小城大廚

营业中

休息中

秋意漸濃，今個週末好想食蟹。結果俾同事帶到觀塘成業工業大厦內的<小城大厨>內大擦一餐，眼，口，腹都飽細，冇細意見。我哋還吃着碗里望着鍋內的。就嫌個肚太細裝唔落咁多美食！這里的小菜的確美味！應季的大閘蟹：多糕鮮甜。隔離枱的海鮮放題更吸引，因為任食任飲唔限時呀！最後同靚仔老闆約定下星期六食火鍋

寻晚同4個朋友来呢間小城大厨食晚饭，點佐5個莱味道都吾错，好好味，有個菜叫做秘制猪脚筋我第一次食，送啤酒一流蜜汁茨仔牛柳粒也非常好味，冰镇古老肉爽脆，仲有五味鹅值得一試，下次再帮衬

店舖的糖水，碗糖水清甜，也不會膩，豆和花生非常琳，沒有渣。黃酒浸土雞 非常好食，是用糯米酒浸的，酒味不太濃烈，很香甜，而雞肉很滑，是很有特色的一味菜。讚一下蟹肉瑤柱粟米羹，肉質鮮甜，蟹肉很香，瑤柱也很先，粟米羹做得很好！馬友生死戀，很特別，本身不喜歡吃魚的哥哥，也10分喜歡吃，因為有鹹魚的味道遮蓋了新鮮魚的腥味，配搭非常好！金銀蛋浸娃娃菜，娃娃菜林一點就好了，但是其他味道配合得很好，特別是他的蛋黃已經用了做湯底，濃郁，皮蛋也是碎的，所以味道混合得很好。這個沒有什麼特別，就是上湯浸元貝，個人認為如是粉絲，蒜蓉會比較好味！

小城大廚觀塘美食攻略2023自從觀塘做野之後,多左係度搵食唔少既餐廳其實晚市夜經濟好抵食今次黎呢間專食小炒小菜,平時中午都超抵食今晚黎左食飯,好似室內既大排檔,夠嘈又熱鬧服務又夠快手好先黎一碟蒸扇貝牛柳粒薯條最後加碟菜金銀蛋浸時菜,脆嫩既菜加上微咸既雞湯金銀蛋肉碎,拌飯好食牛柳粒每粒都切得相同大細,牛味濃厚,肉質細嫩好食,微甜易入口仲有扇貝,巨量蒸蒜加粉絲,香口之餘,好滿足~~平均消費$300評分8/10觀塘成業街19-21 號成業工業大廈地下3號舖Shop 3, G/F, Shing Yip Industrial Building, 19-21, Shing Yip Street, Kwun Tong

自問親身去感受過，完全冇食評所講嘅評價，唔可以講佢係好難食，但絕對同好食，扯唔上關係，仲有一段好遠好遠嘅距離，真係好難相信所謂的食家評價，仲有幾個不謀而合地有讚冇彈，試完之後得啖笑，明明食完之後嗰一日就已經寫個食評，批核完之後，我嗰個食評已經沉咗底，即係啲人一禁入嚟就睇到讚口不絕嘅食評居多。真係會有幾多人會俾佢呃咗，呢啲咁嘅伎倆最多咪呃到人哋去一次。之後咪永不回頭囉。🤮🤮🤮🤮🤮🤮🤮🤮🤮

牛肉好味，海鮮好正，只係 “花膠雞煲” 個 “湯” 咸咗 D。因 7:00 後，要由停車場行返上地面，對於一些行動不便嘅人來講，有少少少少少唔而當日另外叫了一個 $58 嘅 “燉湯”，樣子不錯，但好似 “淡” 味了少許。服務方面，工作人員服務的非常好。

點了三個菜，醉酒鴨舌，咕嚕肉，椒鹽鮮魷 鴨舌冇酒味，只得麻油味冰鎮咕嚕肉，好普通,冇特別椒鹽鮮魷，粉好厚又炸唔脆，一D都唔香口小插曲，隔離枱走嘅時候比左張100現金卷我地（張卷係聽日先到期）佢地話趕唔切用，所以送左比我地，但我地埋單時候，佢地又話唔用得，因為話送張卷比我地果枱客因為叫特價菜，唔比佢地用先轉送比我地，我地都唔可以用喎，奇怪。原先諗住今次食左小菜平平無奇，下次可以試下火鍋，而家唔洗啦。唯一值得一讚嘅係樓面的後生女，佢都有細心聆聽客人意見，其他就

小城大廚是一間位於觀塘成業街的大排檔餐廳，主打粵菜和火鍋。首先是冰鎮咕嚕肉，冰鎮的效果是讓咕嚕肉的外皮保持脆口，而肉質則變得更加嫩滑多汁。甜酸汁的味道也很平衡，不會太甜或太酸。這道菜真是一個創意和美味的結合。出品也很有趣，盆底的冰裡裝了燈。🤣🤣🤣接下來是回鍋肉，但在這裡做的應該是粵式回鍋肉。這道菜的肉片很厚實，而且炒得很香嫩。青椒和蒜苗增加了清爽和爽口的感覺，而豆瓣醬則帶出了回鍋肉的鹹香。再來是金沙魷魚，這是一道用油炸魷魚和鹹蛋黃炒而成的菜。這道菜的魷魚圈很新鮮，外皮酥脆，裡面彈牙。鹹蛋黃則讓這道菜有了一種奶油般的香氣和口感，非常惹味。這道菜也很適合下酒或者當零食。最後是腐竹片頭腩煲，選料不錯、味道鮮香。

Blacklist椒鹽九肚魚啲肉煤既豉椒炒聖子 啲聖子唔新鮮既 豉椒炒得無味蒜蓉粉絲蒸勝瓜 粉絲索晒啲豉油 勝瓜無蒸熟啲阿姐又奇怪 落單唔用筆寫 就咁大叫去櫃枱落單價錢雖然平 但性價比不高 以後都唔會黎

小城大廚是一家令人驚艷的餐廳，他們的冰鎮咕嚕肉、椒鹽鮮魷和雞球絕對是令人垂涎的美食組合。首先，冰鎮咕嚕肉是這家餐廳的招牌菜之一。咕嚕肉煮得剛剛好，外皮酥脆，內部肉質鮮嫩多汁。而且，它還配有特製的醬汁，酸甜口感和豐富的味道，完美地搭配著咕嚕肉的香脆口感。其次，椒鹽鮮魷是另一道令人驚艷的美食。鮮嫩的魷魚經過炸製後，外層酥脆，內部保持著彈性的口感。椒鹽的香氣和微辣的味道讓這道菜更加引人入勝。每一口都能品味到鮮嫩的魷魚和香脆的椒鹽外皮。最後，雞球是這道組合的完美收尾。雞球炸得金黃酥脆，內部嫩滑多汁。每一口都散發著雞肉的鮮香，搭配著醬汁的酸辣風味，讓人回味無窮。小城大廚的冰鎮咕嚕肉、椒鹽鮮魷和雞球組合得恰到好處。這道美食組合將炸製和烤製的技巧完美結合，味道豐富而美味。無論是作為主餐還是下酒菜，這道組合都能為你帶來一份令人愉悅和滿足的用餐體驗

出開觀塘，就約個朋友一齊去食飯~~個個都話小城大廚夠鑊氣，但我地睇中左佢個極尚海鮮養生雞煲放題先揀左個湯底係麻辣鮑魚雞煲，好入味，份量都好多，食到咁上下就開始加湯底打邊爐推廣期間先來一大盤環球海鮮拼盤，齊集虎蝦、蕃薯蜆、蟶子、桶蠔、元貝~都非常新鮮，present都幾靚即刻打卡~~仲送多個安格斯牛肩頸，好重牛味，我地都清晒~~~跟住我地再點手切封門柳，肉質素唔錯，薄切口感爽口~~仲有各式各樣的配料、海鮮、肉類，同埋即食小食，都食到撐飽~~佢自家製的竹蔗茅根我十分推介！無限時，免加一👍🏻

出餐速度超級慢嗌個早餐次次要等最少20分鐘先有，又唔係好食個湯又冇味好似清水淥麵咁。以前一開鋪午餐都叫做大份抵食，而家又細份又要等超級耐，仲要間鋪根本冇人幫襯，得小貓兩三隻，起個餐要成20分鐘，等咁耐我唔洗食你啦。

話說好耐冇食中菜樓 觀塘工業大廈都可以搵到各式各樣嘅美食🤩又估唔到工廈都有中菜食wor~如果唔係朋友介紹我嚟食 我都唔識呢間小城大廚~晚飯套餐都非常抵食 仲有三寶果D揀免加一 茶錢$8/位都幾吸引前菜前菜有2碟份量仲好多~~~😋 有一碟係花生 食落去好脆口另一碟係蒜辣雲耳 調味剛好~~金湯酸菜沙巴躉 $168佢嘅菜式相對嚟講 賣相都唔錯用沙巴躉果然又滑又好肉金湯酸菜湯底好濃郁 加入花椒所以充滿朝椒香味又鮮甜！起肉切片 魚片都係夠薄 唔腥😋BB辣度 不錯❣️麻辣好上癮保持温度自在的吃到最後湯還是熱的！孜然萵筍炒牛肉 $98本身非常喜愛吃萵筍🤭 必點呀咬落爽口又清甜😋筍也很新鮮 牛肉夠冧 唔會韌不會太鹹 咸鮮入味 幾適合送番碗白飯另外個金銀蛋時蔬白菜啱曬我口味！！ $88絕對值得一試～分量超足 💕 上菜速度 服務質量 擺盤設計都是值得一讚！非常好服務👍🏻👍🏻人情味十足❤️

聽過唔少谷友介紹小城大廚呢間餐廳但每次經過都唔覺眼原來在成業大廈內圍要穿過𨋢口先見到㗎🫖前菜&茶位坐低後店員便送上熱茶和餐前小食是要收費的但食小菜館都預左後邊那碟蒜香陳醋雲耳幾好食酸酸鹹鹹好開胃🍲客家梅菜扣肉煲小菜第一時間點了梅菜扣肉煲哈哈 朋友和我都喜歡食呢樣嘛😁扣肉炆得軟腍入味梅菜吸了豬油鹹香鮮味下層仲有白菜仔墊底減油膩一煲上枱熱辣辣扣肉份量比梅菜還多好多肉食得好滿足😍🐟香煎陳皮鱔蒸鱔食得多煎真係第一次上枱時好香喎好似帶點美極味🤔鱔肉煎得香脆肉質彈牙又肥美入口仲帶有陳皮香啖啖肉勁正👍🧄淮山百合炒藕片最後仲點左份炒藕片因為本身好鐘意食蓮藕本想點的炒清菜就換上呢樣了 哈哈淮山、百合、蓮藕都爽口但各樣的口感又不一樣仲有雲耳同三色椒增加顏色令賣相更好看食到蔬菜的鮮甜味😋🍚白飯咁好餸忍唔住要了白飯淨係梅菜扣肉都可以扒幾碗飯啦😁抵食夾大件唔怪之得唔多人推介👍

呢度除左大量小炒既選擇外, 仲有任食雞煲火鍋都好抵食🤓 呢度既菜式多之外仲好抵食, 每日仲會有兩款唔同既菜式做特價添😚 前菜 ($10/款)今次去係花生同香辣黑木耳, 兩款都好大碟, 木耳勁惹味, 個汁整到麻麻辣辣好香好惹味🤤欖菜肉鬆四季豆🫛($88)超大一碟既四季豆好夠鑊氣, 仲有中量惹味既肉碎撈飯一流😍蜜餞欖角一字骨🍖($98)一層薄薄既蜜糖醬包裹住啖啖肉既一字骨x 食落甜度剛剛好😎客家蔥油雞(半隻)🐓($78)星期三特惠價係呢款菜, 大量香濃既蔥油淋左係嫩滑既雞上面好送飯, 半隻雞既份量都唔少😚椒鹽九肚魚🐟($98)超大碟炸到外脆內軟既九肚魚配上大量既炸蒜同米通好夠鑊氣🤩呢度既食物CP值幾高又夠鑊氣, 上菜速度仲要勁快, 茶芥$8位😌 呢度好啱一大班人一齊食野, 放工或者放假黎一樣正