小曼谷海鮮燒烤屋

营业中

休息中

屯馬開通真係令人好興奮，既然咁方便一於去九龍城食個地道泰菜係宋皇臺站落車，行幾分鐘就到，方便過未有地鐵個陣行到附近已經有個公仔不停揮手叫我入去，餐廳有少量室外座位，咁就已經夠晒泰味啦不過怕熱如我就當然坐室內位打開餐牌樣樣都想食，碟碟都大件頭，性價比高前菜先黎個開胃酸辣鳳爪($82)，份量好多，酸辣味配合得好好，開胃一流之後重點黎，咖喱炒大蜆($152)咖喱汁椰香十足，蜆隻隻都開口，隻隻都大大隻，另外點左個酥餅($32)，用黎沾咖喱汁，絕配除左咖喱大蜆，仲叫左咖喱法包軟殼蟹($208)，上枱個陣打卡一流，咖喱汁用烤過的法包裝住，切開法包個陣，聽到框一聲己經流晒口水，食落口，包心軟熟吸了足夠咖喱汁，講起都回味小食就叫左炸蝦餅($117)，上枱有驚喜，估唔到咁大蝦膠彈牙，外脆內軟，外皮唔會俾油浸到林，食到成口油，大推豬肉碎生菜包($88)，酸鹹豬肉碎，用生菜包住食，傳統泰菜食法，無得輸食咁多肉，少不免扮健康叫個菜食下馬拉盞炒椰菜苗($85)，鹹香鹹香配香港比較少食到的椰菜苗，正主食方面，叫左乾炒海鮮米粉($86)，炒得夠乾身，海鮮並唔係雪到無晒味個隻有帶子粒，大蝦，魷魚片飲品有椰青波波($4

九龍城出名多正正嘅泰國餐廳 今日黎呢間真係好impressive 店員招呼周到 食物大件夾抵食 仲見到佢嘅裝潢 碗碟 餐具果啲都係用左黃色做主題 好有活力嘅感覺🤣食物方面 我地要左客黃咖喱牛腩 配薄餅食 咖喱唔係辣嘅 但好香 質感幾creamy 牛腩都好稔 完全唔痴牙 而做嘅傳統薄餅新鮮整出黎 熱辣辣 有少少脆口 咬開見到好細緻 一層層嘅蘇皮皮質 好正 配上咖喱完全係絕配💕另外試左味我地從未試過嘅 原隻魷魚筒釀糯米飯 本身都諗住百幾蚊 唔算貴 唔會太大碟 點知真係好大隻魷魚！入面糯米飯塞得好實 超抵食🤩 魷魚燒得好香 邊邊位有少少微焦 非常正最後佢嘅肉片炒河都好唔錯 雖然唔係啲咩特色野 只係一個平凡嘅小炒 但佢好夠鑊氣嘅香味 但食完又唔覺太熱氣 仲要唔係落好多油去炒 整體都好值得一讚🤫

我平均1個月都會食1次小曼谷,真係食開有感情,鍾意佢地既味道.今次又係去九龍城分店,8點去到門口仲有好多人排隊,好彩有book位唔使等咁耐冬蔭功湯(細) $132呢個我地揀左小辣,個湯係較酸既冬蔭功味道,無落咁多椰漿,有2大隻虎蝦!蝦食落肉質幾爽.泰皇咖喱軟殼蟹 $208有好多隻小軟殼蟹，咖喱好好味👍🏻法包點咖喱汁仲正🤤不過會食包食到好飽🤣泰式燒盲鰽 $171條魚食落唔腥,幾多肉,又唔多骨,只係稍為燒耐左少少同鹽落得重手左.但點返個泰式辣醬可以中和返個味.香葉辣椒豬肉碎炒飯(配荷包蛋) $81我好鍾意食呢個飯,成日去唔同泰國餐廳都會想試,個飯炒得好均勻,食落辣辣地,又唔油,好味!泰式千層糕+西米糕呢個餐廳送既，千層糕有濃郁嘅椰子味，食落煙煙韌韌，又唔會太甜，好味👍🏻西米糕落左粟米好搞笑🤣

小曼谷呢個名相信大家都唔會陌生，仲會好清楚係九龍城黎講係好出名嘅泰國餐廳。店內外環境都好有泰國當地嘅感覺，有陣時就係需要過下呢啲旅行癮，尤其係去唔到旅行嘅時候。先黎一個砂鍋煲翅，98蚊好抵食，啲翅都比得唔少，過下口癮絕對唔錯。碎肉生菜包係我例牌會叫嘅菜式，因為覺得有生菜包住啲食材再一齊食，個感覺健康啲，啲碎肉味道好掂，就咁用匙羹筆黎食都可以。我地仲叫左唔少串燒，其中包括燒鱔肉串，皮脆肉質夠彈牙，好新鮮！之後仲叫左牛舌，雞軟骨，牛肉，帶子等等，每樣食材都係燒得恰到好處。而飲品，我地就分別叫左椰汁珍多冰同埋椰青，其中椰汁珍多冰真係椰汁味香甜濃厚，好回味，而椰青鮮甜清新，真係透心涼。

自從屯馬線通車之後，去九龍城食泰國菜變得超方便，夜晚食飯又多個地方可以選擇。宋皇台站一出已經係九龍城裡面，行過一個街口，就見到呢間小曼谷海鮮燒烤屋。之前食過一次，覺得水準唔錯，所以再黎翻焯。門口呢隻吹氣公仔隔遠都見到，好易就會搵到呢間餐廳。門上貼滿唔同既獎項，所以水準都有保證今次叫左個明爐香檸汁蒸桂花魚，小曼谷炒飯，再加杯龍眼冰。話明明爐，當然就係滾住食。桂花魚蒸得啱啱好，好滑，唔老，火喉控制得好好，就算我地滾左一陣都仲係好滑。香檸汁除了酸酸地之外，其實都辣辣地。整個汁都係酸酸辣辣，好惹味，好開胃。小曼谷炒飯就係泰式蛋包飯。唔同其他餐廳只係鋪一塊頭蛋，呢度D 蛋皮係包住整個炒飯，上面同底面都係蛋皮。炒飯好足料，有海鮮，雞肉etc. 飯炒得粒粒分，好乾爽，帶有少少咖哩香味。配料仲有菠蘿，酸酸甜甜，非常好味

生日飯 朋友揀九龍城泰菜 本食打算食隆姐 但排十幾張枱 咪分頭去埋對面小曼谷 見佢好幾長龍 應該唔錯啦 十分鐘就有二人枱串燒18 元 叫左牛豬 各1 無乜特別 $72蒜蓉包 $32？$34 ？ 四片， 都ok 咖哩牛腩個汁水汪汪 掛唔到落個包 $91肉碎生菜包勁多肥肉 都唔緊要 但d 菜有污糟又爛+生鏽 好唔掂 $80？芒果椰汁沙冰 好似稀奶水 最差$36 整體來說 坐得唔舒服 價錢又唔系特別平又唔叫得上乾淨入去杯碗都少少立張枱超細總括： 味道麻麻 不會再幫襯

屯馬開通真的很興奮，今次就去左一向有小曼谷之稱既九龍城，亦姐係期待已久既宋皇臺站，雖然宋皇臺站都要行一段路先上到地面，不過一出過少少就會見到「小曼谷海鮮燒烤屋」呢間泰國餐廳都係九龍城較有名氣既其中一間，晚餐留左位都要等一陣先有位，太多人既關係，我地被安排左去隔離舖用餐泰式生蝦刺身生蝦新鮮彈牙，一片蒜片，一片辣椒，再蘸埋個酸辣汁，又酸又辣，真係味蕾刺激泰式酸辣鳳爪鳳爪很爽，因為有朋友唔食得辣，所以辣汁分開上，一道開胃既前菜芒果沙冰每次都係必飲既飲品，芒果同冰打碎，又甜又解渴泰式燒原隻鮮魷鮮魷燒至金黃焦香，特別係d魷魚鬚，燒既火喉控制得好好，唔會乾淨淨黃咖喱雞肉因應港人口味，黃咖喱一d都唔辣，勁多咖喱汁，蘸酥餅食就岩晒泰式原味烤酥餅酥餅新鮮整起，酥脆同唔算好油膩，蘸咖喱食真係好夾泰式蒜蓉包採上香草蒜蓉醬，惹味香脆明爐香檸汁蒸烏頭明爐蒸烏頭用上大量既香檸汁加辣椒，所以食落唔會覺得好腥，烏頭亦都嫩滑泰式鮮蝦炒金邊粉傳統既泰國炒粉，酸酸甜甜既味道，再撈埋d花生碎，更能增添口感同味道食物都幾有水準，特別係燒海鮮，雖然價錢唔平，同上菜速度都幾慢，但都有好多人幫襯就知佢咩料啦

朋友畢業要離開香港，所以我地一班人請距食飯，見到間鋪門口有個公仔，裝修又好似比較高檔，就決定過來食啦。見到菜單就O嘴了，價錢比較貴。都算了，點左幾個送，上來都五大份，都算了。但係味道真係令我好失望羅。 個魷魚無咩味，第二碟五知咩來既，只知道滴柚子有滴苦 未食飽，買單已經一千。應該都五會再來了。

屯馬開通真的很興奮...自從屯馬線開左, 多左黎九龍城, 今次約埋朋友黎食小曼谷, 九龍城既老字號泰菜!好采BOOK左位, 因為真係好多人食!!食泰菜一定要叫既小食拼盤, 細SIZE已經大大份, 有我最愛既蝦餅, 春卷, 雞棗同埋魚餅, 所以野都係新鮮炸起, 超好食, 尢其是蝦餅, 好彈牙好香口!另外叫左燒大蜆, 本身都係話得半打, 但上到枱有成9隻!!!蜆肉爽口鮮甜, 加上牛油同蒜蓉已經無得輸, 再配埋佢附帶既酸辣醬, 味道再提升,酸酸辣辣真係好惹味好好食!!

走入九龍城搵泰菜食朋友話呢間成日都排隊 所以走入去試吓啦 結果名大於實😔😔先講天口慶一坐低嗌左支啤酒 等咗好耐都未有 吹咗兩次先有🥲泰式生蝦肉質爽甜👍🏾👍🏾冬陰功 完全冇冬陰功味 唔知飲緊乜嘢湯👎🏿但係冬陰功隻蝦係新鮮嘅🤣🤣🤣$163.3隻大聖子 食落去唔新鮮的 冇味道可言泰式燒原隻鮮魷 呢個菜式千祈唔好期望太多上到嚟係好似魷魚乾咁 總之就係好奇怪泰式鳳爪同埋海南雞就正正常常建議真係入去食嘅朋友唔好有咁大嘅期望咁樣食千$2其實好唔值

去九龍城當然要食下泰國菜，今次來到這間非常受歡迎的泰國菜餐廳，味道真的很不錯！餐廳環境都幾大，有室內和室外的位置!餐牌上有多不同的泰國菜式可以揀!小曼谷泰式煲仔翅，這個煲仔翅令我想起小時候跟屋企人跟旅行團去泰國，那時候好興去食煲仔翅!味道幾鮮味，除了有翅仔外，還有冬菇、金華火腿，加入芫茜、醋，食落很惹味！泰式燒原隻鮮魷，鮮魷跟平時吃的魷魚有點不同，口感比平時爽口彈牙，而且是用新鮮魷魚，食落有鮮味，再點上酸辣醬，更加美味！黃咖哩牛腩 、泰式原味烤薄餅，牛腩整得好腍，咖哩都好香口，再跟薄餅一齊食，特別美味！泰式拼盤，大份的份量都真係幾多，拼盤分別有蝦餅、魚餅、春卷和雞棗！蝦餅炸得脆口，好有蝦的鮮味!春卷脆卜卜，點上酸辣汁，味道更惹味！西瓜沙冰，清甜的西瓜味，飲落非常解渴！椰皇沙冰，好香椰奶味，入面還有椰肉，口感豐富得黎又非常透心涼！

今晚諗住同朋友食好啲，所以去咗九龍城小曼谷食餐勁嘅，小曼谷依然人山人海，證明佢嘅水準依然係咁得。👍🏻〈豬肉、雞腎、雞軟骨、泰式臘腸沙嗲串燒〉🍢呢度有好多款串燒可以揀，個沙嗲醬真係超級出色，食食吓忍唔住要叫職員拎多一碟俾我哋，首推泰式臘腸同埋雞腎，好高質！〈泰式鐵板蠔餅〉🍳成大塊毛巾咁大嘅蠔餅，入邊有超多隻新鮮又大粒嘅蠔仔，蠔餅煎得唔會太乾而且分量超多。〈招牌海南雞〉🐔呢度嘅海南雞係有少少骨，但係依然啖啖肉，肉質唔鞋之餘仲好滑。〈冬蔭雞湯〉🍲我同朋友太睇小呢一個湯嘅份量,我哋每人飲咗兩碗之後都仲有三份一剩,非常鮮味,而且仲有雞肉食,酸酸地非常開胃。〈鐵板豬頸肉馬拉盞通菜〉🥙不嬲都好鍾意食呢度嘅馬拉盞通菜，炒得好有鑊氣之餘，調味仲好夠，今次試呢個鐵板豬頸肉，豬頸肉份量仲好多，兩個人食都爭啲食唔晒。〈榴槤糯米飯〉🍚喺出邊食芒果糯米飯就見得多，但係榴槤糯米飯就好少見，因為朋友好鍾意食榴槤，所以就嗌黎試吓，點知估唔到原來咁好食，榴槤肉嘅份量超級多，食完啲糯米飯都仲有榴槤肉剩，大推！

好久沒出街食飯，有啲掛住泰菜，又去左九龍城，之前食過小曼谷海鮮燒烤屋的印象吾錯，所以再去幫襯，今次叫左炸蝦片，好快就上枱（蝦片香脆帶點微辣，邊吹水邊食，邊等其他製作），泰式炸春卷（配有生菜，春卷好脆口，再用生菜包住，份外清新，減去熱氣感），鮮菠蘿海鮮炒飯（炒飯粒粒分明，撈入鮮甜既鮮菠蘿及提子乾等令炒飯多左一種鮮甜，海鮮有蝦、帶子，魷魚等），泰式干炒肉片河（惹味），半隻招牌海南雞（肥瘦適中，雞肉嫩滑，點埋個醬，另一番味道），滿足！

屯馬開通真的很興奮。真的很久很久沒有去過九龍城，因為以前要去，真係好唔方便，但依家有左屯馬線：宋皇臺站，我諗可以日日黎都得。講笑啫，最多咪一星期一次，不過真係好耐無食泰國野，一話要黎九龍城，緊係揾一間人龍店啦不過等左一陣就有少少後悔，因為話明人龍店，緊係要等位，但係你諗下3x℃，等左成個鐘，真係即刻無咩胃口不過好彩呢度既食物質素，都可以令你等一下既，如果唔係真係會想死。好似呢個蝦餅真係好有蝦味，炸漿好薄，又有脆口彈牙口感，好好食。泰式phat 酸酸甜甜，蝦球爽口彈牙，好似真係去左曼谷一樣。不過冬蔭功就一般，可能我喜歡茄味多D同埋辣D既味道，呢個就唔係我既口味。咖喱花甲，咖喱好濃郁，加埋蒜蓉包食一流，不過花甲得好少，變左好似order淨汁咁，下次唔會叫花甲。生菜包味道啱啱好，炒得好香，有少少汁，菜好爽脆，包埋一齊食好正。總括真係好似去左泰國既感覺，食物好有地道風味，黎到依度當去左旅行啦。

老實講，人怕出名，豬怕肥，店出名自然多人來。 今次覺得佢地服務真係好一般，男果兩個無來醒目，點都好，有叫佢都叫有做，唔叫佢就當睇唔到，主動少少唔洗怕蝕既，客人一定感受到。大家睇睇食咩先。。。原來係用qr code落單，甘俾份menu都係多餘，不如提供wifi俾人落單好過啦蝦餅真係好食，望落去大大份，而且表面剛好金黃色，真係好吸引。 咬落去就有彈牙感，而且有蝦肉，絕對係誠意之作點知個蠔餅係靚呀，不過勁少蠔囉