小漁村烤魚火鍋 (已結業)

🐟鮮青椒烤魚 $78無諗過午市套餐都可以揀海鱸魚/江團魚 原條上嘅江團魚肉質鮮嫩柔軟而且好少碎骨 魚肉白白滑滑 魚皮就半煎炸到表面香脆金黃金黃一啲魚腥味或者泥味都無 反而透到少少鮮甜味青花椒湯底好鮮味而且會越浸越出味烤魚下面收埋咗啲芽菜 蘿蔔 薯仔同埋豆皮特別鍾意個豆皮 份量多而且好有咬口索哂青椒湯底鹹鹹辣辣超級惹味！表面撒咗大量芫荽蔥🌶️水煮魚片寬粉 $59標配只係微辣相信都係大眾口味加咗$8轉配薯粉 比一般食到嘅更加粗身厚身口感更煙韌有彈性配料同樣有啲芽菜同埋大量炸蒜整體麻辣濃郁之餘唔會太過火令你覺得好難接受反而係令你想一啖接一啖食 食完呢餐想encore嘅感覺😈

講到食烤魚，香港其實都有好多好出色嘅烤魚餐廳，就好似小漁村咁，抵食又好食，一個月總要來一次🤤呢度係放題型式，除咗烤魚仼食之外，仲有打邊爐，只有開頭嘅海鮮拼盤不能refill，其餘食幾多都得。海鮮拼盤唔錯喎，五款不同種類嘅海鮮都好新鮮，中間仲有麵同薯角🤩入味。終於可以食烤魚啦，我哋試咗兩條，第一款係麻辣第二款係青椒👍🏻兩款都重口味，湯底都有少量配菜，調味不錯。然後我哋就用青椒烤魚嘅湯底打邊爐，加埋啲牛頸脊，蔬菜等等。牛頸脊肉味好濃😋瘋狂encore，其他配料亦都好高質，任食嚟講真係好唔錯了。所以平時朋友提出食烤魚，我就一定會來小漁村，質素keep得好好。

小漁村烤魚真係好好食🥰有日收工突然好想食烤魚，上網search到小漁村，所以就試吓Walk in。上到嚟都幾full，好彩我哋早都仲有位😊呢度最主要都係食烤魚，不過食烤魚之前就會有一個BBQ海鮮拼盤，由每日各種時令海鮮組成，嗰日就有扇貝海蝦等等，扇貝有大量蔥花粒及炸蒜，好食😋食完就可以食烤魚，烤魚真係同外面單點嘅一樣，甚至更好食🥳👍🏻好大條，一啲都唔Hea，而且一路食啲魚都唔會話老晒，依然keep住好滑。最後店員同我哋講原來只要po上去社交平台，就可以有免費牛頸脊任食，雖然免費但係質素好高！入口即溶，用嚟打邊爐真係好正。

鍾意小漁村因為價錢合理，食物又有水準，任食得來有質素👍🏻👍🏻唔會粗製濫造，所以已經喺短短一個月已經食咗兩次😂開頭先食海鮮拼盤🤩我就認為中間啲薯角同埋麵條先係重點，入味到不得了。跟住烤魚可以無限食，唔好諗住放題就會將價就貨，呢度嘅烤魚雖然係任食，但係超級大條🤣魚肉嫩滑，好鍾意食面頭啲酸菜，酸酸辣辣好開胃。最正嘅係只要follow and like 左佢地既社交平台 , 就有牛頸脊任食 🫶🏻咁抵食完真係覺得好幸福。另外任飲除咗可樂之外，最鍾意有維他凍頂烏龍冷泡茶😍可以解膩，又唔肥。咁高質嘅烤魚放題，大家有時間一定要試吓。

早排朋友生日，帶左佢去食放題，鐘意食烤魚同海鮮既朋友要試下，真係食到肚仔飽飽番屋企。一坐低，先上左個海鮮拼盤，呢個唔係任食，不過份量都好多，有生蠔、蝦、蜆、帶子等等，份量多都好新鮮，好有驚喜，同朋友都好鐘意個蜆，冇沙大大粒，食落好鮮甜。之後到主角烤魚，6款口味選擇，揀左佢地招牌金湯酸菜，質素高好惹味，魚肉冇咩骨，吸左湯汁好好食，之後就用番個湯食火鍋，配料都有多款揀，最愛牛肉，一口一幸福，出面仲可以拎菜食。

屋企人鐘意食烤魚，今次就帶佢dinner黎食放題，一個價錢可以食勻海鮮拼盤,任食烤魚再打邊爐🍲 晚市19:30前結帳離座仲有全單8折，好抵食❤️一坐底就叫左個木耳小食，經調味入口爽彈開胃🤤海鮮拼盤好豐富，有蝦、鮑魚、扇貝、生蠔、蜆，款式係按時令可能有變動，海鮮好新鮮，自己最愛鮑魚，爽口彈牙烤魚可以任食，有6款口味選擇，今次揀左金湯酸菜烤魚，湯底加左酸菜酸酸地幾開胃，魚肉嫩滑有口感，之後用返烤魚做湯底打邊爐，火鍋配料除左出去夾既菜仲有雞牛羊任食，成餐好豐富，值得一試

我哋一家人唔係好食肉，反而海鮮蔬菜就最鍾意，所以烤魚放題真係啱曬。坐低冇耐就上咗一大盤海鮮盤☺️快手影完相就即刻食，一定要趁熱食，估唔到有鮑魚，蒸嘅火候啱啱好，好鮮味！員工收碟碗碟嘅速度亦都好快，服務唔錯。等咗一陣就食烤魚。金湯酸菜魚真係好好食🤤好鍾意個湯底，調味不會太鹹，酸酸辣辣，啱晒夏天食。我哋好快食完一條又一條。跟住打邊爐，配料依度係自取形式，外面有好多蔬菜可以拎，粟米，萵筍，薯仔響鈴卷等等乜都有，我諗都有二三十幾份配料可以揀。食完真係飽晒。整體而言，人均$300食到呢個質素，確實係不錯。有機會一定會再同朋友過嚟二訪。

今日去花園街附近買少許日用品，順便約朋友食lunch ，朋友提議去食烤魚，附近我不太熟路，一於由朋友帶路去搵食。朋友帶我到彌敦道726號一棟食廈，入面有齊中西日韓菜，真的超多選擇。午餐時間有一人烤魚套餐，$79 一位價錢又挺合理，而且還有5款烤魚口味，可根據口味，辣度選擇。蒜爆豆豉烤魚烤魚有2款魚可以揀，我們2個都揀了海鱸魚，因為細骨比較少，蒜蓉豆豉味道突出惹味，魚肉結實鮮甜，配菜還有豆腐、大豆芽等，吸收了湯汁更加滋味。金湯酸菜烤魚酸菜口味酸酸辣辣跟烤魚特別匹配，魚肉食落特別鮮嫩滑溜，而海鱸魚先用油輕輕炸過表面，可以保持魚肉鮮味，炸過的魚皮吸收了湯汁更美味可口，伴上白飯真的可以食不停口。冬瓜益力多梳打冬瓜茶底配上益力多乳酸甜味，酸甜味適中，清香順喉，消暑解渴。

天氣涼了，又是圍爐取暖的時候。食烤魚好定打邊爐好？最緊搵倒間可以一個價錢食到海鮮拼盤，任食烤魚同打邊爐。海鮮拼盤一上枱，嘩一聲，內有多款海鮮，包括蝦、鮑魚、扇貝、生蠔、蜆等等，特別推介生蠔，大大隻，一啲都唔腥，仲好juicy！烤魚叫左金湯酸菜烤魚，魚大大條，肉質嫩滑，湯底辣辣地，加左酸菜好開胃好惹味。之後用番個湯打邊爐，正！除左自助區的火鍋配料，仲有好多肉，選擇豐富。另外，只要全檯like及follow 小漁村專頁，及影相出Post ，仲有牛頸脊任食，抵讚！天氣轉涼，搵日要留番個肚再來打邊爐呢！

上次嚟試過午餐，幾十蚊有一條烤魚配白飯😋真係性價比超高。今次撞啱有朋友生日，所以就約埋過嚟慶祝，試吓晚市放題。先來一大盤海鮮拼盤，全枱人嘅份量全部擺滿晒🤩款款新鮮美味，幾欣賞個擺盤，真係好啱打卡。然後食烤魚，烤魚可以無限食，我哋都encore咗兩次👍🏻最鍾意係青椒烤魚。加咗啲花椒油好香又濃味。最後就可以用返個湯底打邊爐，啲配料可以喺外面自己取，飲品都係，擺放得好整齊，唔錯。晚市放題連加一大概$300一位，用嘅食材高質，好快回本😊大家有興趣就去試吓啦。

朋友已經同我講定一定要留肚🤪因為呢度嘅烤魚放題唔止食魚，仲有超多嘢食，食極唔完😜所以我就特登午餐都唔食，準時五點幾就上到去😍裝修簡約清新，配上紅色嘅中式燈籠，感覺現代又復古🤣好快上枱嘅海鮮拼盤真係冇得輸，打卡一流。尤其是生蠔，唔會蒸到乾爭爭，依然keep翻咁大隻juicy👍🏻仲好香蒜味添。跟住主角酸菜烤魚出場啦，超大條又滑。湯底絕不hea，足料好味😋然後打邊度有超過20幾種配料任君選擇，我呢個食肉獸當然拎咗好多肉類🤣當中豬頸肉同豚肉都好推薦！全晚都食得好過癮，二百零蚊呢個性價比真係最高。

早幾日見到有個Foodie 小漁村嘅post，見到啲相都流晒口水🤤所以決定約埋朋友過嚟食，我見到午市都好抵食，不過我哋諗住傾耐啲，所以最後book咗晚餐時段。先嚟嘅海鮮拼盤都好吸睛，佢會根據人數安排各款時令海鮮，好新鮮，而且唔會蒸得過時，尤其是海蝦真係好鮮甜。接着食嘅青椒烤魚都好正，又辣又麻，好惹味。跟住其他配料可以喺出邊自己攞，響鈴真心讚！好脆好鬆化☺️整體唔洗300一位嚟講，真係冇得挑剔。食物質素真係好好🥰

這間餐廳的環境給人一種舒適且整潔的感覺。餐廳的裝潢以中國傳統文化元素為主，有一些漂亮的中式燈飾。烤魚套餐中的江團魚非常新鮮的，從肉質就可以反映出來，經過烤製後，魚肉依然保持著柔嫩的口感。四川菜以辣味聞名，所以這道菜有一些辣椒和香料的味道。亦有一些蔥段和蒜末點綴在魚身上，增添食物的風味，魚肉是一直用火煮著啲，所以食到最後依然保持溫暖，魚身底下還有各種配料，包括豆牙，豆腐等等。配料吸收了了所有魚的精華非常美味。不得一讚就是魚湯，非常新鮮濃郁。把上面的辣油推開飲一口，這湯不得了。藍柑橘梳打是一種清涼的飲品，有藍柑橘的香氣和酸甜的口感。這杯梳打冰涼爽口，給飯後的口腔帶來一絲清新。整體而言，這間四川菜餐廳的環境舒適，提供的食物應該具有四川菜的特色，包括辣味和豐富的調味。值得再來。

🥣🥢🐟性價比極高一人烤魚▫️qr code落單▫️可選海鱸魚/江團魚☑️ 一人烤魚套餐(海鱸魚)配白飯 -$78 🐟烤魚味道有5種選擇，有辣有唔辣，我選左吾辣嘅蒜爆豆豉。面有好多炸蒜同豆豉，但豆豉冇預先整碎同滾，所以豆豉味吾濃，食到後面滾左會濃味d。魚好大條，皮煎香左，魚肉好滑，好味道👅配料都好多，底下有薯仔片及蘿蔔片，索晒汁好好味，仲有好多豆皮同大豆芽，及2件豆腐，但豆腐不是百福甘滑，係街市買果款，同埋吾係幾入味，但豆味都濃。☑️飲品🥤飲品選擇好多，雪櫃飲品吾洗加錢，都好多選擇，有道地紙包果然系茶/綠茶、荔枝/芒果/提子玉露，韓國罐裝蘆薈汁、汽水/芬達/忌廉等。而加錢嘅有特飲梳打/王老吉/菜蜜/枝裝茶。

上個星期去完旺角行街，就約咗屋企人上去小漁村食晚飯。book咗六點，上到去都坐滿左八成，好熱鬧😀晚市烤魚放題包咗好多嘢食，有Bbq海鮮盤，仼食烤魚，仲有任食火鍋。BBQ海鮮盤會隨時令而改變款式，當晚有生蠔鮑魚扇貝等等。鮑魚好出色！鮮甜又彈牙，而且大大盤真係好壯觀。跟住就可以食烤魚，烤魚有幾款口味可以選擇，我哋就食咗酸菜魚😉條魚好嫩好大條。之後就可以出去自助區攞火鍋配料打邊爐，擺放整齊，乾淨。拎咗涼拌木耳試下，全枱人都話好好食😍我哋大概食到九點幾，好開心係冇限時，鍾意食幾耐都得。一定再有下次😝