富臨皇宮 (已結業)

比餐牌大家望下先，呢版特別多海鮮介紹，我地可能太遲去無哂龍蝦同埋蟹，睇黎好搶手。我地就叫左啲小炒送飯。先黎個湯先，一煲湯一家五口每人都可以飲到兩碗，而且睇佢湯渣見到呢煲湯好足料同屋企人餓唔少得呢啲花膠鵝掌，幾煙un，唔錯唔錯！叫左碟豉汁蒸大鱔，肉質幾鮮嫩，而且好多舊，阿媽話覺得好抵再口痕叫左碟小籠包，比起啲上海餐館都絕對唔輸蝕黑椒薯仔牛仔骨送飯剛好，好濃味，牛肉唔會韌，薯仔都好入味乳豬皮脆，肥瘦相宜，

一家人食飯唔知去邊好，最後阿媽就話近近地去富臨，聽人講過都係唔錯既選擇。菜式方面咩都有，海鮮，小炒，湯，粥粉麵飯。可以問埋部長果日有咩新鮮，推介一下。先黎個湯先，隨手送上湯渣，你就會感覺到幾足料，而且唔多味精。豉汁煎大鱔食得出其鮮味，份量對得住價錢，豉汁唔會蓋過鱔味。薯仔牛仔粒好惹味，以黑椒黎調味係一個好好既選擇，牛肉粒唔會老，而黑椒同牛肉味滲入薯仔入邊。每一次去酒樓食飯我地屋企都會叫菠蘿生炒骨，一黎好送飯，二黎我地都好鍾意酸酸甜甜果種味道。富臨既生炒骨不錯，味道恰好，又唔會話搞椒菠蘿多過肉。乳豬係少不了的。送上時仲熱烘烘，皮燒得香脆，肥瘦分明。

平日周末都是自己去梳乎，今日要孝順老人家，帶埋爺爺嫲嫲去搵食，佢地話好想食龍蝦，我就諗起富臨皇宮，早前見宣傳廣告介紹＄388一份龍蝦及伊麵底，老人家最緊要平靚正。唔知道呢位龍蝦有幾重，但數落都有十幾件，都夠晒我哋食，見到個色澤咁靚都應該係好新鮮，汁又豐富伊麵都唔少，大家食得不知幾開心，又話新鮮又話彈牙。另外值得讚啲就是燒鵝，＄100小份，話小都唔係少，啲肉又厚又香嫩，配埋酸梅汁食真一流。開開心心又一晚，花費無幾真是街坊之選。

因為姐姐們已經出嫁，每逢過節食飯大家見面當然開心，但就時間就真是費心，過冬又只好提早，今次返回我們成長的社區－北角。富臨集團主要都是做街坊生意，海鮮小菜價錢實惠，水準過得去，一家人聚會就是需要這些。花膠北菇鵝掌煲花膠雖然炆得唔算十分林，勝在夠大塊有咬口，鵝掌入味，總之食完就覺骨膠原豐富，大家又靚咗！火腩大鱔煲媽媽鍾意食鱔，豉汁蒸未到最濃，唔怕會腥。極品燒鵝皇燒得好，皮脆肉香，有鵝味。天麻燉魚王充滿天麻香，足料來的，唔油無魚腥，用了好多瘦肉及雞腳煲出來的老火湯。龍蝦伊面新鮮龍蝦真美味，配伊面底就最正，冇野可以代替。大家食得好開心，每人花唔駛＄200，自己點比酒樓的套餐組合更好。

今晚同屋企嚟到北角富臨食飯，地點方便，正正喺新光戲院對面，而且因為有朋友食完話裝修唔錯又寬敞，小菜仲幾抵食。茶位$10 酸菜$10天麻燉魚王魚雲湯 $128湯料好豐富，有瘦肉、雞件、雞腳同魚雲，而且仲有紅棗、天麻等藥材，所以好大味好香既天麻味，好似食點心魚雲陣味。湯好濃，但偏咸，可能因為太夠火喉既關係。堂剪bb豬半隻 $98份量比預期大，燒得唔算平衡，但絕對皮脆肉嫩又唔乾，咬落仍然好多肉汁同埋豬肉好嫩，肉同脂肪比例一半半，正宗半肥瘦。瑤柱金菇扒豆苗 $98瑤柱金菇夠多，絕不吝嗇。獻汁又唔會太杰，配上好鮮嫩既豆苗正係唔錯。豉汁蒸大鱔 $98好大碟抵食，魚肉唔可以講係彈牙，但好有鱔既鮮甜味，而且豉汁撈飯一流。生煎菜肉包6隻 $38漲卜卜有油光，但食落完全唔油。包底就唔算脆，但包質軟彈，肉餡唔會太咸，整體比較清淡。

第一次嚟呢間富臨，以後會好舊式但原來好光猛新淨，地方又夠大，d食客打邊爐都唔會令都成場邊爐味。店員亦都好快手腳，又會主動收碟換碟。中天麻燉魚王魚雲湯 （$128） 一打開湯煲蓋已經好香天麻魚雲味，好大煲有6-7碗份量。除左魚雲，仲有雞肉同瘦肉，當然用左唔少藥材，好滋陰。湯好濃味，唔腥，要襯熱飲。 堂剪bb豬半隻 （$98） 皮好脆口又唔燶，肉好粉嫩，入口仲好有肉汁，有少少咸味幾惹味，再蘸燒豬用既甜醬更好味。 瑤柱金菇扒豆苗 （$98） 豆苗十分鮮嫩又翠綠，入口好清甜。瑤柱金菇獻汁份量岩岩好蓋過豆苗，令每條豆苗都有獻汁既調味。 豉汁蒸大鱔 （$98） 份量甘多嚟講呢個價錢算抵食，但如果魚肉蒸既時間控制得再好d會更完美。 生煎菜肉包6隻 （$38） 食晚飯通常會叫白飯，但今晚忽然想食生煎包。底部唔係隻隻都脆，但都幾香口，麵包口感亦好鬆軟。 茶芥 $10/每位 酸菜 $10/碟

是晚係北角同屋企提早做中秋節飯。其實之前係北角長大、依間酒家已轉左N次咁多手，今次係富臨。對佢地黎講，近佢地就食。今次佢地叫左淮杞燉響螺燉湯、金蒜銀絲蒸鮮帶子、果皮蒸南非鮑魚同清蒸沙巴龍躉斑等。淮杞燉響螺燉湯： 湯料內有響螺、淮山、瘦肉、半隻雞等淆製。湯料很多，由於湯已燉左一段時間，所以湯頭非常清甜，有濃郁既雞味，值得推介。金蒜銀絲蒸鮮帶子：扇貝屬正常，雖然並非街市野生捕捉果款，但乃屬新鮮。扇貝配上極多蒜蓉、青蔥及粉絲，百搭配搭，好味。果皮蒸南非鮑魚：同蒜蓉扇貝一樣屬正常。欣賞廚房蒸煮嘅時間好恰當，鮑魚爽口，沒有過火。配上陳皮，令鮑魚既鮮味更為突出。清蒸沙巴龍躉斑： 龍躉斑非常新鮮，配合恰當嘅蒸煮時間，肉質鮮嫩，份量適中，值得推介。是晚四個人，吃得很豐富好飽，以北角區酒家嚟講，略勝一籌。

是晚係北角同個朋友仔食飯。因為我就佢放工，所以揀左依間酒家，可以等佢又唔洗怕俾人話。我地叫左份孖寶同花膠鴨掌鵝掌煲。依間酒家好鬼大，座位又夠寬闊。紅燒乳鴿：有兩隻，細細隻，表皮像是鹵水汁醃製，不是脆口那款，肉算多，肉質夠嫩口。波士頓龍蝦配芝士焗伊麵底：龍蝦件數屬正常，每件龍蝦肉算多，嫩滑彈牙，配上伊麵底，食完已半飽，略嫌芝士牛油有點膩。花膠鴨掌鵝掌煲：上枱時熱騰騰，花膠、鴨掌、冬菇好鬼大隻，煲上夠火喉，夠入味。

海鮮不嬲係我地既至愛！係面書見到人地share出左個極品黃油蟹套餐，而富臨又好近我地，所以就同屋企人去試下啦！首先，未食之前，真係要讚下傳菜果個姐姐！雖然佢年紀唔細，但執野好快手，又成日跟進我地啲野食齊唔齊，有禮貌！讚！入正題！呢個就係極品黃油蟹既餐單啦！成個套餐重點就係呢兩只黃油蟹啦！！原只清蒸，算大只，清潔得幾乾淨。一打開！望見都正！係蓋已經見到有好多"黃油"，好似咸蛋黃甘！當剪開個蟹身時，啲膏多到流出黎！個蟹膏濃滑鮮甜，係個口入面融化晒，超正！一級享受！好肥美，蟹肉實淨又好肉，唔會梅晒，絕對係活蟹清蒸而成，原汁原味！雖然有配醬油，但唔點都已經好足夠，點左反而蓋過蟹味，超正！餐單上仲有呢個滋保既響螺湯，清甜，好潤。湯料好多，夠晒味！乳豬半只乳豬皮好鬆化，脆卜卜！肉唔算好多，但唔肥，唔會食到成口油！點埋甜醬食一流！蠔皇海花膠扣翡翠花膠夠林，大大塊，補足晒骨膠原生菜時間控制得好，爽口。蠔皇雖多，但唔會太咸，味道剛好！古法蒸龍躉腩又一貴價野！魚皮好厚，好多omega3既感覺，哈哈。因為係魚腩，所以較多脂肪，痴住啲肉，好滑！豉油唔太咸，夠健康！xo醬爆蝦球蚌片蝦球同蚌片都好爽口又大塊！因係

點半開始同個fd開始排隊羅籌，到差唔多兩點入座坐一張大臺。共有10個人搭臺，分為正台同abcd 五張單。 同時台布仲有醬汁。開始d野黎，但係上菜姐姐需要叫台號。所以就要仔細聽，呢個時候，兩個姐姐同時出現，認真聽先到既姐姐講嘢，另外一個聽唔到。之後，我反應到時候，拒既然對我地發脾氣，話叫做三次冇人應。其實一句冇乜所謂，我地講聲唔好意思就完。但係個侍應個表情實在十分不友善。 又話左我地幾句。 心念放假出黎飲茶，講左唔好意思仲要題人面色。 d野再好味都冇心情食。建議適合唔介意服務態度差既人去，d野食唔係好差。

今早和家人到北角飲茶，發現了這家抵飲早茶。我九點半到打算先拿位，家人們晚一些再出門。誰知原來餐廳很多，根本不用等位，自己找了張枱坐下來。我先洗碗筷和叫了茶喝，當然叫了本人最愛的普洱。這裡的普洱不會像一些茶樓那樣很深很厚，浸了一會顏色都還可以接受。它只要十點前下單就是早茶價，不像一些茶樓要以結帳時間計，可以點完慢慢吃。早茶還有一些combo可供選擇，價位親民。我們四人我一口氣點了十五個點心。下圖的黃金球是紫心香芋圓。外層鬆脆，內含芋泥，甜甜的很可口。旁邊的肉餅飯很細碗，飯偏硬身，用來飽肚。鯇魚粥很大塊鯇魚，味道清新，不過多骨，吃時要留意。煎釀茄子炸得香口鬆軟，魚肉亦很新鮮。雞汁小籠包也不錯，內含很多，皮薄多汁，有水準。它的腸粉都一般，牛肉腸挺足料，亦大份，不過鮮味就一般啦。還有它的特色煎腸粉，料比較少，有點齋。至於黑醋油條和蘿蔔糕就不太好吃。不過整體而言，都算抵食的早茶，如果交通方便，值得一試！

富臨是我飯堂，冇他，富臨勝在方便就腳，梗有一間系附近，而且經濟抵食。我最常光顧的是灣仔富臨，今晚轉轉地頭，幫襯北角富臨。同灣仔富臨一樣，都有不少特價海鮮小菜選擇。小弟當然擇肥而噬，坐下即點了抵食孖寶上湯焗龍蝦(伊面底)配义燒皇(每份 $268) 和櫻花蝦海皇炒飯 ( $88)。上湯焗龍蝦(伊面底)賣相不錯，龍蝦份量足料，龍蝦肉味鮮彈牙，上湯滲透面底，好味開胃。厚切义燒皇一條，接近有一斤，不肥，有少許根，色澤嫩紅，肉質腍甜，入口香軟，水準不錯。至於櫻花蝦海皇炒飯，材料有超嫩櫻花蝦毛、小蝦仁、蛋絲和蔥花。飯炒得十分香口，飯面再蓋上一堆炸過的超嫩櫻花蝦毛，飯香撲鼻惹味。整體而言，富臨食品水準可以，價錢經經濟濟，是晚飯不錯選擇。

相約剛在新光戲院看完大戲的公公婆婆晚飯，富臨就正正在新光戲院的對面，那就一於到此晚飯。餐廳餐牌上有很多惠優，我們點了其中一款。木桶豉油雞（ $18/隻）開始都以為看錯了，是不是跟餐加錢，原來真的是晚市$18一隻，當然要叫啦，賣相不錯，唯肉質是有點韌，但$18來講都是已經不可挑剔，性價比超高。花膠北菇鵝掌煲 （$78）花膠好硬，沒有味道，整煲沒一會都已經水水的，北菇鵝掌都沒有入味。乳鴿（$38/隻）外層香脆黃金，肉量不多但仍然有肉汁，這個價錢來說還算不錯。今晚沒有芒果布丁配涼粉（$16.8），就只冇芒果布丁，但點了一客來試試。芒果肉多而且布丁有濃濃芒果味，質感亦不水，有驚喜。紅豆沙 $8.8 不錯，紅豆多，甜度和濃度亦適中。香芒糯米卷 $12.8這個皮硬，芒果餡亦無味，很失望。朝日啤酒 $19.8原來是大瓶的，超值的，當然要再來两瓶！雖然不是款款菜色都出色，但勝在坐得舒服，性價比高。

我們年青一代工作都十分忙碌，好不容易可約齊一家人舒舒服服吃一頓，這晚選擇了北角的富臨皇宮，連鎖的酒樓集團質量應該有保證，地點也十分方便。酒樓裝潢也奢華，燈火通明，空間感大，坐得好舒服。然後就看看菜單有甚麼好吃。《波士頓龍蝦孖寶(上湯焗伊麵底)配紅燒乳鴿兩隻 $248》龍蝦件數夠多，每件也不算小都是有肉的，肉質也爽彈有蝦味，伊麵底上湯味濃，爽滑不會膩。紅燒乳鴿也有驚喜，賣相很好，不會干干的，口感肉質嫩而不韌。《金銀菜燉白肺 $128》很滋潤，豬肺好軟嫩，喝完也不會口渴，真材實料。《泰王蝦腰炒通菜 $78》菜稍有些老，感覺也不太入味，量是大，但味道欠奉只有辣。《清蒸沙巴龍躉斑 $138/條》很新鮮，好嫩滑，魚味濃，醬油調味正好，蒸的時間剛好，不錯，性價比高。甜品很足料，芒果好甜，口感豐富，酒樓少有的高水平製作。其實整體都不錯，服務很好，店員一直有留意我們，很細心，只是一些炒菜和煲方面要改進一些，魚、雞、乳鴿、海鮮都不錯。

自從母親搬咗去同家姐住之後，《富臨》已經成為我和家人的新飯堂。早前閱報得知，該集團酒家推出咗幾款特價海上鮮同勁扺食燒鵝皇，見價錢非常經濟，所以趁兒子閉關準備考試前，就一家人來吃頓晚飯。以前在北角上班時，經常會和同事來這間《富臨皇宮》飲茶，所以對店內環境亦頗熟識。而這晚我們就被安排坐在偏廳，人客較稀少，比大堂那邊寧靜，加上場地工整，裝潢骨子企理，以淺色為主調，樓底又夠高，感覺寬敞開揚。既然叫得飯堂，對《富臨》的餐牌當然一點也不點陌生，只是不同嘅分店，喺食物價格和項目選擇上，會有些微分別。一心為「海鮮最強」和燒鵝皇而來，加上侍應大力推介，那就不作它選，再加客燉湯和小菜，應該足夠三口子享用。先來的金銀菜燉白肺 ($128)，雖然未知是否原盅燉，但非常之大窩，肯定足夠四、五個人分享。樓面阿姐十分主動，湯窩一端上，便立即走過來代為分湯，不用自己動手。細看湯窩材料，除了有金銀菜同豬肺外，還有瘦肉、雞腳、紅棗等，用料十足。再舀起色澤清澈的湯水一嘗，清甜滋補又不油膩，趁熱飲有暖身作用。而老公就讚豬肺入口夠曬滑溜，軟腍得來又有彈性，而且無臊味，好有水準，還推介不愛吃內臟的兒子試試。海鮮揀咗兩款，果皮蒸鮑