小城知味 (德福廣場1期)

营业中

休息中

位於德福花園平台，閒時人流極多，區內區外客均有，今天閒逛德福，見多人等位，一於試試其下午茶質素如何。酸辣豬扒雞翼米線🍜酸菜份量極多，雞翼新鮮炸起，很惹味；口水雞菜飯亦十分出色，辣椒同花生剛好點綴了菜色，辣度亦適中迎合不同人士口味。茶餐可選配檸檬薏仁水，為炎炎夏日降睡降溫🎚

小城知味今日中午路經九龍灣，隨意找找地鐵站附近的食肆，想不到有意外收穫。首先，在中午繁忙時間，難得服務員也肯抽空主動介紹有乜好食，更難得嘅係，座位冷氣風口嘅提醒，同埋餐具嘅衛生都照顧周到，加分加分！入正題講吓有乜好食先，先係套餐附設嘅小食，我哋揀咗爆汁京葱豬肉餡餅，啲肉汁真係爆出嚟㗎，有圖為證！細嚐之下肉汁嘅味道，食得出並非用調味料堆砌嘅假肉味，而係新鮮嘅豬肉肉汁加上少量嘅調味，打肉起膠做出嚟嘅味道！然後就係主菜，蠔油花膠北菇撈麵。先講份量，五大隻花菇，肉厚爽口感覺已經回本啦，再加上三件花膠，當然唔係頂級嘅門蟮花膠，但係呢個$68嘅價錢，阿媽都會話抵！花膠嘅口感唔會過分嘅泡浸同埋炆煮導致懶pat pat，亦唔會硬到似嚼香口膠咁，輕輕用門牙就能夠咬開。小城知味嘅花膠做到恰到好處，軟硬適中，又有少少膠質亦都有爽滑嘅感覺，幾好幾好。而個麵，表現中上，做到兩個基本撈麵嘅條件，第一，看看碗底沒有多餘水份，就知道師傅唔會浸到啲面淋曬，晾乾水都係功夫嚟㗎。第二，係麵條掛汁嘅能力，呢個就同花膠呢質地有關嘞。最後，飲埋個西瓜汁，透心涼咁又再返工啦！呢個愉快嘅午餐話咁快就過咗！

星期五晚約埋幾個師奶仔，齊齊唔煮飯，出街食晚飯。之前食過呢間舖嘅下午茶，都唔錯。所以今次試吓晚飯小菜。打開餐牌睇，樣樣都想試，揀吓揀吓結果叫咗五個小菜同兩個小食，都好大食吓😋。先嚟兩個小食: 香煎腐皮卷(3條)$32，好普通。風沙雞中翼(6隻)$38，👍皮脆肉嫩又惹味。五個小菜:鹹蛋黃金蝦$78，食得出係新鮮蝦🦐，鹹蛋黃炒得好入味，但份量就少咗啲。燒汁蜜糖薯仔牛柳粒$88，👍💯份量足，煮得好入味，牛柳粒好嫩滑，燒汁蜜糖配薯仔好好食。脆皮德國咸豬手$98，大大份，好味抵食。潮式煎蠔餅$65，賣相麻麻，睇落煎得唔夠香口，但食落啖啖蠔仔肉，😋估唔到咁好食。魚湯魚腐浸四寶時蔬$63，好多菜，魚湯又好味。最後叫埋凍檸檬薏米水和凍檸茶仲有甜品送: 芒果布丁今晚我哋食得好飽，又唔貴，下次去九龍灣行街 ，都會再來幫襯。🎊

差不多疑點去九龍灣，怕無位所以預早打電話訂了哩間；地鐵出來德福商場，見間間都排隊，真系怕無位，但去到又吾係喔，吾知道系咪因為哩間系室外。防疫方面，入去無度體溫，有部分一張4人枱拆開2張2座位亦無隔版，有一個好的是每台餐具會放系一杯好熱的水燒毒。口水雞套餐（$68） 3分-口水雞係做得好皮爽肉滑，連雞胸都吾鞋係比較難；難得係可以選小辣，對吾食得辣都可以試下，其實都已經辣到流汗。-北京水餃個餃子皮真係幾厚，內陷吾多，最吾好係個湯同餃子吾夠熱，湯又偏鹹大滿足湯米粉（$68） 2分- 有牛腩，蘿蔔，魚蛋，炸豆腐，雞翼，大碗麵來講種類吾夠多，牛腩比較鞋，最吾得系個湯，真係好好好鹹啊，個炸豆腐索曬湯一淡咬落去真系幾攞命。-生菜正常餐飲叫左檸檬意米水，午餐有系幾特別。

今日正值父親節 而我家父親唔得閒所以就只有我同母親撐枱腳了!母親大人揀左小城滋味呢間餐廳食晚飯~~餐廳人流唔算多 雖然係父親節正日 但係我地一入去有位了 當隔離枱走左之後 店員仲主動叫我地坐過去變成四人枱 因為驚唔夠位擺餸 幾細心🙂👍🏽我地兩個叫左精選2人餐💁🏽‍♀️ ($238 *未加一)脆炸素春卷春卷比平日食到既幼細d 但有6條咁多入面既材料有紅蘿蔔🥕芽菜、青豆等等新鮮炸起 熱辣辣 脆卜卜!姬松茸燉雞湯五隻字概括:足料又好味!小城沙薑雞(例牌)呢碟就明顯削d 雞骨多過肉肉質都算嫩滑既!清蒸黃花魚 因為無黃花魚 所以轉左做鱸魚~~好大條啊! 上枱個陣連店員都話好抵食!我地食都最尾差d想放棄但唔想浪費食物所以食到勁飽!上湯雜菌浸時蔬菜既份量都幾多👍🏽甜品👉🏼 芒果布甸🍮芒果酸到唔似芒果🤢布甸有種奶香味 但個人認為太甜了!布甸係成餐飯質素最麻麻既食物不過免費送既就算啦~~整體黎講💁🏽‍♀️每人~$130就可以食到有菜有魚有雞有燉湯既晚餐 無食飯 淨食餸 都飽到上心口!真心幾抵啊!!

下班約了朋友吃飯，因為想吃中餐所以選了這家餐廳🍴。一行三人無需等候可以直接進去，剛坐下就送上餐具水餐紙。侍應解釋方便使用，所以餐具浸泡著熱水，因此特別提醒使用時需要注意小心，不要燙到，感覺還不錯。一人自選套餐比較划算，就點了兩個。包括：主食口水雞及蘿蔔燜豬軟骨搭配菜飯，小食就選了時蔬🥬及京蔥豬肉餅，飲料是檸檬🍋薏米水。🐔口水雞：足量，雞肉口感嫩滑，但不夠入味🐷蘿蔔燜豬軟骨：豬軟骨和蘿蔔都夠軟及入味🥬時蔬：比想像中大碟，蔬菜爽口新鮮🧄京蔥肉餅：料足但是太乾了然後又叫了栗子🌰炆腩仔：超下飯🍚的一道菜，腩仔不會太肥，醬汁味道也剛剛好，配上香口的🌰，真的會忍不住吃多兩口飯🥒蒜拍青瓜：我是青瓜怪，每次到店看到這個必點，絕對是開胃小菜首選。他們這個真的超級推薦，雖然醬汁很入味但是又不會搶了青瓜的清新感。🐔風中雞翅：內嫩外香，鎖住肉汁，愛吃雞翅的朋友可以試試買單的時候還送了優惠卷🤣下次可以用總體來說：性價比算不錯，服務態度熱情，用餐過程愉快。

過年前媽媽忙到不得了沒有時間煲湯， 自己亦忙到不得了。好想飲靚湯滋潤一下。想起之前在小城知味食過似媽媽煲的皮蛋瘦肉粥，剛好約朋友在九龍灣， 就在那裏吃飯吧! 叫了兩個小菜，湯，白飯，菜，飲品，後加甜品。當日例湯是粟米眉豆豬骨湯。一般舖頭會加很多味精，但是這個沒有。 飲下去真的有點像媽媽煲湯的感覺。滋潤呀~!!咕嚕肉酸甜配搭非常好，最喜歡的是用了新鮮的菠蘿，而且菠蘿是甜中帶酸，很開胃，我和朋友都有點 爭著吃蜜糖薯仔牛柳亦相當好味。雖然我不吃牛肉，但是在薯仔上面沾有牛肉的香味，似乎用的牛肉質量不錯。 怪不得隔離兩個女孩一人叫一客（都食光了!）金銀蛋時菜一般白飯很香飯味非常喜歡羅漢果甘菊茶，但小心燙手，因為杯身勁熱。味道非常天然，不似一些涼茶店加了很多糖，這杯飲下去清清的，非常潤喉。最後，為食的我還叫了甜品。本來想食豆腐花，不過見是二人份量而我朋友已經飽了，所以改為叫芝麻糊杯。無想到用一個木桶裝出來，非常得意! 打開來熱辣辣的，裏面還有芝麻湯圓，似乎是寧波湯圓，非常好食 而且芝麻糊很香。一定再來!

每日早餐到中午十二點，所以好多人到喺12點左右一座，當係食埋午餐，價錢的確係平好多。因為早餐嘅假前都係$35左右，而且包埋一杯飲品，價錢相當便宜。今次叫咗招牌嘅老廣州雞蛋腸粉，配一個作品，並有一杯檸檬薏米水熱飲，質素都可以，而且餐廳內部環境寬敞，坐得都好舒服。腸粉好滑，個樣都似以前喺大陸食嘅布拉腸，不過稍為厚咗一點，如果薄一啲會更加好食。我一個皮蛋瘦肉粥，比較偏鹹，都係街嘅味精粥，熱飲檸檬薏米水都比較甜，整體食物質素尚可，呢個價錢給有呢個環境已經算便宜合理。

小城知味lunch set原來好抵，$62 - $75 蚊套餐有主菜+小食+餐飲 👍🏻檸檬薏米水個檸檬味好出，但薏米我就唔鍾意佢用生熟薏米唔用洋薏米，會太大粒太硬。但味道OK，好彩冇薑，清甜。肉燥茄子熱到辣口，好新鮮，好多肉燥，所有汁鎖晒係脆薄既茄子皮入面 😍牛坑腩你睇佢大大碗，其實墊底既全都是白蘿蔔 😂 不過肉質都幾好，有咬口，又夠鮮味，都OK既。香煎腐皮卷就唔係好抵，得一舊，不過又幾好食，皮脆。夠薑豬扒D薑絲唔辣，我平時唔食薑都接受到，真係幾香。豬扒厚切，有肉汁。菜飯好正，有菜之餘仲有菇粒同肉粒，要回頭。四季豆係另一款既餐，冇小食，係想食先叫，但係就好油同好辣，不推介。

友人唔舒服,喉嚨仲有d沙, 想食清清地, 最後搵到呢間餐廳, 門口比較細, 並不顯眼。餐牌好多野食都想試, 原本想叫鮑魚但系無貨, 可惜。見魚類有好多配搭, 有例牌蒸魚, 望望見到酸菜魚。後來問侍應有咩好推介, 就介紹咕嚕肉。好吧, 選了2款餸, 加錢可配例湯加飯, 仲有杯飲品, 點了檸檬薏米水。酸菜魚: 湯味不算太濃, 酸菜適中, 魚塊夠實淨不易散, 易入口咕嚕肉: 菠蘿新鮮, 彩椒洋蔥配搭, 咕嚕肉肉質不算太林太硬, 又不會過酸, 岩岩好。節瓜黃豆薏米排骨湯: 中意飲湯有好多配料~~好飲檸檬薏米水: 特別的~~有支粗身飲管可以飲加食埋d薏米, 好細心❤總括坐下來總有一款岩您心水, 家常便飯, 有一種家的感覺。職員好好禮貌, 一讚👍

小菜上了，飯還未上，便好聲好氣叫一個啊姐跟一跟，啊姐叫個靚仔跟一跟，眼見有三個飯出緊黎，原來不是我的，是給比我們遲下order的客人，而那個靚仔正在聊天，一定不會再來🤬

星期六跟女友在淘大睇完戲，夜晚搵野食，見呢間仲有d位，就入去試下，嗌左兩個小菜 加錢配白飯中湯，湯都還可以都足料，黎左個時蔬先，咁就開始食，但個蒸肉餅仲未到，唯有慢慢食，點知過左半個鐘，肉餅仲未到，但個菜已經食完咁滯，咁咪禮貌地麻煩侍應追一追，跟住過多兩個字，都仲唔見有，唯有又再追一追，再過多5分鐘，完全冇人理我地，開始興興地，有冇都搵人講句丫，就再追個侍應阿姐，跟住再等多幾分鐘，個阿姐先拎碟肉餅出黎，一句得埋黎，"整要時間家嘛"，少少禮貌同歉意都冇，我知整要時間，你好聲好氣講句唔好意思久候了，我地實冇問題的，但佢d態度只會火上加油。最後個北菇蒸肉餅食落口感是d肉漿埋一pat咁，未試過食口感咁奇怪的肉餅。已將此店納入黑名單，完。

與好友二人在九龍灣商場一帶走走，到了晚飯來到德福商場的平台花園。好友和我也想吃中式晚飯，於是來到這看來著名的小店。店員安排我們二人坐進店內，也送上餐牌。看看旁邊其他客人的餸菜，每份的份量不太多，我們二人也較餓，所以選擇了三個小菜，也選擇加了例湯及白飯。約等了十分鐘，例湯與白飯較先送來，看來沒什麼特別，例湯的味道不算鹹，入口很香，還算不錯，小菜也隨之送上。紅燒豬軟骨煲，軟骨煲很香，口感軟綿綿，入口很香，蘿蔔雖已熟透，卻沒有任何味道，可見是與豬軟骨分開煮，後來再加在豬軟骨煲。西蘭花炒斑片，魚肉肉質實在，不會稍用力夾起而散開，肉質口感不錯，感覺新鮮，西蘭花與配菜味道剛好，西蘭花也不太軟，很有咀嚼感。蠔皇北菇扒生菜，北菇入口雖軟，蠔皇汁似乎太重，感覺稍鹹，生菜則太大塊，並沒怎分開，吃得較狼狽，整體仍算不太差，可有改善空間。這著名的小店，整個還算不錯，合太眾化口味，可是改有改進空間。

放工後和朋友去九龍灣，就說要麼試一試這家，我覺得還可以，不過朋友口味比較重，覺得太淡啦，豬軟骨我覺得很好吃，軟軟唔味道，蝦太家長，不難吃，新品飲料味道一般般，服務很好

咁岩約咗朋友，咁就搵過中間點，喺德福廣場呢度是但搵一間嘢食。見到呢一間餐廳，門口影出嚟嘅嘢食價錢相宜，而且似乎幾多選擇，心諗喺德福廣場呢度應該唔會伏得去邊，就果斷入嚟坐低。見到其實以中菜為主，價錢我相信以德福廣場呢一個地段來講算係咁。不過，我都係窮人一個，唯有揀個睇落平靚嘅台式套餐，試下正唔正。👉🏻台式肉燥飯配流心蛋及豬軟骨嘢食其實好簡單，同佢描述嘅一樣。份量都比較大嘅，男仔嚟到都夠食。不過我就略嫌佢啲肉燥滷得比較鹹😗豬軟骨就夠晒稔同埋入味，用嚟送飯一流。😛流心蛋個時間控制拿捏就爭小小，流心蛋唔係好夠流心喎😟至於個嘢飲薏米檸檬水就令我有少少失望。原因係飲落去聞到啲臭肉味，原本我以為係食材可能有問題，但係我試朋友嘅嗰一杯薏米檸檬水又無異味，所以應該係個杯洗得唔乾淨，呢樣嘢令我有啲失望😞其實呢間鋪頭位於德福廣場，我會期望佢係一啲比較舒適嘅餐廳，但係入到黎位置逼夾，而且食物嘅質素比我嘅感覺係同街邊茶餐廳差唔多，但係佢嘅價錢又係德福嘅價位，仲要加埋一，所以性價比我就覺得有啲低。你問我要唔要再嚟食？不了，不了