小火焰韓式咖啡廳 (觀點中心) (已結業)

未試過係觀點中心食嘢，經朋友介紹今日黎左小火焰食午餐，超飽～烤肉combo $168特選美國牛板腱及牛小排平時去燒肉得舊豬油搽下鐵板，比左勁大舊牛油我地! 燒出黎既牛肉更加香～ 兩款牛肉都唔錯，肉質細緻略帶嚼勁，呢個set仲有蕃薯仔同菠蘿為配菜，醬汁都有三款揀～曲奇沙冰$48有一塊Oreo同朱古力筒插喺沙冰上面，有啲cream飲落更滑，透心涼啊！總括來講小火焰係間又平又好食的韓式餐廳，鐘意食韓式食品的話可以一試🙂

今日又到觀塘做野，到中午就係附近食個lunch。呢間餐廳都幾多捧場客，一於試下佢。menu 上有各種韓式食品，lunch menu 都有成十幾版，好多選擇，一個餐都係$5x到$7x，價錢都好親民！魷魚水冷麵 午市套餐$68首先佢份量都幾多，連魷魚鬚都有三大舊。水冷麵既口感好正，好彈牙，啲麵好掛啲麵汁，加上酸酸甜甜既麵汁，而個麵汁仲有蔬菜絲加上梨絲，食落好清新。個人推介水冷麵！ 大醬牛肉粉絲鍋 午市套餐$62如果好似我唔係好食得辣既朋友，佢可以轉豬骨湯底，幾貼心。而個牛肉幾有牛肉味，佢既蔬菜同菇等配料都有調味過呢。每份套餐可以加少少錢配小食。我地配咗兩份炸雞，每份加$10，一份有三舊，炸雞都幾大舊，$10有三大舊好抵！ 午市套餐包一杯熱飲，杯熱飲都好大杯。另一個套餐就加咗$28要咗杯藍柑白桃梳打。

最近疫情稍有回落，約會家人到觀塘吃番餐，之前吃過呢間小火焰韓國菜，性價比高，一於再encore 。點了韓式蟹籽卷蛋，價錢＄78，這個卷蛋包住暖暖的飯，配上醬汁，面頭有蟹籽夾集，好味道，推介！另外，點了大醬餃子粉絲鍋，價錢＄62，這個粉絲有一定程度的辣呢～可選小辣，嗜辣的確實會喜歡，野味香口，餃子煎得可愛又脆口。仲有，溫泉蛋野菜牛肉番茄湯烏冬，價錢＄52，抵食而且份量足，讚！可加配泡菜和涼伴海帶，價錢各$10，喜歡吃泡菜迷必選。

最近同事食過呢間餐廳向我高度推薦 今日特登同朋友過嚟觀塘試下😉餐廳開門時間係12點正 開店嘅時候已經有幾個人等緊，好彩我哋都唔係太遲黎😆餐廳座位以卡位為主，都幾企理，坐得幾舒服👍睇返menu個選擇都唔少， 佢地可以平平哋加配唔同嘅小食☺️，所以我哋嗌咗兩個主食同三個小食試下😉大醬牛肉粉絲煲配白飯大醬湯辣辣地飲落都幾開胃， 牛肉味道正路， 另外粉絲同牙菜金菇嗰啲煮得唔會太淋 用嚟送飯真係一流🤤酥脆蘑菇雞翼蕃茄湯烏冬蘑菇雞翼都係佢哋一個特色小食，雞翼嘅肉質仍然保持嫩滑，入面有啲芝士，同埋蘑菇食落都幾夾😄蕃茄湯烏冬亦都唔錯 烏冬煮得好爽滑彈牙另外個湯亦都加入咗唔少嘅茄粒☺️☺️脆香牛油雞翼炸得唔油，雞翼肉質嫩滑亦都充滿牛油味😁😁卡邦尼年糕年糕食落煙韌，同卡邦尼醬都幾夾 不過覺得年糕可以輕輕再加少少調味😚甜辣韓式炸雞甜辣醬味道 惹味， 炸雞好香口，入面仍然 好多肉汁😋， 整體我覺得佢哋處理雞嘅食材都唔錯喎👏👏飲品方面我哋嗌咗蜂蜜柚子茶同紅柚荔枝梳打蜂蜜柚子茶正常嘢，飲落都幾滋潤😌紅柚荔枝梳打酸酸甜甜的，好開胃😊

小火焰韓式咖啡餐廳 Aidan Korean Dessert Cafe估唔到觀塘都有間出色的韓食店 經常滿座 半open area的餐廳食過幾次感覺不錯 不過就要排下隊食物高水準 選擇好多 炸雞不過不失-熔岩芝士炸雞麵包$148 麵包好厚身 係法包的質地 中間有大量芝士醬配上炸雞 食法應該係先用炸雞點芝士最後再食麵包 因為芝士多同膩 加上麵包好厚身硬硬的所以試過兩次都係食唔哂個麵包 哈哈不過芝士同炸雞是不錯吃的

環境寬敞，座位舒適，有提供紙巾，午餐超多選擇，也有很多創意特別菜式。星期一至日中午12點至下午2:30有午餐，免收+1服務費#熔岩芝士炸雞麵包 #🥯 $158大件厚實的炸雞配沙拉🥗，還有充滿芝士醬咸咸的粟米脆片，邪惡呃like之選～大大的麵包裝着拉絲熱熔芝士，可以給炸雞沾點(๑•ᴗ•๑)變成熔岩芝士炸雞。最後還把焗麵包吃完，非常飽肚#柚子荔枝梳打 $52樣子很可愛，打卡一流，酸酸甜甜好夠汽，幾好飲ฅ'ω'ฅ服務質素：7/10環境舒適度：7/10ᶘ ᵒᴥᵒᶅ個人口味評分：7/10

星期六返半日，放工同男朋友去觀塘行街👫🏻順便係到食埋lunch😛以前係呢頭返工我地都去過小火焰食飯😁今次重遊舊地🥳我地選左饅魚燒湯烏冬🍜同香燒牛扒湯烏冬🥩🍜因為我倆都唔鐘意蕃茄🥫🍅湯底，所以就轉左豬骨湯🐽🦴烏冬好彈牙😁唔係用果d cheap烏冬另外加$10追加脆香牛油雞翼🧈同$12芝士夾餅🧀🫓😋咬落仲有拉絲🥳我地不約都選左白桃特飲🍑一杯係藍柑白桃梳打🍑🍹同白桃乳酸特飲🍹好大杯我地都飲唔晒😛

觀塘小火焰好抵食，下午2點半都還有好多人食緊。我同朋友叫左2份套餐。一份大醬黑豚粉絲鍋+泡菜水餃。粉絲鍋用石鍋裝著，裡面啲料熱辣辣，不怕會凍。黑豚肉又嫩又彈口，肥瘦啱啱好。韓式粉絲又爽口。大醬湯啲味噌香十足。泡菜水餃香脆可口，熱辣辣。另一份激辛牛肉鍋+辣年糕。牛肉鍋啲牛肉都幾多，切薄薄哋，牛肉味十足。豆腐嫩滑，粉絲爽口。湯底唔算太辣，好好飲。年糕煙煙韌韌，甜甜辣辣，好開胃。每個熱鍋都配有白米飯，價錢平又食得飽，唔怪得有咁多人排隊吃。

假日約朋友去咗觀塘依間韓式餐廳食飯，餐廳座位寬敞，環境舒適，我哋點咗一個主食、炸雞同兩個小食。-柚子明蝦水冷麵（$88）水冷麵選用蘿蔔味湯底，裏面除咗有鮮甜嘅大蝦，仲有切絲青瓜、蘿蔔等雜菜，麵底食落冰涼爽口，加上少許柚子，甜甜酸酸，令到整體好fresh。-芝味炸雞（$178一份/$98半份）炸雞外脆內充滿肉汁，佢除咗有芝士醬，仲落咗好多芝士粉，份量都好多，我哋叫咗半份都好夠食。-炸紫菜卷（$38）紫菜卷外皮好鬆脆，入面包住粉絲，係可口嘅輕量小食。-羽衣甘藍特色菜餅（$68）菜餅好香泡菜味，薄薄地嘅煎餅，上面放咗幾片泡菜，少少辣，好醒胃。

一個人嘅午餐呢，我就會去小火焰食韓國料理。香燒牛扒番茄湯底烏冬：烏冬好彈牙，湯底酸酸甜甜，好開胃。配料有海帶，粟米，番茄粒。牛扒另起一個盤，而且切成薄薄一層，牛肉味厚重，加上甜醬，味道都好。套餐另加$10，可以俾份小食，我叫左辛辣小年糕：年糕有彈性，醬料唔係太辣，反而是酸酸甜甜。飲品係青蘋果熱情果蘇打：直接把樽裝嘅蘇打飲品反轉倒插在巨大啲酒杯和碎冰裡，由有承托能力啲塑膠架支撐，造型很獨特。我飲唔到蘋果嘅味道，但可以飲到熱情果啲味，而且感覺到冰冰麻麻哋，好特別喎。

觀塘觀點中心呢間小火焰韓式餐廳人氣好好，佢價錢好便。香燒牛扒番茄湯烏冬$68:份量十足，湯汁濃郁酸甜，烏冬爽滑Q彈，牛扒乾小小，但係淋在牛扒上嘅燒汁好味。激辛牛肉鍋$68：湯底辛辣，肥牛肥瘦相間，肥而不膩，口感嫩滑，配菜好多，粉絲軟卻柔韌，彈性十足。大醬黑豚粉絲鍋$62：大醬湯濃郁咸香，黑豚肉質緊密肥嫩。辛辣小杯年糕$10：辣汁味道可以辣中有滴滴甜，年糕綿軟Q彈。泡菜餃子$10：酥酥焦焦的裹著泡菜嘅酸辣。牛乳奶凍$10：清淡滑嫩，食一口滿嘴奶香，甜絲絲嘅。青蘋果熱情果梳打$28：好大一杯，酸酸甜甜好清爽。

今天去觀塘食午餐經過觀塘中心1樓見到韓國菜小火焰韓式咖啡廳，於是就腳就選左尼間入去，叫左香燒🔥牛扒蕃茄烏冬，份量都挺多，牛扒肉質鬆軟，好嫩大醬黑豚粉絲鍋配一碗白飯，有小小辣，配飯好開胃，好岩我食，小食叫了辛辣小杯年糕，食落口好彈牙，又便宜抵食；脆香牛油雞翼，外層好香脆，牛油味好重好香，兩隻大大隻才十蚊，好抵食；另外第一次食涼拌海帶也是十蚊一碟，價錢好實惠聽講經常好多人去排隊，喜歡食韓國菜的可以去試吓。

位於觀塘的一間韓式餐廳，與其話係韓式，個人覺得有啲似西式+韓式～餐廳勝在選擇非常豐富令你花多眼亂，樣樣都想食，而且賣相仲好吸睛！海鮮淮山麵材料非常豐富，淮山麵軟硬適中鮮茄豬頸肉淮山麵鮮茄湯底非常鮮甜，仲食到有新鮮蕃茄肉！豬頸肉預先煎香過，好香而且唔會可以油，份量都好多蜂蜜提子脆米炸雞呢個好食有驚喜！炸雞本身已經打得好香脆，入面juicy，真係同韓國食的炸雞有得fight!外層食到蜜糖同提子乾嘅甜味，配上一粒粒的脆米令口感更加豐富！脆香牛油雞翼熱辣辣大大隻，炸粉一啲都唔厚，又脆又薄，仲好香，值得一讚嘅係牛油雞翼炸得好乾身，唔會有油膩的感覺但有牛油的味道吹脹水牛芝士牛肉野菌沙律非常有趣！上菜時水牛芝士被吹脹成一個氣球，店員叫我哋篤穿氣球伴搵沙律一齊食，我和朋友都驚會篤爆個氣球上面的朱古力醬會彈到周圍都係……我們真的想多了……篤穿氣球之後，氣球會慢慢漏氣凹陷，因為是芝士嘛！！店員叫我們拌勻，但其實一點也不容易拌勻，因為芝士偏硬而且一大塊，有煙韌度的，完全拌不了，我們只能夠把它切成一條條混合沙律一起吃～我估這個只是噱頭，用嚟打卡吧…凍比利時朱古力好大杯，好濃！好正

經過觀塘，朋友推介呢間餐廳。而我咁啱都想食韓國野，就試左啦。餐廳環境好韓風，行入去可以扮韓妹💁🏻‍♀️見到menu個下好驚喜！真係好多野食！而且每個item都有一幅相參考，每樣嘢都好似好好味🤤🤤🤤我本身都唔算有選擇困難症，但見到全部野都咁好味，真係想試曬佢🤣店員超nice，佢介紹左幾個熱門item：韓式煎雜菜蝦餅($78), 溶岩芝士炸雞麵包($158), 爐板燒布朗尼($78)不過因為朋友趕時間，所以我地最尾食得簡單d。👅韓式煎雜菜蝦餅 ($78) 大推❣個餅底好好味，好淋好軟，蛋味好重。加上蝦同泡菜，包著一齊食會有好豐富嘅味覺享受。👅香芒炸雞沙律 ($88) 👍🏻👍🏻睇圖已經好吸引，好期待沙律當中有甜甜嘅芒果香味。炸雞炸得好靚，而且塗滿左醬汁，食落唔熱氣。如果有多d芒果就好了😍👅紫薯沙冰 ($48)最近好鍾意飲沙冰，每逢有沙冰就必點！沙冰有唔同果汁味，而且又可以食又可以飲，仲可以飲好耐，好啱我呢d飲水怪, btw, 見字飲水😉佢呢杯仲真係有d紫薯貼係上面，整得好精緻。下次再黎個時，我一定要試返晒店員推介嘅野食😤

呢間韓式食店剛開張已試過一次，今日再次幫親，親民價又高水準，沙田大圍友必定收藏之食店！今次黎有啲意外，事源黎到門口拎飛，門口冇職員，前面有個啊姐唔知係唔識定特登，拎完3-4人飛，又想拎埋1-2人飛，可能想叫雙飛但問題佢禁到部機shot佐，我係佢後面拎唔到飛，之後終於有職員出黎重開部機，但問題佢重開後啲人就打曬尖衝曬佢禁飛！我排係後面火都黎，同個職員解釋情況，希望有返個職員係門口安排一下同我係排第二，職員都好有禮貌冷靜解釋佐，之後都有安排我係第三檯入座，雖然我前面嗰檯已經偷雞入先，但係餐廳職員處理情況可以接受。講返環境，位置都多，等候時間短，氣氛熱鬧光猛。食物方面，出餐快，擺盤OK，窩心的係部分食物有細心位。叫佐烤雞年糕同韓式拌飯。烤雞方面 會準備好骨桶以及一次性手套。拌飯方面 會詢問是否需要幫手搞拌，如想自己動手，亦會講解點撈同注意有牛肉要埋底焗多幾分鐘。非常推介餐廳甜品，絕對錦上添花！會繼續幫親，下次再試埋啲燒牛肉