寿司九州市場

营业中

休息中

.九州市場 （沙田）@kyushu_ichiba 🇯🇵（一田百貨）@yatahk .週末嘅沙田新城市廣場真係人山人海 位於連城有一間屹立不倒好耐嘅日本餐廳🇯🇵因為我記得好幾年前都係到食過一次唔知事隔幾年 質素如何呢.1.鰻魚飯 $109✅✅✅🆗🆗.賣相ok 份量可觀！實際食入口 鰻魚汁味ok出鰻魚口感偏淋 但合情合理未去到覺得好出色但呢個價錢 & 份量我覺得ok.蛋絲 紫菜 芝麻 撈埋飯係幾爽但可以request多少少汁會更爽.2.海鮮沙律 $78✅✅✅🆗🆗.菜量幾多 柚子醬油為基底所以都唔膩刺身類型算多 三文魚 吞拿魚 蟹 帶子 貝等等.. 但都係塊狀 所以份量唔算特別多 但對得住價錢可以的🫂.3.極上蟹拉麵 $98✅✅✅🆗🆗.正常發揮 湯唔濃 清甜 加埋蟹肉蟹膏其實幾入味拉麵口感都啱啱好 無乜大surprise但穩穩陣陣！.4.龍之卷 $78✅✅✅✅🆗.店內名物 味道係醬汁方面就真係無得彈..隔離有燒汁 辣蛋黃醬 蒜片作為佐料 加埋炸蝦為餡嘅卷物基本上唔會伏.但一舊唔算大 所以比較難有嗰種啖啖肉嘅滿足感但呢個價錢 & 份量 & 味道過關！.5.一品料理海老蝦$48✅✅✅✅🆗呢個就真

腐皮壽司還可以，千尋海老肉質霉爛，冇光澤，冇蝦味，海螺兩點盛入面個軍艦有浸酒精味，賣相又肉酸，七點刺身得甜蝦正常，吞拿魚同埋油甘魚顏色好暗，七樣刺身六樣都唔新鮮，好難食，仲要計埋加一

平日限定lunch set係我放假嘅目標，咁岩e間餐廳有又近，就同屋企人來試下～行到入面，原來面積都唔細，有好多個卡位，旁邊有條輸送帶（類似壽司郎），跟住會有個機械人嚟送餐，用iPad 落單，感覺新式又有私隱度壽司定食B $98 (lunch set)最好食係炸墨魚咀，但壽司魚生唔算新鮮，壽司飯嘅口感好癡牙，欠缺酸度，感覺唔係用日本珍珠米阿拉斯加卷 $58即係炙燒三文魚嘅卷物，同上面提到嘅問題一樣，味道普通軟殼蟹卷 $64E個反而有啲驚喜，因為軟殼蟹keep到脆，本身醃左個味都唔錯，好過食魚生總結：全場覺得好食係軟殼蟹同墨魚咀，可以諗佢嘅炸物做得唔錯，但作為一間以壽司魚生為招牌嘅日本料理店，個人認為佢質素唔合格，之前介紹過嘅壽司造性價比仲好啲，如果大家都係想試會建議平日晏晝有set會抵啲，但個人就唔會再去了🙊地址：沙田沙田正街2-8號新城市廣場3期2樓A236號舖評分（5⭐️為最高）：環境：⭐️⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️

超值套餐， 10件壽司，真係好抵。沙田日本餐廳的確唔多。食壽司嘅更加少。搵到呢間平靚正嘅壽司套餐真係好抵食！除咗呢啲壽司之外，套餐亦包括沙律及小烏冬一碗帶子味道清甜，只係$68 ，真係好想不斷encore

試咗佢哋嘅加州卷，真係好好味㗎！裡面有壽司飯、蟹肉、牛油果同埋青瓜，每樣配料都好新鮮，口感鮮美！壽司飯好軟熟，啖啖有勁，同埋蟹肉同牛油果嘅配搭好香甜，加埋青瓜清香嘅口感，仲有一種清新嘅感覺，真係好好味！除咗加州卷之外，佢哋嘅lunch set都好抵食，價錢真係好平嘅。之前食過佢哋嘅三文魚生飯，好惹味，三文魚新鮮，配搭啱啱好，加埋啲醋飯鹹鹹地都幾正！🍣🥑🦀

之前去過一次, 食鰻魚餐和魚生5點盛覺得食物𣎴錯算新鮮, 所以今日再去, 點知坐落𣎴久, 就有職員走過來話我們未係食物車拿食物, 我們非常驚奇, 我們剛坐落, 仲睇緊餐牌和係Mon睇緊食什麼, 完全無落過order, 就來了𣎴知什麼食物, 同職員講她好似吾明咁, 仲話係我們點, 但我們真係仲睇緊餐牌食什麼, 都完全無點過菜, 真係好奇怪囉？？？ 經過同𣎴同職員表示無落過單, 最後再退回。我覺得因此事比廚房整蠱, 啲魚生差極, 三文魚薄到如紙, 吞拿魚亦薄如紙，只有2片半, 而且全部係筋, 根本食吾到,另一款魚亦完全吾新鮮, 總之極之極之差, 另一款費城卷6件都好細, 食物完全係無列明有什麼材料在內, 問職員吾識答, 比加洲貴2元, 但材料只有三文魚和芝士， 同職員講的材料吾同囉？？？食咗2百幾元都吾知食咗什麼, 以後一定吾會再去, 隔離台的3個外國人叫咗2碟卷物食咗15分鐘就即刻走, 仲食剩嘢。 可想而知啲食物極之差, 依家咁環境仲比咁差吾新鮮薄如紙全部有筋的食物比客食, 就放眼睇下幾時關門大吉。

香港➰沙田餐廳位置開係電梯位後方 成日都忽略左佢今次想食壽司 所以就黎試試佢🍣裝修以日本風為主題 好靚🇯🇵店員服務態度都好好 好有禮貌☺️另外座位唔會好迫 坐得都好舒服 😌刺身同壽司 價錢中等 質素竟然唔錯wo！！令我最驚喜係海膽壽司 食落鮮甜 28蚊 有咁既味道邊到搵最後都encore 多次🥹🥹🙋🏻‍♀️🙋🏼‍♀️睇下我地今日點左咩食🍽️＊﹉◇﹊◆﹉＊﹊◇﹊◆﹉＊＊﹉◆﹊◇◇﹉＊▶️ 海膽 💸$28▶️ 三文魚壽司 💸$22▶️ 火灸三文魚 💸$19▶️ 油甘魚刺身 💸$55▶️ 軟殼蟹卷 💸$65▶️ 阿拉斯加卷 💸$59＊﹉◇﹊◆﹉＊﹊◇﹊◆﹉＊＊﹉◆﹊◇◇﹉＊————————————————————————JMY.FOOD大家可以去比個like同follow埋我地嫁🥰————————————————————————J MY FOOD指數♥️🌤 環境:4/5🤵🏻 服務: 4.2/5🍼 味道: 4/5👣 推薦: 🙆🏻‍♀️🙆🏻‍♀️🙆🏻‍♀️🙆🏻‍♀️/5

自問食嘢真係冇所謂 覺得假設唔好食最多咪一餐半餐 但呢間嘢真心唔係講笑超難食 帶子一擺入口係腥既 魷魚刺身咬10分鐘都未必咬得爛 炭燒雞係黑色既 我諗係真係埋炭燒 然後所有其他既魚刺身 都係統一一陣魚腥味 全場唯一衝擊到我既應該係酸薑 因為係除左魚腥味之外可以食到既味 btw服務態度唔錯 但野食係真係難食

嘥咗個裝修，望裝修以為好正，點知… 壽司除咗雪味無其他味，難怪佢係咁要喺個面度加其他嘢，例如強烈味道嘅柚子或魚肝，本身嚿刺身一啲味都冇。刺身再厚身大件都冇用啦，成嚿雪放入口咁都唔知自己食左d咩！鉄火卷塊紫菜韌到呢… 舊飯又霉霉爛爛咁，入口一pat野。最後，竟然最有味嘅係個雜炊，一個勁似金寶粟米湯味撈飯😅但都唔係好食囉只係叫做有味，入面d餸都係細細碎碎食唔到咩味只有高湯咸味⋯⋯一定唔會再返轉頭，我發誓！

第一次來這間日本餐廳，見很多人排隊等位，覺得應該OK，果然沒有令人失望！餐廳環境寬敞整潔，店員服務態度好有禮貌，食材新鮮味道好，價格相宜，性價比甚高，絕對抵食！

中午經過去左依間食，叫左壽司定食同蒜香三文魚飯。壽司魚生新鮮彈牙，咬落香口，午餐定食都幾大份，好飽肚。但蒜香三文魚飯略失望，三文魚新鮮，但係蒜味太濃，同三文魚唔夾。

沙田面目全非, 原來3期2樓電梯底有野食都唔知食食下都見多人排隊入到去空間感大, 裝潢充滿九州市場味道同元氣一樣用輸送帶送食物, 上菜時間適中但輸送帶攞野食既位好窄, 攞D湯麵野食有點困難,要小心叫野食都係用TAB, 都有MENU比你睇, 不過已經好殘舊好似好污糟咁因為疫情每枱都有提供酒精搓手液, 呢樣唔係間間有,抵讚一方面係USER FRIENDLY又快捷另一方面無咩同員工既交流~~~~~~~~~~~~~~~~~~~~~~~~~~~~~~我K形D舊派D,人食野我食野,有時喜歡果份親切感, 果份傳統味道例如舊式茶樓推車仔, 好懷念排隊等車仔呀姐即刻淥菜, 炸雞翼, 煎蘿蔔糕等一路推仲要一路大叫有咩食, 有時仲食到童年回憶 (OH SHIT....暴露年齡)而家好多餐廳,包括社會, 只顧盲目進步, 硬推科技, 商場食肆清一式無D新意有時忘記保留番份人情味,  有時回憶比起憶憶聲批出黎發展既款項更有價值~~~~~~~~~~~~~~~~~~~~~~~~~~~~~~先黎幾個冷盤炸物豆腐沙律豆腐夠滑,沙律配埋芝麻醬,輕食前菜炸魚仔, 當小吃一流, 唔知係咪擺耐左, 已經偏林煙韌左八爪魚同魷魚,普

壽司九州市場位於新城市廣場三期，開左唔算好耐，同峰壽司、純壽司係同一個集團既🙌🏻佢地本身係日本歷史悠久既壽司店，熊本都有幾間分店，後黎仲黎埋香港開鋪😬間鋪頭既裝修好有日本feel，位置闊落，坐得幾舒服🙊用部Pad落單既時候發現佢既選擇比起峰壽司同純壽司少，仲要我去個日可能黑仔，有好幾款野食都sold out😢好在D魚生都幾新鮮，切得幾厚，食得幾滿足🤪成餐最正係個三文魚湯，超足料，啖啖肉😍整體都OK既，係款式比較少，同集團既我會prefer食純壽司😂

見到呢間餐廳有爐端燒 一於入去試吓啦👅呢度可以揀自己燒😛但職員見張枱唔夠放 都會問聲需唔需要燒完先上碟 好細心👍🏻海鮮都幾新鮮🦑🦐🦞無沙 亦算大粒‼️壽司方面 大漁壽司盛盒有11款壽司🍣每款2件 共22件🍱價錢相宜 個人最中意食海老壽司 海膽就無咩味🥲值得一讚係軟殼蟹手卷 炸得十分香脆 而且份量唔少☺️ 整體燒物不錯 壽司唔算話特別鮮味 不過不失 而特大海鰻都係冇骨嘅🙏卡位坐得舒服 不過要等成一個鐘先有位 就唔係好值‼️🟡大漁壽司盛合 $298🟡蟹味噌甲羅燒 $68🟡燒帆立貝 $68·2件🟡火炙特大海鰻魚壽司 $37🟡軟殼蟹手卷 $32🟡蔥粒吞拿魚腩軍艦 $28🟡火炙三文魚壽司 $19🟡玉子手握壽司 $12

見個場幾日式，諗住唔差😵‍💫😵‍💫😵‍💫😵‍💫龍之卷其實係長版本 炸蝦卷唔可以話凍唔熱囉⋯ 正面d睇…冇咁熱氣三文魚沙律菜很軟魚很腥…好似家鄉咸魷😵‍💫正面d睇…有家鄉嘅味道刺身$168拼盤蝦有d臭… 好似放左好耐其他三文魚、吞拿魚、帶子都正常蜆湯認真，如果佢係叫煮蜆個湯無味，都由佢，因為唔suppose個湯係拎黎飲但佢叫蜆湯⋯即係飲得但個湯無味當個名改錯，淨係食蜆但連d蜆都係無味只係可以讚佢d蜆無沙魚餅最正常最好食🥲🥲🥲反思位… 一早就應該只係叫佢d lunch set食散叫不能🥲🥲🥲