影片
系九龙湾觅食其间发现依间小泰阁，店舖系专做外卖生意，拿拿临拎张外卖纸返office同d同事研究。同事们均好泰式食品，于是决定试下依间lunch whatsapp外卖自取。11：15落单11：30覆实12点准时攞得，员工态度非常好。我地叫左白咖哩猪扒饭，香茅猪扒汤河，泰式肉碎饭，每个餐仲有杯绿茶送，45蚊内都算几抵食。原本对白咖哩猪充满期待，最后都系失望而回，白咖哩汁太稀，开饭盒盖时仲弹到周围都系……猪扒份量足料，质地较淋冇牙都咬到，但我最钟意系有旧白萝卜，吸晒d汁好入味，如果汁可以杰身d会好d。同事话汤河好味，成碗食晒，泰式肉碎饭就麻麻地。白咖哩始终都系沙x王既最好味，暂时未揾到第二间可以超越到佢。
继续阅读
九龙湾真系有好多隐世美食架就好似呢间小泰阁 舖面细细 但一到Lunch就超多人帮衬 唔一早电话落定单 随时无咗我最钟意食既冬荫功汤河 所以我通常都一早电话落单 去到就岩岩好有得拎 佢个冬荫功真系不得不赞一下酸辣程度刚刚好 又系令我忍唔住要饮晒成碗汤 河粉系金边粉 用来搭配冬荫功系perfect match今日我仲试埋佢新出既小食 沙嗲鸡球与求话系鸡球 不如话系炸鸡 因为佢D鸡球全部系无骨既 配埋佢个沙嗲 又出奇地好味㖞 个沙嗲汁非常浓郁 沾上每件炸鸡面 都食到啖啖沙嗲汁 岩晒我呢个「汁怪」
继续阅读
小泰阁， 一睇名就知系食泰国嘢，佢话自己系鸡饭外卖专门店， 咁就梗系要试吓佢招牌嘅牛腩汤河加配白切鸡肉一份牛腩入味软嫩，完全唔会觉得柴，有少少筋位连住，好好食， 应该系畀咗牛筋腩我呢。白切鸡肉应该系鸡扒位， 小店处理得好好， 软滑之余仲有少少肉汁， 鸡皮下无脂肪嘅， 食埋都唔会觉得邪恶。虽然叫咗清汤汤底，但比我想像中好过唔少泰式汤河店， 相信系自家制嘅牛骨汤底嚟， 由于预设系放咗几粒指天椒入去， 如果唔食嘅就预先讲声啦。 跟餐仲有一杯无糖绿茶， 可以选冻或热可惜无得堂食， 想食嘅朋友就要揾定地方开餐啦
继续阅读
小泰阁地址: 九龙湾宏照道6号鸿力工业中心地下B1A号舖今日Lunch揾嘢食😆，估唔到俾我发掘到一间CP值高嘅泰国餐厅🥰～招牌鸡饭🐔$42海南鸡份量好足，海南鸡外皮金黄，鸡肉一早就去咗骨吃起来好方便🤪。鸡皮下只有薄薄脂肪，啖啖肉质感，鸡肉好滑身嫩白😌，而且鸡味好浓郁，就连鸡胸位置都唔会太鞋口，再配上浓郁甜豉油同姜蓉一齐咁食，真系好足料，正😛。白咖喱猪颈肉🐷$44由细到大都好钟意食猪颈肉😍，所以几开心呢间野啲猪颈肉唔会烧到干之余仲保留肉汁，而且大大块无咩肥膏，爽口弹牙，完全唔会觉得会好肥腻😋，而且连埋啲白咖喱酱汁一齐食，配搭起来效果唔错，值得一试，正🥰！酸辣猪扒捞🐷$44同样大大份猪扒捞，猪扒爽口又Juice😏，加上酸辣汁，清新而不油腻，大满足🥰，正~
继续阅读
觉得小泰阁最好食嘅系芝麻酱鸡丝捞金边粉，自己口味中意order少豉油。鸡丝相信系采用左鸡髀部位，食落无骨，啖啖肉，非常之弹牙爽滑。仲有脆脆嘅香蒜碎点缀，加埋葱、莞茜提鲜，配合埋秘制蒜蓉酱沟芝麻酱可以话系无械可击，永远系我心中嘅the one and the only one。大大份，作为午餐好够饱，如果系细食嘅女仔，可能要嗌少粉先得。跟餐嘅无糖绿茶清香解腻，同捞粉嘅口味取得平衡。呢个餐点我喺第度嘅餐厅未食过相同味道，相信系店主独门配方。菜式唯一嘅缺点系食完会口臭，好臭果只，因为蒜蓉太多加上重口味，会口臭足成日㗎，所以约左人千祈唔好食，食完亦要同人保持1.5米距离，臭亲人就唔好啦。 第二个VIP就系霸王鸡饭，同样采用左去骨鸡脾部位，有4至5件砍件鸡肉，上面舖满咗莞茜、葱丝、辣椒，简直系莞茜爱好者嘅恩物！鸡肉同样系爽滑弹牙，秘制酱汁(甜豉油加海南鸡酱)，令鸡肉嘅美味提升到另一个层次。鸡肉下方仲有一旧炆得淋软嘅萝白，清香扑鼻，食落清甜无渣，系成个饭之中嘅vip。个黄色香料饭又系一绝，食得出应该系有黄姜粉，饭的色泽诱人，食落粒粒分明、干爽有弹性，好似食紧炒饭咁。份量又系大件夹抵食。 食物方面系好得，但系餐厅一个缺点，就系只做星期一至五午市，而且好快卖晒，1点去到已经有某些菜式卖晒，有时2点去到乜都无晒。佢哋亦无做夜市，星期六、日、节假日亦唔开。加上只设外卖不设堂食(其实你要话有堂食都得嘅，有两个细细嘅位仔啰，如果系食装修气氛嘅话，呢间舖头系-50分㗎)，所以想带朋友收工黎试下都唔得。另外，佢系港式泰国菜，系根据香港人口味作出左调整，如果想食正宗泰国菜，千祈唔好揾佢，会失望，但想食港泰fusion菜，佢系一个唔错嘅选择。 美食嘅嘢好主观，有人觉得好食，有人觉得唔好食。于我而言，我觉得好好食！纪录一下美食心得，好嘅餐厅系要用脚投票支持，令佢哋继续生存落去。。
继续阅读