寿司大大 (已結業)

今日行開這裡，見到個food court 有間新開嘅壽司店，於是行過去望吓，而一望之下見到有最愛嘅海膽，同蟹膏壽司，二話不說就點了個套餐$108，有差不多成10件不同嘅壽司，咁都可以散點，但套餐還會跟個麵豉湯，咁計落都差不多，望到件件都係啱口味，所以不用多想了！先附款再取壽司，因即時製作，所以要等一陣就好似食omakase咁，由師傅即場製作，唔同嘅就係一次過做好放到個好靚嘅飯盒內！包得好精美，就好似在日本上火車前在站內嘅便當一樣，一打開就見到最愛嘅海膽壽司同埋蟹膏壽司，當然要立即品嘗先，海道鮮甜，而蟹膏上面有少少金箔，夠晒華麗！當然入口充滿濃郁嘅蟹膏味道，超正！而其他嘅壽司亦十分新鮮好味，一個價錢就已經有齊三文魚、吞拿魚、三文魚籽、玉子、赤貝、腐皮、帶子、蝦壽司等不同組合，如果分開點都未必可以用呢個價錢試齊！食嘅時候就有種遊日時乘火車食便當嘅感覺！

去日本旅行好欣賞佢哋嘅鐵路便當因為好精美又好味道，估唔到香港鐵路都有類似嘅便當。我講緊係紅磡火車站對面個商場樓上嘅foodcourt, 我以前嘅補習學生而家喺理工讀書，星期五晚約我出嚟交換手信，我就順便請佢食個日本壽司盒啦！慢工出細貨，即叫即做，需要耐心等候！因為堅持每一個細節都做好，一啲都唔會馬虎。$108 極 壽司定食，足足有10件咁多，而且每一件都有返啲質素。我最驚喜就係有海膽壽司，平時一件都要30幾蚊！海膽鮮甜又唔腥，我一啖就食晒！同埋蟹膏味道勁濃郁，蟹膏軍艦壽司上邊仲要有金箔，真係估唔到可以做到咁名貴嘅質素！赤背爽口，帶子口肉味道不錯。食晒10件壽司真係好 full !定食裏面仲有味增湯, 湯用紙杯乘着好環保又保暖！下次睇演唱會前來食就最啱啦！

今日同老公仔去睇演唱會，每次去睇演唱會都求其食,務求填飽個肚又趕到開show. 我係打工仔一名又不可以sharp 走，但又想食好小小。估不到都會商場開左間外賣壽司，不算太貴，外貌吸引，款式都幾多，今次就首次幫襯。有好多一set set 選擇跟味噌湯，另外可以散叫佢幫你pack,即叫即整。我叫了個set,跟圖一樣吸引。有海膽、三文魚、三文魚子、帆立貝、蝦、甜蝦、蟹柳、吞拿魚、赤貝、雞蛋壽司當中我最鍾意三文魚子-每一粒都好新鮮，咬出來好多魚油，好似在你口腔跳動。帆立貝又好大粒，非常滿足。其他都不過不失。仲會跟埋味噌湯都十分足料，有昆布豆腐都好美味。我老公要自己散叫，佢想試試個蟹膏壽司，聽職員講十月是蟹當做季節，佢地之後推出有關蟹為題set,我相信一定不能錯過。老公激讚件蟹膏壽司，他好獨食不肯分少少給我。我下次一定買來自己食。

每次去睇演唱會前，我相信好多人都會係紅館附近呢個商場醫一醫肚先！今次有仲大發現既係 food court 個度竟然開左間高質日本野，充滿好奇心既我地，見門面都靚靚地，而且價錢合理，就膽粗粗一人叫左一盒極上壽司定食（HK$108)！呢盒定食賣相都算幾吸晴的，一盒有十件, 仲配一碗味增湯，壽司會因為貨源問題，可能會同 display 款式有d出入的！壽司都算大件及新鮮，特別喜歡海膽，蟹膏壽司及凡立貝壽司！下次再黎，希望推出更多選擇啦...

今日打算係紅紅磡食完個中午就同女朋友去行街，原來紅磡美食廣場入面有呢間裝潢都幾別緻的壽司店，平時去食壽司，同女朋友去食好少少，冇返一千幾百都行唔出個餐廳門口啦～望真D發現好多壽司便當選擇，望落都唔貴，多選擇得黎又是平民價，好像幾吸引！老板娘都好有心，會主動了解給我地傾計，好親切，推薦左好多款壽司，聽佢講原來呢度既壽司是小林師傅製作同監督，好犀利。便當盒子都幾令，壽司仔全部整齊排列在一起～壽司食材用料都好新鮮，特別是三文魚，新鮮到想食埋女朋友果舊呀～三文魚籽大大粒，好鐘意咬落去爆漿的感覺呀！我最愛的馬糞海膽壽司果然冇骨令我失望，大大舊馬糞海膽，食落去滿足感爆登！真正日本人製作，果然唔同D，放入口已經食出師傅的水準～麵豉湯食完壽司歎返碗麵豉湯是常識吧！我比較喜歡呢款，比起平常飲的麵豉湯唔會太咸，飲完唔會話成日想飲水～

啱先喺呢頭見完客，行左一圈，睇吓有咩好嘢食先，環顧四周見到呢間咁多人，抱著試下既心態 ，買咗個特上壽司盛盒，見到咁靚仲諗住通常都係”金玉其外”，唔理啦，好靚呀，試下先。點知食落口就知道”精粹其中”,我呢個成盒仲有10舊壽司，每舊口感新鮮又不膩滯，吞拿魚上邊有金箔，三文魚子粒粒飽滿多汁咬落去啲汁爆曬出嚟成口都係，口感豐富到呢~仲有肥肥厚切三文魚，飲埋個麵豉湯，真係冇得彈，估唔到food court 都竟然有高級寿司食，簡直係極品

係foodcourt 都估唔到有壽司食，抵食夾大分，推介嘅極壽司有成10舊咁多，而且又有海膽吞拿魚帶子，都只係$108，原本會覺得好似爭先咁唔係咁新鮮驚食咗會肚痛但食落又發覺幾新鮮。總括嚟講抵食又好食👍🏻