富臨漁港囍臨門皇宴 (已結業)

今日再去富臨食野, 樣樣都唔錯, 唯獨是其中一樣需要改善魚雲最近做得差左好多, 愈來愈少, 個汁又太杰, 仲愈來愈多骨, 無肉食...雖然係平左, 不過都希望唔好太求其啦... 我寧願原價俾多幾蚊, 食得返以前既水準

又係一家人到富臨下午茶既時間, 又出左不少新點心食開既燒鵝瀨, 煎蓮藕餅同翠瓜帶子腸都保持高水準另外試左d新點心:煎豆沙餅: 煎得好脆, 面頭既芝麻好香, 豆沙不太甜, 個餅亦都唔太痴口, 好味!棉花雞: 好多"棉花", 雞肉幾香滑, 加上我喜愛既蟹柳, 不錯!

又到一星期一次的富臨下午茶叉燒包: 保持水準牛肉魚片粥: 料頗多, 粥也綿, 但魚片有少許骨, 吃時要留意鮮蝦腐皮卷: 又熱又香脆翠瓜帶子腸: 都幾多帶子, 腸粉皮薄, 幾好味, 不過個人覺得珊瑚蚌腸粉鮮味d流沙奶皇包: 等左好耐, 終於再次出場! 好正, d奶皇好香, 真係好似沙咁流出黎, 一流!黑椒牛仔粒: 一上枱已經覺得非常唔掂... 哪裡是肉粒? 似肉餅就真. 味道尚可, 不過真係我幫襯咁耐以黎最失望的點心不過整體黎講, 水準依然合格有餘

致尊貴的食客，先感謝閣下對本集團的鼎力支持。對於網站上所提及出品水準的意見反映，本集團已即時反映致出品部管理層，並會作出跟進及改善措施，再次感謝閣下的寶貴意見。如日後對本集團有任何疑問或補充，歡迎於辦公時間致電到本集團顧客服務熱線:2353 5866(辦公時間:星期一至五早上十時至下午五時)富臨集團敬上

星期日, 一家三口又上左黎飲茶無新既點心試, 都係order左食過的幾款: 煎蓮藕餅, 燒鵝瀨, 翠瓜珊瑚腸, 叉燒包同黑椒魚雲叉燒包同魚雲保持水準不過燒鵝瀨同翠瓜珊瑚腸都唔夠熱! 只係微暖...雖然味道都很好, 但唔夠熱絕對係致命傷!煎蓮藕餅今日都唔夠脆可能因為人多啦, 希望能夠盡快改善返!

今日放假, 一家三口又黎下午茶燒鵝瀨: 保持一貫水準. 前排放12.8, 宜家又做返$9.8, 抵呀!叉燒腸: 皮厚了一點, 味道尚可魚雲: 用辣椒蒸, 好辣好惹味蘿蔔千絲酥: 今日整得唔夠熱, 不過都好好味道蟹粉小籠包: 又係我既至愛小籠包! 做特價, $12.8有3隻, 蟹粉當然不會太多, 不過咬落去仍然食到香濃的蟹粉. 皮不太薄, 不過整體味道仍然不錯

琴日一行4人去左飲下午茶, d點心保時水準燒鵝瀨:新鮮鵝,皮脆肉厚流沙芝麻包:香滑,唔太甜鳳爪: 好入味金錢肚: 好香,都係好入味其實呢度d流沙奶皇包都十分好味,唔知幾時會再出呢??

12 people go yum cha here, we ordered 19 dim sum but end up having 23 “chops”on the pricing card, where 1 out of 2 of the “vegetable dumpling”has a cockroach in it, so we asked for a cancel, the staff was reluctant to “return”both of them until we asked for a manager. Then we mention there was a fly in the tea too which we identified earlier and just haven’t complaint yet, after some series of discussion they are willing to have “tea per head”cut from 12 people to 10 people then 5 after we told

2點鐘, 又係一家人黎飲下午茶燒鵝瀨: 皮脆肉厚, 保持一流水準翠瓜珊瑚腸: 第2次食, 愛上了!叉燒包: 鬆化的包質, 好味黑椒魚雲: 魚雲好多肉, 味道也很好, 底下仲有d芋頭鮮蝦腐皮卷: 炸得好香脆, 蝦肉彈牙

Family day, 愛上左黎呢度飲茶點心少不了最愛的燒鵝瀨同蘿蔔千絲酥, 依然好味另外又試左3個新點心煎蓮藕餅: 味道不錯流沙芝麻包: 不協調的配搭, 味道怪怪的翠瓜珊瑚腸: 新穎既組合, 腸粉皮薄, 好多舊珊瑚蚌, 幾好味

好耐無係富臨食晚飯啦之前都係間唔中來飲茶發覺佢既出品又幾OK喎切雞$38半隻, 雖然係冰鮮貨仔, 但整得唔錯油鹽水生菜, 生熟岩岩好, 有口感冬菇好市大利, 意頭菜式, 但炆得夠入味燉湯大大盅, 每人起碼可以分到兩碗埋單每人不用$80, 超值啦

一家5人黎食晚飯做冬過時過節真係好多人, 要訂先有位食物選擇不多, 可order的只有幾個standard既套餐或十多個小菜, 大概是因人太多怕整唔切吧叫左半隻燒鵝, 一個花膠雜菇湯菜苗, 蝦拌菠菜, 燒腩仔同雙冬羊腩窩燒鵝不愧係招牌菜, 一個字, "正"!皮好脆, 肉好鬆化, 每次黎dinner既必食之選燒腩仔既味道都幾好, 肉不太肥花膠雜菇湯菜苗, 個湯好甜, 忍不住飲左兩碗蝦拌菠菜... 個汁怪怪的, 好似茄汁咁, 麻麻地雙冬羊腩窩, 只係食到一粒冬菇... 所謂"雙冬"好似名不副實wor? 不過主角羊肉不羶, 也炆得好林飯後沒有果盤, 改了一人一個柑... 目的是想大家快點離開, 拎返屋企慢慢食吧?不過過時過節, 咁既做法都可以理解既起碼無waiter走黎迫我地走, 算係咁啦~

經過星期日, 星期一兩天廝殺後, 銀包敗北, 9點落船便到富臨吃個便飯.9 點多, 已到了宵夜時間.點了所謂馳名的燒鵝, 薑蔥魚頭煲, 上湯西洋菜, 等五餸.燒鵝, 果然好味, 肥美而不油.小人甚少拿魚頭去咬, 但魚頭炸得香, 令我忍不住, 不喜歡食也食了兩塊.後來叫多一個煲仔飯, 不俗!但服務時有時冇, 一時, 大把人招呼我地, 一時叫了都唔應. 晚飯, 有水準!

今日同爸爸媽咪再去食下午茶都係叫返燒鵝瀨, 蘿蔔千絲酥同叉燒包...呢3樣既水準仍然keep得好好 另外試左2個新點心蘿蔔絲魚餅:- 煎得幾脆, 味道都唔錯鳳爪蒸排骨:- 我唔食鳳爪, 所以no comment; 排骨就太多肥肉, 不過都幾好味3個人食$84

到富臨食的下午茶, 叫左幾個點心1. 燒鵝米線- $12.8一碗, 好平, 但絕不將價就貨, 真係俾燒鵝你食, 好抵食2. 蘿蔔千絲酥- 一個字, "正"! 上枱熱辣辣, 個酥皮做得好脆, 蘿蔔既味亦調得啱啱好, 必食之作!3. 黑椒蒸魚雲- 味道不錯, 特價好似$12, 有4舊大魚雲, 味道不錯4. 叉燒包- 好得喎, 汁多肉厚, 個包既質地亦很好下午茶客人超多, 不過地方夠大, 好快搵到位服務都唔錯, 上菜速度算快下午茶黎講真係非常抵食!