小寶當家 (已結業)

韋小寶有七個老婆，想要溫柔賢淑的，有。想要愛撒嬌可愛的，有。想要霸氣十足，都有。這回來到元朗這間小寶當家，要酒，要伴酒小食，要食意粉，要甜品，當然是要乜都有啦！紫藍的設計雖然給人冰冷的感覺，但是配上黑白的階磚，好像走入一個夢境之中。鋪頭的主人應該是很喜歡小動物，特別是貓，我都好鐘意他們的擺設。西多士食得多，來個黑金剛，睇下你點玩轉先！？嘩， 東邪西毒，南帝北丐，中神通！！！入面是濃濃的黑芝麻醬， 原來芝麻醬配西多士好好味，西多士炸得好鬆軟，雲呢拿雪糕加上朱古力脆皮加埋oreo, 好有心機呀！仲可以食埋奇異果，士多啤梨，同藍莓，一次滿足我曬我的願望。再試一下泡菜豬肉香脆芝士餅卷用上藍色的花碟放上芝士餅， 心花怒放。芝士餅底，好像印度薄餅，芝士好重手，一拉出來成尺遠。泡菜夠辣，味道深入香脆的餅底之中，旁邊還放了日本燒餅常見到木魚同青菜絲。鋪頭主人話乳酪係自家製的，推介我地食呢個甜品。多心的我當然是要一個世外桃園啦！最底層係燕麥，乳酪，再放上果醬，再一層乳酪，圍了奇異果片，最頂層有新鮮士多啤梨，奇異果，菠蘿，藍莓，中間放了雲呢拿雪糕， 最棧鬼係爆炸糖，食落去咇烈叭，好似俾人用機關槍數射😆😆自

同友人失驚無神放工走左入元朗尋食！又新街出名多小店多野食，見到呢間小寶當家，被店面吸左入去！MEUN 已經覺得好新潮，玩味十足！其實小店的食物款式非常多，多到唔知食咩好哈哈哈！同友人都係最喜歡食煎炸物，粒粒粟米忌廉薯餅$38 即炸，忌廉好CREAMY，加埋粟米就好有口感！好味 <3另外，叫左 香脆芝士餅卷(粟米蟹柳味)$36。外皮係類似手抓餅 煎到好香脆 <3 入面有好多芝士，好邪惡！仲有最鐘意食的蜜糖雞中翼$36意想不到的入味！蘋果沙冰 – 好大杯，賣相吸引, 有青蘋果的酸酸甜甜味道，仲有果肉係入面！雖然冇食到主食，但2人SHARE左個香脆芝士餅卷已經好飽但甜品有另一個胃！所以ORDER左個藍莓魔豆酵乳酪$32。(樣已經好靚喇<3 ) 上面除左有雪糕之外，仲有燕麥，藍莓係到~仲加左爆炸糖係入面，有驚喜！提外話，店主好有愛心！ 除左野食好味外，仲因為店主的愛心而加晒分 <3 !

星期五既晚上想同朋友搵個位置傾下計坐下，見到呢間小店招牌裝修好有趣，入面唔多位但人小小傾計更加舒服。由於已經食過晚飯，我地兩個只係叫左一個小食同一杯野飲share。揀左泡菜豬肉味既香脆芝士卷餅同埋士多啤梨乳酪沙冰。士多啤梨乳酪沙冰極大杯，上面仲有小小生果做點綴。呢杯沙冰酸酸甜甜，鐘意佢用乳酪取代牛奶黎整沙冰，飲落去唔會覺得得個甜字，我同朋友都大讚！傾傾下芝士脆餅就送上，係十分大碟，真係足夠兩個人食，面頭放左好多木魚同沙律醬，廚師落料完全唔孤寒！成件餅每啖都係有餡料啖啖肉，芝士嘅鹹香加上泡菜豬肉嘅甜辣，呢個配搭岩岩好。之後再飲番個酸酸甜甜既沙冰中和番，好幸福呀！持學生證有9折優惠添呀，學生哥唔好錯過喇！

同朋友一行二人黎到依間小店，雖然鋪頭唔係好大，但勝在多野食揀，而且仲好岩同朋友傾計tim!一打開menu個時真係花多眼亂，而且好多名都好特別，就咁睇真係未必估到其實係咩，但老闆好好人，可以好奇問下佢其實每款菜色係咩黎，佢都會好nice咁答你架，本身我地揀個款野飲同雪糕個味好似，佢就會話俾我地知，推介我地試下其他味，試多d野。首先我地嗌左個藍莓魔豆醇乳酪，本身就咁睇名，真係有少少難想像佢係咩味道，不過即管一試啦。等左一陣就有得食啦，都幾大杯架，而且有好多層次，用左好多唔同配料。面頭有雪糕、藍莓、果醬，中間乳酪，最底又有果醬，食落去口感豐富，中間個層勁滑，又唔會太甜，味道岩岩好，佢面頭原來仲加左少少爆炸糖，有驚喜！我地兩個人都嗌左杯青蘋果乳酪沙杯，嘩，真係勁大杯呀，兩個人都未必飲得晒，飲落去好清新，用黎送之後既小食就岩晒啦！咁大杯，真係好岩炎炎夏日飲，又解喝之後小食我地嗌左個粟米忌廉薯餅同蜜糖雞翼。薯餅岩岩炸起好香口，最岩傾計個時慢慢食。雞翼加左蜜糖煎，再加左香草係面，而且雞翼本身都好入味之後就嗌左個香脆芝士卷餅，揀左粟米蟹柳味，見佢三十幾蚊以為細細份啦，點知原來好大份架！佢睇落好似大阪燒

昨晚飯後路經元朗，想食少少甜品，見到有間幾搶鏡嘅招牌✨，一睇就知係一啲新興嘅甜品小食店啦。佢係一個開放式廚房設計啦 ，鋪頭裏面有3張枱 ，適合情侶去食，休閑英倫風格嘅擺設，好Cute。😛我叫了北海道3.6棉花糖牛奶系列幸運甜心🍩（特濃朱古力)爆炸燕麥乳酪雪糕系列 🍨世外桃源 (雜果)特濃朱古力 🍩一大杯，大概有500ml 🍧用一個好特別嘅透明容器裝住！頂上有一個山腰仔嘅忌廉cream！🍦好creamy 面頭灑上白色同粉紅色嘅棉花糖。 🍬混合下低嗰啲朱古力，簡直係完美嘅配搭啊！ 唔好睇小淨係一杯特濃朱古力，原來一杯個份量呢都好飽下喎！✨爆炸燕麥乳酪雪糕 🍦世外桃源 雜果🍇🍎一球雲呢拿雪糕放咗喺成杯乳酪嘅中間 裏面有一啲爆炸糖💥 ，然後最底下呢有一啲燕麥 第一啖雪糕：口裏便嘅爆炸糖已經爆炸聲不絕 ，不停地在口中 爆發 "啪啪"聲！ 個感覺係好新奇有趣，估唔到雪糕裏便都可以加爆炸糖！☄勾起翻細細個食爆炸糖既回憶😍😍。而係雪糕既最底層配上雜果乳酪同燕麥，非常有口感！而雜果入面包括有奇異果、藍莓、草莓等等，如果鍾意食酸野嘅朋友，誠意推介大家試吓呢一款爆炸燕麥乳酪雪糕。

今次同朋友打完波經過附近建業街想食少少野但唔係好餓所以揀咗呢間甜品餐廳㕑房係設計到好似open bar咁😍一睇外面就覺得呢間餐廳比較有特色和格調店主亦好nice 叫我地隨便坐慢慢揀滋味Pizza厚多士見到呢款為廚房推介而且在場亦有不少人叫咗呢個所以就抱着嘗試的心態點了不得不提成個多士係好香口火腿同芝士的配搭完全係超惹味！🤤🤤同一般pizza唔同嘅係因為佢整得比較厚身所以會比一般Pizza更有口感😍而且份量都比較多兩個人都未必食得晒香芋雪香不得不提嘅係呢間餐廳嘅特色飲品係太好飲而呢個香芋雪香係我重點推薦😍😍😍先唔講賣相真係好吸引而且香芋味極濃配搭上頂層的奶油亦不會覺得太膩士多啤梨乳酪冰沙而朋友就叫左呢款上面有一球士多啤梨雪糕黎到之後忍唔住試吓發覺之前飲嘅士多啤梨飲品全部被比下去！呢款做到係絕對鮮甜之餘亦唔會過酸而且呢款飲品份量比較大 For一個人都未必飲得晒☺爆炸乳酪燕麥雪糕 白色原味原來雪糕配搭燕麥係近乎完美！😍真心比夾層啲燕麥迷住了❣❣但呢款雪糕原味本身比較酸未必好多人接受到呢款味道但個人同朋友都覺得比較特別同新鮮Ge🤤呢度亦有唔同嘅貼心提示貼左係枱嘅四周圍包括一啲追加優惠同推薦食品

表妹正正是元朗街坊，假日我們總會約出來吃吃喝喝，今次由表妹的女兒帶我們去嚐新潮的元朗本地小店美食。一條「 又新街 」直落，左右兩旁都集結不少食肆，沿路延伸的數條橫街亦是食肆林立，日與夜都可以賣不同。 要數出在「 又新街 」及附近出名的食肆，B 仔涼粉、天鴻燒鵝、亞玉豆腐花、雞粥、其奧花生糖 ...... 這完全在元朗人心中是耳熟能詳。 *☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ 沿著「 又新街 」直行轉左，我們走到 小寶當家 聽表妹的女兒說，這店的特點是店家自製的乳酪、玩轉西多士 及 芝士脆餅。店內座位不多，應該是十個指頭也數得完。店裏只得一位男廚師負責全個店的流程，牆上標貼有講：本店小本經營，人手不足，為堅持食品質素，讓我們可以專注為您製作食品，望貴客體諒。既然店家自製的乳酪是這店的特色，我點了杯開胃的 芒果魔豆醇乳酪 $ 32 純乳酪本身奶味重，帶酸而沒有甜，混合了底層的酸乳爆珠、芒果糖漿 及 綠色煙煙韌韌的 Q 凍，邊喝邊嚼，酸甜甜的好好喝。至於在〔玩轉西多

每個人都有不同種類的朋友，朋友其實都有高低之分。我承認有偏心之嫌的，無他的永遠從「心」出發，誰對我好也能辨別得到？想識十載或是更高，已經在心中有一定位置。朋友啊。你知道嗎？我的容忍度有多高，小事沒計大事也能幫助。自古以來「義氣」兩字，就是當有困難的時候有人突然會伸出援手不計代價；那時候你會得悉「真正朋友」的存在。人生當中，就是有這些「小事」開始察覺到「緣」來我很幸福。「緣份」令我認識到你，「緣」來有些經歷過後變得一份肯定成為「密友」。今晚相約這位「密友」闖進元朗區，兩個大男孩無所不談別再説甚麼名牌、女生或是投資等？現在談論未來的人生，有時候想做就要去做，捉緊每個機會是很重要。逛到友新街的公園，還記得很多讀書時期的回憶。門牌色彩繽紛的小寶當家，有一種回到從前的感覺。位於新B仔的對面，對我們來說相當熟識。友新街出名店舖林立， 「小寶當家」雖然 舖面細小但五臟俱全 。如果兩伙子來就最好不過，食物的種類相當多元化。此店完全緊貼潮流「春嬌、志明、男神、女神」單看餐牌已得悉用心過。那麼瘋顛過的友新街，我倆還是憶記不少點滴。香脆芝士餅卷 $36芝士的食物永遠都有一定的吸引力，味道都相當多款式：泡菜牛

見D FOOD BLOGGER介紹幾平, 就去試下, 入面比較窄, 好少位咋。XO醬豬頸肉炒烏冬:辣辣地, 幾夠味, 可惜太油了。但D 豬頸肉好林, 又唔會肥WOR, 好食~芝士捲餅: 36蚊好大碟, 其實是酥皮夾住自選GE 餡料同芝士, 我地揀左籽然雞肉, 米籽然味就無乜, 純粹係燒雞肉咁LAW, 都幾足料, 上面仲有木魚絲同沙律醬, 其實幾HEAVY架, 不過味道唔錯, 如果唔用酥皮, 用PITA BREAD/墨西哥薄餅皮就會LIGHT D LAW~士多啤梨特飲: 賣相幾靚! 有D 花辮在面添, 類似是STRAWBERRY, 唔太甜, 是叫主食加錢換的, 唔錯

今日朋友帶我入元朗掃街，我們由二點多掃足五間餐廳，掃至八時才結束吃貨行程，很充足後充實哦。幸運甜心$36幸運甜心即特濃朱古力，北海道3.6綿花糖牛奶系列的飲品，甜度奶度都非常充足。朱古力味濃得緊要，甜苦剛好，朱古力控會好喜歡的。香脆芝士餅卷$36招牌之一的芝士餅卷，可選萢菜豬肉，牛肉，紫菜肉鬆，粟米蟹柳等餡料，餅卷是台式手抓酥餅，加入芝士後，鹹香惹味，煎得略久一點。元朗建業街88號仁義大廈地下C號舖

和朋友興致勃勃，就一同來到掃街吧。綠茶密語$36我是抹茶控，看到有抹茶的飲品，還是會喝喝看的。等侯一段時間的飲品，我快渴死了，幸好非常大杯哦。抹茶苦度較甜度高，很快喝光了。男神西多士$52厚到核爆的西多士阿，會不會太過誇張阿。西多士約有兩片厚的面包，包控超級心心眼。男神是花生，榛子朱古力囗味西多士，多士抹上厚厚花生醬，就算瘦子也感到非常有罪惡感阿。西多撒上燕麥，粒粒囗感，雪糕是雲尼拉囗味，凍熱交錯，越吃越起勁，好飽哦。

活於科技發達的年代，現今的小孩，童年的玩兒多半也是手機、電玩，全是虛擬世界的玩物，感覺有點疏離；與 BeautySearch 的童年大不同，兒時的我，大部分的玩樂時光，也是與哥哥姐姐或朋友待在公園嬉戲，大伙兒的歡笑聲勝於電子音樂。 往昔公園裡的玩意，設計雖然簡單，卻能令當時的我玩得樂而忘返，當中有一款，就算在家中也能自製自娛的，便是『跳飛機』。早前，途經元朗，無意間發現，一間小店的招牌竟然用上『跳飛機』的造型，那刻，童年的快樂時光不禁湧現，雙足，亦不由自主的往這《小寶當家》去！ 原來，不止店子的招牌充滿童心童意，店內的設計更像小小的樂園，尤其牆身的壁畫，令人置身於樂園裡，充滿熱鬧歡愉的感覺，店子雖小，但也不泛可愛的小擺設，連坐椅也有可愛的貓貓造型，步進店內，猶如走入童夢，令人不禁想起許多童年時快樂的回憶。 這店以甜品小吃為主，而且，同樣充滿夢幻感覺。 先來 BeautySearch 揀選的「北海道 3.6 綿花糖牛奶系列 ~ 夢幻星球」HK$36，上層是雪白細滑的忌廉，上面還舖滿了很多小顆粒，是孩童時最喜愛的綿花糖，下層是浪費的紫色，亦是 BeautySearch 最

難得返黎元朗，當然要同朋友聚下， 食完晚飯見到對面有間好得意的小店，朋友話新開， 見到有甜品決定入去試下~ 店鋪雖然唔，店內有數張枱，人多時亦可以選擇坐店外面， 佈置以貓貓為主，牆上仲有貼有支持領養的宣傳， 相信老闆係個有愛心的人~ 餐牌選擇都唔少，有小食、飲品、甜品之後，仲有還有精選晚餐提供， 我地已經食左晚餐，所以點左甜品&飲品~ 價錢親民! <紫色戀人>(香芋)  光賣相已經好吸引，大大一杯， 用左北海道3.6牛奶，口感好幼滑，香芋味香濃， 上面仲有彩色棉花糖，女仔一定會鍾意~ <朱古力雪香>  濃郁的朱古力味，上面仲散滿玫瑰花瓣碎 朋友話呢度的玩轉西多士系列好正， 於是點左<軟綿綿---西多士伴雪糕>  因為我係綿花糖控，厚多士大大塊超厚身， 上面佈滿大大粒的綿花糖，一齊焗到金黃色， 一切開綿花糖融化係西多士上面，再沾埋底層的朱古力醬， 好想一個人食晒整份~ 雪糕上面散左粒粒脆脆，食的時候更有口感。

每個人都會試過去了一些中伏餐廳, 所以也學得小心了, 好多時都會在朋友圈內先收收風, 再考慮去那間餐廳開餐。某天就收到元朗區朋友的信息, 告知在元朗有間餐廳的水準唔錯。就趁這晚在元朗區完成工作後, 便順道試一試。步入餐廳, 餐廳內的環境簡單企理。打開餐牌看看，當中有各款小食, 主菜包括有麵、飯、烏冬, 還有多款特色多士, 飲品和甜品的項目也相當多。餐牌內重點當然是這裡主打的多款自家配製乳酪項目, 有興趣的朋友可試試。飲品方面, 點了青蘋果綠茶, 綠色的賣相幾吸引, 有青蘋果的酸酸甜甜味道配合綠茶, 夠清涼而且好易入口。先來小食黑椒牛肉粒, 切成一粒粒的牛肉大小平均，牛肉粒的外層帶點焦香, 中間仍保留肉汁肉香, 肉質非常嫩滑, 又完全鎖住肉汁,加了些黑椒調味，已是美味。主菜點了吉列豬扒濃湯烏冬(鮮茄濃湯), 單看炸得金黃色的外觀已相當吸引, 上枱時還是熱辣辣的，炸皮做得薄薄而緊附在豬扒外，豬扒本身肉質雪白，吃入口肉帶香味，肉質爽口，炸皮脆身好吃。再喝鮮茄濃湯，喝起來甜美, 烏冬是粗身和四方形的, 淥煮的火候是剛剛好,入口彈牙好吃，有水準。人生總是充滿驚喜, 如果只看餐廳的外表, 便以為食

今天決定在這小店完結是日掃街之任務。選它，因為與我的名字相同。 以跳飛機的形狀作店的logo，很可愛。店鋪不大，只有數張小枱，適合三五知己相聚。 身體力行，支持領養。可見老闆非常有愛。 除了小食，還有主食供應。精選晚餐包自家製乳酪一杯，價錢合理。 店子雖少，但食物/飲品選擇也蠻多。 看過餐牌，到吧枱點餐。 菠蘿魔豆醇乳酪 $32 - ★★★★☆  所有食品都是即點即整，要稍為等等。但等候時間可以接受，不算太久。這麼大杯飲品才$32，很抵！爆珠、乳酪、菠蘿醬等層層分明，賣相絕不輸蝕。攪拌後喝，濃稠乳酪與菠蘿醬配合得宜，還有點啫喱增加咬口。酸酸甜甜，味道適中，夠晒健康。但飲管太幼，飲得有點吃力。如果可轉粗飲管，飲得更痛快。 男神西多士伴雪糕 $52 - ★★★☆☆  很豐富的厚西多，又一抵食之作。雪糕奶味夠濃，配上西多一起吃蠻不錯。 面頭滿滿花生醬，內𥚃還有層厚厚朱古力醬，令人驚喜！2種我最愛的醬料混在一起，吃得非常滿足。吃得有點膩嗎？有幾粒生果來平衡一番。惟一不足的是西多不夠酥脆。煎炸多點，火候會更好。 老闆娘很nice，不但推介食品，還跟食客們交流，人情味十足。這些小店要多多支