富臨漁港囍臨門皇宴 (已結業)

星期日早上約了老友茶聚，今天去了地鐵站旁的富臨漁港，到達門外時出奇地不見往日排隊輪候的人群，取籌後不消一分鐘巳可即時入座，坐下後立即先開壺鐵觀音，見枱上有一張印上相片的特式點心紙，看見也有點新鮮口味，便從中揚了幾款試吓。法式糯米鷄以西式蘇皮包着糯米鷄，由於餅皮甜味很重，淹蓋了糯米鷄饀的香味，既然叫糯米鷄，應該以糯米的味道為主，雖然如此不過如些造法都幾有創意。山珍水晶餃晶螢通透的餃皮下包着菇菌、花生、露笋、韮菜及豬肉粒，材料健康有營，味道都幾得。鴨腳紥鴨腳夠大隻有肉，食落腍而有味，腐皮包着一小塊香糯的芋頭及一小件豬肉，入口不會太滯。脆炸蝦卷配上一碟沙律醬上枱，表面炸得蘇脆而不油膩，非常香脆可口的點心。避風塘炸魷魚鬚用上避風塘炒法，炸魷魚鬚的表面铺上了炸香了的蒜蓉及辣椒，更添香味。已有半年多没有在富臨飲茶，想不到現在新增了一些自創的特式點心，味道相當有質素，路經港澳碼頭不妨試下。

下午剛食完香港仔富臨，晚上又應邀到信德富臨晚膳。今時今日，D中式食肆都係俾數個大集團壟斷了。講番D食物：乳豬全體：唔夠熱，肉質太肥西芹雜菌炒蠔豉：略鹹；D蠔豉唔係整隻上，而係一開二，賣相差DD翠環瑤柱甫：普普通通炸蟹拑：普普通通雞湯翅：翅足24兩，需質素一般，但勝在份量夠多；雞湯味道香濃，幾好味 花膠扣鵝掌：普普通通蒸海斑：一般，肉質略韌，可接受脆皮雞：普普通通炒飯：無食過伊麵：略鹹及油膩合桃酥：夠香夠鬆化，唔錯壽包：很大個，味道都唔錯生果：西瓜哈密瓜都唔夠甜

16 Jan 2009本來回家煮飯給子女同自己食,老公來電話去上環順德中心低層一間酒家食飯,子女話佢地唔去他們自己煮..心想好啦..拍吓拖..蠔市髮菜豬脷--好似屋企煮...好味...豬脷夠淋和鮮味似(津菜..唔記得什麼菜)煮肉排...好入味老公要食壽包...又ok ...兩個人食唔到多...裝修唔錯...這晚很奇怪..鄰坐有對年輕男女吵架...後面有對年長男女互唱對方對家庭不負責....我倆話之佢...幸好無打架...結賬時部長推廣年糕...不便宜...老公話買....回試試...譜通啦..下次再去

2009-01-07今日farewell 一位外國同事，開了兩圍，咁大個人但都仲係幾乎一圍男一圍女咁坐………我o地檯就叫了一個餐加一o的點心，其中：雞 - 都真係幾鹹……燒腩仔 - 無乜火侯瑤柱蛋白炒飯 - 炒得好啡色，但味道幾好(一邊炒一邊炸的魚片) - 炸的多數係骨……炒的就幾鮮泰式甜品 - 一般般其他o既都無乜深刻印象不過真係貴了點

13Jan...有人結婚.所以有餐飯食.其實婚宴來來去去都係一D大路菜式.所以都冇乜特別可言...只係覺得招呼.態度都唔好.而且食品都麻麻.連最基本既笑容都欠缺.....如果D食物做得好,都還可以接受.但......真係好唔得囉!連起菜都有D問題.D賓客都唔知埋位就開始起菜.乳豬全體:切得真係好靚.但全部都係皮+肥肉,連少少瘦肉都冇. 唔知去邊?xx瑤柱甫:味道都算可以,但個節瓜甫真係唔得.塊皮好似冇批. 食落去仲有一種<菜青>味......我覺得好難頂! 炸蟹拑:睇個賣相,已經覺得唔得.食落肚連一D蝦味都冇...too bad紅燒x生翅:係就係好足料,但一D味道都冇...P.S.同既客人,仲當炸蟹拑既蝦肉係魚旦...搞笑!唔知係咪D侍應趕住收工,未見過D咁污x既做法,我都唔知可以點食...(睇相就會明白)

團年飯地點。叫左：雜菜煲：好味，夠清淡，湯無味精唔咸，正XO醬海參炒菇：我覺得太咸，不過好多人話好食龍鯗兩味：蒸頭腩火候啱啱好，魚身好滑，炒魚片就炒得老左Ｄ，有Ｄ鞋炒豆苗：幾清，豆苗無泥，幾好咕嚕蝦球：個sauce唔錯燒鵝：好好味！肉唔鞋，皮脆，新鮮！走地雞：雪雞，肉死實，鞋口上海排骨：即炸，幾鬆化，好味！紅燒豆腐煲：我都係覺得太咸楊枝金露：柚子唔新鮮，有苦味，唔好味。芒果布甸：幾香芒果味，多果肉，正！南瓜露：稀溜溜，唔夠粉，麻麻。食物係一般酒樓貨色，一般般，細細碟，預一人一件，勝在熱辣辣夠新鮮，不過服務真係唔掂，Ｄ伙計上菜撤菜都手震震，Ｄ汁漏晒出黎整污糟人Ｄ衫，又唔識變通，我地明明留左一個上菜位俾佢，佢死都要係自己鍾意的窄位上菜，惹人討厭。

6條友泥呢度，貪佢低食及水準不錯。叫咗3-4人套餐，包例湯(ok)、3點心、雞(唔掂，太un)及炒反。再叫$38例燒鵝(出名正)及$18海蜇青瓜(above average,非常低食。點心心不過不失。有錢去富臨，冇錢都係去富臨

同一晚連環發生不愉快事件，幾好食都冇用。一行16人，有大人有小朋友，訂咗枱，一心想去試佢一個做緊Promotion嘅全包宴，去到想叫，話冇，要預訂。全包宴並不是好特別嘅餸，不過不以為意，看真點，佢哋T&C有寫要預訂，唔緊要。佢話幫我哋寫，一寫多成倍價錢，都唔緊要，我地決定散叫。之後要咗好多餸，10幾樣，有湯有魚。當中包括一條東星斑及一條青班。出品都幾好味，特別係燒鵝。直至條東星斑上枱，大家完全唔為意果條係東星斑: 顏色唔一樣，魚形唔一樣，魚尾唔一樣。叫咗個部長來問，呢條係咩魚，佢話係星斑，我哋問佢係唔係東星斑，佢話係呢條魚，海星斑，我哋問佢係唔係東星斑，因為明明係叫東星斑，佢哋張Flyer寫到明，如果只係海星斑，即係貨不對辦。佢唔敢答，叫另一個部長同我哋傾。另一個部長同我哋講東星斑有2種色，又話呢條係，又話成個魚缸都係東星斑。我哋話我哋未食過咁嘅東星斑，唔要條魚啦。佢話佢送糖水，話條魚劏咗好難做….. 我哋話我哋唔要條魚，佢就走咗去。條魚我哋唔敢掂，佢又唔收走，唔知想點，成枱人都唔開心。我再叫另一個部長同我收走條魚。佢又叫另一個部長同我傾。我又再同新行過來嘅部長講話唔要條魚，因為貨不對

獲贈富臨的18蚊燒雞贈券, 所以一行6人黎左食晚飯先黎既係燒雞, 18蚊一大隻, 但完全無偷工減料, 不點伴碟的南乳汁已經好夠味道, 皮極脆, 肉質嫩滑"無飯"的A姐負責點菜，叫了很多款菜式，記得有:1. 清蒸黃立(魚倉) - 大約一斤重左右，不算大條但蒸出來肉質夠滑，火候剛剛好。2. 蝦仁豆腐 - 豆腐很滑，友人說是百福豆腐，我懶理是甚麼貨式，最緊要是好味道。3. 梅菜扣肉煲 - 是用五花腩肉，因為怕肥膩只是淺嚐一口，味道都合格。4. 北菇炆鴨掌煲 - 大大隻的鴨掌炆得夠冧身，肉已炆到唔黐骨，冬菇夠大隻份量充足，味道很不錯5. 也叫了湯水, 呢期係"清宮燉鯊魚", 入口極為清甜, 足有8碗份量, 湯渣包括鯊魚肉, 雞腳, 痠肉等已經可以當一大碟餸, 多人食飯叫既話真係好抵, 少人食就要自己預算下食量侍應生數目充足而且夠勤快，雖然全場客滿也沒有招呼唔到的情況出現，不用提點便及時添茶，服務挺不錯！ 我發覺大多數客人都是吃火鍋居多，而且見鍋料看來都仍保持質素，下次還是吃火鍋最好！推介菜式:燒雞，清宮燉鯊魚

親友由外國返黎, 11人到了富臨食晚飯, 叫了9餸1湯川貝桔梗燉鱷魚: 十分清甜, 好大盎, 分到差唔多8碗滿, 不過11個人飲, 就每人再分少d. 料很足, 倒出黎已可當一碟餸燒鵝要了一隻, 皮香脆, 很厚肉, 保持上佳水準浸翠瓜野菌, 腐皮浸菜苗: 兩者的湯皆清香, 瓜菜新鮮, 食燒鵝食得漏了, 食返d瓜菜中和下啱啱好冬菇海參煲: 海參切到細細粒一節節, 影響了口感同賣相. 冬菇香味不錯珊瑚蚌帶子炒西芹: 珊瑚蚌有咬口, 帶子大粒而入味, 可惜得3粒. 西芹幾爽菠蘿京都骨: 京都骨炒得幾惹味, 很林身素鵝: 煎得香脆, 餡料雖然係素菜, 不過味道都唔會寡吊燒雞: 是用了燒雞券送贈的, 皮很脆, 咸味也夠, 不過油就多左d海皇豆腐: 做得好像燉奶的質感, 加上面頭的蝦仁等一齊蒸, 豆腐的清香同海鮮鮮味很協調, 很好食甜品還要了南瓜露, 有很多百合同南瓜蓉, 香但不會過甜最後多謝一位男侍應耐心幫我地影左好多相, 唔該哂!

尋日同2個禮拜前都分別喺度食咗兩餐一模一樣嘅老人家壽宴, 部長開席前就攞部笨拙嘅即影即有影機入嚟, 話幫我地影全家福, 跟住到食翅咁上下都帶埋啲門口帶位入嚟比張相你, 扮哂魚蝦蟹, 其實屈你比利是, 雖然唔比佢都吹你唔漲, 但係佢幾絛友棟哂喺度, 唔比都唔得啦, 相反, serve咗我地成晚個呀姐, 比佢佢都唔收咁樣入嚟屈利是, 感覺真係唔咪太好… 所以喺度擺一圍, 記住預多$100比利是啦

這晚我地6:30p.m到達食客不多但人手好像嚴重不足我地訂的一圍菜首先食嘅唔係燒味拼盤居然係魚翅其實食先食後冇所謂但侍應生仍在分翅嘅時候另一道菜又上桌一碟又一碟桌上放了3道菜邊食得切呀!!咪話比侍應生知叫廚房慢慢出 d 菜佢話唔敢講。會比人鬧咁叫佢幫手叫經理過黎啦佢都話唔敢唔通呢度 d 經理好惡嘅??之後我行到老遠先揾到位經理叫佢 d 餸唔好一次上幾碟d 菜咪唔駛攤凍晒咯雖然之後 d 菜一碟、一碟上但有位(傳菜阿嬸)就比說話我地聽話"人地食唔切呀"!!原來喺呢度做傳菜巴閉過做經理。。。另外菜單中有"東星斑"我地黎到經理先話這日冇"東星斑"改另一 d 平少少嘅斑但價錢冇得減。。。未完架!!我地一共13人其中蒸扇貝只有12隻早已通知經理加一隻但上桌只有12隻埋單又識計13隻喎收銀處話張單冇得改但可以退現金唉!!七國咁亂!!其實........可能跟本冇供應"東星斑"寫喺菜單吸引客人等客人黎到咪話冇咯大家留意~留意

獲贈富臨的18蚊燒雞贈券, 所以一行6人黎左食晚飯先黎既係燒雞, 18蚊一大隻, 但完全無偷工減料, 不點伴碟的南乳汁已經好夠味道, 皮極脆, 肉質嫩滑但美中不足的是調味有點不均, 摺位如雞翼部分食得出咸左d, 希望可以改善下佢再上係野菌燒豆腐, 伴碟的菜心很新鮮, 紅燒豆腐味道不錯, 但野菌就少一點然後到金銀蝦炒通菜, 金銀蝦即蝦仁加蝦乾, 有呢兩樣吊味已經very good了也叫了湯水, 呢期係"清宮燉鯊魚", 入口極為清甜, 足有8碗份量, 湯渣包括鯊魚肉, 雞腳, 痠肉等已經可以當一大碟餸, 多人食飯叫既話真係好抵, 少人食就要自己預算下食量最後叫了乳鴒, 很可惜燒得唔夠脆, 味道也咸左d, 算是較失色之作也許人不多, 服務員呢一晚好辛勤咁換碟

下午茶試了不少新點心香蕉豆沙窩餅: 用香蕉黎搓既皮, 好香的香蕉味, 同豆沙味好夾, 煎得亦脆, 很好的新嘗試!南瓜煎堆仔: 同樣炸得香脆, 用南瓜搓的皮很有咬口叉燒腸: 腸粉皮厚左d, 但很滑, 叉燒也有不少京醬抽手: 同紅油抄手差不多, 京醬味香辣, 抽手鮮味, 好食!蝦餃: 第一次食富臨既蝦餃, 雖稱蝦餃皇, 不過我就覺得麻麻地, 皮厚左d, 餡既鮮味也不突出煎釀茄子: 有3大舊, 不算太油, 茄子汁多, 唔錯銀絲餅: 有很多蘿蔔絲, 兩邊都煎得好脆, 好味道!

今日bb同我mami飲茶, 因為bb驚自己遲d返工好忙冇時間陪我屋企人你話佢幾孝順呢!!!!!!!!!!!!我地今次叫左好多特價點心, 有2個$5.8既蒸飯, 一個粥, 一個牛肉球, 一碟蝦腸, 一個炸雲吞.... 嘩原來3個人食唔晒架!!果兩個蒸飯真係好抵呀, 都幾多送放o係面, 蝦腸又抵... 又好食wor食物黎講不過不失啦, 11點前有特價好吸引!! 不過d服務就麻麻啦, 首先我入去拿檯既時候果張檯係唔exist架啦~佢是但比張檯我之後就好多食客話我坐錯位...你叫d 服務生做野佢通常都忙得滯唔記得, 應該係太多人太混亂太忙,有時你一舉手叫野個服務生態度都麻麻...不過埋單70幾蚊~ 勁抵, 早知我同bb請啦haha!同埋佢地找錢好神速, bb嚇親!!今餐最開心係mami有多d機會接觸bb, 知道佢對我幾咁好, 同佢本身幾咁好heehee好滿足!!