小澤日本料理 (已結業)

$125 任選3個食物。另送湯及雪糕。午餐不加一。雪糕有抹茶及姜味，姜味的好似姜汁撞奶的味。每個食物都很高質，半熟三文魚有好幾件大大的三文魚，食完一個飯都非常飽了。我朋友點了角切三文魚飯，魚生填到好高......感覺叫飯類比較抵，不過其他小食都ok。天婦羅是「一蝦二蔬」。鰻魚煮到入味。

今日去中環揾朋友❤️❤️朋友話帶我黎食日本野，之前都有留意開哩間餐廳，不過就無黎過食，因為我上網比佢個厚切半燒三文魚吸引左，好出色架我地兩嗰人，每人可以點三樣餸既，我地嗌左「半燒三文魚飯」「鹽燒鯖魚」「鹽燒魚餃」「煎餃子」「帶子飯」，野食黎之前有「味噌湯」飲住先既。呢度其實都幾細既，而且服務係冇嘅，得一個侍應，而且唔多有禮貌黑口黑面既。我哋嘅嘢食好快就到左，即刻食返舊半燒三文魚先，係幾厚切嘅，不過同我想要嘅有啲出入啵，我覺得可以再燒溶少少既，而家嘅感覺係半鹹淡，生又生唔哂，半熟又半熟唔「鹽燒魚餃」都幾厚肉，好香脆。「煎餃子」就over煎，好似炸多啲，「鹽燒鯖魚」都唔錯既[]「帶子飯」就普普通通既，最後食完就有「綠茶雪糕」，奶味遍重既。

難得去中環搵我朋友食lunch，揀係要去之前想試好耐嘅小澤！餐廳位置係半山扶手電梯附近，見到有條好多遊客影相嘅斜坡 (嘉咸街)行上去，係右手邊就會搵到小澤嘅門口☺️Lunch 最多人食嘅就係自選三式飯，我當然都要試下要係27款飯類/小食之中自由配搭揀3款，確實係花多眼亂最後聽朋友推薦，揀左角切魚生飯、半燒三文魚飯同我最愛嘅帆立貝壽司先講角切魚生飯，細細碗嘅飯上面擺滿哂魚生，有三文魚、呑拿魚等等，魚生好新鮮，一啖魚生、一啖Wasabi豉油飯，好正半燒三文魚飯好特別，同平時食嘅炙燒三文魚唔同，呢到嘅三文魚係厚切，可以食到啖啖肉嘅感覺，半燒完之後外層帶點油香，送飯一流！十分滿足帆立貝壽司同炸餃子就正正常常啦雪糕跟餐有嘅，有兩個味可以揀，黑糖同抹茶，我同朋友揀左一樣一個，兩個味都有濃厚奶味，又唔會太甜，值得一讚！

之前都梨過呢間日本餐廳幾次, 位置的確唔太方便, 要行好多斜路先上到去, 而且餐廳比較細, 空間有限, 如果無事前make booking基本上係白行一趟。但不得不說, 的確係好抵食, 而且食物都唔錯, menu上有好多選擇, 每人可以選擇3個dish, combination隨自己喜歡去配搭。我就叫左2款魚生飯, 同埋一款壽司, 火炙三文魚好rich!! 食兩碗魚生飯好似有啲over, 但其實都係細細碗, 所以都食得唒 但走既時候的確係飽到上心口, 因為加埋加埋其實份量十足

呢間餐廳出名抵食、性價比高！佢個自選三式飯有多達27個選擇，真係揀到有選擇困難症🤯 如果肚餓其實$125係可以揀到三個細飯，實飽！三式飯係27個選擇入邊揀3款，當中包括有魚生飯、壽司、沙律同小食，個lunch set包埋湯同雪糕，仲要冇加一，真係好抵！我就揀咗半燒三文魚飯、油甘魚飯同埋鹽燒魚鮫。半燒三文魚係招牌野，有五大塊厚切既三文魚，外面燒到魚油bit哂岀黎，入面keep住佢新鮮嫩滑。油甘魚飯同魚鮫都好食，不過對我黎講兩個飯已經太多，建議如果細食但又想食油甘魚嘅話可以走飯，咁就perfect喇👍🏻

⚠️建議預先訂座⚠️自選三式飯 💲125（午餐免收加一）午餐包括白飯🍚麵豉湯🍲雪糕🍨我地揀左：A. 角切魚生飯D. 油甘魚飯（走飯）J. 半燒三文魚飯1. 牛肉飯6. 燒雞扒9. 炸餃子✅ 角切魚生包括三文魚吞拿魚油金魚帶子左口魚同立魚等等 用料不計成本👍🏻 油甘魚刺身都新鮮🐟❔ 馳名既半燒三文魚果然名不虛傳 但部分帶有筋位比較難咬開🤫❔ 牛肉飯、燒雞扒同炸餃子質素普通🐄🐓🥟✅ 是日雪糕綠茶同栗子味 兩款奶味濃 特別推薦栗子味🌰 市面不常見 味道似栗子蛋糕🍰👅Taste：3.5/5💰CP值：3.5/5🙋🏻‍♀️Service：3.25/5👁‍🗨Stylishness：3/5

聽人講呢間日本餐廳既性價比好高今日1210卜左 唔卜真係唔會有位 食完有十個人排隊地方比較細 可能坐到二十個人左右由置地上電梯到餐廳要十分鐘午餐fix左價錢$125 揀3樣野食 好多選揀嚴選最好combination如下：1. 角切魚生飯 (必食) 細細碗但魚生好多 非常新鮮 美味2. 半熟三文魚飯 (必食) 燒到岩岩好半熟 有5大塊3. 蒲燒鰻魚 雖然得兩塊但入口即溶 跟一碗飯跟餐有面士湯同埋greentea雪糕大胃王一定飽一個鐘要交枱

上一次食已經係好耐好耐之前，難得book到位黎lunch!之前食過所以已經知道book左都要等位，而且個d waiter完全唔理你邊個黎先，有d亂黎！不過同澳牛一樣，客服好差但食物係抵食+好味！叫左角切魚生飯+ 什菜沙拉 + 燒三文魚飯角切魚生飯其實冇左以前咁好食，d魚生唔算好新鮮，不過係勁多魚生！呢個燒三文魚飯應該唔洗講，真係好味！一咬全都係魚油人人都食佢！因為3個飯會太飽，又想食菜，所以order左個沙拉，都幾大個。朋友就一早叫走飯，只食油甘魚，我冇食但睇上去好大碟。另外仲有miso soup同雪糕，不過減肥所以冇食雪糕，聽到話宜家係栗子/wasabi味，wasabi味都幾激~

><今次一個人walk-in 兼且早過lunch hour否則就一定要訂位自選三式飯($120)配麵豉湯 雪糕角切魚生飯厚切三文魚 油甘魚 帶子 份量畀得慷慨半燒三文魚飯5—6塊炙燒過嘅三文魚 帶有焦香入面仲呈現半生熟狀態 魚油豐腴蟹籽沙律冇咩胃口食唔到三個飯 所以就嗌咗個沙律 喚醒味蕾><><><><><><><><><><><><小澤日本料理 Ozawa Japanese Restaurant中環蘇豪嘉咸街49號地下C號舖

朋友無拿拿send左間餐廳比我，話想試，係正我公司附近，為左唔令我朋友白行一趟，咁friend底我梗係要幫佢試左先佢得好少位，但午餐時段都可以預約，因為都有成8個人，就早左一星期預約。佢最特別係可以揀唔同既配搭，咁你想食邊啲就就埋一齊。我揀左最愛既三文魚同鰻魚，另外個個就是但叫。上到黎，細細份一份，但加埋都係一個正餐份量。(千奇唔好叫三個飯，會勁飽）啲三文魚好新鮮，同埋都幾大粒。鰻魚又好好味好想再去食過

#小澤日本料理中環蘇豪嘉咸街49號地下C號舖-----😝朋友仔講到呢間小澤性價比好高 B仔就決定黎會一會佢 小澤個位其實唔算太易搵 差唔多係中環ge中半山位 第一次去ge朋友仔最好開住Google map黎搵😂lunch免加一 $120 可以自選三樣野 再包湯同甜品 因為太多選擇 B仔都唔知點咩好 就隨便點左兩個lunch set 一共六樣野黎trytry 點知全部都好正🤤🤤 炸蝦卷新鮮即炸 搭上暖暖地ge飯 簡直無得輸🤤 燒帶子sushi juicy到不得了 帶子好大粒又好新鮮 得兩件真係有d唔夠喉 而角切魚生飯 一樣係超級鮮甜 唔係用d 頭頭尾尾刺身位黎hea你 鰻魚雖然少左d 不過燒得好香 非常肥美 燒三文魚飯 同燒三文魚餃 一樣係非常厚切 又唔會燒得太耐 好食就好食 不過兩樣野個味道太似啦 最好就2選一 留返個quota試第二樣野 最後ge雪糕甜品都好有驚喜🤤🤤一個香芋味 一個薑味 兩個都好出色 好明顯係自家製 唔會太甜 芋頭同薑味都好出 整體黎講 味道真係無令B仔失望 不過份量都比較少 如果比較大食ge話 叫三樣野可能會唔夠飽～-----B仔整體評價：8.5/10個👍🏻B仔抵

位於蘇豪區 行過會miss左既隱蔽小店朋友打電話book 枱 都要等多陣 可想而知係幾咁具吸引力午餐套餐有好多野揀 至抵食係120蚊自選菜式有得比你任選三款 其實平時飲麵豉湯的話 小編係唔會飲既 因為麵豉普遍偏鹹 但呢個好重豆味 味道清淡 煎炸既東西 好似唔多好食 味道淡 淋身兼出油半燒三文魚飯🍣 真的 係小編暫時食過最好食既三文魚飯 半燒既話 冇比三文魚口感影響到 反而入口即融蔥切果個三文魚 係香取勝 蔥花配上三文魚 送埋飯一流食完仲有雪糕🍦 小編揀既綠茶🍵 茶味淡 奶香重 不過勝在口感夠滑 🥰🥰🥰🥰朋友揀既係紅豆味 有紅豆粒粒 呢d係咪所謂既隔離飯香呀？

午餐$120可以選三款。在店員的無形壓力下，亂點了三款。蔥碎油甘魚飯，明明見到油甘魚的紅，只吃到蔥味。辣帶子飯，帶子新鮮，又嫩又甜，辣醬也不錯。飯太乾，一點壽司飯的黏都沒有，還有少少硬，如果這是risotto可能會說得過去。鹽燒三文魚骹還好，肉多，但不是魚骹那圓碌碌、嫩滑無比的魚肉。雪糕有綠茶或紅豆。不錯，有淡淡的茶味，不太甜，雖然沒有茶甘，奶味較重。抵食，但不值得等位，更不值得電話訂枱時要忍受店員頗差的語氣。

我是很愛很愛這家餐廳,不過我想先說說一件事,很多人都覺這裡唯一一位的女性服務員很兇,沒有禮貌,但我去過5,6次,她偶爾也會臉帶笑容,只是性格酷酷的,加上這裡的生意太好了,她也忙不過來,又怎麼能跟客人好好地聊聊天呢,我們也知道做服務性行業不容易,最難能可貴的是,他們在蘇豪區能以這樣高質的食物而價格不高來招待客人,真的很好!餐廳在中環嘉鹹街上，店裏比較小，橫七豎八地放了餐桌，走路要比較小心點。MENU最吸引人的是可以從三十款食物自選三種不一樣款式的菜，還包括味噌湯和餐後甜點,適合怕悶又想每次都試不同花款的人。但真的需要知道午市例必大排長龍，皆因用料正，大概九成食材每天從北海道及九州空運到港，非常新鮮。一百元多小小便有自選組合，有各款壽司卷物丶魚生飯丶蒲燒鰻魚飯沙律、餃子、天婦羅、等等，還有麵豉湯和雪糕，不收加一，值得吃吃的。我覺得在這裡,必須吃角切魚生飯裏面有三文魚，吞拿魚，帆立貝和魚子。非常豐富而且超級鮮甜！！配上粒粒分明的溫醋飯超級好吃！！女生的話吃一碗已經已經有飽腹感了。半燒三文魚飯有五大塊目測3cm的三文魚，即點即燒! 魚油逼了出來 充滿火炙香氣, 加入少許醬油作提味,半燒以後外面

前前後後見過無數人介紹嘅小澤日本料理，形容詞多數都係性價比高、抵食，一直都好奇，但平日真係冇機會黎到。最近見週六有空閒，前一日臨時臨急打來預約，成功約到，好期待。今次一試，果然如大家所言，非常抵食，啱哂心大心細樣樣想試嘅人，值得一試。如果開到我區，肯定都係我飯堂小澤位於嘉咸街，就喺壁畫對面，門面很小，約廿零個位置，分佈密麻，香港地寸金尺土可以理解。週六午市全店爆滿，不停都有客人進出，難怪要提前預約。店員招待利落，雖然見過部分評價指店員態度一般，但我地當日並冇遇上任何態度問題，印象良好添。餐牌供應魚生定食同自選三式飯，定價$120，包括飯、麵豉湯、雪糕。款式多到選擇困難症，27款選3，當中有魚生飯、壽司、沙律、小食，一啲都唔hea，午市無加一，喺中環區都真係抵食，餓起上黎點3個飯，都咪話唔飽。麵豉湯角切魚生飯、半燒三文魚飯、火燒帆立貝壽司 $120飯碗仔份量，食左兩碗夠飽，魚生份量大器，有三文魚、油甘魚、帶子、少量蟹籽，去貨咁快，都唔需要擔心新唔新鮮。角切都唔一定係頭頭尾尾，三文魚幾肥美添。 半燒三文魚唔簡單，一碗五大件厚厚切，輕輕燒過面頭，裡面仲係生嘅，魚油豐富，飯量對我地黎講剛好。帆