小曼谷泰國美食站

营业中

休息中

完全找不到蟹肉，店員稱在蛋內，吃了一半也吃不到蟹肉，名不符實，完全不值!比芙蓉飯還要差，非常多油，味道亦極差!!😡😡😡😡😡😡絕對不會再有下一次呢！感覺太差了

食物😋榴槤沙冰🍧最近好想食榴槤叫咗杯榴槤沙冰超級有榴槤味我覺得係必點😋豬頸肉馬拉盞通菜食泰國野當然唔少得叫個炒通菜🤪都幾夠穫氣 香葉辣肉碎炒飯都幾正中，幾夠辣😝有隻流心煎蛋🍳鋪面椰汁糕～童年回憶返哂黎😋其實已經好飽 但仲想食甜品 以為得4粒 原來有6粒 幾抵食🤪環境🛋餐廳裝修有泰國風味，又有小火車🚄，當去左泰國🇹🇭旅行咁食泰菜😍☺️坐得舒服😌巧有feel ,唔錯唔錯 疫情衛生關係，兩個人都坐到4人枱，又scan QR code order ,方便又減少接觸👍🏻

豬頸肉份量幾大，肉質夠嫩又香口，醬汁稍微偏甜，個人鍾意唔點醬汁直接食。雞腳沙律有好多配菜，雞腳唔算多，不過基本冇骨，酸辣味適中，消濟精選～炸蠔餅賣相一般，蠔幾大隻，底下配菜可以吸油。不過都係略嫌油多左，加啲配送嘅蒜蓉辣椒醬，會好啲～椰汁沙冰好大杯，好清爽，有少少椰子粒粒，鍾意。今晚最好食係個金邊粉，份量大，幾隻蝦都算大隻，彈牙。粉嘅口感軟硬適中，又入味～埋位之後會送一碗冬蔭功湯，酸酸辣辣，開胃醒神～

今日嚟到銅鑼灣食泰菜！小曼谷相信好多人都有食過㗎喇，我通常就係食九龍城嗰間嘅，今日就等我同朋友試吓呢間分店如何先！門口有個火車頭。原來呢度會有live Music架喎，不過我嗰日就冇。我覺得呢盞燈好靚哈哈🤣泰式生蝦刺身 $128啲蝦夠新鮮同爽口，配個泰式辣汁好惹味。香葉辣椒海鮮炒米粉 $93呢個有蝦，帶子同埋魷魚，食落去其實唔辣，炒米粉係比較乾身嘅，有啲食唔慣，可能我食開都係炒河，但係份量好多我哋兩個人係食唔晒嘅😅泰皇咖喱法包軟殼蟹 $228次次黎都會食呢個，好鍾意食軟殼蟹，法包配咖喱真係好好味。食唔停口！但會食到好飽🤣泰式燒盲鰽 $178魚肉夠嫩，多汁又唔腥，都係配個泰式辣汁好正。泰式千層糕 $49呢個千層糕本來以為得兩三舊，點知有六大嚿！有濃郁嘅椰子味，食落煙煙韌韌，又唔會太甜，好味！朋友仲要外賣多一份比屋企人食😆泰式龍眼冰 $33椰汁冰 $33

鍾意食泰菜 又唔想去到九龍城咁遠 朋友帶咗我哋嚟呢一間係tower535 銅鑼灣嘅小曼谷泰國美食站 估唔到港島區都有抵食泰菜 人均$200左右 椰青：又多肉又多汁💦 唔會飲兩啖就冇哂 好甜好清新👍🏻夏日炎炎 行完街身水身汗 坐低舒舒服服飲杯椰青就滿分💯冬陰功：身為愛辣一分子 黎得泰國餐廳 又點少得叫冬陰公湯🌶好濃蝦味🦐幾隻好大隻嘅大蝦 多肉爽口 酸酸辣辣 好惹味 配埋岩岩嘅椰青 一辣一甜 好夾啊😍青咖喱牛腩：牛腩好入味 好林 一兜好多肉 一啲都唔偷工減料 試過有啲青咖哩水分太重 好稀唔好食 但呢個就夠哂濃稠 好正啊 👍🏻👍🏻唔算好辣 甜甜地岩岩好 撈飯食一流🤤 如果可以 叫埋個薄餅或者配白飯就完美🤤🤤豬頸肉：燒得好juicy 厚度岩岩好 配埋秘制辣汁 食過翻尋味 一定要encore!!!

今日放工就去試吓呢間，我見好多人食，好彩預先book定位，weekdays都好多人🤭我地兩個女仔叫咗五個嘢食+2杯嘢飲😮‍💨飽到呢🦐泰式生蝦刺身，份量唔多但係新鮮爽口，佢地嘅泰式汁好好味，甜酸到啱啱好👍🏻🍽香葉辣椒海鮮炒米粉，呢個有蝦，帶子同魷魚，而且份量好多😆我哋係食唔晒嘅🥘泰皇咖喱法包軟殼蟹，咖喱配呢個法包好夾，咁大個包差唔多食晒🤭而且軟殼蟹份量都唔少，至少有兩隻🤫🐟泰式燒盲曹，呢個好味😋同生蝦個汁係一樣嘅，魚身燒到啱啱好，魚肉唔會乾身而且重好嫩滑🈶️魚汁🫒泰式千層糕，好濃郁嘅椰子味，好鍾意個口感，煙煙韌韌而且又唔太甜👍🏻我其實最想食明爐烏頭點知🈚️晒🥲下次要早啲嚟先🉐️，呢間餐廳門口有架火車頭，同泰國夜市嗰個差唔多🤫完全係打卡位😆

疫情期間未有得去泰國旅行✈好掛住泰國野🍍🍲🫕嚟咗呢度食泰式晚餐🍲地點方便🥰銅鑼灣地鐵站D1出口大概行五分鐘左右就到👉去到餐廳門口 見到一架蒸汽火車 好吸引 餐廳好有泰國風情感覺 啱曬打卡📷 座位寬闊🦐泰式鮮蝦炒金邊粉 $98鮮蝦結實 金邊粉幼身爽口  配料好夠  撈埋花生碎一齊食好正 🍍鮮菠蘿雞肉炒飯 $88平時我好鍾意食飯🍚 酸酸甜甜嘅菠蘿🍍加雞肉配上有鑊氣嘅炒飯底🍚🍳配料有肉鬆 雜豆 提子乾等 🥬泰式馬拉盞炒椰菜苗 $92調味啱啱好 夠曬惹味 撈飯最正 💚泰式炸春卷 $82春卷脆卜卜 餡料好多上菜好快👏食物夠熱♨️即叫即整

久違的泰菜，我又去小曼谷了！泰式柚子沙律 $108色彩繽紛，賣相極吸引，夏日炎炎，吃個沙律很開胃。除了爽甜多汁的柚子肉、彈牙的鮮蝦、還有帶甜的椰子絲，好美味，每次是必點！泰式乾炒米粉 $93端上檯已傳來陣陣香味，夠鑊氣，繼續是海鮮，又是蝦蝦蝦。米粉夠乾身，有帶子、蝦、魷魚、芥蘭、蛋等，用料十足，很有地道風味。泰式拼盤 $156（細）每款2件，上檯是大大份，好足料有香脆的雞棗彈牙的蝦餅有咖哩風味的炸春卷有香茅風味的魚餅

朋友話知道我鍾意泰國菜夠惹味, 已經訂咗枱同我食晚飯🤩 行到嚟餐廳門口已經覺得幾有泰式夜市嘅style👍🏼我哋兩個人, 揀咗一樣咖哩, 一個菜, 一個炒飯, 同埋再加配咗一樣特色食品‼️各樣味道都不錯, 有地道泰式嘅風味‼️ 青咖哩豬頸肉熱辣辣上枱, 因為我哋叫咗個炒飯所以就冇另外加配蒜蓉包或者薄餅啦🤭 如果多啲人食嘅話一定會加, 可以吸曬啲醬😆 香葉肉碎炒飯份量足夠二人分享😋炒得幾香同埋乾身, 微辣, 上邊仲加埋隻半煎炸太陽蛋添‼️炒通菜有兩款味道揀, 我哋就揀咗餐牌上面有一隻辣椒嗰隻～ 通菜嫩綠, 味道炒得香口惹味🤤 泰式炒通菜真係冇得輸～見到放喺枱面上嘅細廣告牌寫住惠顧食品可以優惠價叫一份泰式煲仔翅, 我哋就叫咗喇‼️加20蚊仲可以加埋花膠, 補下骨膠原😆 煲仔翅煲到超熱上枱, 都幾多料呀, 唔太重味,所以另外跟埋淮鹽胡椒粉、芫茜、紅醋, 跟個人喜好自己加上～ 仲有生芽菜呀👍🏼

721前夕，繼續憑良心醫肚。今晚，我們就到「小曼谷泰國美食站」撐枱腳！店前大大個火車頭，非常搶眼！餐廳環境寬敞，傾偈吹水都不怕騷擾他人！泰式拼盤（$156）有蝦餅、有春卷，香脆惹味；每款兩件，二人餐啱啱好！黃咖喱海鮮（$108）由於我怕辣，所以揀了香甜的黃咖喱！細細碗咖喱，裡面又青口又扇貝，正！泰式原味烤酥餅（$45）有咖喱，當然要配酥餅吃啦！泰式咸肉炒椰菜苗（$92）椰菜苗很鮮嫩，但略嫌有些油膩！泰式鮮蝦炒金邊粉（$98）吃泰國菜，點少得金邊粉！大大碟，好飽滿！最後埋單$548，每人$274。

搵食行遠d，今次去左銅鑼灣食泰國野。一去到餐廳門口就見到一大架火車，好誇張，入面仲有好多小擺設都係火車主題的，好有心思。今次同朋友就唔係好餓，所以唔算叫左好多野食，但整體都好滿意d食物，真係好地道既泰國菜！必點泰式木瓜沙律：醒胃必點之選，食親泰國菜都一定要叫木瓜沙律，開胃又好味。泰式馬拉盞通菜：濃味必選，通菜爽口，辣度足夠，正！香葉辣椒雞肉炒河：鑊氣一流，調味出色，不過有點兒太辣！泰式芝士烤薄餅：是日最愛，烤餅勁有層次勁脆，芝士超香濃，48蚊4件真係可以無限encore！

生日飯朋友揀咗呢度食，環境望落去都幾好，不過可能坐位有限，所以2人都係單丁一張枱仔，望到隔離左右大家都係迫住嚟坐，直頭係手踭掂到手踭明白嘅～租金貴，地方細，所以大家將就下😅食物整體嚟講都幾好，上菜都快，我哋落order時都就住張枱size嚟order,只係暫時order 4款嘢，但張枱已經係放唔到，啲碟係已經出晒界，頂到個人咁滯～同埋職員見到枱面唔夠位放，都唔想方法諗下點位擺放好，係等我哋去幫佢去騰空啲位置出嚟俾佢放，最後有啲叫佢換隻細碟放，先放得齊4款食物🙄食完4樣先再加多兩款菜～

一直都聽唔少朋友話小曼谷是間唔錯嘅泰國餐廳，又傳統泰菜到創新fusion 菜都唔錯。今日專登約左朋友K去小曼谷銅鑼灣店，佢開響總統戲院附近嘅新商場，535tower地庫,非常就腳，又易搵到。V仔早到左就響餐廳出面等左一陣，一去到見到好大個火車頭，十分易見。裝修有工業feel,一睇就知，鋪頭都知幾有創意。入座時，都見到台台客都大大碟野，幾抵下。V仔見到餐牌都好難🤯選擇，樣樣都想食。吸引咗V仔嘅係A+B餐海鮮孖寶，主要都係小曼谷嘅招牌菜，V仔鍾情海南雞，但又好想食大蜆，大蝦，都好吸引，不過，朋友K要清淡啲，就點左燒肓曹，V仔都非常滿意，因為香料焗魚係V仔嘅拿手菜，就回一回。結果就叫左半只海南雞加泰式肓曹，海鮮孖寶，再加知炒雜菜，又魚又肉又有菜。正😄。肓曹係值得一贊，都燒得嫩滑，唔會over cook.海南雞就頗有雞味。下次好再試試佢嘅其他招牌，串燒同海鮮大蝦同蟶子等等。期待下次。

小曼谷一向都好出名，今晚dinner就食泰菜，叫左個青咖哩豬頸肉，少少辣，咖哩係稀身個款，入面有好多塊豬頸肉，仲有茄子等等既配料，好岩用黎送飯，可以話係白飯小偷呀! 之後叫左個炸蝦餅(細)，上台已經係每件一開二咁樣，都好大舊，同埋表皮炸得好脆，真係做到外脆內軟。金邊粉好香，入面仲好足料，D蝦大隻又彈牙。飛天通菜好惹味，唔會咸。另外都叫左帶子串燒，原來燒帶子再配沙嗲醬都夾! 中間仲有蕃茄仔，可以解膩，沙嗲醬仲好濃郁。芒果糯米飯D芒果好甜，好好食。不過都幾飽肚，想食甜品就要留肚啦！ 野飲都好出色，芒果沙冰好透心涼！

好耐冇外出吃飯，今日去咗位於銅鑼灣嘅小曼谷泰國美食站，餐廳位銅鑼灣謝斐道535號Tower 535地庫B02舖，由銅鑼灣港鐵站D4出口，行三分鐘就到，地點非常方便；門口大大架醒目嘅火車頭，一眼就認到，包保唔會錯豬肉碎生菜包有少少辣，對於我呢啲只係食得少少辣到嘅，呢種辣味啱啱好；爽脆嘅生菜夾住熱辣辣嘅豬肉碎，一絕風味燒豬頸肉頸肉燒得非常香脆，又爽口，配合埋特製醬汁， 十分出色泰式炒雜菜佢哋嘅炒雜菜十分有水準，喺屋企真係煮唔到呢隻味道小曼谷原隻芒果糯米飯每次食泰國嘢，呢個係必點之選，每個地方嘅芒果糯米飯都總有佢嘅特色，今次嘅特色係椰汁非常咁香甜，糯米飯「堙韌」，食落口一啲都「痴牙」，芒果夠甜，一啲都唔酸，下次再嚟都係必然之選