小島料理

营业中

休息中

Menu上唔多野，慢煮牛飯，壽喜燒牛飯，咖哩雞飯，豬肉碎飯，我全部食過，都好好食，各有千秋。本人尤其欣賞飯本身，好想問佢地點煮，粒粒分明煙韌不過如果個湯放多少少心機就更好，感覺係高質丼飯配了低級餐湯

大角咀多小店,好容易搵到新開既特色餐廳主打和風裝修 食日本小食 日式菜單每份餐都跟日式沙律 和綠茶一杯 好食過平時既中華沙律 辣辣地幾開胃奶油咖哩雞 用奶油代替忌廉煮咖哩 比起一般食到既口感更濃更杰身 薯仔切成細粒更加易入口咖哩味濃香 味道似港式風味但帶點南洋特色 個汁好滑身 雞肉特別嫩滑多汁壽喜燒牛丼 用壽喜燒汁煮牛肉片 每片牛肉都好入味 個汁又香又甜拌以日本飯非常好食連隻茶杯都非常靚,幾有心機煮 老闆又友善大角咀櫸樹街58號地舖平均消費$150評分8/10

又係大角咀小店💛人手同坐位都好有限，想食就早啲到喇！慢煮西冷牛丼並盛 $70 （包湯、前菜）前菜同湯都好味，有日式家庭小店嘅風味。所長好欣賞個menu分咗小盛、並盛同大盛有不同價格，客人可以根據自己當日食量選擇，唔會做成蓋飯或者丼飯常見嘅浪費👍🏻 慢煮可選西冷或者貴少少嘅肉眼，所長今次揀咗西冷已經好好味，肉好軟腍，簡單嘅調味加埋隻蛋黃，幸福感滿滿😌牛丼配以小量蔬菜，做到啖啖飯都有餸食嘅效果👏🏻奶油咖喱雞飯 $58 （包湯、前菜）怕食生生地嘅牛肉或者唔食紅肉可以揀呢個，因為係奶油咖喱口味偏甜，完全唔食辣都冇問題一定食到👌🏻另外仲有一個沖繩豬肉塔可飯，下次再嚟要試埋！😍

呢間餐廳鋪仔細細，有啲日式家庭小店嘅感覺😗menu入面嘅選擇唔算太多，因為怕牛丼好快賣晒，所以一早wts定留住先🤤本身包左前菜同湯，不過因為天氣太熱所以+$8飲佢地嘅黑豆水😚前菜就係啲細細條嘅菇🍄#慢煮肉眼牛丼 (大盛$110)😋好味指數：(8/10) 有分小盛﹑并盛同大盛，飯嘅份量係一樣，不過肉量就會隨size加30%😋牛肉有小小黑胡椒調味，上面有日本生雞蛋，下面就有啲有醬汁嘅生菜絲，好中意牛肉上面嘅乳酪汁😍慢煮過嘅牛肉好軟嫩，肉味濃郁😋呢個價錢都幾抵食😚最後仲送咗蛋糕仔比我地食添😙

大角咀💛性價比超高慢煮牛肉丼定食🔸慢煮牛肉丼飯定食（可選西冷或肉眼）包括前菜、湯或茶+日本蛋最便宜的$55/set*美國安格斯牛肉性價比超級高👌🏻👌🏻👌🏻👌🏻👌🏻圖中是並盛(中size)，大概有8-9塊牛肉。牛肉經過慢煮，顏色較為粉嫩，即叫即燒。每塊也有一定厚度的，不是超級薄切呢。牛肉下還有一層的生菜，前菜的牛蒡也很好吃啊！配菜翠玉瓜和🌽充滿牛油香，非常好吃。後記：小店值得支持，除了牛肉，還有豬肉和雞飯定食。以這個價錢來說，不能要求日本和牛的質素，但性價比非常高！🤩…………………. ………. …………………. ……….

大角咀一間超高cp嘅隱世日式小店🇯🇵💛 每日嘅丼飯都係限量供應 甚至要打電話預約😱▪️8.5/10▫️<< 慢煮肉眼牛丼 並盛 >> $90 必食‼️薄切肉眼蓋 肉質滑嫩 有咬口👅 牛肉經慢煮 牛味好濃郁 油脂花紋分佈均勻🐮 篤穿蛋黃 撈入充滿醬汁嘅丼飯 加上特製乳酪醬 將牛肉完全昇華😍▪️8.5/10▫️<< 沖繩豬肉塔可飯 >> $58 著名沖繩料理♥️ 將墨西哥taco🌮️配料撈入飯中 豬肉碎用上小茴香、孜然等香料醃製 勁惹味🤤 再加上大量乳酪醬、生洋蔥🧅、蕃茄粒🍅同生菜絲 味道好rich 日式mix美式嘅味道😍🌿店舖不大 窗台位佈置多小心思 用上簡約和風木系裝潢 好有日本深夜飯堂感覺🎑🇯🇵🐽總括嚟講 餐廳食物接近日本味道 價錢好扺又極高質‼️ 塔可飯更加係香港好罕有 值得一試👍🏻💛 一讚自家製薏米水超好飲‼️ 難怪堂食一座位難求 而且餐廳每日材料有限 想食到心頭好 最好叫定老細預留🤗

上星期因為工作關係 路經大角咀搜尋一下附近有乜好食偶然下發現左呢間小店日式簡潔裝修 温馨感覺餐牌上只有數款選擇 當然要選擇比較少有既慢煮西冷牛丼等候期間 店主先送上一碟餐前小菜 還有一碗日式紫菜湯 非常貼心過一會主角登場 當時心諗 55蚊可以有咁既質素慢煮牛有大約8片 配以生蛋黃 生菜絲 略微煎過既翠玉瓜 仲有店主自家調配既乳酪汁 食落牛肉十分軟嫩 全碗丼飯簡直係完美既配合之後同店主傾下 呢個質素既牛 賣咁既價錢真係有錢賺？店主話只有微利 但希望多D人可以嘗試 所以定價比較低年輕人良心店主 加油好人一生平安

在大角咀富多來商場，向來有好多出色的小店，除左蔥仔越南包外，隔離有呢間小島料理，開業大約半年左右，主力牛丼。它門面是非常日式裝修，好似去左日本咁🇯🇵由於小店的座位有限，平時lunch都要等下先有位，好食既野，等陣都值得。牛丼分小盛、並盛、大盛，肉量按30%遞增。今次叫左一客西冷牛（並盛）同埋肉眼牛（並盛），從肉眼上好似無咩分別，但食落肉眼牛比西冷牛冧少少，更重牛味，個人覺得西冷牛丼已經好好味😋，但肉眼牛更出色。牛肉內有少少黑胡椒味，再加上芝士醬汁，真係好似在大阪食緊Red Rock😂

餐廳評價 (●´ω｀●)ゞ有一日發現左呢間大角咀新開既日系餐廳 見到佢MENU上邊選擇唔多 主打係牛丼飯不過吸引到我眼球既係佢店入邊另一個推介"沖繩豬肉塔可飯"我個人本身係好喜歡TACO 但真係未試過TACO+飯 咁就一定係試一試佢先架啦d(`･∀･)b不過堂食實在太多人 所以叫左外賣拎走食物評價(σ′▽‵)′▽‵)σ▲ 沖繩豬肉塔可飯入邊既材料同一般TACO差不多 : 調味碎肉粒, 蕃茄粒, 生菜絲再加酸忌廉個飯果然同店主講既一樣 食左一淡就會一淡又一淡咁 然後最後發現已經清哂碗飯_(:3 」∠ )_雖然個飯有一大PAT酸忌廉 但估唔到又唔會太濃味 仲襯托返其他食材既味道 完全唔覺得漏下次有機會會試埋牛丼飯(๑´ڡ`๑)

小島料理是大角咀的新寵。專注只售幾款牛或豚肉當，保持每次去食都高水準。食物共4款，客人不用花多眼亂。我選了一個西冷小盛(少飯)，配前菜和薏米水。小盛指肉量減少，但飯量不變，所以女士可另外叫少飯。雖說這是小盛，但也有9~10片牛，我已經很滿足。牛質嫩，牛片厚薄及煎的時間恰到好處，醬汁也不錯，溫泉蛋令飯更加稠，豐富口感和味道。.小店以木色系為裝修主調，予人一種非常柔和像家的感覺，忙碌一番後，到小店靜靜享受別緻的牛當，喝一口薏米水，多寫意，整天的煩惱一掃而空。🍲 西冷牛當（小盛）$55

大角咀呢排又多咗食店開張見到呢間門面咁日系🇯🇵比佢吸引咗裡裡外外都好有日本小店嘅feel睇嘢食都相當吸引 主打丼飯🍚但比我見到個幾特別嘅塔可飯沖繩豬肉塔可飯 $58呢個飯有配埋個湯同小食個湯仲係柴魚湯 個底有啲紫菜 味道好香濃 好好飲 唔洗好似平時啲日本嘢得味噌湯做例湯咁寡豬肉 生菜 蕃茄 洋蔥粒 乳酪醬全部嘢撈埋一齊食 個感覺好似沙律飯有蕃茄同洋蔥 食落好fresh嘅感覺仲好大碗飯 最後食唔哂 好飽飽😋下次會想試牛飯 好似好吸引咁日式嘅小店 靚靚打卡之餘又好食再search先發現仲要係黄店！💛黄店加分 gchi gchi 🥰🥰

係大角咀左揀右揀都唔知食咩好今次就見到有間主打日本菜嘅新店開張無耐價錢又唔太貴 就入左去食🤣本身想試下佢哋嘅牛丼 睇賣相好吸引咁🤩不過近排食得牛肉多 今次就食親子丼啦因為小店主要由一位廚師製作食物 所以就等左一陣子🍱親子丼($50)一隻生蛋黃再加好多雞粒放係飯上面雞粒好入味 但係連雞皮嘅🐣去左皮食就似乎細舊左少少白飯好大碗 亦淋上日本醬汁食到最尾就覺得好鹹喇套餐跟前菜同一杯飲品🥗前菜 其實我唔係太食得出入面有咩配料 所以唔講太多🍵而飲品有黑豆茶同薏米茶揀我就揀左黑豆茶 味道都濃 可以用黎沖淡下丼飯嘅鹹味🧐

“西冷牛丼 並盛”($70)“壽喜牛丼”($50)不經意喺大角咀發現到間食日式丼嘅小店☺️所以就趁男朋友放lunch同佢一齊試吓😆呢道提供咗5款丼飯所有丼飯都跟埋前菜,湯/熱茶🍵我哋就揀咗西冷牛丼同壽喜牛丼🐮西冷牛丼分3個size飯量係一樣嘅而牛嘅數量就隨size增30%😋西冷牛丼仲配有雜菜,生菜絲,日本生蛋同乳酪醬壽喜牛丼就冇分size同樣配有日本生蛋仲有洋蔥絲中size嘅西冷牛丼大約有10片牛☺️牛肉食落一啲都唔韌🤤配埋乳酪醬同生蛋真係幾正☺️而壽喜牛丼味道就會偏甜少少牛肉份量比得好足🤩以呢個價錢嚟講都算抵食☺️

今日行經大角咀，見FB食團有人介紹過依間食店，所以就膽粗粗入去試下。值得一提既係，佢中午開始營業時間係12點左右，但我1點左右入到去，已經只剩沖繩豬肉塔可飯可以食，而且仲要係最後2碗。所以提提有心想去食既朋友，一係預先電話落單，一係早D去食。可以選擇既款式唔多，而且我今次仲要係無得選。不過真心幾好食。一入到去，第一個感覺係好細間。但裝飾好簡潔，睇得出係有落左D心絲。依個柴魚湯值得一讚，真係好濃味，完全唔係出面果D例湯可以相比。前菜有一小碟麻油雜菌，好清新可口，係等飯既時候食住依個小菜，係一個好安排。沖繩豬肉塔可飯一開頭見佢甘多生蕃茄粒係面，心裡想左句：無係甘玩呀嘩。點知將佢同豬肉同飯搞拌後，一食先知甘好食。原因係原來佢本身個肉係有D辣，當佢同蕃茄粒拌勻後，蕃茄減走左辣度，但同時增加左清爽，所以食落去反而好夾。有驚喜。而且個飯既份量都好多，食完個飯真係好飽。

《小島》新開了個多月，舖面細細，兩人枱/四人枱各兩張，裝修簡約，十二點多便坐滿了人。菜單也走簡約風，可選的是 西冷 / 肉眼牛丼，壽喜牛丼和豬肉塔可飯。見圖是並盛份量的西冷牛丼，西冷牛肉薄切大約十片，配上蛋汁與 乳酪汁（很似辣根醬），牛味豐富可口。建議餐廳可以提供一些各類丼飯既資訊或相片，例如，關於「沖繩豬肉塔可飯」（taco rice？) 賣相，丼飯配菜等，暫時食客未有具體資料。總括午餐味道份量舒適度品評，《小島》專注牛肉，出品尚佳，朋友們路經可以一試。