寿司九州市場

营业中

休息中

今日晏就點幾鐘去食，排隊要等9個號碼，就9個號碼等左一個中，嗌到我個號碼之前已經連續幾個號碼都無等到走左，入到去一眼望落有3至4張係吉枱。到點餐，點左兩個lunch set a同b，加左燒醋鯖魚，海膽壽司同蟹羔醬壽司。首先，壽司一夾就散，就連軍艦有紫菜包住都可以散散地。魚生表面乾晒身，似放左室溫一段時間，吾新鮮。最誇張係條魚，燒既仲要加醋燒都可以腥到不得了，魚肉又吾夠實淨，吾新鮮，擠左檸檬汁都係好腥，食左一舊飲茶同飲埋麵豉湯都仲係腥。

預左今日同男朋友食飯 慶祝特別日子💓諗住近近地係返新城市入面食見到依間又多好評 就諗住試下係咪真係咁好食😋我係app 到事先拎咗位 去到都要等大約15分鐘左右 一入到去就點哂自己中意食既嘢😼因為男朋友仲未黎到😹iPad 落單一次過只可以落6款 而第1樣上枱既係特大海鰻魚壽司同埋飛魚子軍艦飛魚子係好新鮮同埋食落口啪啪聲🤤條海鰻雖然唔係我食過最大條 但係食落仲係暖同無骨👍🏼👍🏼燒嘅貝殼類海產就款款都咁新鮮 而且都算大粒 職員仲會細心了解你識唔識自己燒唔算好厚切 但勝在無根 對得起個價錢👍🏼三文魚頭味增湯都算係一個大嘅驚喜本來我有啲卻步叫唔叫好 原因係我喺另一間餐廳飲過有腥味 但係依個完全冇 係鮮味同埋我係冇諗過佢咁大碗 入邊嘅三文魚亦都唔會俾得少 幾大舊肉有幾道菜無影到 因為一上枱我男朋友巳經食左🙂買單564蚊 我覺得好抵 因為食到好多款之余 仲要勁好味 又新鮮😌

因為啲卷物Share可以試多啲😛好似峰壽司旗下🤔Overall 質素都Ok😌價錢都唔算貴。小食幾出色，另外有燒物，可以選擇自己喺張枱度燒，不過我哋懶就唔叫啦。🔸龍之卷$78最鍾意食呢個，千島醬、燒汁、三文魚籽、炸蒜、炸蝦卷😋🔸軟殼蟹卷$64 黑色魚籽係面，中間係香脆軟殼蟹🦀🔸阿拉斯加卷$58 炙燒三文魚腩卷 ，呢個比較普通。🔸九洲風雞翼$48醬油沾滿雞翼炸過，幾好食！🔸夏之8點盛$139限定嘅壽司，每款有兩件。另外叫咗啲小食，唔記得咗叫咩名🤣

星期日下午去新城市廣場食飯，唔預先取票根本攞唔到位！我哋經Apps取票, 等了大約15分鐘可以入座.入面嘅座位係幾舒服, 大部份係卡位.餐廳係自助落單，壽司由輸送路軌送到。我哋點了一個壽司盛合 $198，不過魚生嘅質料就一般，未算好新鮮。另外我們叫了燒帶子及牛油生蠔，比一個爐我哋自助燒烤，帶子的味道好過生蠔。枱上有獨立包裝的芥末，鍾意幾多就落幾多。亦都有茶壺俾客人自己斟茶。侍應生服務都幾好，會盡快到枱面為我哋服務。

星期一晚食壽司6點45分等左大約20分鐘就入得龍之卷都幾唔錯 有鰻魚有蟹子 都幾抵食叫左兩碟三文魚壽司幾鮮甜 同埋唔太薄 所以都抵食兩個人食左279 以兩個人食壽司黎講 都算ok 如果再想食壽司 都會再去食

同朋友去左沙田搵野食，間間餐廳都爆多人，本身食春水堂，點知到天荒地暗最後見到哩間好快入得，就揀左黎食坐入去先知佢係峰壽司好開心我地叫左甲羅燒，好食呀，反而有個貝殼就麻麻地，好硬，壽司好好食，尤其是油甘魚，左口魚不過款式唔算多佢好似元氣咁。有架車車送野食過黎，好好👍🏾

這是一間以九州市場為主題的餐廳 食物透過運輸帶送到客人面前頗有新意🍣看見軍艦的海膽 魚子等滿瀉的樣子真是開胃又滿足🤤.另外很喜愛這裡的燒雞翼 表層炸得香脆之餘 雞肉仍保有軟腍滑溜的口感 配上甜酸的醬汁 十分有驚喜🤩聽說這間餐廳是來自熊本「峰壽司」的副線 難怪質素不錯喔👍🏻

今日和太太往新城市廣場壽司九洲市場食午餐, 我們點了竹輪薯仔沙律, 吞拿魚壽司、枝豆、蝦天婦羅烏冬，金目鯛拉面、龍之卷和軟殼蟹手卷。竹輪薯仔沙律竹輪食落彈牙, 薯仔食落爽脆, 配上沙律口感開胃；枝豆熱辣辣, 食落爽口清甜, 枝豆配上鹽粒, 口感滿足；蝦天婦羅烏冬蝦炸得金黃香脆, 蝦肉彈牙, 烏冬爽口配上蔥花, 整碗蝦天婦羅烏冬口感豐富；金目鯛拉面金目鯛食落肉質鮮甜, 拉面爽口美味；龍之卷蟹籽鮮甜, 蝦香脆彈牙配上醬汁食落惹味, 飯粒軟綿, 整份龍之卷食落口感滿足；最後軟殼蟹手卷軟殼蟹炸得金黃香脆, 紫菜爽口, 整份手卷口感惹味滿足。餐廳座位舒適, 很似居酒屋風格, 食物美味, 職員服務細心, 見到我們茶已飲員便立即加茶, 而且餐廳價錢合理, 食了一餐美味日本菜。

呢間壽司店我會形容係最值得俾錢嘅😂因為啲魚生都幾鮮😋今次叫咗沙律🥗兩碟壽司🍣刺身etc 本人最鍾意食沙律，呢間舖頭啲沙律都唔錯但係吞拿魚壽司比想像中差好多，如果大家有食過donki嘅吞拿魚壽司，你就會明白佢哋係兩個檔次，Donki嘅吞拿魚壽司，仲出色過堂食！因為其實呢一度嘅吞拿魚真係可以話難食嗰條蟹柳都係😂 Donki仲好食😋刺身拼盤保留佢一貫嘅作風，都係咁有鮮味，同埋佢有啲火炙嘅壽司，佢會令到壽司升華到另一個層次

諗唔到食咩是最好就係去食日本野，細細碟，款式又多行沙田一田，見到呢間店，壽司九州市場，裝修好日系，好似好闊落，menu 好多海鮮同埋好Colorful,於是試下啦簡左兩款小食，炸墨魚頭，賣相有d似炸雞軟骨，不過大粒好多，漲卜卜甘好吸引咬落好彈牙，墨魚好鮮，滿口鮮味！正！另外點左個魚餅，菜名唔記得左喇呢碟感覺有s似大板燒，上面鋪滿木魚同蔥，有d醬汁。食落唔錯，魚餅唔會好粉，有咬口又有少少粒狀既魚，嚼口幾好飽野方面叫左個時餓既卷物，賣相好靚，每人4件，精緻好味！

冇得去旅行,好掛住日本魚市場呀!呢間裝修到好似日本魚市場, 掛滿玻璃球同燈籠,木製格櫈, 播住日文歌, 當係解解鄉愁可惜友皮膚敏感,不能食刺身同太多海鮮,甘食下小食吹下水啦餐廳服務好好,有禮貌又有耐心, 有pad落單又有傳統圖片餐單,好方便叫完野食, 等左一陣,有野食經迴轉帶送到,拎起食物襟個制,個盆就回送回廚房,經乾淨衛生講返食物,叫左個明太子薯仔,原來係要燒既,所以店員比左個爐,仲有個簡介, 燒3-5分鐘,按足指示好快有得食, 明太子加沙律好鮮味,正另外叫左炸墨魚頭, 好彈牙又唔油膩, 好味

12件壽司午市套餐$128，有炸雞，麵豉湯，同沙律。 認真抵食！壽司就中規中矩啦， 炸雞只係微暖，唔係新鮮炸出嚟，唔係熱辣辣 ，呢層有啲失望。 個麵豉湯真係好好好大碗呀，好多豆腐卜 ， 但係個 豆腐卜有油益味。再叫多咗個蟹味噌甲羅燒68蚊一隻，太咸，最後要飲好多水，同日本食嘅差好遠。 侍應唔記得咗給我茶，食到中間超口渴嘅時候先發現冇茶 。呢個價錢真係抵食嘅，不過質素唔expect太多。so far 數食得開心。 侍應都好nice，係唔記得咗比茶。

疫情期間要趕在六點前吃堂食，不嬲都是吃日本菜要最新鮮最好，行完超多人的一田後，好想快啲坐低鎮靜吓，行經角落有間日式店，門口不太覺得原來入面咁有日本壽司店的風味裝修，餐廳都不細縂之會是坐得舒服！即刻order 北海道丼及刺身拼盤及牛肉湯烏冬，刺身都好鮮味！北海道丼是蟹肉Toro魚蓉魚籽海膽反,雖然海膽少份量但起碼冇屎味是鮮味！最令我有在日本的感受就是餐廳播的是日本歌，吃完再飲一杯巨蜂提子梳打,充滿元氣行去地鐵站回家了！

今日去左沙田既鮨食壽司，火炙沙律三文魚壽司比想像中更好食，輕燒過既三文魚油香滿溢，加上開胃既沙律醬，食到停唔到！軟殻蟹卷係必叫之選，脆身蟹味足，仲大大條好抵食！龍之卷同樣好好食，卷中既炸蝦好大隻好彈牙，面頭有滿滿既蟹子，好鮮味！呢度既刺身同樣新鮮厚身大件，屬水準之上，而牛肉烏冬雖然味道唔錯但份量較小！

放飯來到沙田新城市九州市場，之前來過好幾次，環境不錯，而且午市套餐豐富，好夠飽肚。套餐有幾款選擇，仲有兒童餐呢！小朋友岩曬！落單是自助式的，用pad pad 自己揀選食物，結帳也可以按下pad pad，幾方便呢！今日選左個定食套餐B，前菜有湯、沙律和炸物，呢三款前菜食左都開始飽飽地，再去主食壽司拼盤，壽司新鮮很不錯呢！定食價錢＄98，壽司經高速食道送達到自己位再自取，份外滋味，一個人坐卡位感覺舒服，食得開心，讚一個！