小倆口台式漢堡蛋餅專賣店 (已搬遷) 新店位置

第二次光顧呢間小店，非常喜愛素食漢堡，麵包皮非常鬆化，醬汁好味，素叉燒又唔滯，超讚﹗另一款地瓜餅相比其他同類煎餅其實已算少油，不過素師奶一向食得好清，所以都略嫌油咗啲啲，而地瓜味唔夠出，食落似食緊齋餅。服務方面，細問之下，原來老闆一腳踢，見佢邊煮食邊同客有講有笑，仲好用心推介食物，呢個老闆都真係唔易做﹗有時行行下街見肚餓，又唔想入餐廳坐，只想來個快食，好似呢種小店係不錯嘅選擇﹗ 呢間仲有素食選擇，經過天后我都會幫襯下，不過如果下次去有更多素食選擇就更開心啦﹗

還記得年多前在天后附近補習，有時經過此店就會買份蛋餅醫醫肚，老闆每次也會很熱情的介紹此介紹那，蠻好人的！這天經過天后，就想著要回味一番，點了個肉鬆蛋餅（$25），是此店的招牌。這次老闆不在，小店內只有一名年輕的男店員一腳踢。蛋餅即叫即做，因此入口時還熱騰騰的，肉鬆的分量也很足夠，味道不錯！不過本人就略嫌肉鬆有丁點兒喧賓奪主，未吃過蛋餅的朋友我推介先嚐一嚐吉士蛋餅，是最簡單也是本人最愛的一款。在香港有賣蛋餅的食店不多，因此這裡的蛋餅也值得一試的！ 

今日本來去銅鑼灣先食飯，點知巴士去到天后時，因為爆炸物品而封路！唯有落車在附近搵食，呢間曾經經過但遇著休息日，今日去到只有一位客人，一間店只有一個男店員（老細？）店面已經係廚房，再有一個簡單面向廚房嘅枱加四張摺櫈！不過用了好亮眼嘅鮮黃色！加印上自家logo!感覺似外國嘅餐車餐廳！男店員好勁，落單收錢煮食物招呼客人一腳踢！唔知點解，我一坐低就來咗好多放學嘅學生，即刻爆場，其他客人就要企位了！男店員得一對手，好忙，所以出菜速度比較慢，請耐心等候，幸好佢一眼關七，每一個客人都照顧到！唔會倒瀉籮蟹！總統牛肉漢堡（$40）：新鮮即做，所以都等了15分鐘，紙碟上，漢堡賣相好靚，喜歡個包佈滿芝麻,個包煎過，好軟熟，生菜新鮮爽脆，漢堡扒雖然唔厚但有肉汁，牛肉唔膻，上面嘅芝士加茄汁好搶眼，煎蛋蛋白脆邊，不過一攞起個漢堡，蛋黃汁就漏晒出來，整個包熱辣辣，好味道！芒果乳酸（$13）：因為叫漢堡，飲品打折，不過只係即沖飲品，見店員打開雪櫃攞壺白色乳酸出來，倒一杯出來再加芒果汁！幸好味道唔假，仲幾清新！幾好！男店員非常熱情，食緊都會招呼，見我食得論盡，即刻攞紙巾比我，食完我攞紙杯紙碟比佢，佢都會講多謝！

5月25日, 同呀比返醫院聽完講座, 忙咗一日唔想再煮晚飯, 就諗住簡簡單單買d野返屋企食. 行到天后清風街小倆口, 成日想食都撞正收舖, 今日難得見到佢仲開緊, 即刻把握機會去試下啦!::: 總裁牛肉漢堡 ::: $40等咗好耐, 返到屋企一打開... 唔... 個賣相實在有走樣. 灑上大量芝麻既漢堡包傾斜一旁, 內裡既餡料東歪西倒咁求求奇奇疊埋一齊... 餡料有生菜、番茄、芝士、漢堡扒、煎蛋, 材料其實頗豐富! 不過味道卻未算突出, 漢堡扒略乾、煎蛋又過熟, 成個包食落乾爭爭, 餡料太多太重壓到個包底層扁晒, 令個包變到實的的, 失去鬆軟口感. 本身都好大期望, 食完真係有d失望...::: 肉鬆蛋餅 ::: $25即食肉鬆加上新鮮蛋餅同台式甜醬汁, 基本上沒有難食之理, 不過味道亦是毫無特別驚喜. 重點是份量太少, 整個蛋餅長度還不如一隻細膠叉... 可能我地錯誤判斷佢可以當正餐... 食完一d都唔飽, 係真係太細份!之前曾經好期待食, 不過完全觸摸唔到佢既營業時間, 成日去到已經閂晒閘,有時經過見到佢有開, 我地又已經食飽飽, 久而久之就好恨食. 只是今次小試一次, 價錢唔算平

多年前在台灣吃過蛋餅以後, 一直都沒在別的地方找到過, 每次就只有到台旅遊時才能重拾那種美味...最近發現天后開了家蛋餅店, 開放式的廚房, 以台式做法專製蛋餅, 同時也製作些別的小吃..其實他索價不便宜, 要廿多至三十元一份, 每加配料另加數元, 但因久未嚐過蛋餅滋味, 那就前來一試~店主熱情推介, 看menu的配搭就是跟台式早餐店的蛋餅配料類同... 於是我要了份肉鬆蛋餅加芝士, 等了數分鐘, 一份香氣四溢的蛋餅奉上...餅皮煎得不會太油, 值得一讚, 蛋香也算濃郁, 丁點焦了的外皮, 吃下去更香口~肉鬆下的不吝嗇, 啖啖都是满满的肉鬆, 加上半溶的芝士, 美味非常~~是香港難尋的台式美味... 很奇怪, 本港的台食很多, 珍珠奶茶和麵線尤甚, 但就是沒多少家賣蛋餅的, 所以, 這家不錯的蛋餅店, 值得推介~

行完花市決定去天橋底搵野食，基本上只係想食d平平地既野，行行下見到既呢間台式小食店，見唔洗等位就坐低左。露天位置，好似幫襯緊外國d賣小食既van仔咁，幾有feel ;P 總共叫左3樣野食，2杯飲品芒果紅茶、水蜜桃紅茶：無加冰，14$黎講都算大杯。以為會係濃縮個d好假既水果茶，但因為茶好澀既關係，我諗真係有用到茶葉or茶包，但唔算好飲，事關真係幾澀黃金蝦排堡：比想像中好食。其實係個店員介紹既，個醬酸酸地咁幾開胃，不過片蝦排比較林，無咩咬口就失左分，但味道黎講係唔錯肉醬鐵板面(唔記得exactly個名係咩)：個醬無咩特別，但個面幾彈牙，同肉醬都幾match，可以自己係屋企整下xd芝士蛋餅：同平時食d手抓餅唔係幾同，佢個餅係無咁油，感覺唔係幾似酥皮，都幾好食。入面有卡夫芝士同沙律醬，有少少寡，如果叫雙併加d肉可能好味d整體黎講d野食味道都算唔錯，但價錢以路邊野格局加非常普通既用料黎講都有少少貴。食完亦唔覺得個店員特別親切好人之類，反而我叫親咩佢都推介我食第款佢所謂出名既野食，唔係話推介下唔好，但唔好係我叫野食個陣先同我講會好d~___~

去開天后，上網搵下推介餐廳，見到竟然有餐廳專賣蛋餅？！一於試下！老闆好NICE~又好似歐陽靖~XD佢推介幾款包比我地試~好啦信你~先上一個蛋卷~初初就咁叫芝士, 不過老闆話加埋火腿好食D~好啦~!新奧爾良雞包~少少辣~雞扒唔係無肉味粉粉個種~!牛肉乜乜乜包~牛肉好夠味~加埋芝士~好夾呀~蝦堡~蝦餅好有蝦味~唔係食粉餅咁!所以包都係麥包~好鬆軟好食~ 好食過麥叔叔N倍...最後試埋個炒麵~好香口~麵好彈牙~食完會好想再食~

喜歡尋找新食物的我，特地到天后這間以蛋餅為主打的小店～從未到過台灣，但聽說台灣蛋餅很好吃，所以找到這間店～其實店鋪很容易找到，我去的時候沒有人，不知道平時是怎麼樣～甫到步，頗年輕的男店主很好人的推介熱賣的蛋餅～ 可惜我很少飲飲品，所以即使套餐的飲品半價，我也不要，說聲抱歉啦～要了個煙肉芝士蛋餅（$30）熱溶的芝士配上煙肉，很香很好吃～但說實在，份量真的少了一點，男生只能當小食吃，女生不想發胖的話，這份量當一餐應該不會過quota~其實這店還有漢堡，但假如下次再光顧，應該還是吃蛋餅，因為比較特別～加油：D

快要去台灣旅行了，現在已急不及待想吃台灣美食！最近我家的台式小吃店，應該是這家小倆口了吧。以前經過這裡時結果都吃了別的東西，今次剛好有胃納，正好一試。外帶了一份野菜蛋餅（$20），拿回家時還是熱呼呼的。兩件蛋餅每件分別切開３份，裡面該是些高麗菜（椰菜）之類，質感有點 QQ （可能下了木薯粉?），不夠味道就好像不太夠。還是期待去台灣吃啦。

行行下街發現呢間店原來就係係荃灣幾出名既蛋餅老闆見到我地就落力介紹即叫即做 又香又熱 蛋餅煙煙韌韌 唔油膩配肉鬆粟米 甜甜地皮薄餡都幾多未食過台灣既蛋餅感覺幾新鮮 比較清淡好岩做早餐或下午茶小食老闆好熱情好友善仲話見我地第一次幫襯咖啡可以平d賣比我地可惜我地對咖啡無咩興趣放假呢條街既人流都幾少下希望小店可以繼續生存

這篇食評留到在台灣旅行回來後才寫，是想跟正宗地道的蛋餅比較一下！星期五，happy friday 下班，以前在小倆口附近上班一段時間，一直未有意慾去吃，轉了工作，難得又回到天后，就趁這次機會走到小倆口點了份蛋餅吃，的確在炎炎夏日下等待是有點熱，不過老闆很熱情超級有善的，這點已經加分。最後都係揀左take away，冬天可以堂食！即叫即整，點了最基本的芝士粟米火腿蛋餅，等了差不多五分鐘有得食。熱辣辣，老闆細心的剪了六小份，芝士剛好在溶，一淡放入口，好熱呀！不過，溶緊既芝士撈左小小沙律醬同埋甜甜的粟米成個汁好好味，夾埋火腿食，味道非常夾，蛋餅皮又岩岩好薄薄地一塊包住，唔會太厚一舊麵粉 （響台灣食到係成舊麵粉），所以，真心覺得比台灣好食好多！

眾所周知，在香港創業，可是難上加難；特別是飲食業這一行：開得早，收得晚，加上收入不穩，實在難以吸引年輕一代就業。小倆口老闆袁先生可算是個例外；在外國浸過鹹水，便決定回港開設餐館。八十後的他，穿著一身潮服，一口半鹹淡的廣東話，再加上那神似藝人歐陽靖的外形，兩個字：好型。小倆口於清風街自成一角，色彩光鮮的門面為昏暗的街道帶來點點活力。餐廳原址位於荃灣，以售賣台式小吃如漢堡包、蛋餅等為主；荃灣店於年前結業，後於天后清風街再次開業，與客人再續前緣。與荃灣店相比，天后店的面積顯得非常細小，堂食的位子不多，因而主打的還是外賣生意。是日到訪正值下午三時多，人流寥寥可數，徒步到清風街橋底，但見袁老闆正在跟一位客人介紹食物，熱情非常。一甫坐下，耳邊便傳來招呼聲：XX君！好久不見，這陣子都去哪裡啦？萬料不到，才來過一次，袁老闆竟能穩記我的名字？心中已有種無名的感動。聽聞在台灣不少本地人以蛋餅或蔥油餅為下午小點，而小倆口剛好正正就是走此路線；蛋餅有吉士、肉鬆、培根等多種選擇，是次到訪就吃了鮪魚和肉鬆蛋餅，即叫即製：店員先放了一塊薄餅於爐上輕煎、打上蛋，然後加上餡料；動作一氣呵成，仿如表演。前者（鮪魚蛋餅）用

我同班同學都好鐘意食呢到d蛋餅近學校又好味但係因為我會外賣番學校食而學校吾比開電話所以無影相我最鐘意食蔥抓餅，佢好似d有蔥嘅酥餅咁，好香好好味梗係要食佢主打嘅蛋餅我鐘意食肉鬆蛋餅，煙煙韌韌嘅蛋餅配埋肉鬆好好味今次有食埋煙肉cheese蛋餅但我吾係太鐘意食cheese所以無咩特别感覺之前食過黃金蝦排堡，有好大塊蝦排，好正，配埋甜甜地嘅汁真係一絶呢度嘅野食係即叫即整，雖然每次嚟到要等，但係熱辣辣好好味唯一有少少微言嘅就係價錢偏貴，一個蛋餅好細都要35蚊，食完吾飽，對我地d學生嚟講有d貴

S-Yoco serves Taiwanese egg wraps and burgers which are popular street snacks in Taiwan. It is located in Tin Hau with a few seats available right outside of the shop. As the seating is basically on the street, it can be rather unhygienic with the traffic and uncomfortable in the hot weather. The boss was really nice though as he proactively recommended a few items for me to try as a first-timer. At his recommendation, I decided to get an egg wrap and a drink for my meal. The logo is so cute! I

想吃好久的台灣小吃，從荃灣店時己想去，但不太就近一直沒成行。終於在偶然機會下，在天后遇到她，當然二話不說就排隊光顧。店很小，但食物都是即製的。點了肉鬆蛋餅和蔥油餅，比較喜歡肉鬆蛋餅，外皮應是蛋加麵粉做的，鬆軟有蛋香，包著滿滿的肉鬆，味道不錯！蔥油餅熱辣辣，味道ＯＫ，跟其他地方吃的水準差不多。份量不大，我們三個朋友分一下子就沒了，哈哈，可以留肚子吃甜品看到老闆對每位客人都很親切熱情地介紹，也感受到他很努力在為自己的小店打併。好希望努力的人都得到他"應得"的回報，而不是只能混日子過。我住的不就近，否則我一定常來幫襯，給他加多點人氣！能做的，就是介紹給朋友，以及走時跟老闆說，你的東西很好吃啊！遲些再補上相片。