小火焰韓式咖啡廳 (觀點中心) (已結業)

觀塘呢間韓國餐廳真係好誇張，每次經過必定係坐滿食客。兩個人嚟Lunch, 百零蚊埋單已經食到好多款式，仲要免加一，好抵食。「吉列豬扒蕃茄湯烏東」湯底加入新鮮蕃茄，真材實料「拉絲芝士烤豬肉伴泡菜炒飯」芝士夠多，長而不斷嘅拉絲👍🏻跟餐加$10已經可以試到唔同款式小食「辛辣小杯年糕」煙煙靭靭有口感，辣辣地好惹味「甜辣韓式炸雞」肉質嫩滑juicy「芝士玉米片」加入芝士醬好香濃「脆香牛油雞翼」雞翼大大隻，又香又脆😋「單球雪糕...朱古力味」為今餐劃上完美句號。

香港有多間韓國美食分店,不過食過嘅人都知韓式食物都唔會平得去邊,觀塘呢一間韓式Café價格就好相宜,而且食物質素絕對有保證,地點方便~岩曬忙碌又精打細算嘅港人呀!!!😋芝味炸雞 (Half) $98總共有4件雞,雞皮炸得好香脆,加埋芝士醬同芝士粉,芝味十足！‼️好食指數 8/10 ‼️推介指數 8/10😋牛肉水冷麵 (蘿蔔味湯底) $78蘿蔔味湯底好清新,小小酸味好易入口。夏日炎炎最岩食呢款涼浸浸既水冷麵呀!‼️好食指數8/10 ‼️推介指數8/10😋韓式蟹籽卷蛋 $78超多蟹籽呀!!!!卷蛋好軟滑,夾埋爆醬咁多嘅蟹籽,真係絕配呀!!食落口仲唔會太膩,好味好味‼️好食指數 9/10 ‼️推介指數 9/10🍽 小火焰韓式咖啡廳 (觀點中心) Aidan Cafe 📌 觀塘觀塘道410號觀點中心1樓1號舖(港鐵觀塘站 A2 出口, 步行約6分鐘)☎️ 35496060⏰ 星期一至日: 12:00 - 17:00 18:00 - 22:30

黎到觀塘同個客傾嘢，點知佢又大遲到，我唯有自己搵嘢食先，係商業區附近，實在太多選擇，係觀點中心一樓呢度企理舒服，啱晒。好，坐低睇下有咩好食先。激辛牛肉鍋，天氣熱，反而仲想食辣嘢，牛肉鍋夠辛辣，而且又好多配料，豆腐、芽菜滿滿的，拌飯一流。芝士夾餅，烤香嘅麵包外皮，薄薄一片，裡面夾著拉絲芝士，果種暖笠笠軟綿綿嘅口感，好好食！紅柚荔枝梳打，個造型同色水都唔錯，食完辣，飲番個清爽得黎帶點甜嘅梳打飲品，好爽！

觀塘不嬲都有好多cafe，今次就揀咗間主打韓式食物既cafe，餐牌上面選擇非常之多，厚厚一本，無論係醬油蝦，韓式拌飯，鍋物同埋甜品都有。炸紫菜卷 ($38)炸得好香脆，估唔到入面係粉絲，所以口感好特別，面層勁脆但入面就林身。拉絲芝士BB豬肋骨伴泡菜炒飯 ($98)芝士真係好多，真係做到拉絲嘅效果。豬肋骨調味醬同芝士都幾夾，泡菜炒飯唔會好辣，撈埋一齊幾好食。炸雞combo ($78)有薯條同炸雞仲有雞軟骨，炸雞係用咗平時韓式炒年糕嘅汁裹住，所以又甜又辣，都有成5件，幾大份。薯條有啲牛油香同芝士味，雞軟骨就炸到脆卜卜，呢個價錢有三款嘢食仲要份量都幾多，非常之抵食。

//< 小火焰韓式咖啡聽 >呢間餐廳係觀塘都幾出名！小編終於有機會一試～ 睇menu已經呆左😮超多選擇啊！！！———————————————- 泡菜醬燒黑豚拌飯 $68 -呢個飯雖然唔係好韓式，不過份量好多，黑豚肉肥瘦均勻～ 成個飯幾好味！🥰———————————————- 魷魚水冷麵 $68 -呢個同樣唔係非常正宗個種😆湯底係蘿蔔味，比較清淡～ 🦑魷魚好食，易咬有魷魚味！其他配料正常啦，略啱唔夠冰🧊唔夠凍！———————————————- 蒜香牛油雞翼 +$10 -呢個有d失望🥲覺得佢唔夠🧄或🧈香～———————————————-甜辣韓式炸雞 +$10 -呢個比雞翼好食～ 甜甜辣辣幾開胃😀如果醬汁多d就更好！———————————————- 朱古力咖啡 （冷） +$13 -呢杯非常邪惡😈 成杯都幾香濃，上面仲有cream———————————————- 烤杏仁咖啡 （熱）+$10 -呢杯作為成餐飯既終結好似食左個甜品咁～杏仁味幾香唔會太甜😚———————————————整體黎講呢間餐廳比較韓式x港式～ 選擇超級多味道亦唔錯～ 如果想食好正宗既韓國菜就未必啱你喇😘———

係創紀之城搭車，搵到有呢間韓國嘢食，都幾隱蔽~星期日都有lunch set，仲免加一，好抵食👍🏻✨野菜燒豬頸肉拌飯豬頸肉份量都唔少，入面有紫菜、雜菜，加埋肉上面既醬一齊拌飯好正~ 豬頸肉燒到輕微焦香，配飯好香口✨香燒牛扒豬骨湯烏冬牛扒薄薄地，份量算多，烏冬好滑，大大碗，豬骨湯亦幾濃下，唔錯！另外追加左啲小食，都係加$10-12，幾抵！✨甜辣韓式炸雞炸得好脆，雞肉仲係嫩既，上面加左少少甜辣醬，幾好食，唔會好辣✨脆香牛油雞翼雞翼幾大隻！都係皮脆肉嫩，有少少牛油味，幾香~✨迷你溫泉蛋蟹籽沙律入面既蔬菜、車厘茄都幾新鮮，加左少少芝麻醬，仲有温泉蛋，正！✨涼伴海帶呢個有少少啖同埋乾左啲，如果可以多返啲味就好了😌份量ok✨加左$3要凍飲，凍檸茶同凍柚子蜜，Lunch set呢個價錢仲包餐飲真係好抵👍🏻

呢間lunch 同dinner 都試過，抵食又好味😋追加小食加$10都有好幾款選擇拉絲芝士烤豬肉伴泡菜炒飯 $78個飯有泡菜有少少辣，拉絲芝士好香濃，烤豬肉似係免治豬肉質感，唔會韌酥脆蘑菇雞翼蕃茄湯烏冬 $62呢個係我差唔多每次黎都必叫，蘑菇雞翼有好香濃嘅芝士味，食落好香滑，蕃茄湯烏冬唔會太酸，味道剛剛好，而且仲係讚岐烏冬，口感煙韌甜辣韓式炸雞 $10加$10就有三件炸雞，好抵食，味道唔會好辣，炸雞冇雪味，不過雞肉有點兒乾身迷你明蝦蕃茄沙律 $18有兩條蝦，沙律唔算多，味道不錯吉列炸蠔 $12咬落外脆內juicy，美味可口凍岩鹽焦糖咖啡 $13咖啡味唔會太濃，有cream同埋焦糖漿，都幾好飲熱紫薯拿鐵 $10飲落有驚喜，裡面真係有紫薯蓉，又唔會太甜，仲配送果仁曲奇，夠晒誠意

小火焰韓式咖啡廳 (觀塘)餐廳嘅菜式選擇非常多，有普通嘅韓國小食、年糕、韓式拌飯、水冷麵、炸雞、醬油蝦等等。價錢算中等，午市套餐就比較平，$60左右都有唔少選擇。而且午市套餐重包飲品及免加一。曼魚燒蕃茄湯烏冬 $78燒鰻魚會分開上，鰻魚比較重口味少少，鰻魚嘅份量都可以。幾鍾意個蕃茄湯烏冬，烏冬唔會煮得太淋，配埋濃郁嘅蕃茄湯。套餐飲品揀咗凍綠茶拿鐵，要另外加錢，綠茶味幾濃。甜辣韓式炸雞 +$10食落仲幾香脆同有肉汁，外面係韓式甜辣醬，我覺得有少少辣，但係好食嘅。卡邦尼小杯年糕 +$10因為唔係好食得辣，所以就冇嗌辣炒年糕，叫咗呢款。幾濃嘅忌廉芝士味，除咗年糕之外仲有少少配料。脆米豬手沙律 $98有五六塊嘅去骨豬手，上面有一啲醬汁。而下面就有沙律菜配埋沙律醬。都幾開胃，味道正常。芒果布朗尼3.6牛乳雪花冰$78上面嘅配料有芒果、朱古力布朗尼、芒果雪糕同一啲朱古力醬。係新鮮芒果嚟但唔係好甜，分量都幾多。而下邊嘅雪花冰就有好重嘅牛奶味，而且都好綿密。兩個人食嘅話都會覺得幾多。📍觀塘觀塘道410號觀點中心1樓1號舖

小火焰韓式咖啡廳 呢間係一間韓國餐廳，喺觀塘同大圍都有分店。我地午市嚟食，12:30已經全場full曬，等咗大概20分鐘左右先有位。有午市餐牌同普通餐牌，午市套餐以主食為主，有烏冬、拌飯、焗飯、冷麵、咖喱等等。落單後食物都好快到。。午市餐牌入面叫咗個鰻魚燒蕃茄湯烏冬，鰻魚汁有少少鹹，配埋烏冬一齊食會好啲。幾鍾意個番茄湯，比較杰又好有蕃茄味。$78蚊包一杯飲品，烏冬份量多都算抵食。 。叫咗午市套餐或下午茶都可以以優惠價加配小食，加咗甜辣韓式炸雞、卡邦尼小杯年糕 、芝士粟米脆片。三款小食都只係加$10，都幾抵食㗎。拉絲芝士BB豬肋骨伴泡菜炒飯，$98價錢唔算好平，豬肋骨有三舊，芝士份量超級多，芝士比較稀，但都做到拉絲嘅效果。一人未必食得曬。飲品就叫咗荔枝乳酸特飲同凍綠茶拿鐵，荔枝乳酸就酸酸甜甜，綠茶拿鐵就有幾濃嘅綠茶味。📍觀塘觀塘道410號觀點中心1樓1號舖

位於觀塘一家樓上的韓國菜餐廳，餐牌各款食物都附上照片，看上去每樣都十分吸引。除了韓式小吃、麵食飯類、炸雞等等之外，甜品也不容錯過。甜品：糯米糍3.6牛乳雪花冰由上而下，特濃朱古力雪糕球、朱古力醬、朱古力糯米糍、朱古力粉末、杏仁，底下全都是牛奶冰，綿綿密密，的確很濃郁的牛奶香，不會是很稀釋水狀的味道。煙靭的糯米糍內含甜忌廉，反而有點糖份過高，反之雪糕球帶微微可可苦，朱古力的餘澀，令整體不致甜上加甜而感覺很膩。吃完既解渴又透心涼了，夏日最適合就是吃沙冰了。特飲：綠茶拿鐵熱烘烘的拿鐵，更顯特濃的綠茶味及那餘澀，牛奶打至起泡，甜而細滑，愛好綠茶的朋友不容錯過。

今日突然好想食韓國野，就即刻想到「小火熖韓國咖啡餐廳」，因呢間係我非常鍾意的韓式餐廳。 餐廳食品選擇多，燒肉、拌飯、炸雞、大醬湯🥘、石鍋飯、韓式小食、甜品等等，韓國潮流的美食，呢度都有得食。前菜……冰梅有機甜蕃茄蕃茄以冰梅醃製過，顏色色澤鮮豔，入口清清涼涼，蕃茄多汁，帶有梅的酸酸甜甜味道，好醒胃。 小食……炸紫菜卷配搭非常簡單，紫菜包裹韓國粉絲，紫菜卷外皮炸至香脆，包裹濕潤入味的韓國粉絲，入口酥脆香口。主食……泡菜野菌辣炒年糕年糕口感軟糯q彈，係其中一樣至愛食物，所以每次食韓國野，年糕係必點食物。辣炒年糕，醬汁顏色需然紅紅，但入口味道甜而不辣，加入野菌、酸酸辣辣的泡菜、爽脆脆肉瓜令口感清爽，味道更滋味豐富。

❐ 炸雞Combo $78評分 ▮ ▮ ▮ ▮ ▮ ▮ ▮ ▮ ▯ ▯ 💁🏻‍♀️推介❗⟰炸雞Combo有芝士醬薯條🍟甜辣醬炸雞🍗同雞軟骨，岩哂好貪心想一次食晒咁多樣嘢嘅朋友，重點係3樣都好味🌟⟰新鮮熱辣辣整起黎到仲出緊煙🔥⟰薯條咬落夠哂脆加埋芝士醬又香又濃郁⟰雞軟骨每粒咬落脆卜卜食落好香口💥吾會太硬又有肉⟰炸雞咬落都仲有肉汁💦雞肉嫩滑🍗配上炸到外脆加上甜辣醬每一啖都非常惹味又開胃‼️❐ 韓式煎雜菜蝦餅 $78評分 ▮ ▮ ▮ ▮ ▮ ▮ ▮ ▯ ▯ ▯⟰薄身餅底咬落有少少煙韌軟熟feel🫓餅邊煎到少少燶燶地，食落幾脆口有d似中式薄罉幾特別✨⟰蝦餅上有唔同嘅雜菜例如泡菜、椰菜、粟米🌽羽衣甘藍，配料豐富份量多🌟⟰正苦惱點解蝦餅無蝦嘅時候💫切開4份發現有四隻大蝦，啱啱好每份有一隻大蝦🍤彈牙又爽口❗️❐ 辣炒豬肉蓋飯 $88評分 ▮ ▮ ▮ ▮ ▮ ▮ ▮ ▯ ▯ ▯⟰蓋飯嘅份量幾多配上紫菜同埋豬肉，嚟到香噴噴💫⟰豬肉切到薄身煮到入味唔會太韌✨⟰將飯撈勻之後聞到有陣好香嘅辣味💦食落係韓式甜辣醬味🌶多汁吾會乾，配粒份量適中，每啖配上紫菜同豬肉🌟口感滿足🤟🏻🍚推介指數☻ ☻ ☻ ☻ ☻ ☻ ☻ ☹ ☹

小火焰韓式咖啡廳 (觀點中心) 地址: 觀塘觀塘道410號觀點中心1樓1號舖電話: 35496060=====================觀塘雖然成日交通阻塞，但工廈入面有好多玩意，玩下dart 呀 broad game 咁。今日放工去玩broad game 前成左野先，再上去會朋友上左間食韓食，注重養生叫了份$188 鮑魚人參雞湯補補下，食完精神充沛。店員好好咁幫手剪開飽魚同雞方便食，條韓國水參仲好粗好大條架，咬落好重回甘味，個湯當然唔洗講啦，有參架甘香味仲有雞肉架香甜味，好飲又暖胃。將腍身糯米撈埋落湯便成了粥，成隻雞好多肉食到勁飽，大滿足架晚餐。飲埋杯養生酒，超重人參味，飲完個人都熱曬火辣辣，行氣活血。

星期六都要返工，唯有食返餐好啲既午餐撫慰下心靈，哩間韓式cafe唔係第一次黎食，上一次黎已經覺得好抵食，再加上實在太掛住韓國既味道，所以今日放工同同事再黎食過。哩到有好多唔同款式既食物可以選擇，亦有二人餐，睇到我眼花撩亂😂而且午市真係好抵食，加小食都只係$10。🎈醬油蝦配糖心蛋及手握紫菜飯（2隻）$78醬油蝦真係估唔到咁高水準！我自己每次去韓國都會食醬油蟹同醬油蝦，而哩到既醬油蝦完全係韓國既味道🥺兩隻蝦都大隻肥美，肉質鮮甜彈牙，超好食！而紫菜飯有紫菜、麻油、芝麻同香酥魚乾碎，所以食落非常香口，糖心蛋亦做到完美既糖心效果，真係好推薦👍🏻🎈吹脹水牛芝士牛肉野菌沙律 $128哩個真係打卡必點🤣淨係影相都可以影好耐。沙律好大份，除左有生菜，仲有洋蔥、小蕃茄、蘑菇、糖心蛋同埋份量好多既惹味牛肉，沙律淋上酸酸甜甜既黑醋汁，非常開胃。🎈黑松露炒淮山麵 $58餐廳係用煮黑松露忌廉意粉既方法烹調淮山麵，感覺會健康一啲，淮山麵質地較腍，非常掛汁，醬汁既松露同忌廉味好濃，而且有唔少蘑菇、洋蔥、紅椒同翠玉瓜，真係健康之選。🎈辛辣小杯年糕 跟餐加$10佢既年糕比較幼身，所以能夠均勻蘸上醬汁，而且煮得非常入味，香

好多人排隊，人山人海，未食已經知道好好味，食咗更加覺得好味，因為食物款式非常之多，除了原本嘅咩Menu之外，還有一些午餐定食，非常優惠醬油蝦配糖心蛋$78醬油蝦好大隻，碟上配有辣椒及海帶，食嘅時候可以咬一口配上辣椒或者配菜，會較野味，入口新鮮爽脆，呢個真係值得一試，配上手額飯團🍙可以一齊食，飯團帶有麻油嘅香味裏面仲有芝麻同魚乾小脆脆。吹脹水牛芝士牛肉惹菌沙律$128好藝術品feel，吹脹嘅氣球是水牛芝士，搽上朱古力醬，除咗睇得仲食得，牛扒煎得好香，簿切可以配上香菇及沙律食，沙律點上了果醋，很開胃，還有小蕃茄，健康好吃。糯米糍3.6牛乳雪花冰$68好靚喎，朱古力曲奇雪糕，仲有朱古力夾心糯米糍，雪花冰用上朱古力粉蓋住加杏仁，食到中間陳嘅時候仲有朱古力醬，雪花冰用上牛乳去整，有少少嘅牛奶清香，配上朱古力粉食剛剛好。黑松露炒淮山麵$58有香菇、翠玉瓜、洋蔥及紅椒，很香的黑松露味，用西式嘅煮意粉方法去整呢個淮山麵很創新，而且仲好好食。藍柑白土梳打$28味道清甜，顏色特別，打卡一流的飲品。整體而言非常之好，食物款式多，食得又睇得，價錢亦很優惠，座位唔少，地點方便，除咗正餐嘢食之外仲有甜品，唔使再搵