影片
港铁彩虹站 C2 出口, 步行约1分钟
继续阅读
电话号码
23204636
营业时间
今日营业
06:00 - 16:00
星期一至六
06:00 - 16:00
星期日
06:00 - 13:00
以上资料只供参考，请与餐厅确认详情
【黄大仙区】【宝福餐厅】呢排同美女朋友食过唔少旧式茶记，今次嚟到嘅呢间系喺牛池湾。去到𠮶头就觉得自己好似去咗啲郊区咁，同繁华嘅香港形成咗好大嘅对比。而我哋食嘅呢间更加系喺啲石屋堆入面，喺大路落条楼梯先去到，几隐蔽。不过正正系咁，都吸引到街客慕名而来。我叫 $33 嘅「特餐」，有「牛油多士」、「沙爹牛肉面」同「火腿奄列」，老实讲，三样嘢都好普通，蛋仲要偏老，都几麻麻。嘢饮「热奶茶」都可以，不过唔系非常好饮嘅𠮶款质素，茶味唔算浓，所以显得有啲薄身，同埋好似有少少奶味过重嘅感觉。美女朋友就食 $31 嘅「法兰西多士」，唔算厚身不过系有夹花生酱𠮶只，蛋香一般。杯「茶走」就感觉甜咗啲，因为佢杯奶茶个茶味唔太涩，捞埋炼奶𠮶阵就会显得佢偏甜。然而，咁样埋单只系 $64，加埋个老香港情怀真系几正，好好珍惜眼前嘅每一刻。。。（地址：彩虹牛池湾龙池径牛池湾西村115A地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黄大仙区 #黄大仙 #宝福餐厅 #特餐 #牛油多士 #沙爹牛肉面 #火腿奄列 #热奶茶 #法兰西多士 #茶走 #1am1680 #1ambackup
继续阅读
牛池湾村一间不起眼小店，行过都未必知佢系边。传统家庭式经营，1964年开业，已过半世纪。宝福餐厅系硕果仅存，拥有「寮屋食物牌」食肆；主要客源系附近街坊生意，学生，山友。据闻2025年牛池湾村开始逐步清拆... 岁月不留痕？时代变迁，市区要重建，旧痕迹就要作取舍小店好vintage，光线充足，周边都系岁月痕迹，墙上menu 每粒字由老板亲手写上；谂好食咩，同太子仔落单，转头就口传入厨房，身经百战嘅老厨子就开工，呢种就系旧式嘅家庭经营模式特餐$31，我会解读为 ”特别平嘅常餐”平平无奇，便宜，平凡...沙嗲唔系浓稠浓稠；薄薄牛肉片有点柴，面底用嘅都系大光或者东和面个类；多士奄列都系即叫即做；茶底可以，整体中规中矩；始终食嘅都系人情味，一份情怀，一个片段吧
继续阅读
网上话这间老店在不久将来应会消失，食评又唔太差，就来试下。其实都有在牛池湾村出入，但一直唔觉眼有这间餐厅，原来见到招牌要行落楼梯，一落就见到。入门见到的是六七十年代的装修，地面舖纸皮石，二边是木卡位，中间一张大长方枱，配红A胶椅及好像以前小学生坐的木椅，墙身上是绿框圈著白底的木菜牌，所以来的话心中要有个预备。餐厅提无最基本的餐牐，A,B,C特餐31元，冻饮加1元，午餐是简单碟头饭，37蚊，送红豆冰或冷热饮品。价钱无话可说了吧！食品质素中等，我叫的餐有义烧公仔面配蛋治，三文治的包不错，快松软，义烧应是外面货。同行叫左个蕃茄猪扒饭，猪扒亦正常，蕃茄不是营光色，应是现煮。无拍食物照，因为卖相是不吸引的。一路都有客人来，下单食物可任配，肠疍沙牛面加多块鸡扒、蕃茄牛饭煎只疍，冻鸯走奶......，应该都是熟客。店连厨房就得4个人，落单都是叫入厨房，过了一会唔记得order左甚么，又再讲一次。桌上上手碗碟未收，就先坐下静待有人得闲才收，食物过了十来分钟未到也只是等著，食完就自己出柜枱讲自己食了甚么然后比现金。走时问伯伯舖头开左几耐，怕怕话1964年他十六岁就来这，下年是开舖六十年。问到可做到甚么时候，他说门口刚贴了纸，写话到25年。旁边有街坊无奈说了一句私人地变官地。面对国内餐饮业的竞争，香港是否可以珍惜下现有的特别资源？
继续阅读
由细食到大，味道冇咩点变，一直都系传统冰室嘅味道。常餐好好食，公司三文治都好好食，唔会太油，好足料。另外平时个哥仔都几好人，由细睇到佢大。最推荐系佢个奄烈，世界级，价钱又适中。
继续阅读
今日早餐真喺要食饱啲，因为，与友人挑战一下西贡嘅「蚺蛇尖」，讲到明喺7、8级难度（10级为最难），而且，一行就要行足6、7个钟。由于一早晌西贡码头巴士站等，所以，就无晌屋企食，去咗牛池湾食，正正出面就有小巴入西贡，时间好预啲。咁点解唔入到西贡先食？觉得一大朝早，里面选择少啰。事前晌网上揾揾，就揾到「宝福」，牛池湾龙池径寮屋区之内，老茶记，好有「私窦」之感。餐厅其实离港铁出口好近，不过，唔识就唔识，幸好之前都有睇过人家嘅食评，知道大概点走，加上「村口」有大大个招牌「引路」，一见到佢落楼梯就喺，唔使周围揾。入到餐厅内，果然好有70年代嘅感觉，话晒佢始于1964（村口招牌写住）。旧式时钟、生意兴隆大日历、格仔地砖、墙上嘅手写餐牌，都喺货真价实嘅怀旧嘢。无详细睇所有「餐牌」，主都喺睇睇早餐时段有咩拣，当中包括早餐ABC，以及特餐，定价非常相宜，都喺卖$28啫。C餐 $28谂住食饱啲，就拣C餐，其实，ABC三个餐都差唔多，拣咗之后，后而觉得特餐仲抵，有多士，有奄列，仲有个沙嗲牛肉面。而C餐有份蛋治、沙嗲叉烧通及餐饮。沙嗲叉烧通茶记嘅沙嗲牛食得多，今次就喺沙嗲叉，个汤都OK，阵沙嗲味都几香，几片叉烧就不过不失咁啦，唔太肥就啱我喇，而通粉无煮过腍，份量又十足，所以，绝对收货。蛋治喺好家常嘅做法，无咩花巧嘢，不过，片煎蛋就真喺薄咗啲，好似煎咗片蛋皮咗，入口都唔喺好觉佢喺蛋治，哈哈！热奶茶奶茶就真喺冲得唔错，老师傅即喺老师傅，茶底香浓，芳香馥郁，口感都算细滑。老派嘅厚身瓦杯，煲温力强，又够大杯㖞。嚟得呢类主要做街坊客嘅小店，对于环境、服务真喺无咩要求，你见店中防疫hea hea哋就知啦。食物方面，卖到咁平，亦唔好抱太大期望，但又唔差得去边，胜在抵食夹大件，其实，帮衬佢哋都喺想感受吓𠮶份茶记老味道而已，故此，俾个笑喺有加埋啲感情分落去。
继续阅读