寶福餐廳

营业中

休息中

【黃大仙區】【寶福餐廳】呢排同美女朋友食過唔少舊式茶記，今次嚟到嘅呢間係喺牛池灣。去到嗰頭就覺得自己好似去咗啲郊區咁，同繁華嘅香港形成咗好大嘅對比。而我哋食嘅呢間更加係喺啲石屋堆入面，喺大路落條樓梯先去到，幾隱蔽。不過正正係咁，都吸引到街客慕名而來。我叫 $33 嘅「特餐」，有「牛油多士」、「沙爹牛肉麵」同「火腿奄列」，老實講，三樣嘢都好普通，蛋仲要偏老，都幾麻麻。嘢飲「熱奶茶」都可以，不過唔係非常好飲嘅嗰款質素，茶味唔算濃，所以顯得有啲薄身，同埋好似有少少奶味過重嘅感覺。美女朋友就食 $31 嘅「法蘭西多士」，唔算厚身不過係有夾花生醬嗰隻，蛋香一般。杯「茶走」就感覺甜咗啲，因為佢杯奶茶個茶味唔太澀，撈埋煉奶嗰陣就會顯得佢偏甜。然而，咁樣埋單只係 $64，加埋個老香港情懷真係幾正，好好珍惜眼前嘅每一刻。。。（地址：彩虹牛池灣龍池徑牛池灣西村115A地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #g