小城知味 (德福廣場1期)

营业中

休息中

正面食評係點黎？？？因為成餐飯只有不滿！！1）明明大把位，係要人坐到好迫，旁邊又要擺雜物，入去定出黎都撞到野，好討厭！！2）餐牌選擇少得好可憐，原本覺得食個小菜價錢ok，點知坐低認真睇先知係無飯跟！！要加$15先有飯有湯，即係要百幾蚊一個人先可以食得飽，簡直搶錢！！！3）等左差唔多半個鐘都唔上菜，叫侍應跟下，完全敷衍了事，塞返張單俾你，話整緊，眼尾都唔望下你！！！即係我兩個人食飯就唔係生意，唔係錢？？？對人地大枱就殷勤服侍！！！乜態度？？寫呢篇食評係要警惕大家，食小菜有好多更好地方，就算美心都好過呢間垃圾！！！

小城知味位於德福廣場一期外的平台，大約是向平台方向的中間出口一出就能見到。旁邊還有一間泰菜和一間西餐廳，不過最後都是選擇了食小菜。平實的裝修，菜式的味道卻有驚喜。 估計跟在旁的泰菜館廚房是互通的，因餐牌上也有一些泰國小點可以選擇。跟朋友點了一個晚市套餐，有三個小菜，在A,B,C項內選擇。最後點了香葱裡尋雞、黑松露翠肉瓜蝦球和茄香淮山魚湯浸時蔬。不過套餐沒有跟飯和湯，另加需要15蚊，我們就加了兩個，咁就30蚊。是日例湯是我最愛的赤小豆煲粉葛，足料又無味精，突然覺得加錢都值回票價。香葱裡尋雞 - 上枱時放得有少少亂，味道尚可。黑松露翠肉瓜蝦球 - 雖然黑松露味道不明顯，但翠肉瓜同蝦都炒得恰到好處。瓜爽，蝦鮮。茄香淮山魚湯浸時蔬 - 所謂茄香是蕃茄，時蔬即是油麥菜。魚湯非常濃郁，有點膠質的感覺，而且令湯內的食材也能沾到魚湯的味道。 不過如果當湯飲就太咸了，總不會兩全俱美。題外話，當日有枱外國遊客，因她們看不懂中文，要求英文菜牌，但餐廳沒有。 待應雖然英文不算好，但都盡力為她翻譯，及提供幫助。

德福食晚餐今天晚上和朋友在德福食晚餐 結果就去了小城知味 本來滿心期待進去 進去後招呼很好哦 點了一個湯飯 一個炒菜加20蚊(加飲品、例湯及飯) 轉成套餐 加了兩個小食 上菜時首先先來了 例湯味道可以 菜膽雞湯飯 味道不俗 雞肉嫩滑 西蘭花夠淋 但之後再上小食 紅油小雲吞 沒有什麼味道辣也不辣 單骨雞翼 也不是單骨只是普通的炸雞翼 後來上了 蝦醬海鮮豆腐煲 只是少量海鮮全部都是豆腐 蝦醬味亦不夠 比預期中失望好多 也許下次選擇其他菜 整體算中下下一

友人經常推薦九龍灣既小城滋味依日襯空檔時間就特意前來一試!依日午市人流並唔多但據友人所稱 平日餐廳人流都幾多遲黎既好多時都要排隊所以今次都幾好彩!我點左巨無霸煎肉餅飯♡因為即叫即製既關係 等左頗長一段時間但食完之後會覺得等待係值得的一上檯時視覺效果已經好震撼大大既一塊肉餅幾乎完全覆蓋係白飯上肉餅熱辣辣 仲煎得非常香口♡外脆內軟之餘亦保留左肉汁 非常好味而且調味恰到好處 唔會過咸白飯亦煮得好香軟 而且熱度甚足♡飯旁邊仲擺左好多菜蒲乾粒單吃雖然味道偏咸 但配住飯食又幾滋味但切記一次唔好加太多 否則會過咸整體飯量都幾多 係飽肚之選岩哂打工一族! 另外 跟餐仲包左一杯野飲除左平日既茶飲外 仲有豆漿同檸檬薏米水簡我要左熱豆漿 豆味濃之餘甜度亦適中♡ 唔錯!

難得要嚟到九龍灣番工，對呢到嘅餐廳真喺冇乜認知！誤打誤撞之下嚟到哩間新開嘅小城知味，食物質素中中等等，我叫咗一個下午茶，但飽到食咗個lunch咁，份量好大，性價比高，而且侍應好貼心，我想去坐入面嘅梳化位，佢提我因爲對正風口位會比較凍，我話唔怕凍(天氣好熱)，但我自己就有少少感冒，坐咗一陣就有二聲咳，佢就幫我調高咗温度，雖然高到有少少熱🤭但令我好深刻印象。下次過嚟一定會再食！而呢位員工雖然我唔知你叫咩名，但真心比個like你

好耐無去九龍灣德福廣場行街，由於今晚有飯局，所以決定早啲去行吓。商場煥然一新，多咗好多名店進駐，足足可以行半日。行到攰，想簡簡單單揾間餐廳坐底，嘆番個下午茶。唔想幫襯連鎖餐廳，行出平台見到小城知味，睇過下午茶餐牌，都幾多選擇，於是就入咗去，唔駛等位，服務員態度有善地安排入座，舖內環境都幾舒適，見到餐牌食物好多都想試，但又唔想食咁飽，就揀咗個街頭足料碗仔翅拼風沙脆雞翼($42)，另加$5叫咗杯檸檬薏米水。碗仔翅大大碗，真係好足料，雞中翼有三隻，炸得好脆好惹味，加埋杯凍檸檬薏米水，配得啱啱好。服務好，食物好，價錢平，一定有下次。

星期日德福商場四圍都係人，上咗平台搵到呢間鋪頭，俾佢嗰款懷舊巢皮腸粉吸引左，入去試一試。下午茶餐飲菜乾粥加叉燒腸，菜乾粥都好足料，唔會太稀太水，但個腸粉就較為厚同黏，唔似舊時果隻腸粉咁滑，有少少失望。

有個朋友仔今日黎搵我食lunch，佢就揀咗呢間試吓佢有一人餐，一人餐入邊可以揀一個主食然後有一個小食，再加一杯飲品我同美魔女每人叫一個餐佢叫左豬軟骨菜飯，而我就叫豬扒菜飯見到佢個豬軟骨都好似好吸引，不過我冇試而我嘅豬扒菜飯都不俗，首先黎講嘅菜飯，佢入邊除咗有菜，仲有啲半肥瘦嘅肉係入邊👍🏻讚另外我叫嘅豬扒，佢有啲辣菜譜係側邊雖然D豬扒就瘦左少少，不過咬落軟熟另外我哋每人叫咗一款小食蓮藕餅同埋茄子，小食來講兩個都算唔錯蓮藕餅又炸得唔太油，茄子燒得再加埋木魚碎，美味最開心就係有檸檬薏米水其實味道來講都算唔錯，不過呢個價錢其實利苑飲茶仲好😅😅

星期日去探朋友之前，先來一個午餐。途經德福花園都好多食肆，經過這間小城知味。見佢仍有空位，便立即坐下。星期日，家庭日，難搵位吃飯。見到隔離點了蒸魚套餐，好似好正，魚好新鮮及大條，便叫一個來試下。原來可選䱽魚及鱸魚最後選了䱽魚加杯熱O茶，合共$60，都算抵食。

We came here for dinner on a Sunday because we don’t have to line up...but I guess this is the biggest mistake...we ordered three dishes but it was quite a disappointment. these tasted like rubber...it claimed to be fried fishballs but it’s not crispy as all, very chewy that my teeth nearly fell off lol not even kidding...the veggie was tasteless...I can make this a lot better at home. this was the only dish that was worth the normal standard. Overall, there are better options to dine in at Kowl

去開呢頭做野，又差唔多lunch，諗住早少少食，而時間已經去到11:55，見到門口仲係放早餐餐牌，覺得好奇怪，望一望早餐原來去到中午12點，拿拿臨入去。 叉燒紐紋腸粉 (甜豉油另上) - 都有4-5條，賣相好通透，亦如其名，確實紐紋，皮夠薄同滑，叉燒粒亦夠多，仲夾左d韭黃，令到口感豐富d同埋味道清新d。 皮蛋瘦肉粥 (小碗) - 粥底都ok綿，料既份量都適中，但有d淡，當食清d啦！ 熱奶茶 - 奶味蓋左茶味，不過不失啦！

去九龍灣搵朋友食飯，佢話想試新野。反正對我來說，九龍灣好多餐廰我都未食過，最後去了「小城知味」。見到lunch餐牌都幾抵，有主菜、小食同飲品。我們點了兩個餐，都係牛腩蔥油拌麵，不過我點了木魚茄子小食，朋友則點了雞翼。小食先到，估唔到份量好多，單骨雞翼有五隻，賣相都唔錯丫。味道都好好，好香口，又唔會太油。木魚茄子分量也不少，有兩大片，味道也不錯，不過個人較喜歡燒烤食既茄子。主食分量也是驚人，好大碗麵呀！蔥油味道不太夠，而且唔正宗，係台灣食會好食好多。不過牛腩好「林」，好入味，仲有牛筋添，正！

起身第一件事就諗下早餐食乜好，R爆頭，泥泥去去都係食個d，好悶 T.T 忽然醒起有間未試過！「小城知味」！就諗住去試下喇。去到門口，見到免加一，早餐都做到12點，價錢都可以既。入到去，都唔算full，已經覺得有d奇怪，因為隔離舖已經等哂位。我地三個人叫左兩款早式早餐，一款西式早餐:1）豉油皇炒麵 + 蒸糯米雞2）豉油皇炒麵 + 皮蛋瘦肉粥3）沙嗲牛通粉配煎蛋配餐包豉油皇炒麵: 色唔夠，似炆麵多過炒麵蒸糯米雞：無乜味，正常喇皮蛋瘦肉粥: 食完個口怪怪的沙嗲牛通粉: 食得出個牛肉落左好多食粉，但最慘係甘都唔淋餐包: 要問店員拎先有牛油到餐飲，檸檬薏米水。一飲，嘩，唔知咩味泥... 有陣膠味甘.... 連飲都唔想飲.. 其實舖頭入面得十枱客左右，但見到店員完全記唔到邊枱客要牛油或者要餐具試一次好了..

芝士龍蝦炆伊麵加生菜，賣相好九唔搭八咯，要送生菜都可以另上架喱！個芝士汁鹹過豉油，乜不如叫豉油王炆伊麵！個伊麵完全唔入芝士味，都唔似有炆過咯！仲有個蝦球鹹到芳死人唔知你浸過鹽水一樣賣單$76加一，咁既價錢咁差既味道去太興或者靠得住食好過啦！

新的工作環境又再係附近覓食，見到有間食米線就入去試下，叫咗個酸辣猪扒米線，猪扒嘅份量都幾多，配咗好多嘅酸菜但係辣嘅，我自己其實唔係好食得辣，我覺得有潭仔5小辣個程度，配埋杯嘢飲，叫咗個熱一薏米水，都ok唔錯