寿司大大 (已結業)

疫情關係買外賣安心過喺food court 食，見到$49 lunch set好抵咁，4件壽司可以自選更改，仲有罐飲品跟埋，職員見到小朋友仲好有愛心，請小朋友食糖添！外賣拎到上樓後發現包裝非常精美，烏冬仲特登加多個膠袋喺外面唔怕倒瀉，份量仲唔少添！而炸蝦用嘅炸粉明顯同一般壽司店唔同，加上外面嘅麵包糠非常香脆。

$49一個set，而家疫情關係盡量都唔好食生嘢啦，佢哋都寫左有熟同素。我揀咗要素嘅，然後個落單姐姐，仲問我個湯要唔要走葱，話如果素食者就唔使葱嘅，勁細心，個烏冬紙盒，壽司豉油係比一個樽仔咁嘅，壽司盒外面仲有個紙套做包裝，當然就唔係幾環保，但係有誠意有堅持✊🏻重點味道真係幾好，特別係個糖心蛋好嫩

今日又去左紅磡做野, 因為疫情既緣故都唔敢出去食堂食, 唯有去紅磡國際都會既美食廣場買外賣。一入去門口, 就會見到一間和風裝修風格既壽司大大, 見到佢做緊D 49蚊Lunch Set, 包一個麵食, 幾件壽司同埋飲品,好似幾抵咁就試下啦! 壽司方面仲可以根據自己既喜好自由配搭, 可以選擇魚生, 熟既, 或者係素既, 照顧到唔同食客既需要。一返到office 打開外賣, 令我十分驚訝, 估唔到一個50蚊都唔使既午餐竟然會包裝得咁細心,我叫既係D Set, 廣島蠔同烏冬係分開裝. 以防炸廣島蠔會比D湯浸到淋晒, 另外湯碗仲包左一個透明膠袋, 為免湯會倒瀉整爛裝住食物既紙袋。一打開個湯烏冬, D 煙仲飄緊出黎, 睇得出係新鮮煮出黎, 個湯仲係好熱, 要放係室溫一陣先放到入口, 至於烏冬則係我至愛既煙韌口感, 醬油湯既味道適中, 唔會偏咸偏淡, 好味!廣島蠔亦都係新鮮炸起, 好酥脆!壽司方面我揀左鹽燒三文魚2件, 蟹柳同熟蝦, 始終依家疫情嚴重, 唔係好敢食太多魚生。壽司既質素亦係相當唔錯, 有一般大型中價位既連鎖壽司店既水準!今次既午餐真係令我十分驚喜, 難怪呢間小店既食評都係清一色好評!我

正當今日天氣炎熱, 想食得清淡啲之一瞬間,我嚟到FOOD COURT望到呢間壽司店, 我經店員介紹後, 點了一份叉燒湯烏冬+四件壽司($42),價錢是非常相宜。店員很有禮貌及細心問我喜歡食熟或生的壽司, 我點了蟹籽及甜蛋壽司。外賣紙袋幾精美。回到公司打開碗烏冬, 賣相不錯, 湯都OK, 而且烏冬好彈牙好滑,真係幾好食。叉燒亦都濃味,原本懷著無乜期望但今次都真係好有驚喜……... … 蟹籽及甜蛋壽司, 味道同出面街買嘅差不多,今次無驚喜,不過以呢個價錢又有烏冬食, 又過到食壽司癮, 真係在呢區比較難搵到。下次會再幫襯。

睇演唱會之前先去醫肚，去咗紅磡火車站旁果個商場，但係food court 超多人，正當猶疑緊唔知食咩好果陣，咁岩俾我哋見到有人捧住一個刺身丼喺我哋面前經過，於是就周圍搵，最終搵到呢間壽司舖。見佢一個三文魚手卷又肥美又大件，但係價錢都係好相宜，於是就買黎頂肚，仲順手試埋佢嘅飯糰。日本手卷同飯糰最注重嘅當然係佢嘅米，呢間舖頭雖然唔係咩集團式經營，但係用料都算幾好，真係用返日本珍珠米，食落有口感又唔會太硬，好過D便利店出嘅飯糰多多聲，以後黎睇演唱會又多個選擇

前陣子為了看演唱會而去到紅磡，偏偏工作太忙要加班因此去到時距離開場時間不遠但又很餓，於是跑到美食廣場打算快快吃個飯。此時見到美食廣場竟有間看起來很不錯的壽司店，忍不住要跑去試新店。為了方便，直接點了兩個餐吃跟朋友分著吃。包裝都方便打包拿走，很不錯。套餐裡應有盡有，可見到壽司的個頭不會很小，且生熟都有適合大眾口味。另一份則叫了火灸壽司，嘿嘿，也是放得很好不怕外帶。整體來說以美食廣場質素而言還不錯，魚生都蠻鮮不會腥。飯捏得也還好不會太硬或太軟。

本來一直覺得呢個商場有點頹，但新開的壽司🍣大大為這個food court 帶來一番新的活力😍！ 門面好光鮮，有日本歌的背景音樂🎵同埋著得日本風的姐姐。除了有現成的飯團🍙賣外（大概$15個，市價），其餘便當🍱新鮮即做。學生👨🏻‍🎓超抵，只需$42有10件壽司🍣仲有麵鼓湯送！ 我外賣了🥡1個便當回家，包裝得美美的！ 有些仲有金薄呢。個人最愛帶子同甜蝦。花之卷如果5好有咁多綠色醬賣相應會更好🤣

自從畢業左之後就唔係成日黎置富都會，原來呢到開左間外賣壽司店。以前成日返學都搵唔到一間好食又平既日本餐廳，遷就返好窮嘅我。雖然依家出咗嚟做嘢，但自己仍然都係想食返啲平民但高質既野食。朋友係入邊搵下有咩好食，見到呢間價錢非常便宜但睇落去都幾唔錯。我地一黎到落單，店員話壽司師傅親手即做㗎，所以都要一啲時間整，但係都唔係等左好耐就有得食啦。特選盛一共有28貫，13款既壽司個variety 好大，啱晒我哋呢啲想試晒唔同款嘅人。三文魚、吞拿魚、帶子、海膽一定有款係自己鐘意。其中比較突出既係海膽壽司，帶點海水味之餘唔會太腥，入口夠creamy 帶點回甘。吞拿魚壽司仲有金箔，吞拿魚唔會有渣，都算鮮甜。自己就對玉子壽司佢情有獨鍾。火炙三文魚壽司入口即溶但唔會太膩，中間少少生燒得岩岩好。佢仲有一個麵豉湯，近排天氣咁凍嘅日子入邊可以飲碗熱辣辣嘅湯，有豆腐、少少海帶咁，簡直係正。

看演唱會前肯定要吃得飽，走到最近紅館的置富都會L8樓Food Court，難得有日本壽司店，環境光猛乾淨利落，挑了這家鶴立雞群的店。店內一人價位由五十到一百不等，建議點套餐更優惠。學生可點學生餐hkd42，包一碗湯及十件自選壽司；一人的話簡單就可選男子組hkd59，有壽司有烏冬管飽；如果想食特別的，可選每日限定20套 極壽司定食，會挑上優質時令魚生。如果人多，肯定直接點壽司盛，方便快捷又優惠。三人前特選盛hkd239內附共十三款壽司🍣，每款最少兩件，難得的竟有海膽、魚子、呑拿魚赤身及大帆立貝。海膽：口感即融有水嫩感，味道鮮甜。魚籽：外皮微脆，內里滿滿魚油，咬下魚香十足，化在嘴間。帆立貝：整件大而厚肉飽滿，肉質柔順細嫩，咬下軟糯，入口鮮甜甘香。整體來說，食物衛生乾淨，價錢便宜，性價比極高。

平時去呢個商場既Food court 食野多數都係因為睇演唱會，太耐無黎呢度食野，發覺多左幾間新既食店，竟然有我最鍾意既壽司同Pepper lunch，諗左一陣最後都係揀食壽司，因為佢裝修幾靚，望落去幾舒服，最重要係價錢唔太貴。除左單點壽司同壽司定食之外，目測仲有手卷、三角飯團、烏冬、蕎麥麵等等。壽司係即叫即整，保證新鮮，不過我地大約等左十五分鐘就有，都唔算等太耐。壽司用紙盒盛載，好有日本feel同埋幾有特式，好似真係去左日本食野咁。壽司有吞拿魚、三文魚、蟹籽、熟蝦、魷魚、赤貝、玉子、甜蝦、帶子、三文魚籽、海膽、腐皮同青瓜小卷，賣相好靚好整齊，刺身厚度適中，食落口都幾新鮮。最欣賞係海膽一啲都唔腥，好鮮甜; 魷魚一啲都唔韌，好surprise; 至於個三文魚籽，係滿到就黎瀉咁，但味道偏鹹，建議唔好點醬油; 個帶子好鮮甜; 赤貝亦都爽口既; 至於壽司飯帶微微醋酸，飯質適中。另外我地亦食左叉燒烏冬同腐皮蕎麥麵，亦都係用紙造既碗黎盛載，叉燒烏冬同腐皮蕎麥麵夠晒熱辣辣，天氣開始凍，食左咁多壽司之後食返啲熱野其實都幾爽幾舒服。烏冬同蕎麥麵既份量都好足夠，麵質唔錯，湯底唔會好鹹。總括黎講，餐廳裝修望

搭直通火車返嚟，想去都會食個晚飯先返屋企。因為好攰，所以揀咗食food count諗住普普通通食完就快d返去啦。見到有新野，有幾個人係到買飯團，就行去睇下d壽司。等左三十分鐘，應該廚房不多店員。見住好多人拎外賣，終於到我地啦。見到成個火車便當咁既壽司盒，小木盒幾有特色。叉燒烏冬叉燒比較清淡，粟米添顏色。烏冬份量啱啱好，麵質中等，醬油湯底鹹鹹地係烏冬上晒色。壽司大眾化款式，點都有款你食開既。整體新鮮既，色澤顯示。飯質凍凍帶醋酸，ok的！魷魚配一點海膽壽司可愛喔，少少地甘跟，完整海膽應該更好味。魷魚滑爽口，滑到跌咗落枱，但唔緊要日本3秒定律即夾食返。燒玉子壽司薄甜蛋，乾身左少少。魚子壽司要早啲食，因為一遲食紫菜就會軟左，比較口感同鮮既感覺。點少得三文魚壽司呀，佢個芥辣係擇好評既得分位。因為佢唔係普通嘅，而係磨出嚟嘅！手卷好多飯，三文魚算是食到底，誇張！腐皮壽司幾甜有汁咁，中和一下壽司飯既酸。

一個人收工坐車見肚餓就行左入商場睇下有咩可以黎個快食 點知就俾本小姐我見到有間壽司店，一向熱愛壽司既我，當然諗都唔諗就買黎食，醫埋個肚 佢地係自選壽司，我選擇左一般大部分人都會食既款式，但今次其中有2款我係未試過睇落好似幾特別，所以決定叫黎試下有金片係頂個件軍艦，唔好見佢個綠色咁鴨綠，原來係蟹膏 嘩，個味真係好正，我覺得食物個味其實係唔需要太濃，但又可以帶有回甘味係口就very good另一件樣貌似花之戀，平時我地見到一般都係用沙拉醬，但呢間店既師傅改用左牛油果，更別有一番風味 講真，本小姐比較喜歡用牛油果代替沙拉醬既花之戀，更特別更健康佢地既壽司真係件件都好足料，一d都唔會揸流灘，生魚片厚度剛剛好，飯又唔會太大舊熱辣辣麵豉湯，味道一d都唔咸，好有係日本飲既麵豉湯味，豆腐仲食到有豆腐味以上開飯食評，係本小姐個人食後感

壽司店位於紅磡置富都會入面 好近火車站附近 地理位置好好👍🏻估唔到既係商場food court入面可以有一間食落禁有日本風味既壽司店🍣今次叫左極壽司定食🍣😍定食分別有10件壽司同埋一個麵豉湯10件壽司有齊好多唔同既口味 岩曬我呢d想一次過試左好多款唔洗左諗右諗既人😍壽司拼盆分別有三文魚籽 帶子 甜蝦 三文魚 長蟹柳等既款色 全部都好吸引！三文魚籽壽司：一粒粒飽滿既三文魚籽多到滿瀉 一咬開仲要超多汁 口感超豐富！帶子壽司：壽司面加左少少wasabi味既蟹籽可以提升成個味道 帶子好新鮮呀三文魚壽司：一向都係我最愛 今次都係必食呀！三文魚好長好新鮮 完全係食唔停口😍好欣賞呢到呢壽司拼盆擺盆超靚 每件壽司工整既排得好好 完全令人食指大動💯同埋壽司既氣唔會好易散 最後再似埋麵豉湯真係超級大滿足👍🏻💯

今晚去紅磡置富都會飲結婚酒，五點幾又有D肚子餓，行咗去果度附近Food Court搵D嘢食打底先！見到呢間壽司大大好吸引喎！有幾款定食選擇，當下午茶也啱啱好！點咗呢款上極壽司，共有十件，仲有碗味噌湯！嘩！共有十款不同的壽司，材料十分新鮮，色澤鮮明，一看就感覺食材用料非常新鮮，有帶子，甜蝦，熟蝦，玉子，三文魚子，海膽，三文魚和吞拿魚等等，食落可口鮮甜，醮些日本芥末和醬油，更增加口感！呑拿魚上面更有一小片金泊，感覺好名貴！但價錢又不算貴喎，平均大概十蚊件左右！以此材料製作真超值！

晚餐揀左係公司附近既商場解決，自從整親腳之後，一路都貪近貪方便，見到間野裝修好精緻，而且快靚正，毫不猶疑咁選擇左。同細佬都揀左每日限定20個既C餐極壽司定食$108,因為佢好特別，當中包括左金箔蟹膏壽司(超鮮甜,蟹味濃!)，北寄貝壽司，帶子壽司，金箔吞拿魚壽司，等等。 STAFF仲推薦今日既壽司師傅限定: 金箔海膽蟹籽三文魚卷壽司,兩大件都係加$30，好抵!見我地多野拎同行動不便，仲幫我地手，超貼心，亦好有耐性做介紹~ 叉燒湯烏冬都唔錯，細佬食左咁多件壽司，都KO曬~