寿司大大 (已結業)

好一段時間沒來紅磡，與朋友事後打算在置富都會吃晚餐，發現 Food Court 這裡竟然新開了間專賣壽司便當的小店。在眾多選擇都是中式或是東南亞菜之下，我們都選擇在這店買外賣到 Food Court 中央用餐。除了壽司和便當，店鋪也售賣有手卷和飯團。原本我想吃的三文魚飯團已經售罄，眼見壽司頗吸引，於是點了份學生套餐（$ 42），包括 10 件壽司和一碗味噌湯。店員指壽司乃即叫即製，因此需時等候。便當和湯以紙盒包裝，具日式簡約風格。壽司方面，我選了三文魚、吞拿魚、甜蝦、熟蝦、魷魚、芥辣八爪魚和赤貝。整體上壽司味道新鮮，魚生刺身蝦尚算軟滑，壽司醋飯的味道、質感和比例也好。其中我最喜歡赤貝和魷魚其鮮甜及爽口質感。味噌湯濃淡適中，內有些許昆布和豆腐。便當餐的份量頗足，非連鎖店的食物質素為中上，性價比升高。可是店鋪要注意下單錯漏的問題，因為朋友的便當裡有些壽司與點的不同。

因事北上，回到紅磡港鐵站已經七時多，於是就獨個兒逕往對面商場搵食。一個人不會去酒樓，唯有走去美食廣場逛逛。入到去見有新加坡菜，也有素食，又不打算食碟頭飯，於是就揀了第一間的壽司便當來試。壽司店以做外賣為主，也沒有特定的座位，只可以帶走或坐在美食廣場中間的座位。我不想逐件揀，見有限量定食推介，於是就點了那款極壽司定食($108)，加$10就可以多一個烏冬。壽司是即叫即做的，不一會就做好了。雖然是用紙盒包裝，連盛湯及烏冬的都是用紙做的，但還算美觀。定食有壽司加味噌湯，壽司包括有腐皮、蝦、甜蝦、蟹柳、玉子、三文魚等這些單點價界乎$6至$8，及$10的赤貝和吞拿魚等較平價的壽司，而另外還有帆立貝、三文魚子及海膽等。當然，以這個價錢也不能奢望甚麼。味噌湯夠濃味，而且是熱騰騰的。壽司之中赤貝亦算爽口，吞拿魚竟然有一小片金箔，帆立貝有鮮味，而三文魚子顏色較一般見的為深，而且較鹹，最好味的要算是那件最貴的海膽壽司，最為鮮甜。烏冬就配有鳴門卷及蔥，麵質還算可以。

在香港的food court好少會有日式便當🍱賣置富都會8樓的food court竟然有間隱世的壽司便當店店舖有很多選擇 如果唔想食便當咁大份可以選擇買個飯團🍙食當小食來吃也很好今次買了c餐入面有10件壽司 🍣 加配一碗熱騰騰的麵豉湯平日飲的麵鼓湯多數過鹹 所以我不太喜愛今次的麵鼓湯竟然完全不鹹 味道剛剛好飲完整碗也不會覺得好渴壽司有10款 每款也很鮮味其中最出色的是海膽和拖羅新鮮之餘更是很厚身 吃落令人滿足

兩個人去完國內出差，返到香港即刻搵嘢食因為太肚餓！一出站見到個商場，梗係唔諗咁多入去食下先！搜尋之下發現這裏有個food Court，又係諗都唔諗一枝箭就去呢個Food Court搵食！想到去發現原來這裏都幾大，位同位之間亦都很闊落，現在係食飯時間人係比較多，但係基本上都唔使等位! 這裏有麵餃子鐵板飯燒味飯壽司，發現原來這裏嘅價錢都好平,每一間舖都唔係貴！行咗個圈發現都係呢間壽司最吸引我！因為太肚餓，員工說我哋兩個人可以食個二人套餐，又係唔使考慮之下就叫咗啦！叫完之後我哋就坐到旁邊的公共進餐等待，等左10分鐘左右就有得食，我問他們點解要等咁耐，原來他們都係即叫即做的，確保新鮮！來到竟然沒有令我們失望，賣相吸睛，用料新鮮，相信他們配搭亦都有計算過，不同口味款式都有，總有你喜歡的！而且份量都唔細，一啖一口，兩個人食完剛剛好！而且唔好以為他們是快餐樣樣都好求其，確實係相反，我覺得他們樣樣都做得好細緻，心知是這個跟餐的湯，絕對唔係用湯粉搞出來的！同出邊的日本餐廳一樣咁正！

平時除咗搭火車經過好少會專登去紅磡，今日剛好在這裏下車，見到原來周邊的商場都已經林立,所以決定周圍行吓順便食個晚餐先返屋企！地鐵站一出已經見到個商場，裏面好大，唔係好多人！行行吓發現原來他們有個food Court，但係這個food Court同平時嘅商場大X代有啲唔同，這裏的餐廳比較平民少少，也有啲有名的但係平的，感覺親民好多最主要係好多都係有食物保證！第一間就見到叫做壽司大大，他們裝修有別於旁邊的店舖，比較新啲靚啲，當然就吸引左我去睇下有咩好食啦！他們有出一啲一人壽司定食套餐，因為今日我係兩大一細，向員工查詢之下原來他們有出幾人的到會套餐，而且聽到價錢之後諗都唔使諗就決定食呢個這個2-3人餐，包左超過30件壽司，兩碗味增湯，我哋仲揀咗升級版嘅海膽set！睇吓幾豐富兩樣都有啲，因為佢哋係新鮮即刻整，所以都有等左十幾分鐘先有得食。不過新鮮野梗係值得等啦！刺身紫菜材料全部新鮮，壽司飯好味，軟硬度適中飽滿，壽司醋濃度亦都做得剛剛好。特別係個蟹膏同海膽好好食，一啲都唔腥，整合嘅配搭我也10分喜歡但係因為我小朋友唔可以食太多生野，他們竟然有推出20幾蚊嘅兒童餐，真係細心同埋超級抵！兒童餐包了一

紅磡置富都會最近做緊「Kerokerokeroppi聖誕星際奇遇記」既promotion所以男朋友就專登帶左我黎影相！影完相佢就話同我喺food court 食野，我諗住去food court 都係食啲普通野，點知今次有驚喜一入門口就見到呢間壽司大大啲壽司好靚好吸引好有高級壽司店既感覺餐牌走可愛路線仲有學生餐自選左幾件壽司，包裝好靚啲壽司大部份都好新鮮而我覺得最正既就係呢件蟹膏壽司（$15)$15 一件既壽司仲有金箔喺面，好矜貴蟹膏味道好濃同埋好滑！一試難忘😍Food court 可以有一間咁高質既壽司店，真係好難得

今日同朋友北上濕平完返香港，搭火車去到紅磡肚子餓，就去左商場food court 輕食醫肚。咁多選擇之下，我同朋友都比精緻嘅壽司set吸引，雖然呢個價錢比其他選擇貴，但見到模型真係覺得好吸引。包裝充滿日式風格，總共有10件壽司，每款一件，醬料齊全。三文魚吞拿魚肥美新鮮，生蝦熟蝦彈牙無根，三文魚籽大大粒，魚油味香濃。海膽壽司好出色，海水味重又creamy，係food count 都食到呢個壽司質素真係好驚喜😍👍最後，面豉湯好濃郁，唔會太咸，飲一啖即係減低壽司嘅寒意，好夾😋

岩岩係廣州搭火車番黎香港，累透了😩。到左紅磡搞唔掂要即刻搵野食🙈。同同事們去咗隔離個置富都會搵嘢食😋，發現原來有個 food court，😍咁啱晒啦自己揀自己想食嘅嘢。入去近門口就見到呢一間壽司大大，門面裝修得勁靚，😋感覺都好似高級嘅日本料理，櫥窗放咗食物模型，收銀隔離放咗一個雪櫃，雪櫃入面擺滿左外買嘅飯團。👍🏼❤️呢度點餐好得意會有個過咗膠嘅餐牌，有支水筆，咁就可以循環再用。👍🏼睇過餐牌後，發現其實我叫個set好似仲啱食，😋所以我就叫左一個set，另一位同事都同我揀呢一間壽司大大食，佢就自己選。😂⭐️個壽司盒超級靚，壽司質素above average。咁當然唔可以同千兩嗰啲相比😂，但係價錢同壽司質素係合理嘅。😋⭐️麵豉湯熱辣辣，好濃，正。

難得兩公婆二人世界，嚮紅磡四處行完，臨啟程回家前，到車站附近商場food court食埋個晚飯先走。壽司是我倆的favorite，呢間店的裝修充滿和風味。盛載食物的盒子很精美，未開始品嚐也完全感覺到店方是很用心及認真。食物方面，除了有預先包裝好的，也可以按喜好自由拼配，價錢還很公道呢！我比較貪心，想食多幾款.....三文魚、吞拿魚、帶子、甜蛋、甜蝦、蟹子、蟹柳.....樣樣都好吸引，新鮮又肉厚要數我既至愛，蟹膏必定有份，一來不是很多餐館有供應，二來這裡提供的蟹膏壽司是加了金箔的，顯得份外矜貴。小杯烏冬裡的名門卷、盛載青芥的器皿...以至陳列用具，每一樣都很趣緻! 「食」是可以充滿趣味的，enjoy !!!

今日出去左紅磡拎野，之後就去左上層的美食廣場的位置食野，上面都係平時成日食開的鋪頭，今日試下就新野，去左食壽司。勁少在food court 的地方食壽司🍣，不過見到幾靚所以試下。我叫左一個set，但唔係好記得咩名，不過都幾新新鮮下，而且比起平時食幾蚊一件的好食得多。我個人最愛食帶子壽司同三文魚🍣。而且每件都有一定份量，唔會薄到好似紙咁。烏冬正常水準，不過隻豬仔都算幾得意麵鼓湯料就只有幾粒豆腐，不過味道都還可以最後兩件都算有少少驚喜，金薄都唔係好特別，佢件蟹膏壽司勁多蟹膏在面，好好味呀～

自從上次嚟過依個商場，似乎幾方便幾好食，今日佢個food court 睇下。一去到就見到依間壽司店裝修新浄簡單舒服，似乎開咗冇耐。老闆娘好有禮貌，仔細介紹壽司又話大廚係日本人。見到材料幾新鮮。上廠做嘢冇啖好食，就同同事各點咗份特上壽司。佢仲有碗足料麵豉湯跟定食。個外賣盒幾精緻。整體壽司水準幾高，材料新鮮，即叫即做，所以要等一等。甜蝦好甜口，海膽鮮甜完整，蟹糕亦非常香濃。壽司飯好好食。學生仔特價餐好優惠見佢咁唔錯，特登買咗啲手卷飯團比公司同事仔食。

Food court 的好處就是集合各種食物慢慢座低。 今日買了《壽司大大》及其他。 位於紅碪火車站對出置富都會8樓 店鋪有日式感覺，職員有耐心地為我們介紹。 一盒10件的壽司套餐，外賣盒包裝很精緻，附送麵豉湯1碗，壽司是即叫即做的，order後約10分鐘就有得食壽司共有10款口味，三文魚，吞那魚，海胆，玉子，甜蝦，蟹柳，帶子，三文魚子，魷魚，其中甜蝦及海胆味道鮮甜可口，以套餐價$108，是合理價格，如喜歡散叫，他們都可應要求做，價錢由15/件起

返大陸之前乘火車一定要經過火車站，這個商場必經的，同事好餓要醫下肚，去foodcourt走一轉，我這些港女唔喜歡食foodcourt，因為好似食連鎖店咁，點知我同事帶咗我去這裡食，估佢唔到，咁好的質素係咁平，唔怪得我同事好豪氣話佢請門面好靚呀我同事安排了兩個便當比我，不過佢話唔知我喜歡食乜，就是旦點咗好多比我，同佢的一樣我覚得個包裝真的很靚呀！仲要蟹膏軍艦上有金薄！我好喜歡吃明太子沙津，好爽好有口感，正！帶子好厚，好新鮮！我同事係男人，我好鍾意食蟹膏軍艦，佢覺得好野味！海膽壽司大大件，好甜美我食完呢一餐之後去睇下個餐牌，估佢唔到個價錢咁鬼平，仲平過一啲連鎖店！下次返完大陸都你一到買完嘢食先返屋企呀！

去紅館睇演唱會，到紅磡都會的food court 食晚飯，見到新開了壽司店，隨即試試其質素如何。店舖陳設甚具正統和風，美觀而整潔，格調高雅。壽司定食價格十分相宜，點了最高級的「極」壽司定食，也只需$108。外賣盒以飛機木製作，並以色彩繽紛紙帶包裹；麵鼓湯則是以紙碗盛載，足見其講究和用心。十件壽司整齊排列，因為要照顧food court 客戶需求，壽司飯的量比較多。所有食材都十分新鮮，不會將貨就價，高級刺身如海膽、帶子、赤貝及三文魚子都用料十足；吞拿魚更有金萡作點綴，增添高檔感覺。能夠在food court 吃到製作認真的日式壽司，且價格相宜，確實喜出望外。

又是看演唱會的日子每次看演唱會前總是在新都會來來回回不知道吃什麼好結果還是去FOOD COURT看一下有什麼東西吃.FOOD COURT選擇多是眾所周知的事但在近門口位置居然有一家壽司店看上去雖然選擇不多但是外面裝潢乾淨整潔又有學生優惠倒不如也試試.一盒大概有10件壽司而且還附送了麵鼓湯麵鼓湯做得也算有心裡面的豆腐切成一小塊一小塊溫度仍保持得熱騰騰湯不會過咸能接受.壽司雖稱不上是厚切但也算可以其他壽司外帶所附的醬油就一點點那像這裡是一小罐的.總的來說性價比也算高一分錢一分貨想吃壽司也可以來這裡過過口癮