影片
更多
2008-11-06
19 浏览
6-11-2008本身唔係太鍾意食泰國菜, 一直無興趣逐間試屋企樓下的泰菜館, 亦所以來來去去只識去金泰燒烤... 趁今日 E「大駕光臨」九龍城, 一行 3 人0黎試試呢間人氣店. 叫了幾款「推介」食物 share 食, 包括炒0野及串燒, 食完第一個諗法, 係「點解會有咁多人排隊的??」:- 小曼谷炒河: 用花生醬乾炒, 配料就有蝦, 蔥段, 椰菜 etc, 炒得幾乾身, 河粉就黐埋一餅0野, 食落花生醬味道強勁, 又帶點蝦醬香 (!?), 味道一般, 加上實在太唔夠熱了, 印象打了大折!- 串燒雞腎: 味道還好, 但幾韌又幾「膠」0下, 麻麻0地. 唉, 等我0地仲叫了兩串 tim!- 串燒豬肉: 唔夠熱, 肉腍, 有肉汁, 醃得均勻, 味道 ok.- 串燒雞肉: 又係唔夠熱, 味道同豬肉一模一樣, 肉就比豬肉0鞋口, 唔好食; 而沙爹汁就少少辣, 但完全唔香, 唔掂.- 小食併盤 (細): 荷葉包(炸)雞味道係醃料味, 雖然唔油膩, 但實在十分乾0鞋, 好難吃; 春卷好硬, 餡料粉多過乜, 幾難吃; 魚餅腍腍的又油油的, 香茅味唔夠, 麻麻; 最好食係蝦餅, 炸得熱
本身唔係太鍾意食泰國菜, 一直無興趣逐間試屋企樓下的泰菜館, 亦所以來來去去只識去金泰燒烤... 趁今日 E「大駕光臨」九龍城, 一行 3 人0黎試試呢間人氣店. 叫了幾款「推介」食物 share 食, 包括炒0野及串燒, 食完第一個諗法, 係「點解會有咁多人排隊的??」:
- 小曼谷炒河: 用花生醬乾炒, 配料就有蝦, 蔥段, 椰菜 etc, 炒得幾乾身, 河粉就黐埋一餅0野, 食落花生醬味道強勁, 又帶點蝦醬香 (!?), 味道一般, 加上實在太唔夠熱了, 印象打了大折!
- 串燒雞腎: 味道還好, 但幾韌又幾「膠」0下, 麻麻0地. 唉, 等我0地仲叫了兩串 tim!
- 串燒豬肉: 唔夠熱, 肉腍, 有肉汁, 醃得均勻, 味道 ok.
- 串燒雞肉: 又係唔夠熱, 味道同豬肉一模一樣, 肉就比豬肉0鞋口, 唔好食; 而沙爹汁就少少辣, 但完全唔香, 唔掂.
- 小食併盤 (細): 荷葉包(炸)雞味道係醃料味, 雖然唔油膩, 但實在十分乾0鞋, 好難吃; 春卷好硬, 餡料粉多過乜, 幾難吃; 魚餅腍腍的又油油的, 香茅味唔夠, 麻麻; 最好食係蝦餅, 炸得熱辣辣, 蝦膠彈牙又幾鮮味, 蘸少少酸辣醬幾開胃惹味.
- 鹹魚炒椰菜苗: 估唔到成餐飯最好食會係呢碟... 椰菜苗新鮮爽脆, 配上鹹魚粒, 幾香口, 可惜唔多夠熱.
仲叫了個椰青飲, 又係估唔到幾掂 -- 清甜, 雖然挖到好少肉, 但椰肉嫩滑得似湯河, 唔錯.
3 個人坐 4 人卡位, 唔迫, 但唔坐卡位的話就會好迫, 走廊十分狹窄! 招呼一般.
每人約 $90, 又唔算好平, 但食物幾唔掂, 唔會再幫襯了!
张贴
