小火焰韓式咖啡廳 (觀點中心) (已結業)

呢間本身就食過幾次，都係午餐，普通炸雞，炒飯都做得唔錯，係典型港式韓國菜嘅味道。今次就冇叫平時食開嘅嘢，叫咗偏少少既水冷麵同埋泡菜炒飯，點知有少少失望。▧ 魷魚水冷麵韓國水冷麵正常用冰蓋住冷面，面本身都要雪過，要夠冰，咁先可能保持溫度。睇得出佢本身個面係即煮然後靠冰去降溫，加上香港天氣太熱，上到枱時冰已經溶咗一半有多。個湯底食唔出咩味，類似烚麵既水味，唔太令我有胃口再食。面質都麻麻，唔爽滑彈牙，有d黏口，霉霉嘅感覺。▧ 拉絲芝士BB豬肋骨伴泡菜炒飯味道還好，茶記既味道。豬肋骨都算惹味，芝士拉到絲，唔錯。

小火焰呢間餐廳喺觀塘都幾出名，開業幾年質素都保持唔錯，每次中午嘅時候都人山人海，今日叫咗同事早啲過嚟拎位先，餐廳算係開放式嘅餐廳，入面既坐位都算多，而且椅子都係舒服嘅，今次點左牛扒溫泉蛋泡菜炒飯，$68包一杯熱飲，不用+1服務費，牛扒唔算好厚，但係食落都滑，泡菜炒飯炒得都算乾身又唔會好辣，味道剛剛好，將個炒飯同牛扒同温泉蛋加芝士放落焗爐加熱，溶咗嘅芝士仲有啲拉絲，撈埋啲飯食幾夾，下次要過嚟試吓啲炸雞

今日周六，同friend一起去觀塘逛街，中午friend話去上次小火焰食韓國料理，我哋就再次去幫襯。因為週六，人流都多，等位等10分鐘左右。我嗌左泡菜燒牛扒拌飯，分量好足，泡菜酸酸辣辣，好開胃；牛扒又大塊量又多，牛肉味重，新鮮；牛扒下鋪滿海帶，醬燒汁，撈埋白飯，好好味。friend要份大醬黑豚粉絲鍋，湯底好甜，粉絲好嫩滑，又多，配料都多樣。還俾碗白米飯，淋上豚肉湯，都好好吃。小食係蜂蜜提子脆米炸雞（半份），雞肉嫩滑，雞皮香脆，抹上層蜂蜜，甜甜哋，幾好味。韓國料理少不了吃年糕，年糕好彈牙，醬料甜甜辣辣，好美味。

本來滿心歡喜想食韓國水冷麵，見咁多好評食評以為不會太差，點知中伏呀～～▧ 魷魚水冷麵 HK$98先唔講味道，韓國水冷麵要夠冰涼，但碎冰都只有一點點，十零分鐘就溶哂，成碗一啲都唔冰凍。見到碗麵上有幾塊士多啤梨都深知唔正宗，九唔搭八。個湯底唔知咩味，類似烚麵既水味，完全無水冷麵湯底應有既味。個麵就好似浸左好耐好耐，發哂之餘，仲有陣怪味...好難食唔知食緊咩，所以食咗一啖就無食了。▧ 拉絲芝士BB豬肋骨伴泡菜炒飯 HK$98泡菜炒飯無泡菜味，豬肋骨就係一般燒肋骨味，總結就係港式韓國味。▧ 整體來說，就係港式韓國味... 唔覺得係韓國菜，好失望。

小火焰韓式咖啡廳韓式餐廳韓式甜辣年糕炸雞(半份) $98幼身既年糕，有咬口，唔錯！甜辣醬好夠，配炸雞幾夾。雞唔會太乾身，都幾滑幾多汁。牛肉水冷麵 $78都幾足料，有唔少牛肉半隻蛋。再加少少芥末醬，幾fresh，冷麵好煙韌有口感，幾正宗。夏天食真解暑。炸紫菜卷 $38入面全部都係粉絲，炸得好脆口，加埋紫茶既香味，做前菜都唔錯。

觀塘好似冇乜韓國舖咁，個朋友想食，揾左好耐先揾到呢間。我叫左份柚子雞翼淮山麵 (蕃茄濃湯) ($72)，嗯...唔難食，有可能係啲味道唔夾，有少少怪.... 柚子雞翼既柚子味係重既，好食。蕃茄湯都唔錯，不過夾埋就.....

7:30收工過到嚟，見到餐廳入邊已經好熱鬧食物選擇都好多，本身唔食辣嘅！但係都見到好多唔辣嘅選擇🤤🤤🤤🤤叫咗個拉絲芝士BB 豬肋骨，因為唔食辣泡菜所以就由泡菜炒飯轉咗做白飯！食物嚟到嘅時候，服務員好細心咁提醒我哋唔好掂嗰個碟邊，因為啱啱焗起🤣🤣啲芝士好似瀑布咁多，而且超級香！豬肋骨一共有三條，豬肋骨一啲都唔bb😅😅個size有手板2/3咁大😝😝😝仲有叫咗蟹黃炒淮山麵🤪🤪🤪有超香超香嘅蟹膏味！而且食落好creamy同埋唔會覺得油膩！每一條淮山麵都索曬蟹黃汁☺️☺️有好幸福嘅感覺😊😇

一早開完會就去公司附近食個快晏再去見客☺️呢間小火焰每次黎到都勁多人🙌之前黎食過幾次都覺得唔錯😬食物選擇非常多😁今日我就叫左個小辣既大醬海鮮粉絲鍋 $78呢個海鮮鍋午餐黎講分量都唔少☺️配料當中有蝦🦐青口、魷魚🦑蜆肉、楊蔥🧅翠肉瓜與及韓國粉絲底🤤大醬湯頭好甜配埋白飯一齊當湯飯食好飽😝另外加點左幾款加點特價小食😃辛辣小杯年糕$10一口一啖年糕😋多醬小小辣令人懷念係韓國街掃街既感覺😝吉列炸蠔$12外層炸到超脆卜卜唔會好油膩😚裡面粒蠔大粒仲好鮮,一咬會有D汁爆出黎😋韓國醃牛蒡$10牛蒡切成條狀食落甜甜地醃到好入味🥰飲品㨂左特色紅柚就荔枝梳打 $52 味道較為清淡但好大杯而且係倒插既梳打水😂有輕輕既紅柚味！木嗌黎打卡唔錯🥰甜品🍮3.6牛乳奶凍 $10好濃又滑既牛奶凍🤩甜度剛好🥳

這晚來一個獨獨樂的Oppa豐富晚餐，目的好明確😆，就係將一早mark定的，網友都一致好評嘅三款囊中物叫哂佢!晚上6:45到店已經差唔多坐爆哂位🤭，幸好二人檯還有兩張👏 而且用餐時間90分鐘應該都唔難等位。值得一讚店員由入座到送餐再到收碟都快捷有禮貌，上菜時間捉得非常好，5-8分鐘已上哂檯享用👍Menu 真心睇到眼花，比第一次來的款式加左非常多，=紫薯沙冰̶=̶$48 推介:⭐️⭐️⭐️⭐️⭐️係Must叫，尤其是迎接夏日炎炎嘅日子，可以飲極都有嘅沙冰，重有埋四粒甜紫薯一路食😍初頭真係諗$48值唔值，原來係超值👏=蟹黄炒淮山麵=$88推介:⭐️⭐️⭐️⭐️⭐️再比5星，因為太好食🤭除左第一次食一個西式炒准山麵有驚喜，估你唔到撈埋豐富嘅蟹肉蟹籽之後，論掛汁沾滿麵條，論口感雙鮮mix得完美，配菜有芝麻、蔥粒、蕃茄、翠肉瓜等fusion 菜mix and match的極致👍=̶羽衣甘藍特色菜餅=̶$68推介:⭐️⭐️⭐️⭐️⭐️最後呢款都係比5星😆菜名精華好似係羽衣甘藍，其實反而泡菜為主，菜餅入口鬆脆味道唔錯，餅底中史沾滿泡菜汁，可以有pizza嘅感覺，又有點蔥油薄脆餅的口感，掂呀😋👅美味: 9/10 😮驚喜: 9/10✨環境:

出開觀塘做嘢，Lunch經過觀點中心，見呢間韓國餐廳都多人排隊😆相信應該幾好食，我都排咗一陣先有位入到餐廳店員拎了2本好厚既menu📔📕好似電話簿咁厚😆嘩。。好鬼多選擇，好多好想食，一本係for lunch set (+$10)(+$12)可以無限加小食但我見另一本menu仲吸引😍呢度係自己mark✏餐纸點餐的我點了呃like首選😆🥩吹脹水牛芝士牛肉野菌沙律🥩🥗賣相已經好吸引，食物送上枱時已經好想🔪篤穿個透明吹脹氣球，面上仲楂了朱古力醬，透明氣球係芝士黎👍睇得又食得🥩 薄切牛肉軟腍啱啱好，香菇配埋沙律菜，番茄仔，撈埋沙律醋😋好醒胃🐔脆香牛油雞翼新鮮炸起唔會太油👍皮好香脆，仲好重牛油味添🍧糯米磁3.6牛乳雪花冰 3粒朱古力夾心糯米磁非常煙韌🍫朱古力雪糕，面上朱古力醬同慕絲😋好邪惡，仲有雪花冰用牛乳去整，好香牛乳味，仲有杏仁片同朱古力粉，呢杯🍧太大碗😆我只係食唔哂雪花冰☕熱蜂蜜生薑茶食完凍野，最後飲番杯熱蜂蜜，超濃生薑味，飲落非常暖胃呢間餐廳有機會可再黎食😋menu太多選擇了👍下次再試其它食物先

中午跟好朋友來到這兒聚餐店內的午餐選擇有很多可追加的小食平均不過20元套餐平均也是六至七十元更不用加一服務費！！！所以我們一口氣追加了三款小食一同分享每款都只需加十蚊特別喜歡追加的小食：牛油雞翼外層脆薄，雞肉嫩而多汁好友點了韓式牛肉拌飯$53而我則點了鱿魚水冷麵，爽口魷魚，水冷麵冰涼，好適合夏天食呀套餐包了幾款飲品，特飲也可以用優惠價加配我選了的特飲：青蘋果熱情果梳打也不錯，味道酸酸甜甜的，十分消暑解渴：）

- 小火焰韓式咖啡廳🍽-🥢溶岩芝士炸雞麵包 $158呢個農夫包🍞我諗大家都唔陌生因為韓國都好興🤣之前去旅行食過一個勁好食既芝士農夫包炸雞！見到小火焰有就決定要試下😂農夫包個人覺得可以再烘所脆d😉炸雞份量都夠既而芝士🧀個味都唔錯因為佢用左d忌廉去整所以唔會話全芝士咁膩👍但個芝士就可以再溶D因為中間都仲有d未溶哂🤣但呢個農夫包係可以解下大家對韓國既思念😆-🥢牛肉石鍋飯 $98呢個石鍋飯好抵食勁多牛肉🥩😍佢就可以自己落拌飯汁但個汁係有d辣既大家唔好狂落🤣小編都食得辣就落左半支勁香勁惹味仲要本身個飯有好多配菜唔會話得牛肉咁單調😋-🌟評分:🏅🏅🏅🏅🏅地址: 觀塘觀塘道410號觀點中心1樓1號舖-#foodieluveat#foodisluveat_hk#foodieluveat_觀塘#foodieluveat_韓國菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #韓國菜

今日同細妹姨甥仔來觀塘，中午在小火焰用餐，餐廳一如既往要拿號排隊。叫佐三個中午套餐，泡菜燒牛扒拌飯$68:牛扒配燒汁好好味，牛扒下面鋪滿紫菜，米飯拌紫菜好好食。酥脆蘑菇雞翼番茄湯烏冬$62:小朋友好鍾意呢度番茄湯烏冬，次次來都食呢個，今次呢個雞翼好特別，雞翼去骨後包著芝士同蘑菇蓉，雞皮炸得好酥脆。大醬黑豚粉絲鍋$62:豬肉嫩滑，大醬湯香濃微辣。小食炸紫菜卷$38:好酥脆，裡面包粉絲，口感幾好。蜂蜜提子脆米炸雞（半份）$98:四大件，表皮好脆卡茨卡茨，雞肉嫩滑，加埋蜂蜜好甜蜜。兩大一小食唔晒，最後打包😄

今日去開觀塘個頭，好掛住小火焰添，已經好幾個月無黎到，不如就黎食個lunch。一如既往，呢度午餐餐牌選擇超多，包括咖喱，拌飯，烏冬，水冷麵，炒粉絲，大醬湯粉絲鍋，湯麵，淮山麵，焗泡菜炒飯等等，免收加一，都幾抵食。跟餐包幾款熱飲，亦可以加錢要小食或特飲，有好多款選擇。凍飲加$3或可再加錢升級飲品。凍可樂同雪碧唔洗加錢。主餐牌有前菜，沙律，韓氣推介，水冷麵，炸雞，創意小食，炒年糕，石鍋料理，素食，湯麵，甜品等等，勁多選擇，價錢比午餐餐牌高少少兼唔包飲品，但係午市時段都唔收加一。今次叫左兩個主菜同一個甜品分享。黑松露炒淮山麵 $58淮山麵好幼身爽口，個黑松露忌廉汁好香黑松露味而唔過膩，雜菌有三款，包括冬菇片，啡菇同秀珍菇，另外仲有翠玉瓜片，洋蔥絲同紅燈籠椒，蔬菜量足口感又豐富。健康又好味嘅一道菜。豬五花炒粉絲 $62豬五花炒粉絲餐牌寫明有兩隻辣椒，又真係幾辣，不過好惹味。炒粉絲味道好好，夠哂入味，質感煙煙韌韌咁，好味。碎豬五花有十舊左右，有少少軟骨，幾有咬口，質地偏實少少，味道方面腌得夠入味。呢道菜蔬果量足，除左冬菇片，啡菇，秀珍菇，翠玉瓜片，洋蔥絲同紅燈籠椒，仲有梛菜添。最後仲撒上蔥花同白

今日約左個係觀塘返工既舊同事食Lunch，佢話呢間韓國餐廳set lunch好抵食，五十零蚊起就有交易又唔駛加一👍但去到望到menu上面炸雞幅圖我既炸雞癮又起🙈 結果我地單點左半份甜辣炸雞同一個set lunch既泡菜鰻魚燒拌飯，加配左十蚊兩粒既小食泡菜餃子，同埋叫左杯🍑乳酸🤣 ❤️半份甜辣炸雞 ($98)同幅圖一樣咁靚😍😍 有四大件，個樣勁吸引！！甜辣醬好均勻咁包裹住D雞而唔係淨係淋係面頭咁HEA😍 面頭灑左D芝麻更加香～新鮮整起熱辣辣，炸雞既皮偏薄入口極酥脆！！肉質嫩滑juicy，超好食！！🤤🤤仲附送左十舊八舊好煙韌既正宗韓式年糕👍 好有係韓國食既風味😎❤️泡菜鰻魚燒拌飯勁多料！我最中意一碗飯五顏六色配料豐富😍 （所以我幾中意日式／台式便當😁）繁忙工商區幾十蚊既lunch黎講鰻魚咁大條包埋野飲好抵食！👏全部配料都好夠味，椰菜爽脆，配埋紫菜，泡菜同舖住滿滿鰻魚汁既鰻魚，真係超好送飯！！😋😋⭐追加小食泡菜餃子 ($10)個樣好飽滿，炸得幾香脆唔油膩，食落比我預期辣但開胃😅 （因為個拌飯D泡菜唔太辣，而甜辣炸雞係ｍｅｎｕ上面係🌶️🌶️🌶️但泡菜餃子只係🌶️，而我覺得餃子辣過炸雞😂）⭐蜜桃乳酸 ($1