富臨皇宮

营业中

休息中

同屋企人提早食團年飯🥳而家晚市暫停堂食，見到富臨皇宮有外賣自取套餐，價錢同菜式都好吸引💗上網訂購好方便！港九新界多間分店都可以取餐。訂購嗰時輸入埋取餐分店丶日期同時間🥳 然後跟返時間，一去到仲即刻有得攞，熱辣辣又唔使等。叫咗個6人餐，只係$668，仲有埋大海斑同埋羊腩煲👍🏼真係好抵食！食食下仲發現份量都好多～🔶古法羊腩煲冬天食羊腩補補就最正啦！羊腩啖啖肉又入味～我就最鍾意入面嘅爽口清甜嘅馬蹄同索曬D湯汁精華嘅枝竹🤤有埋腐乳醬，用嚟蘸點羊腩，更惹味。🔶清蒸大海斑 條斑估唔到都幾大條🥳清蒸蒸得剛剛好，肉質鮮嫩滑溜～滿滿鮮香。🔶花膠上湯扒豆苗豆苗盡吸上湯精華，鮮嫩味美！花膠軟腍入味。🔶沙薑豬手新年食豬手「橫財就手」🥳呢款豬手冷盤好滋味喎，用咗沙薑汁醃製～豬手有8件，件件爽彈入味。🔶菠蘿生炒骨糖醋醬汁酸甜度非常平衡，生炒骨外脆內軟，香口不膩，非常下飯。🔶臘味糯米飯仲有埋冬天暖胃嘅糯米飯🥳加入咗臘味炒香，入口滿滿軟糯感～油亮甘香。

疫情嚴峻，夜晚又無得出街食，唔想煮，都係食外賣好啲。見到富臨推左4人食既外賣自取餐，$238已經有5樣野，真係非常之抵食。古法羊腩煲冬天梗係要食返個羊腩煲暖暖胃，富臨呢個羊腩煲，例牌份量。另外連一盒汁，返屋企煲返熱就食得。羊肉都唔少，爽而不韌。枝竹索哂啲汁，好味。金銀蒜蒸龍躉件呢個餐仲有龍躉食，龍躉肉好滑流😋沙薑豬手一路等外賣，都聽到好多客都黎買豬手。豬手皮爽彈牙，夠哂入味。上湯野菌泡菜苗清清地，份量多臘味糯米飯好惹味，大家都搶住食。

岩岩既假期訂左個盆菜同屋企人食，價錢幾抵又合理，岩晒抗疫期間stay home食😛.今次去富臨訂左個「鮑魚花膠珍味盆菜（4人份）」$393，另外送糯米飯兩碗。呢個價錢係要早一日上網訂同埋自取，去到拎外賣時個盆菜係凍既，所以返屋企要自行加熱約20-30分鐘。.盆菜真身同張相都有9成似，材料包括：冬菇、西蘭花、蝦、燒肉、鮑魚、雞、燒鴨、豬皮、貢丸、雞腳、蘿蔔、豬手… 盆菜係用左鮑汁底，唔算太咸，返到黎成盆加熱就食得，以呢個價錢黎講絕對收貨👌🏻抵食之選，尤其係鮑魚都好大隻足料。

石門呢間富臨皇宮超大, 樓底高又坐得闊落~~係道飲茶食飯都幾舒服平時都幾多人呢~~~晚飯有好多優惠小菜~~有單點, 孖寶, 套餐等等...仲有超抵既4選1優惠抵食到振古法羊腩煲 $28天氣涼涼地, 最正就是食暖笠笠既羊腩煲$28食到羊腩煲超值呀!!!羊肉質軟腍, 完全冇羊羶味唔鍾意食羊既朋友都話唔覺有羶味呢~~羊腩煲內配以枝竹真係超好味, 索晒汁既精華酸菜豬手煲 $98一起手就試佢既湯~~ 味道濃郁但唔會好酸, 咸淡味適中豬手份量都幾多, 每件都係啖啖肉酸菜令人愈食愈開胃!!肥美豬手清蒸龍躉件 $138龍躉件非常新鮮, 鮮味十足~~每件都係厚切, 肉質厚實幼嫩菠蘿生炒骨 $85生炒骨肉少骨多~比較適合鍾意"每"骨既朋友仔~個醬汁酸酸甜甜, 送飯一流

食埋今晚冇堂食啦 呀媽話想去酒樓食wo 今晚嚟左石門富臨 見佢有promo $28 羊腩煲好吸引咁 坐底二話不說即刻點左羊腩煲先 雖然只係$28 一d都唔hea 勁大煲 超足料 入面仲有d冬菇 支竹 准山 同埋羊腩都有好多舊 好入味 天氣咁凍食多個酸菜豬手煲 個湯都幾辣下 酸菜吸哂d湯汁 唔食得辣嘅就唔好叫啦每次食去親酒樓都必定會叫嘅菠蘿生炒骨 又好味又好送飯最後叫左個蒸魚 成條魚又會食唔哂 所以叫左龍躉件 啖啖肉又無咩骨 啱晒我呢d懶人食 今晚真係食到好飽好豐富呀

上次飲茶見到羊腩煲有優惠今晚專登同屋企人嚟食。冬天必食「古法羊腩煲」超抵呀...$28咋，阿媽唔信咁平，仲以為打錯價錢，Gas爐明火滾住食，夠哂暖胃。加埋冬菇同索哂味嘅枝竹，真係好正。「酸菜豬手煲」第一次試呢個配搭，原來酸菜除咗配魚之外，同豬手一樣好夾，仲可以吸收下骨膠原...滋補一下「菠蘿生炒骨」大大碟生炒骨，熱辣辣，好脆口，酸酸甜甜，每次食小菜，係我必點嘅菜式「清蒸龍躉件」wow...啖啖肉又嫩滑，口感同味道100分好食過去飲嗰種大石班好多👍🏻👍🏻👍🏻

✨手抓跳舞雞造型幾盞鬼有趣 原隻雞上自己手撕黎食好貼心有埋手套供應 唔驚整污糟外皮燒得香脆 肉質鮮嫩 肉汁豐富連雞胸肉都好軟腍 唔會乾柴調味適中 整體唔錯✨有機野米炒飯揀孖寶有多個主食 炒飯炒得乾身 中間混合左幾款米同菇菌口感幾豐富 菇菌味道清香✨蘿蔔千絲酥酥皮層次豐富 蘿蔔絲係粗條清甜多汁 熱辣辣食 唔錯✨流沙奶黃包比一般流沙包大個 包質地軟熟 流沙程度唔錯 香甜但如果餡再多返少少就更好食物唔錯 環境好大 坐得舒服 由中午十二點坐到三點都冇人趕服務唔錯 價錢合理 都幾抵食

今日探個親戚，咁因為親戚都有番咁上下年紀，咁就同佢去一啲中式酒樓度食飯，咁聽佢講想食羊腩煲，佢話28蚊咁我以為佢係咪搞錯咗呀，因為通常羊腩煲都要二百幾蚊啦，點知原來佢係冇睇錯，我亦都冇聽錯，羊腩煲係28蚊， 即係唔使講咁多嘢，咁就梗係衝過去食羊腩煲啦，28蚊咩年代呀街市都買唔到啦。 廢話少講睇我食咗啲乜:古法羊腩煲: 燘得好冧，羊腩汁炆得固然入味，羊腩都幾夠肥， 配料都有冬菇冬菇幾厚身， 呢間嘢啲羊腩煲我覺得係價錢上面真係數一數二，28蚊係冇得頂。清蒸龍躉件：呢個鮮龍躉片我覺得個肉真係幾好食，因為佢個肉質比較彈牙而且亦 保持龍躉嘅鮮味， 有時都驚一啲舖頭將啲食物放得太耐令到鮮味會流失咗， 所以呢一個魚我就比較推薦。酸菜豬手煲: 食落去個豬手，我已經充分感受到嗰種骨膠原嘅味道， 我自己覺得都幾滋補 ，而且我會覺得佢個酸菜汁用嚟送飯真係唔錯，師父炆到個豬手幾淋 ，可能因為個汁酸酸哋，令到我要咗個飯嚟食。菠蘿生炒骨: 呢個生炒骨我覺得個味道都幾好，一來唔係太甜又唔係太酸，味道恰到好處，而且佢件數亦都算係多，所以呢個生炒骨我都幾鍾意。最後呢間酒樓嘅羊腩煲我覺得真係幾抵，如果有興趣嘅朋友可以嚟呢

天氣凍要食羊腩煲，呢排睇到有人介紹有$1羊腩煲食😌😋😋，雖然要830後，但其實放工都差唔多時間🤭.🍴$1 古法羊腩煲830後$1，830前都係$28，點都抵食既，南乳香味較濃，除左羊腩仲有足料枝竹、冬菇、薑、馬啼。.🍴清蒸龍躉仔$198蔥味十足，蒸得岩岩好，豉油甜甜地餸飯一流，晚飯必食海鮮。.🍴菠蘿生炒骨$85菠蘿生炒骨新鮮炸起，10分香脆酸酸甜甜，仲有菠蘿青椒黃椒配搭，唯獨係骨就多左啲，不過都唔錯既。.🍴酸菜豬手煲$98呢度小菜價錢都ok, 呢個酸菜豬手既豬手炆得好淋身，酸菜味道淡淡地滲入豬手，夠晒香又有埋芋絲個啲一齊索味。.呢度茶位$12/位、前菜$10/碟，特價晚飯小菜夠晒抵食。

⭐️【沙田】$28蚊古法羊腩煲⭐️近來工作繁忙，難得朋友約出去聚餐，朋友說天氣凍，想去酒樓試 $28蚊明火【古法羊腩煲】，以為自己聽錯，到達酒樓後更看到原來晚上8:30宵夜時段，羊腩煲竟然只需要$1，而酒樓更有數款〔一蚊雞〕菜式給客人選擇，非常抵食。🐏【古法羊腩煲】(推廣優惠HK$28)$28蚊羊腩很足料，連皮帶肉，羊羶味較淡，肉質及羊腩皮都炆得軟腍，卡式瓦斯爐一邊滾下滾下，馬蹄及枝竹吸了羊腩煲熱的湯汁，味道不錯，蘸了腐乳醬的枝竹及羊腩，有另一番鹹香味道。【菠蘿生炒骨】(HK$85)咕嚕肉肥瘦適中，入口軟嫩，配菜有菠蘿及青椒及洋蔥，酸甜度亦適中。【避風塘炒肉蟹】(HK$188)炸蒜及豆豉结合出香濃的避風塘風味，火候控制恰當，蟹有啖啖蟹肉，不錯。【酸菜豬手煲】(HK$98)酸菜湯很濃，有點像酸菜魚的味道，有陣陣胡椒辣味，豬手啖啖肉帶有豬皮非常多骨髎原，很有咬口，亦炆得軟腍，卡式瓦斯爐，愈煮愈出味。📌*茶位(每位HK$12) 📌*小食(每檯HK$10) 📌*另有加一服務費📍〔富臨皇宮〕🇭🇰香港新界沙田石門安群街1號京瑞廣場二期2樓201號舗Shop 201, 2/F, Kings Wing P

久唔久去吓其他地方嘆吓茶，求其一間撞下，望吓個價錢都好平民，而且又唔使等位，就入去試吓係咪咁平靚正。一入去見到個大廳，一望無際中間冇柱位，如果好似以前咁樣擺酒結婚就唔錯，不過而家就冇乜作為。原來佢有個地方專係飲靚茶，就貴少少試吓你，不過都係果句，茶樓真係無靚嘅普洱，墨汁咁嘅色又無茶味，睇怕今次又中伏。 今日冇食到四選一，只係食其他點心，因為多數呢啲特價嘢，都係細細件冇乜肉食。叫下啲最基本嘅，試吓佢有冇料到。先講包類，以馬拉糕同叉燒包為例，個包瞓得好鬆軟，有香嘅包味。叉燒包啲餡就似一般叉燒料冇乜特別。再講經典嘅燒賣，都係大集團熟口熟面嘅味道，冇乜驚喜。牛肉球依然溝唔同嘅料入去，既冇牛肉味，更加冇陳皮味。反而有兩樣點心值得點提，特色炸兩同埋個煎堆仔，炸兩唔係用一般嘅油炸鬼，依家用咗類似越式春卷皮，識落冇咁油膩而且比較爽脆，如果中間飽啲芒果配上沙律更加有特色。而煎堆仔發起好大個，皮薄鬆脆有少許油香味，係有少少出乎意料。咁嘅價錢已經比好多，屋邨酒樓好得多。以往去過呢一間其他地方嘅分店都冇乜好感，不過呢一間可以令我改觀。

未去之前已大约估到情况。以下不作评论，只作事突陳述。1. 羊肉煲共有5件姆指大小的骨腩，1/3系肉。另外叫了牛仔肉，份量舆大x乐的朱扒飯相同，但相當幼滑，冇鬆肉粉味$98一碟。3. 准香尤鱼蘇。舆白天飲茶的質及量相近，正正常常。$88一碟。講起食羊，想起十多年前到尼泊爾自由行，興之所致，驾車往中国边境吃一個午饭，下車之處系鄉村地方。心想可能只能買到粗粮，行行寻尋半小時，聞到陣陣羊蘇味，到一飯店，問老板有冇食，佢話本店只售一味=羊雜。品赏之后，方知人間美味在鄉間。羊之鮮味直入靈魂，至今難忘。每煲羊雜200人仔，顺便問伙記多少工资，回答系500人仔一個月。

見佢有4選1特價，$1 雞 $1 叉燒 $10乳鴿 $28 羊腩煲，就行左入去食。岩岩準備入冬，羊腩煲就必食，兩人去食$28份量唔多但都算係咁，如果加生菜都係$28,雖然定價有d 攪笑，但都叫嚐下口癮。啫啫芥蘭煲 $97 有點貴，都係用特價食物做招徠，明白的～不過二人埋單都係$251 , 晚市價來說也算還好。

見到富臨有任食2小時大閘蟹，就約埋兩位朋友去食。到達後，酒樓人數唔多，食蟹既亦大約得 6-7 枱，酒樓面積大，所以都坐得好鬆動。一起菜就黎左 d冰鎮鮑魚，味道一般，真係寧願佢求其清蒸可能仲好食d; 個湯反而唔錯，唔算肥膩，好飲。片皮鴨就係任食，味道都一般，建議想飽肚可以食多兩舊一定飽。最後到主角 -- 大閘蟹出場。第一 round會先送一隻陳年花綢蒸，坦白講，真係冇乜酒味 ... 食完我地就再叫多 3 隻油鹽焗，但等左30 分鐘都未有 (其他枱都冇), 酒樓解釋廚房蒸唔切，我覺得好搞笑囉，能夠做到 4 -50 圍晚宴既酒樓，個廚房竟然蒸唔切 d蟹？？其實本身都怕太早叫定 d 蟹凍左，所以不嬲都係食完先再點，但最後真係好嬲咁一次過點晒 d 蟹 (因為怕又要等多 30 分鐘) ... 終於一次過黎晒 d蟹，其實d 蟹細隻都預左，但食慣大閘蟹既我一食，就已經可以肯定，係肯定，係好肯定d蟹只係用水洽熟而唔係蒸出黎！！打開隻蟹蓋已經有水，，同埋d蟹肉，一食就知係用水洽熟既，佢地真係以為咁就可以瞞天過海？如果你問抵唔抵食，$428 /2 hrs 都算ok既，d 酒樓姐姐換碟都快。但如果你係對蟹既

老媽子話想食晚市龍蝦伊麵，被佢捉了去富臨。 順應娘親，真心冇乜要求。兩個人叫咗三個餸， 龍蝦伊麵，燒鵝，芥蘭煲 ，共五百幾蚊。又食龍蝦，又食燒鵝，呢個價錢都正常。但真係好難食囉。龍蝦件數正常，但係啲肉唔算大。龍蝦肉質死實實， 唔爽彈， 隻龍蝦應該唔新鮮。冇龍蝦嘅肉汁，所以個汁一啲都唔鮮甜 ，得個鹹字 。最頂唔順係佢個伊麵好淋好爛， 夾上嚟漿糊咁，一pat pat， 啲麵仲要係勁短勁斷。燒鵝唔乾身，有肉，不過真係好肥呀。 好多肥膏， 食到滿口油，差點被啲肥膏哽死， 食起來好難受。芥蘭煲配薑絲蝦乾，一般般啦， 薑味一啲都唔出， 叫做食得入口囉。老媽子一向都好濫食，連佢都話呢餐難食， 真係要畀個喊喊face佢😭