富臨皇宮

難得星期日同女朋友拍拖飲茶，點知揀著呢間真係火都黎埋....話說我地去到等左五分鐘個帶位叫我地坐咗喺張完全未執嘅枱度，之後有個阿叔走過黎執枱，第一句就話我地有無喺出面等位，定係自己走入黎坐...佢D態度真係奇差囉，有乜理由咁樣對D客講野...OK算！
之後我地叫左壺壽眉，一間茶樓最緊要就係D茶，佢完全唔掂。。。第一，個茶壺好唔乾淨，好似上一枱客飲完直接比我地咁。第二，壺茶完全無壽眉味，唔知咩黎，兩個茶名溝埋一齊就係嗎？（見圖）第三，D茶葉勁碎，飲到我成咀都係，OK都算！

飲到成咀茶葉

壽眉？

輪到D點心，揀直超級難食。。。腸粉D皮成寸厚，馬拉糕濕立立，所謂推介甜品朱古力芒果卷入面唔係鮮芒果而係芒果糕?!味道極之奇怪。。。乜佢地推出前無試菜加咩?!

1

朱古力芒果卷

層皮幾寸厚的腸粉

雖然環境裝修好靚但食物同服務就完全唔掂，我諗老闆應該著重返食品既質素。。。唔知點解仲有咁多人排隊食，我諗我好難再返黎食第二次喇...