富臨漁港囍臨門酒家 (已結業)

　富臨這間店,從無想過會來吃,因為家人不太喜歡飲茶．．．今次有緣來試試,都是團購的關係$38富臨脆皮片皮鴨！足4斤重雖然我地一早預約了,省卻等位的時間,但入座後等片皮鴨製作過程,都超過半小時以上入座時見到這茶杯,忍唔住影番張因從未食過片皮鴨,看字面說：足4斤重,完全想像唔到有多少最後等得太耐都未黎,餓了．．點左瑤柱銀絲節瓜煲$56 雖然料唔算多,但粉絲好入味,頂下肚都唔錯主角終於黎啦．．．．一碟大少不一的片皮鴨,加兩碟甜甜的白色麵粉包,兩碟爽口的切條蔬菜同兩碟醬．．．D皮厚薄不一,刀工確係差了點,味道又唔係難食,只係有D會較肥．．反面最飽肚同好味的係白色甜麵粉包,仲要係熱熱地,包住D片皮鴨加配料同醬汁,都係唔錯的,不過食完成手都係粉雖然只係$38,但又加一,又茶芥,仲另加酸菜收費$10．．．酒樓食飯,我會覺得幾貴當我地食到差不多的時候,部長端來果盤 真係有D疑惑,究竟是否要收費呢??最終問左部長,佢話不用收費先放心,如果唔問清楚,最後吃虧的只有自己總結黎講：食物係唔錯的,但看看下次仲有無緣再去品嚐下~

爸爸在上午復診完畢，回到香港仔區，剛好下午茶時間，幸好這裡的點心選擇頗多，幾天前才在這裡飲了一餐茶，今天再來，叫了完全不一樣的點心。蘿蔔糕，入口可以吃到真正的蘿蔔絲，沒有放入太多的臘味，糕身軟滑，蘿蔔味清甜。香茜牛肉腸，粉皮夠薄，餡料不多不少，其實是用山竹牛肉做餡。山竹牛肉，大大粒的，現時牛肉價高，這個新鮮而且有牛肉味，很不錯了。煎薄餅，是味道比較差的一款點心，沒什麼味道，吃起來覺得油膩，碟上也有很多油。雞包仔，點心之中我最不喜歡雞包仔，只是家人喜歡吃，我不愛吃餡那團肉，好像是薑味，又好像是香茜味，很奇怪的味道。油雞瀨粉，連湯水也滲著黃油雞汁，雞肶與翼的部位，份量適宜，但是雞肉的肉質有點韌，味道略淡。

爸爸終於出院返屋企，在家休養兩個月足不出戶，這天對爸爸來說，特別有意思，因為太久沒有與家人上茶樓飲茶。假日飲下午茶，一定要兩點前去到登記，過咗兩點半，唔想搭枱的話，就很難搵位。下午茶總有十款八款特價點心。蝦餃皇($11.80)，半透明的蝦餃皮，看得見入面的蝦肉，算得上是皮薄餡靚。煎釀茄子($7.80)，最便宜的一款點心，而且大大件，魚肉煎至微焦，不過茄子很索油，但是沒有油又不好吃，爸爸怕肥膩不敢食。鯪魚球($11.80)，大大粒夠彈牙，有鮮魚味，適合老人家吃的一款點心，比較少油，魚肉蛋白質豐富。小籠包($11.80)，沒有看清楚是雞汁小籠包，咬開看見很多黃色油，又不似是蟹粉，翻看點心紙才知道是雞油，味道有點怪，不會再試。燒鵝瀨粉($9.80)，不太喜歡吃瀨粉，很難夾起，吃時不方便，今次是胸骨部份的燒鵝，鵝皮肥膏太多，好彩才吃到好肉的部份。涼瓜牛肉河粉($36)，炒得幾靚，份量和味道適中，牛肉夠嫩滑，苦瓜爽口不澀。尚待改善的地方: 茶市茶客眾多，環境很嘈雜，經常感到室內的空調不足。

這次媽媽從街坊口中得知富臨最近推出了晚飯一蚊雞的優惠，於是又來了這裡晚飯。這天由於大堂給一個團體預訂了作聚會之用，所以我們來到了旁邊的偏廳來吃晚餐。主角的巧製三黃雞，兩位至五位可以享用一隻，於是我們便叫了一隻。上檯的時候見到這隻雞是用上像霸王雞的做法，有點豉油汁及一堆薑蔥絲伴吃。雞的體型也不少，比起稻香的一蚊雞更大隻，吃來也不算太肥，但雞肉吃起來也算嫩滑，味道不錯。另外叫了媽媽來富臨差不多必吃的薑蔥銀絲海蝦煲，這個海蝦煲相信是真的用上了海蝦，蝦肉吃起來彈牙好吃，不是霉霉的雪藏貨。加上了薑絲及薑絲一起煮過的粉絲更是好吃，因為跟蝦同煮的時候粉絲也吸收了蝦的味道，所以最後粉絲比蝦更快清碟。再加了一個小食卥水掌翼，這味則只是一般，卥水味及太入味而且掌翼煮得不夠爽滑，比較淋了一點，欠缺咬口。最後店方送上一小碟生果盤為這個晚餐作結。

約咗好多朋友去食餐飯,咁啱周一例靜,唔洗等. 嗰d服務員又幾好,帶咗我地去一張大枱,好闊,根住嗌野食. 蝦醬通菜味幾濃,唔錯! 海底椰湯油較多,不過d料好足! 腰果蝦仁:賣相同味道都ok! 星班兩味:好味但温度唔得! 龍蝦伊麵(轉鳥冬):估唔到咁好味,雖然無乜肉! 後加的多寶魚:唔過火,好好味,真係100分! 好飽,幾百蚊,抵!!!!!!!!!!

為病了的美美做生日，我們12人在她附近的富臨吃飯，大家選了一個套餐，套餐內的玻士頓芝士龍蝦伊麵的龍蝦改為美美最喜歡吃的澳洲大龍蝦，但要另加$1300。抱歉没有留起菜單，所以菜名都是略略記得，和真正菜名有出入，憑相回憶吧。湯是燉鱷魚肉湯，內有豬骨和嫗松茸，湯清甜，可能有味精吧。燒味拼盤，大致一般，但都是凍的。跟隨上的是芝士澳洲龍蝦伊麵，碟頭大，芝士味濃，龍蝦肉美味，可惜殼太硬，跟侍應拿鉗，我們13人，她只找來1把鉗，美美不舒服，只吃了一小口，後來發覺最喜歡吃芝士伊麵的原來是小康。炒翡翠花枝雞片多油。石斑兩味不錯，只是件頭少和翠肉瓜不稔。甚麼魚上湯白菜仔好大碟。炸子雞皮香肉鞋，吃剩數件。炒飯我覺OK，其怪有人說味甜，有人說鹹，是否味精作怪。壽包好大，蓮蓉不太甜，有一個蛋黃在內，但份量不一，我吃的那件皮厚餡少。今晚吃飯用了超過2小時30分，起初上菜很快，快到未吃完一碟，又上一碟，枱也放不下食物，到後來的上湯白仔菜之後就停下來，大概全場滿座，還有人客在等位，廚房應付不來。漢漢投訴兩次才再上菜。今餐原本不便宜，每人要$300，多謝梅梅，她保貼一半。亦希望美美大步檻過。

6月6,呢個日子真係易鬼記,係我阿媽既生日,老姐BOOK左夜晚8點富臨,原因係係香港仔呢家酒樓既嘢做得幾出色,去到嗰時都Full場,可能係星期日啦,由於中銀做緊Promote,我地叫左佢個龍蝦海班餐,入面有:湯-川貝海底椰燉鱷魚 (螺,瘦肉都幾多,味濃)主菜-金蒜蒸日本元貝6隻(Sold out轉左8隻鮑魚仔),燒鵝半隻(幾大隻,唔錯),XO醬鴛鴦蚌(唔洗落埋蠔油都好夠味),上湯焗龍蝦伊面(味道唔係好出,可能落鑊既時間唔夠),一斤半海星班(火候剛剛好,魚肉好滑)小食-生煎翠肉飽甜品-泰式甜點,合時生果飲品-3罐啤酒,1渣酸梅湯賣單一千蚊多D,好飽,除番開每人$180度,睇番佢比既料其實呢個價錢都係可以接受,D嘢都幾好食

實在有近一年夫去過嘆茶，難得二人共享假期，來個一盅兩件。這裏下午茶時段每每人山人海，當天亦不例外。開了壺水仙，邊喝茶邊點吃；直喝至四五杯後只覺越來越濃，好奇打開才知原來茶葉有大半壺之多，只得把當中一半夾起；惜最後還是覺得削胃！order了：灼生菜easy得不會難吃、鮑汁鳳爪較削身，咬ロ軟滑，底的花生亦很入味、胡椒豬肚煲：有我喜歡的白果，已煮得軟腍煙韌，豬肚滲着咸菜湯味，只欠胡椒味點點。燒腩肉是典型鄉郊村屋：有三層；脆皮乃天台、脂肪和瘦肉分別構成室內兩層獨立複式。但味兒沒些可說。素腸粉賣相味道都差強人意！只得抱着不浪費食物信念來幹掉它。柚皮蒸排骨令人有驚喜，柚皮做到零苦gip味，咬下帶鬆化，而肉排則充滿蒜香又連箸點白色軟骨，頗有次序的口感。最尾一碗特價鵝？瀨$9.80志在参與！有容乃大。

晚上七點十五分到香港仔富臨酒家食晚飯o七點二十五分叫菜, 三個人叫左三個餸, 半隻雞, 蒸一條魚和一碟蝦子海參煲o 等左十五分鐘, 乜都無, 準備問剖長, 訂菜紙剛放上枱o 係打明七點四十分入紙o 即係用左十五分鐘才入紙廚房煮我既餸o十五分鐘後, 即係七點五十五分, 雞和海參到左, 食到八點十分(同佢張訂菜紙相隔半小時), 條魚還未見踪影, 問剖長o佢攞起張訂菜單, 慢條斯理話, 都未夠半個鐘o 我話我七點二十五分叫菜既, 佢話人多係咁上下時間o 我問佢, 七點四十分到八點十分, 點解無半小時, 佢發覺計錯左, 於是唔講野, 最後話"係咁架啦"!!!!!!!!!! 亦無跟進廚房, 當無事發生過o最後條魚八點二十五分到來, 即係蒸一條魚足足用左一個鐘頭o重有下文, 叫佢埋單, 我見其他人, 上生果後單才到, 但我就單到左, 比埋錢問佢係咪有生果, 個侍應才話有, 結果等左十分鐘, 追左幾次才攞到來o其實我唔係咁緊張佢個生果, 我係想睇下, 佢要搞幾耐才上到個果盤o我計過呢餐晚飯, 叫三個餸, 食左一小時三十五分鐘o 咁啱我嗰晚得閒, 咪坐下, 同朋友傾下偈, 心情好好, 所以由頭到尾都無

星期天同外公外婆食晚飯，為方便兩老，選擇香港仔開飯，原先想去稻香但頂唔位，就來了富臨，反正都是婆婆公公的另一心水～很久沒有到酒樓吃晚飯,預早訂枱６：３０，但講明要８：００交枱，幸好酒樓客不多,到８:30也沒坐滿,不用趕著吃。歡樂餐（六位用）原價＄６９８，如有海班優惠券＄５９８，經理很識做，寫單時已講明會做優惠券價錢：喜灼海中蝦 - 隻隻都係冇花冇假海中蝦，蝦新鮮，爽口彈牙，百份百肯定遊水！茶樹茹螺片豬展煲雞腳 - 聽講茶樹茹豐富的蛋白質同氨基酸～湯又確實煲得夠火喉！海參肉掌煲 - 海參同肉掌都未炆得稔，沒甚膠質，莫講話外公外婆；連我都不願多吃。清蒸海青班 - 上枱時，魚鰭豎立，可惜蒸到過晒火，既老且鞋。極品燒鵝 - 鵝片燒得脆卜卜，又香又入味，肥瘦適中，個個都讚出色！上湯蚌片泡翡翠 - 即蚌片浸莧菜，蚌片有沙，莧菜咸到苦呀另叫芝士焗龍蝦（伊麵底）＄２３８- 龍蝦焗得剛好，肉質扎實新鮮，又無偷工減料，每人都食到兩三件，一般酒樓叫龍蝦得兩三件見得人架咋，其餘都係頭頭尾尾，食汁多過食肉，富臨屬良心食肆喇

jun 27, 09, 6人嚟晚飯,補做父親節,叫咗 : 1) bb乳鴿 x 3 (免費)-友人有優惠卷-都幾好味喎因為入味啦,骨軟啦,肉滑啦-唔錯 2) 香妃雞 (1/2隻)-呢個又滑又有雞味-難得 3) 灼唐生菜 -雖然叫咗灼,但呢個幾油膩吓-所以破壞晒本身想健康d嘅預算 4) 香蝦骨 (hk$48) -呢個好味-唔會切得好厚,1來可以有小脆口嘅效果,2來亦可以令蝦醬味更覺突出-肉質亦好鬆化-最適宜送飯送酒 5) 勝瓜炒肉片 (hk$58) -呢個餐牌無嘅-個肉片過份滑,毫無質感可言,直腳喺化學下出嚟嘅結果-勝瓜唔多熱 6) 蒸老虎斑 (hk$288)-呢個蒸老咗幾多吓 -肉小實,肯定就唔滑/嫩-有1友人大力批評,又懷疑喺死魚云云(不過呢點我都唔敢肯定)7) 白飯 x 4 8) 上湯菜遠米粉 9) 生果盤-菠蘿都幾有自然嘅酸度,友人就嫌太酸了-西瓜同哈蜜瓜都甜* 每逢嚟食親晚飯,例必hard sell叫呢樣,叫嗰樣,有點煩人

今日,亞媽心情靚，叫咗我和細佬去飲茶。我們叫了蘿蔔糕、雞包仔、芒果布匐和涼瓜排骨河。蘿蔔糕味道不錯,有蘿蔔味,唔太粉。雞包仔比以前食過的义燒包好,皮軟,肉汁味美。芒果布甸,有芒果味,兼且奶多,亞媽最鍾意。至於涼瓜排骨河，涼瓜夠爽口,排骨肉味普通，而河粉則一般。

今日同老媽子和家姐走左去香港仔富臨飲下午茶‧‧我地簡單點左幾樣點心黎食‧‧濃湯上海餃子：味道幾好‧‧老媽子幾鍾意食‧‧蜜汁叉燒腸：腸粉尚算幾滑‧‧叉燒就一般啦。香煎蘿蔔糕：感覺一般般‧‧但都有小小蘿蔔味既。雞包仔：唔知‧‧因為包番去俾姐夫做宵夜既‧‧乳鴒：味道唔錯‧‧雖然細細隻但尚算多肉。燒鵝瀨粉：竟然有成隻鵝脾‧‧唔通佢地發現我影相估我會貼上openrice‧‧所以突登醒俾我地hehe..‧‧狂想完畢話說回頭個脾真係幾好食。芒果布甸：我冇食到‧‧但睇賣相應該唔錯‧總結今日下午茶我地食得幾滿意

冬瓜響螺煲雞：味道依舊不錯，但因湯料煮得老火了，比上一次差咗DD。海皇豆腐煲：有蝦、帶子及珊瑚蚝等等。海鮮無乜鮮味，應是雪藏貨。豆腐吸了餸汁的味道，味道OK。馬介休炒通菜：聞落有馬介休香味，食落味道唔算突出。清蒸海斑：約一斤重，雖肉質唔算滑，但因有係coupon送，無計啦！

噚晚到富臨吃晚膳，點了數款小菜：菠蘿古魯肉：賣相味道OK，不過肥肉略多，烹調時用油也不少！蒜蓉粉絲蒸扇貝：蒜蓉粉絲夠惹味；扇貝細隻了DD，肉質一般。珍珠蚌浸翡翠苗：珍珠蚌脆口；翡翠苗味帶草青及微苦味，OK。冬瓜響螺煲雞：用料十足，夠入味，好飲！