小火焰韓式咖啡廳 (樂富廣場A區)

营业中

休息中

咁耐冇去旅行，對韓食嘅思念真係止都止唔住😭😭😭今日去左間價錢平民嘅餐廳減輕下念想佢唔單止價錢平民，menu 仲特別大本，影唔曬。係度食晏我覺得好抵，在場唔少成家人黎食最後糾結完一輪之後我叫左e 兩個：芝直海鮮菜餅&柚子雞翼淮山面柚子雞翼淮山面。依個係叫比小朋友的，但我試過，又幾唔錯。已經冇第一時間食，但個面仲保持到有咬口，雞翼嘅柚子甜味都冇流於表面，成功滲入肉度仲有就係佢個面食完唔會覺得好想飲水，感覺應該冇咩味精🤔細心位係佢用個網隔起左，畢竟依度裝會有d 油，如果佢就咁用碟裝，一拎起見到隻碟油淋淋可能就已經唔想食了😂😂 所以nice 個底唔厚，簿簿地脆脆地，上面有唔同款嘅海鮮，足料。兩個人食都唔會膩到食唔曬👍🏻

🍴三色前菜38 蚊有醃白蘿白 惹味辣海帶 同酸辣泡菜 唔錯既開胃前菜 🍴甜薯咖哩吉列豬扒飯 64 蚊🐷凍飲加3 蚊吉列豬扒整得好香脆 豬扒保留應有既水份 有甜紫薯 蘿蔔🥕 調味 咖哩汁夠香甜 連埋白飯同豬扒食好味加小食 芝士夾餅 15 蚊🧀芝士餅餅皮夠香脆 入面既芝士半溶 連埋出面熱辣辣既包餅皮 好食🍴香燒牛扒蕃茄湯烏冬 68 蚊🐂烏冬好粗身彈牙 湯底 好香濃蕃茄味 冇乜味精🍅 有海帶同粟米粒增加口感🌽 另上既牛扒夠薄身彈牙 肉味濃 有 d辣粉喺上面更惹味👍🏻香辣韓式炸雞 12 蚊🌶️🐥炸雞外皮香脆肉夠嫩滑 上面有好多芝士醬 好味🧀#炸雞 #韓國菜 #吉列豬扒 #芝士 #烏冬 #牛肉 #蕃茄Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#小火焰韓式咖啡廳樂富聯合道198 號樂富廣場 a區1 樓1171 號鋪

今日同朋友行街經過見到，之前一直都冇為意有間韓國野係度，望落好似幾大間，價錢又唔太貴，一於入去試下比左兩整勁厚嘅menu 我地，其實有個二人餐我覺得好吸引，可惜友人食得唔多，所以就冇叫到其實都唔可以怪曬佢🙈因為我之後喺第二本Menu見到個燒牛肉嘅就移唔開眼🙈🙈朋友好鍾意中間嗰個酸酸甜甜又有啲辣嘅醬汁，我自己食燒肉就鐘意就咁食多d主打會有兩款牛上面嗰款個肥肉分布會平均啲，我個人覺得好食啲，但係下邊嗰款瘦瘦地得來都唔差。同埋佢又俾埋個牛油我哋燒，感覺幾唔錯。而且個甜薯都幾好食，菠蘿又大嚿🍍大家一見到張相係咪以為酒嚟嘅呢，其實係梳打。因為食燒肉所以想飲番啲比較解膩嘅嘢。但依杯野真係超級大杯，我飲到最尾食晒啲肉都仲要飲好耐先飲得晒，而且啲冰到最尾都未融晒

趕在無堂食前的韓食～有意外驚喜太耐無得去韓國啦。。。。食左個兩人前又幾抵食服務好窩心～會等你食得差唔多～先會上第二度菜或者甜品環境不錯薄烤牛肉野菌沙律～ 好清爽韓燒豬頸肉～ 香濃迷你鹵水豬手粉絲鍋～雖然細細哋但係嗰個豬手都好好味～同埋鍾意嗰啲粉絲索咗啲豬骨湯味拉絲芝士燒香雞翼伴泡菜炒飯～要食飯嘅係個好選擇！每人有兩隻雞翼包兩個飲品 ～白桃乳酸特飲熱蜂蜜生薑茶 香蕉朱古力窩夫加28蚊就得到啦～嗰日我哋食嗰個窩夫都好脆呀～正呀如果唔加錢就有兩個奶凍

昨日同亞媽去樂富 UNY 辦年貨, 見有間韓式餐廳, 入去食 lunch.個公仔好 kawaii 吖 午餐有好多選擇, 真係花多眼亂㖭用手機掃 code 落單, 方便無甩漏, 當然有需要時可以搵職員幫忙.先嚟個小食芝士夾餅, 似薄餅, 煎到金黃色, 內里有香濃芝士味.卡邦尼小杯年糕, 煙靭年糕配以白汁, prefec match, 份量 mini, 食少少過下口癮.燒汁牛肉溫泉蛋飯, 本人喜歡食熟蛋好多牛肉, 好好味, 唔咸, 椰菜又多, 碗飯都唔細.海鮮炒淮山麵, 大大隻蝦, 魷魚鬚, 青口, 仲有好多翠肉瓜. d 麵唔會太淋, 個汁好惹味, 凍烤杏仁咖啡, 我最愛上面嘅 cream, 仲有杏仁片亞媽要了熱蜂蜜柚子茶仲追加了甜品, 3.6 牛乳奶凍, 好濃嘅牛奶味, 食完先記得影相 迷你芝士蛋糕同樣咁出色 食咗咁多嘢, 埋單都係二百, 超值之選

早排同好朋友聚會食飯，於是梗係要喺OpenRice度搵吓睇吓有乜嘢好介紹啦！最後我哋就揀咗呢一間喺樂富嘅韓式餐廳！就係呢一間小火焰韓式咖啡廳啦❤️呢一間餐廳真係好大間，非常闊落！仲可以有好多梳化位置，可以好舒適咁食飯傾偈！拉絲芝士香燒雞翼伴泡菜炒飯❤️呢一個拉斯芝士鄉燒雞翼真係好特別，芝士係非常香滑！而且呢一個醬汁再配合雞翼一齊食真係好正！雞翼外皮好脆，入面依然保持好滑好多汁！同埋呢一度嘅泡菜亦都好好食，非常正宗嘅泡菜味道，酸辣味到十足！北寄貝水冷麵❤️一見到呢一個冷麵嘅賣相就覺得好特別，我咁大個都未食過呢一種模式嘅水冷麵！仲要真係有冰鎮喺度！令到成個冷麵嘅口感好爽！仲要加埋新鮮嘅北寄貝！非常鮮甜美味！

早排去咗樂富見客做嘢，要見客就當然要搵一間舒服嘅餐廳可以坐低慢慢傾野啦！於是行吓行吓就比我見到呢一間小火焰韓式咖啡廳！睇咗餐牌覺得食物都幾吸引同埋價錢合理，所以就走咗入去試吓啦！首先出場嘅就係呢一個香芒炸雞沙律！呢一份沙律好特別，上面嘅芒果肉好甜好多汁！而且配合埋呢度嘅炸雞，韓式嘅炸雞果然係特別出色！然後加埋下面嘅沙律菜一齊食，清新嘅口味加埋雞肉嘅肉汁，真係好夾！仲叫咗一份原味韓式炸雞！韓式炸雞再配合埋兩個醬汁一齊食！我自己偏愛鍾意蜜糖芥茉醬汁！呢一個醬汁嘅甜辣味道好吸引！炸雞翼都外皮炸得金黃鬆脆！咬入口嘅時候，雞肉嘅肉汁湧晒出黎🤤真係好食到流晒口水！套餐仲包括左呢一個牛肉石鍋飯 ！呢一個牛肉石鍋飯分量十足，上面嘅牛肉亦都好林好香！石鍋飯入面仲有其他唔同嘅配料，撈埋一齊食味道層次分明！

今日想同大家介紹下一個喺樂富嘅一間韓式咖啡廳 呢間咖啡廳朋友介紹咗好多次，上網睇到有好多唔同嘅評論都係非常之好，所以今日係特登過嚟樂富呢度試下嗰間餐廳。過到嚟之後發現，其實呢度都幾多人，係呢一區有咁多人真係好犀利。之後就講下，呢個二人餐，真係超級抵食呢個價錢有二人份仲要好多嘢食。弘大二人餐 $488前菜，沙律，炸雞，鍋物，主食，甜品，飲品沙律: 脆米豬手沙律主食: 牛肉石鍋飯藍柑白桃梳打呢度真係超級多嘢食，首先前菜呢個沙律已經好好味 然之後當然唔少得炸雞都係非常之好食同埋大件 再加上佢個大醬鍋，味道調教得非常之好 仲有個牛肉石鍋飯 上到嚟嘅時候真係熱辣辣，再飲埋一杯白桃梳打 真係正到暈。

今日同朋友一齊食飯，所以想搵一個比較chill嘅地方！最後竟然我哋喺社交平台咁啱見到有人介紹附近一間食韓國菜嘅餐廳，睇佢嘅環境正合我哋心意，所以就立即過嚟呢度！過到嚟人流都算幾多下，但係唔駛等好耐位，應該係佢哋員工做嘢好快手，所以好快就可以入座啦。今日想食泡菜同埋鰻魚，所以我自己就叫咗泡菜鰻魚燒拌飯 $78，呢個真係好好食嘅，泡菜嘅味道辣味啱啱好，再配合埋鰻魚嗰種香味，配合埋一齊真係超級正，再撈埋啲飯食，真係一級享受。餐飲配左藍柑白桃梳打，真係超級清香嘅一杯梳打，好好飲，中和返啱啱食濃烈味道嘅感覺，真係非常之正。

身為一個韓國控，超級鍾意韓國嘅東西，當然唔少得就係韓國嘅嘢食，所以喺香港我都會周圍去韓國餐廳食飯，不過韓國餐廳其實有好多唔同嘅種類同埋好多唔同嘅口味，我自己今日就介紹一間我比較偏向我鍾意嘅韓式咖啡廳。呢度嘅環境都好舒服，過嚟呢度坐吓飲吓嘢或者食下啲小食都OK。首先講吓原味韓式炸雞，雖然話係原味炸雞，但係味道一d都唔簡單！醃製雞嘅醃料，鹽，糖嘅份量拿捏得好好，炸粉薄薄一層，咬落去好脆，唔會覺得好油膩，內面既肉亦都炸得啱啱好，保留肉汁！仲再點一個醬油鮑魚配手握紫菜飯，食得出個鮑魚好新鮮，有淡淡的鮮甜味，配上比較濃烈嘅韓式紫菜，相輔相成，推介！

今日本身完成工作就喺樂富附近，所以喺樂富附近搵吓有啲乜嘢食，然後今日突然間好想食韓國嘢，所以今日就搵吓有啲乜嘢韓國餐廳可以食啦。喺OpenRice搵咗一陣之後比我發現到呢一間有連鎖式嘅韓式咖啡廳，所以就過咗嚟呢度食飯。嚟到呢度之後發現呢度嘅嘢食都好多種類，有好多唔同嘅韓國菜式，所以其實都一定會啱胃口。呢度嘅環境都坐得好舒服，燈光來講係算係柔和嘅芝味炸雞首先講吓呢個滋味炸雞，呢個係用咗芝士係上面之後炸雞配合買嘅，呢個炸雞做出來非常之新鮮好食，再加上芝士嘅濃烈香味，更加開胃更加好食😋泡菜牛肉炒粉絲之後仲有呢個泡菜牛肉炒粉絲，我覺得都係幾正宗嘅韓國嘢食，因為佢做到嘅味道都幾似我之前去韓國旅行食嘅時候食嗰種味道。

今日放假同媽咪食咗個靚lunch🤩之前見佢開張時都幾多人食，所以唔食住😂又係食唔到晚市咪試午市✌🏻接近12:00pm左右去到，太好，唔算多人，我哋仲可以坐4人檯🤩QR Code點餐，叫咗個泡菜燒豬頸肉拌飯😍😍，太有誠意喇！我數過，豬頸肉有成8大塊！！！我真心一個人唔會食得晒😂（男仕們應該OK)，除咗泡菜、仲有椰菜紫菜撈埋啲飯一齊食🤩🤩🤩好好味呀！勁香麻油味同埋個燒汁都好食！成碗飯勁夾🤤🤤🤤推介！👍🏻👍🏻👍🏻另外叫咗個大醬牛肉粉絲鍋😍改咗做豬骨湯底🤩哇！個豬骨湯超級濃湯，撈飯都真係一流🤩👍🏻或者一啖湯一啖飯！都好正😍🤤😍🤤，牛肉都幾多！似普通肥牛，但係都幾好食！唔係好韌嗰隻，粉絲當然係韓國style，入晒湯味！好食呀🤩👍🏻👍🏻最後仲叫咗個紫菜卷🤣🤣口感幾得意🤣🤣入面係啲韓國粉絲切到碎咗，一粒粒咁樣，再用紫菜包住炸🤣如果有碟醬點下會比較好食🤣但都唔差嘅👍🏻最後飲品係柚子蜜，冇乜特別🤣開得幾好飲👍🏻不過呢間韓國餐廳就冇前菜供應嘅，可以加錢或散叫。

今日食咗一間覺得佢哋嘅泡菜真係做得好好食嘅一間韓式咖啡廳餐廳，咁嗰啲泡菜非常之開胃而且好入味 真係真材實料嘅。返到嚟見到佢裝修已經係一種好靚嘅感覺， 畀人一種好舒服嘅感覺，好正呀。點咗一個泡菜牛肉炒粉絲 泡菜牛肉炒粉絲好好食，炒出嚟好香 再加上面嘅泡菜有好多 同埋啱都過泡菜真係真材實料，好開胃食完就再上再放入口了。食韓國嘢一定唔少得嘅原味韓式炸雞 呢個炸雞真係炸到韓國嘅味道出嚟， 再加上雞肉都好好食 真係一種回味無窮嘅感覺 打出嚟係非常之熱嘅 真係啱啱炸出嚟就即刻送上枱面。

今日終於都畀我嚟到我bookmark咗好耐嘅一間韓式餐廳 呢間餐廳因為 喺網上面見到好多唔同嘅介紹 啲相仲要係超級美嘅 說真係超級想過嚟呢度食嘢 今日難得有時間真係過到呢度 今日好開心呢度個門口裝修已經好有韓國嘅氣氛 所以真係好似去咗旅行咁 呢個感覺到非常之正沙律 : 香芒炸雞沙律首先我就叫咗呢個香芒炸雞沙律 呢個好特別嘅沙律 出面好少見到有用炸雞嚟做沙律 原來配合埋芒果嘅味道都好啱炸雞 : 芝味炸雞然之後呢個就係傳統嘅炸雞 非常之好食嘅芝士 配合埋熱辣辣嘅炸雞主食: 泡菜牛肉炒粉絲然之後再叫咗呢個 泡菜牛肉炒粉絲 泡菜嘅味道我覺得好啱香港人口 辣度啱啱好 再配合埋佢嘅牛肉 炒粉絲 真係超級正呀

今日同男朋友嚟到樂富呢度因為有活動 睇完活動之後我哋都係樂富行咗一陣間 本身都比較少過嚟樂富 今日難得過到嚟當然要行一下 行行下突然間俾我發現一間裝修非常之突出嘅餐廳 呢間餐廳係專門食韓式嘢食嘅餐廳 出面睇佢裝修已經知道了 入到嚟之後亦都見到非常之靚嘅裝修 一種非常之舒服嘅感覺拉絲芝士香燒雞翼伴泡菜炒飯 $78嘢食方便等我介紹一下呢個拉絲芝士香燒雞翼伴泡菜炒飯 芝士嘅份量非常之多 再加上我好鍾意食佢呢度嘅泡菜炒飯 味道啱啱好 而且都好香口泡菜鰻魚燒拌飯 $78之後仲有呢個泡菜鰻魚 都係超級好食 佢隻鰻魚嘅後生程度亦都出乎意料之外 淨係望到都流曬口水 泡菜亦都係我鍾意食嘅 所以呢一餐亦都食得非常之滿足