寶城美食店 (裝修中)

小弟呢呢間店已經試過唔止五次 味道真係令人難以忘記 炸脾嘅另外層脆口內層鮮嫩多汁。 食完之後雖然勁有罪惡感 但係都阻止唔到我下次再嚟食因為真係實在太好味， 而且價格唔係好貴 味道好先係最緊要 坐得唔舒服都冇所謂

來到紅磡，對我鍾意吃雞扒的人士來說，一定要去來試這間餐廳了。我叫了黑椒雞扒加蛋， 黑椒汁非常濃郁，但又不會過重蓋過雞扒的雞味。雞扒外脆內軟，非常juicy,而且份量非常充足。唯一不足的是，如果白飯再多一點就好了。整體而言，是一間非常不錯，美味抵食的雞扒餐廳。

第一次幫襯寶城美食店，佢嘅炸雞肶真係出神入化，講真，真係冇食過啲咁好食嘅炸雞肶！睇得出佢地鋪頭好有心，因為佢哋嗰啲炸雞髀係即叫即炸，雖然等嘅時間會長咗，但係隻雞肶出到嚟表面層皮真係非常之鬆脆，內裏亦都好多汁一啲都唔乾食得出係新鮮炸起唔係好似平時出邊啲鋪頭預先炸好之後有人客人落order再返炸！仲有值得一讚嘅係佢哋啲汁，佢哋嘅蘑菇汁比起Kxx炸雞嘅更加好食，最值得推介嘅係佢地既黑椒汁少少辣胡椒味好重，送飯真係一流

寶成美食店最出名嘅就係炸雞脾，因為要到附近睇牙嘅關係，就慕名而來試一下呢個隱世美食。之所以為隱世，係因為佢唔似其他餐廳咁，賣廣告，開分店，接訪問，寶成美食店，只此一家，做街坊生意，位於紅磡廣場呢個舊式嘅商場，商場裏面大部分都係小店，毫不起眼。6:45來到寶成，只有一枱客人，但聽說午飯時間人很多，頗受學生同工人們歡迎，佢係一間舊港式快餐店，門口大大個餐牌，在門口的收銀枱點餐後，店員俾個牌仔我，叫我去搵個位坐，點嘅係炸雞脾配沙律，主角係雞脾，其實併咩都無所謂，併沙律好似無咁熱氣。雞脾即叫即炸，上枱時熱辣辣，炸到剛剛熟，雞皮脆卜卜，雞肉又嫩又多汁，超juice，調味不多，不同其他快餐店的死鹹，而且食完後感覺不會太熱氣，沙律就中中挺挺，下次可能只叫炸雞脾就可以了。紅磡美食多，寶成炸雞脾絕對係其中重要嘅一員

依家係香港，老店已經少之有少😥只有真係品質好口啤好先仍然存在😩大大隻又厚身既雞脾🍗拍上薄薄既炸粉，炸到成隻雞脾金黃色🏅肉質嫩滑多汁，經過醃製，帶有少少咸味，仲有微微胡椒香😄黎呢到食飯，當然要揀蘑菇汁配飯😂而呢個蘑菇汁其實係有段小小故事由於太子👱‍♂️鐘意食XX雞既蘑菇飯老闆娘💁‍♀️覺得咁簡單既醬汁點解唔自己整呢～😎所以就造就左現時既蘑菇汁🍄微微既黑椒辣味，再加上用料充足，係會愈食愈上癮👅👅

耐不耐我都會食炸雞脾的，有試過一些出名的店，不過都唔夠「寶城」的炸雞脾好食。這間餐廳位於紅磡廣場的地庫。其實佢係一間快餐店形式的食肆，入到去搵好位，睇完餐牌就出去收銀櫃位落單。之後拿個號碼牌仔，就可以埋位等侍應送餐來。我今次係專程來食炸雞脾的，因為幾個試過的朋友都讚不絕口，話好過很多出名食炸雞脾的餐廳。炸雞脾一上到檯，嘩😍又大隻又金黃色！雞脾新鮮炸起，實在太熱辣辣唯有用刀叉食。一刀切落去，就聽到塊雞皮脆到「卡勒卡勒」聲，一啖咬落去果然又香又脆。雞肉嫩滑又多汁，完全唔覺得乾爭爭。唔食過都唔知，原來炸雞脾都可以做到肉質嫩滑多汁。一如朋友所講，「寶城」的炸雞脾真係很好食絕對令人想回頭食多次，亦都值得專程再來食多次。

上次係屋企樓下茶記食完個唔好食炸脾後，男朋友就話帶我食好食炸脾~~專登黎到紅磡廣場既寶城，揾傳說中既黃金炸脾！一隻炸脾盛惠29大元，心諗一隻脾都唔平wo~不過上脾時，隻脾又真係幾香幾大幾靚，金黃色咁香噴噴熱辣辣~一試， 真係堅好味wo, 個皮脆脆又唔乾！怪唔知間餐廳既人，全部都食緊脾啦~~原本無咩胃口，一試都有番胃口，心情靚靚~~下次一定番黎再食~~~

突然想食炸野，我朋友們建議去紅磡出名又便宜的寶城茶廳吃炸雞!由於女仔吃不到這麼多，所以只點了一份炸雞脾，而朋友點了炸雞脾+飯。不是等了很久，我們的炸雞脾出場了!賣相非常吸引! 炸粉不是很厚，而且炸得剛剛好! 肉汁很嫩，加上茄汁，非常配合!而朋友叫的是炸雞脾飯，加上茄汁飯，非常豐富! 賣相也非常好! 皮炸得很脆，但不影響肉質嫩滑。而飯整得剛剛好，飯粒不太軟或硬，配上茄汁飯，非常開胃!雖然小女子怕肥，很少食皮，但由於餐廳炸得金黃色之餘又很香，所以甩盡情享受炸雞脾!在舊式茶餐廳享受烤雞脾另有一番享受!

游走到紅碪廣場地庫見到有好多人去排隊嘅快餐店, 係食完就要走嘅地方, 內裹好乾淨, 見到個個都食大雞髀, 當然要試吓啦！買相唔錯👍🏻👍🏻👍🏻係我最喜歡嘅金黃色, 炸得非常脆👍🏻👍🏻👍🏻一D油都冇𠺢, 非常非常乾身又唔會油淋淋👍🏻👍🏻👍🏻,係骨同骨之間切開小小方便食客💯, 但係一D味到冇味😟, 可以要湯或飲品, 價值$43,凍飲加$2!杯凍奶茶👍🏻👍🏻👍🏻👍🏻回到魂呀！炸雞髀茄汁飯一碟

今日下午要來紅磡做d 野，做完就朋友叫我一齊去食個下午茶，見還有時間就跟朋友去，行下行下去到紅磡廣場，見到地面有幾間餐廳，諗住求其入去一間，點知朋友話帶我去地庫食，我心諗有咩特別要去地庫間餐廳食嘢！下午茶時間餐廳都仲有位坐，坐低後睇左陣餐牌，朋友話一定要試炸雞髀，於是便叫一隻炸髀，再加杯熱奶茶，另外再叫多份餐蛋治，原來間餐廳要自己出去櫃面落單，好似出面連鎖快餐店咁樣落單，然後就坐番係位等送來，好快食物就來齊，熱辣辣的炸髀，好香好吸引，好大隻又炸得好恰當，完全無燶，食落估唔到仲有好多肉汁，完全唔乾唔鞋，真係越食越好味，同之前係其他出名食炸脾的比較，呢間真係仲好食，再有機會來紅磡，一定會再返來食多次。

炸大雞脾飯($40). 包熱飲或例湯飯可配黑椒/蕃茄/沙嗲/咖哩/粟米/蒜蓉汁。(蘑菇/芝士/鮮茄汁另加$3)。 趕住食張相影得差，影唔哂隻雞脾既全相👻其實隻雞脾成隻手掌咁大，熱辣辣新鮮炸起！（古語有伝：食炸雞唔食皮簡直係侮辱左隻雞😂）平時絕對唔會食雞皮既我，都破例要食外皮炸到金黃色食落去勁香脆呢！雞脾肉好嫩滑仲帶有幾分肉汁！正個飯既芝士汁就不值一提。冇芝士味仲愈食愈似白汁。下次可以食其他汁------------------------------尼度絕對係附近工廠或紅磡工作朋友既飯堂，午飯時間店內一定人頭湧湧排外賣條龍又長又長。大部分都係食佢個招牌炸雞脾飯其他碟頭飯我就未食過，但見價錢都唔太貴。 ..

平食下午茶.叫左:回鍋肉米粉下午茶餐回鍋肉米粉下午茶餐$22:有回鍋肉米粉,煎雙蛋,牛油方包連熱飲.回鍋肉米粉:香辣野味,份量唔小,個辣汁令整個米粉更好味.雙蛋:加甜醬油真係特別好味.牛油方包:冇咩特別.熱檸茶:一般水準.整體:好底食,又飽肚.

最平食店之一叫左一人一個沙嗲牛肉米粉下午茶餐.沙嗲牛肉米粉:沙嗲味香濃野味!令到米粉好夠味.牛肉肉質都唔錯.雙蛋都可以嘅,今次冇鑊鐒.牛油方包:冇咩特別,都可以啦!熱奶茶:水準一般,帶小小酸,茶味唔足.整體可以,好底食!$22一餸下午茶,有雙蛋,牛油方包,連熱飲.可以食得飽,重要味道都唔差,算係噉啦!

寶城,真係平靚正.叫左:炸大雞肶飯,下午茶餐A炸大雞肶飯:大大隻炸雞肶香脆可口,配個西汁十分野味,見在場都好多人叫.例湯味道都唔錯.下午茶餐A:沙嗲牛肉米粉沙嗲味濃好嘢味牛肉唔小,米粉好夠味.湯底味濃,牛肉肉質都唔錯,雙蛋味道唔錯,今次冇鑊鐒喇!牛油方包,普通可以啦!整體真係好底食幾好食!

再會寶城,真係平得冇人有.沙嗲牛肉米粉:沙嗲味好嘢味牛肉唔小,米粉好夠味.牛肉肉質都唔錯.雙蛋都可以嘅,仍然有鑊鐒.牛油方包:冇咩特別,可以啦!焗牛舌飯:炒飯底好香,西汁野味夠濃,牛舌好腍又酥香,有4-5件都幾多架.整體真係好底食!