富臨皇宮 (已結業)

今晚想食火鍋，行經北角，見酒樓門面華麗雅致，又有雞煲任食火鍋，決定一試，怎知是惡夢的開始!!晚上8時半，火鍋區有10枱客左右，先點了鍋底，雞件魚蛋冬菇等大路食物尚算ok, 很差的包括肥牛，很老，豆腐有異味，唐生菜有苦味…吃著吃著，竟然看見枱面出現一隻小蟑螂，心裡開始不安，不久後就再出現第2隻!! 登時反胃，最驚嚇的事還在後頭，枱上突然出現一隻大蟑螂!! 立即飛身離枱，嚴重作嘔!! 酒樓侍應阿姐一手把牠弄死，還笑笑口話因為食物太香引了牠們來!!! 然後提議我們調枱，天啊! 發生這種事還吃得下嗎?! 找經理理論，叫我們不用埋單，又說會加強清潔。回家後仍覺肚痛不適，想到酒樓的情景就覺非常嘔心，不知吃下的有多污穢，心理陰影很大! 已向食環投訴。

尋日19-2-2015 Wed(年初一)同男友返北角拜年,佢買啲o野食,7-11同OK都冇食物部,佢話去大家樂,但經過富臨,見有一籠籠點心,於是買點心.佢買o左$20.00o既蝦餃,$18.00o既蟹籽燒賣皇同$13.00o既蜜汁叉燒包食.去到冇耐,我o地就打開o黎食,我先食蝦餃,夾起,蝦餃皮穿o左 ,食落,凍o既?原來唔係蒸住,有冇攪錯?凍o既蝦餃蝦餃皮硬晒,味道都已經走晒,冇正常o既蝦餃味道.而蟹籽燒賣皇呢?一樣係凍,一食就食到冬菇o既味道,呢個都叫做正常.最後o既蜜汁叉燒包,味道口感正常.

難得星期日同女朋友拍拖飲茶，點知揀著呢間真係火都黎埋....話說我地去到等左五分鐘個帶位叫我地坐咗喺張完全未執嘅枱度，之後有個阿叔走過黎執枱，第一句就話我地有無喺出面等位，定係自己走入黎坐...佢D態度真係奇差囉，有乜理由咁樣對D客講野...OK算！之後我地叫左壺壽眉，一間茶樓最緊要就係D茶，佢完全唔掂。。。第一，個茶壺好唔乾淨，好似上一枱客飲完直接比我地咁。第二，壺茶完全無壽眉味，唔知咩黎，兩個茶名溝埋一齊就係嗎？（見圖）第三，D茶葉勁碎，飲到我成咀都係，OK都算！輪到D點心，揀直超級難食。。。腸粉D皮成寸厚，馬拉糕濕立立，所謂推介甜品朱古力芒果卷入面唔係鮮芒果而係芒果糕?!味道極之奇怪。。。乜佢地推出前無試菜加咩?!雖然環境裝修好靚但食物同服務就完全唔掂，我諗老闆應該著重返食品既質素。。。唔知點解仲有咁多人排隊食，我諗我好難再返黎食第二次喇... 

前日(22-11-2014 Sat)同男友食完晏又整o左一陣o野後,原本想返屋企先,但我o地橫豎都要過海,佢建議去北角睇佢媽媽,都好.我o地到o左北角,一定都買啲o野俾佢媽媽食,經過呢o度,男友睇有點心,我見到竟然有啲西式甜品,$8.00就有布丁,我就要$8.00o既士多啤梨甜心,男友就揀$6.00o既荔枝布丁,再揀$12.00o既豆豆樂園同$8.00o既白雪吉士共四樣.上到去打開影相先,荔枝布丁原來重有一層膜封住.男友將荔枝布丁俾佢媽媽,我就要士多啤梨甜心,佢自己要白雪吉士, 豆豆樂園就俾工人.開餐喇,我o既士多啤梨甜心味道唔太甜,質感亦唔算好滑,味道係好似童年時,食一種餅形o既糖o既味道,其實係唔好食. 然後試男友o既白雪吉士,好奇怪,面上有一層黃色o既,o個層係吉士嗎?食落,成個都唔知咩味?男友話係奶味,我完全感受唔到,呢個真係唔知咩o黎.唔知佢媽媽o既荔枝布好唔好食呢?男友話佢答好食喎.至於豆豆樂園,我o地就唔知喇.味道只計我同男友o既,係0.5分,抵食係1.25分

之前都聽到不少差評，就是不相信同一品牌在不同地區會有那麼大分別嗎？終於來試一下，晚上七點前到，沒有很多人，其實後來坐到八點都沒坐滿，就應該知道總是有原因的。點了六個菜加一個前菜加一個主食，前菜海哲燻蹄還可以，什菜煲不可能不行，龍蝦伊麵的龍蝦非常不新鮮，龍蝦肉毫無質感，比在其他同品牌的店差多了，花膠炒露筍（？）的花膠又乾又硬，油鹽焗麵包蟹不知所謂，跟同品牌的其他店簡直是天與地，其他同店的是乾身的，蟹是清晰可見的，這裡是加了粉漿再油泡的，蟹肉又是沒有質感，這是油鹽焗？不是吧，本人在同品牌的另一店吃過不是這樣的！同一品牌沒有同一標準做法？再加上後來的鮑魚也非常失望，鮑魚又不新鮮甚至有異味，實在忍受不了，叫服務員把蟹收走，免得看著眼寃，埋單居然照收錢，這餐飯非常不值，沒有下次！  

約了前老細向北角富臨酒家打邊爐，＄１２８全包任２小時．因老細住附近，所以約７ＰＭ就過來攞位，是一個在窗旁的梳化卡座，不是太嘈，環境不錯．大約７：３０ＰＭ就滿座．湯底不是太多選擇，有沙爹，清湯和芫茜皮蛋等等．加錢可轉豬骨或辣雞煲．另外火鍋配料係大路野，唔好expect有名貴野，但一定食得你飽．任食打邊爐係包任飲啤酒汽水，有百事，七喜同不知名啤酒．全部罐裝都放在雪櫃，好夠凍．我地叫左芫茜皮蛋鍋+２０碟配料．鍋都好快上，反而配料約１０鐘後先有．食物方面，係一般任食打邊爐質素，唔係最靚最新鮮，我只可以話好抵食．滑牛肥牛不斷供應．想讚反而係唐蒿同油麥菜，幾新鮮同冇乜爛．另外包心丸同芝士魚丸很醬爆，不錯．我地食左２小時都冇人吹我地走，不過阿姐就叫我地埋單先，方便入數．冇問題啦，我地都唔想難為阿姐．其實佢地Ｄ服務不錯的．幾次漏單都幫我地追．又專登跟炸魚皮單幾次．＄１２８全包打邊爐，坐得舒服，質素不差，食得你飽，勝價比很高，你仲想點？

夜無眠,做乜好,去富臨九點後,點咗一蚊雞煲,炒麫,自來紅酒,hea到十一點,78蚊找數,  扺,無嘢講,雞煲: 是時尚的川式,是一整隻的份量, 雞是在厨裏爆好的, 包川料, 尤其是那嚇人的乾红椒, 看在眼內真有D   义(our)底, 不銹鋼鍋上, 送gas史爐,  如果係生鐵鍋就perfect喇,  原來重有大量生葱及紫洋葱,  就由這裏的美女部長 上枱開火, 美女部長問要幾成熟(洋葱), 答 生的可以了(mann ha), 咁旣服務, 對得住個"78蚊"X2忽發奇想: 如果美女部長係肥苟同埋制服係比堅尼式就堅過林保堅尼呀, ("that is jihadis' heaven")事實上味度是可以x2的, 賣相紅綠相映, 吃來原來是不辣, 麻度恰可, 有gas史爐小火保溫, 那怕你食到天長地久地老天荒, 加以一道紅葡萄酒 , 確是快事, 喝來燦爛,二人吃了半鍋, 環保先峯,連汁拿回家, 第二日放湯煮出前一丁, 都好好味。 雞狗食晒, 佢問重有冇多D, 眼神就如狄更司筆下的一樣,炒麫: 冇鑊汽, 但都可以食倒(人食), 餘下小許環保回家, 狗看了一眼, 沒跟進, 最後放進compost箱

等點心要半小時,待同行小睡片刻才有點心送上...炸兩腸 炸兩淋哂，腸粉凍冰冰，腸粉皮又厚又油...咸水角唔脆..味道一般煎薄撐夠薄，有脆感，總算不錯韮菜餃韮菜頗多，但餃皮過厚及油，一試無妨鳳爪沒試，但同行說不錯煎腐皮腸油...好油，但味道一般般...時間及食物品質...我不會再回顧了

是晚同親朋戚友晚飯，見到富臨皇宮喺北角頦分店，即管試一試。七點到達入座率有九成，一坐低就如惡夢開始...由於酒樓似心急開業，牆上吊住一大抽電線未有電視，洗手間冇指示，樓面員工嚴重不足，BB櫈滿佈灰塵！脆皮燒腩仔 $48 - 唔脆皮，超肥脆鹵豆腐 $38 - 只有六件，冇味龍躉兩味 $338 - 每牒得幾舊燒鵝皇半隻 $178 - 算正常脆皮炸子雞 $180 - 炸咗起碼一個鐘以上，投訴換第二隻比我，一樣咁差!!!粟米石班塊 $98 - 賣相、味道不能夠接受菠籮生炒骨 $78 - 又係得幾舊椒鹽焗鮮魷 $85 - 少得可憐金銀蛋菠菜 $68 - 還可以瑤柱琵琶豆腐 $85 - 全晚最GOOD白灼唐生菜 $68 - 好難唔好食漁香茄子煲 $78 - 後加，唔熱就死得啦汽水 $12罐 - 個侍應話揾晒全場都係得一支飲筒 =.=如果OPENRICE可以比負分的話......

本人於9/12/2012到北角富臨皇宮午膳，發覺此酒樓員工極不衞生，此員工於酒樓open kitchen 位置試味時竟然用湯殼正接飲用連續數次，即客人們如點了那款食物全吃他口水尾，喺廚房入面就眼不見為乾淨，佢喺D客面前照飲，真係當D客死架