配

行完啟德郵輪碼頭之後，諗住去觀塘或者九龍灣搵嘢食，上網見到呢間好似唔錯，就去試吓午餐。午餐時段好多人，但等位都幾快。🍲 泡菜鰻魚燒拌飯 $78就咁睇都覺得份量多🤩 鰻魚大大條，肥美有肉地，醬汁濃味，但唔會太漏。配菜有高麗菜、泡菜、紫菜，感覺健康啲👍🏻 飯係珍珠米，飽滿圓潤～🍏 青蘋果熱情果梳打 +$28呢個好有驚喜，又靚又好飲！用上J.Gasco 檸檬味汽水，味道清新，酸酸甜甜，而且好大杯😂🥛 3.6牛乳奶凍 +$10估唔到咁平都做到香濃嘅牛乳味，口感順滑！性價比高，甜品必食之選🤤🍰 精選迷你蛋糕 +$15Cheesecake質感厚實，芝士味夠濃郁，面頭有灑咗可可粉嘅cream，食完之後都幾飽肚🤣🍦 單球雪糕 +$12味道有朱古力、芒果、曲奇，我揀咗曲奇🍪 食到粒粒曲奇碎，唔會太甜幾好👍🏻午餐嘅價錢唔貴，追加小食好抵。職員態度幾好，就算好忙都有禮貌💯 又一次一個人食咁多🤣🙈

韓式店除左食炸雞，這間位於觀塘的小火焰韓式咖啡廳仲有好多特式主食。蟹黃炒淮山麵（$88）個汁醬超級有驚喜，好鮮味又濃郁，真係未食過這款口味，好creamy但一啲都唔會膩，炒淮山這個配搭很贊，加埋新鮮蟹肉、卜卜脆的蟹籽、脆肉瓜同冬菇，口感豐富。柚子蜜糖雞翼炒年糕（$88）雖然餐牌有兩個辣椒，但唔會太辣，反而食倒柚子蜜的甜味，有別於一般的韓式辣醬。幼身年糕更吸味，雞翼先煎再炒脆脆的。熱綠茶拿鐵（$35）綠茶味很濃加上奶香，飲落去好順口。無左咖啡的苦澀味，配一塊綠茶朱古力脆曲奇，非常唔錯！

觀點中心有一間韓式咖啡廳，放工七點幾去到已經排晒隊，今日就同友人排吓睇吓點解咁多人先！去到見到裝修幾有韓國特色，座無虛席，好多人啊餐牌都非常有心思炸紫菜卷 $38炸紫菜卷入邊包住粉絲，幾特別外脆內軟，紫菜份量都算正常唔會話太多滷豬手粉絲鍋 $98熱騰騰的粉絲鍋，用上豬骨湯底熬製而成，滷水豬手很肥美，粉絲吸晒啲味蟹黃炒淮山麵 $88好重嘅蟹黃味，味道好奇妙又甜又鹹雙重享受，越食越想食！總結，小火焰韓式餐廳性價比高，唔怪得知咁多人排隊啦！

話說我地大約12點到呢間韓式cafe，出面已經好多人排緊隊，咁我諗食物嘅質素應該唔太差掛🙈 一打開個menu有勁多選擇，有選擇困難症嘅人慎入呀真係😂💚 大醬牛肉粉絲鍋原本以為佢係成鍋都係粉絲，好似食麵咁，但原來係用黎送飯食🙈 個湯有好重大醬味，唔算好辣，粉絲嘅口感唔錯，但略嫌啲牛肉有啲肥，但整體黎講個湯好好送飯。💚 辣炒豬腩肉拌飯豬腩肉嘅份量都幾多，味道唔錯，辣度比想像中低，唔太食得辣嘅人都應該可以接受，豬肉下面仲有啲韓式紫菜撈埋飯一齊食，好大路嘅一個韓式拌飯。💚 芝士海鮮菜餅平時食嘅韓式煎餅，啲餡料通常都係同埋個粉漿一齊煎，喺個餅入面，而呢個海鮮菜餅嘅饀料係好似pizza咁鋪喺上面，所有材料一目了然，芝士嘅份量好多，但因為有泡菜中和翻就唔覺得好膩。味道: 🌕🌕🌕🌖🌑服務: 🌕🌕🌕🌕🌑價錢: 🌕🌕🌕🌕🌑環境: 🌕🌕🌕🌖🌑－－－－－－－－－－－－📍 小火焰韓式咖啡廳 (觀點中心) (觀塘)觀塘觀塘道410號觀點中心1樓1號舖－－－－－－－－－－－－

小火焰一直喺觀塘區都好有人氣！今日放工後就同朋友一齊去咗食!餐牌嘅選擇都好多，二人套餐都有兩種選擇！而今次我哋選擇咗食宏大二人套餐😂🍡荔枝乳酸，白桃乳酸及三色前菜🍡脆米豬手沙律生菜好新鮮，配上沙律醬，感覺到好清新既感覺！豬手好淋身好彈牙，作為前菜份量都好多！🍡醬油鮑魚配手握紫菜飯本身係醬油蝦，但係加$10就可以轉做醬油鮑魚！鮑魚口感厚實，同時都好彈牙，咬落好有口感！手握紫菜飯食落口有滿滿嘅麻油味，芝麻，紫菜同飯既配搭融為一體！不過二人套餐黎講只得一個好似少咗啲喎！🍡甜辣炸雞酸辣炸雞配上小年糕簡直正呀！炸雞外表咬落個皮好脆，再咬深啲個雞肉好嫩滑，配上甜甜酸酸嘅醬料簡直不得了！酸辣炸雞唔會好似原味咁寡，亦都唔會好似芝士味咁濃，反而酸酸甜甜好開胃！不過如果加多少少辣味會再好食啲！🍡雪香牛骨湯鍋湯好濃好甜，飲得出有牛味，配料都有菇類，娃娃菜，當然唔少得有粉絲啦！可惜的是牛肋骨煮得太老，我嘗試咬都咬唔開😅😅🍡拉絲芝士BB豬肋骨配泡菜炒飯鋪滿濃濃的芝士，配上大量紫菜加泡菜炒飯，呢個絕對係魔鬼😂😂泡菜炒飯味道係甜既，如果佢可以落多少少辣應該會更好！🍡香蕉朱古力窩夫總括嚟講，食咗咁多道菜式都只是四百幾