影片
更多
2022-04-23
101 浏览
疫情下，香港人想食韓餐，你認為要付多少才能有正常的質素？晚市開放第一日，滿心歡喜想食餐好，荷包不但無謂出血，食完個肚仲扁過一開始。。二人中伏後，友人一旁揶揄道：「我自己整都好過佢」來到美食沙漠，排不到XX，又想試下韓餐，睇下餐牌，相片貌似不錯。雖然長期無人進駐，以為係地理原因，原來係背後隱含極大「驚喜」。二人共點三項食物，一杯飲品，加一後埋單共$398。以下娓娓道來，現時餐廳如何溢價，質素配不上價錢，份量配不上圖片。1.芝士豬肋骨飯一上餐點我以為係大家X，攞個圓形兜裝住。豬肉咬唔斷，kick 晒係牙喇，梅過我塊擦膠。芝士不熱，米飯普通，青紅椒生食，極美味。2.魷魚水冷麵$108我個人未吃過水冷麵，打算一嚐滋味。麵底，有股奇怪無法形容的味道，有興趣請自行嘗試。湯底，沒有特別，飄散的幾粒草莓令我夢回元朗農場。魷魚不爽脆，軟爛，味道無味。3.韓式炸雞（半份）$108一開始來到，滿心期待，肚子打鼓好想大快朵頤😋數後，1大雞槌，1中雞部位，1小雞部位，1雞翼，數條年糕。為何稱之為「部位」？因為某些根本吃不出什麼雞肉部分。雞肉：冰鮮雞，骨頭發黑，肉到尾有紅血，極老不嫩。差過我係佳X買的雞肉質素，依
疫情下，香港人想食韓餐，你認為要付多少才能有正常的質素？晚市開放第一日，滿心歡喜想食餐好，荷包不但無謂出血，食完個肚仲扁過一開始。。二人中伏後，友人一旁揶揄道：「我自己整都好過佢」
來到美食沙漠，排不到XX，又想試下韓餐，睇下餐牌，相片貌似不錯。雖然長期無人進駐，以為係地理原因，原來係背後隱含極大「驚喜」。
二人共點三項食物，一杯飲品，加一後埋單共$398。以下娓娓道來，現時餐廳如何溢價，質素配不上價錢，份量配不上圖片。
1.芝士豬肋骨飯
一上餐點我以為係大家X，攞個圓形兜裝住。
豬肉咬唔斷，kick 晒係牙喇，梅過我塊擦膠。
芝士不熱，米飯普通，青紅椒生食，極美味。
2.魷魚水冷麵$108
我個人未吃過水冷麵，打算一嚐滋味。
麵底，有股奇怪無法形容的味道，有興趣請自行嘗試。
湯底，沒有特別，飄散的幾粒草莓令我夢回元朗農場。
魷魚不爽脆，軟爛，味道無味。
3.韓式炸雞（半份）$108
一開始來到，滿心期待，肚子打鼓好想大快朵頤😋
數後，1大雞槌，1中雞部位，1小雞部位，1雞翼，數條年糕。
為何稱之為「部位」？因為某些根本吃不出什麼雞肉部分。
雞肉：冰鮮雞，骨頭發黑，肉到尾有紅血，極老不嫩。差過我係佳X買的雞肉質素，依家想食炸雞寧願去KFX，MCX買雞桶，9件10件捧住食，吃壞肚皮。
最驚喜係炸雞竟然配上雞翼，食咁多年雞第一次見，「韓國炸雞·翼」。
4.巨峰乳酸特飲$38
圖片上極多乳酸，實體半杯冰，乳酸極少在底部。飲品低於平均，差過放題任斟質素。$38，早知自己買串提子，或者提子汽水都開心。
服務：自助點餐，服務員送餐，態度普通。有幾個頗「輕佻」地隨著歌曲起舞，另類服務。
環境：循環播放K-Pop，餐廳宣傳片，乍看之下，似乎真的是一間「美好韓餐」。
額外：餐廳外面寫住晚市9折，消費滿送etcetc，付款時才發現在收銀台寫住「外賣」
，真是一入「韓門深似海」！。
總結：開返晚市啦，不如留係屋企食仲好過，睇多兩篇真實食評，否則就要自己交學費喇。
Ps：想加入圖片，完全無法加入。
张贴
