富田和食亭 (已結業)

已經有一段時間冇食放題，今日經朋友介紹下嚟到呢間餐廳食放題。大家都知放題來來去去不外乎都係食嗰啲嘢，不過呢一間餐廳嘅三文魚刺身同埋蟹粥就係我今晚食過咁多款食物之中，覺得最值得推介嘅。而且蟹粥我係食完一碗之後唔夠喉，又再叫多咗一碗蟹粥份量唔算少，我估有兩個飯碗仔。蟹粥裏面食到有嗚門卷、粟米、蟹柳同埋蛋花。當然仲有主角一蟹。蟹粥煮得好綿，加埋粟米，蟹柳，令我食落去覺得甜甜地；而碗粥嘅顏色亦都好colorful，有蟹嘅鮮紅，配上粟米嘅金黃，睇到都令人覺得好開胃仲有我自己想推介嘅就係三文魚刺身。三文魚刺身屬於厚切，而且我覺得每一件刺身都有三文魚腩肥美、香、油嘅口感，前前後後我一共食左大概10件我諗食夠20片都值回票價而甜品方面，我覺得最好味嘅就係我手上呢款朱古力撻。朱古力屬於軟身，質感貼近朱古力醬，味道不會太甜之餘帶一小點黑朱古力嘅苦

假日係屋企HEA睇電視, 無意中睇到個日本旅遊節目, 介紹風景之餘當然唔少得係美食, 睇完就好想食日本放題, 可以咩都有得食!呢間之前已食過, 唔想出去咁遠, 就再次幫襯! 呢間似係做街坊生意為主, 價錢確係街坊價, 星期五六日七點前入座只係$168, 仲係2小時任飲任食, 絶對夠時間! 唔怪得之我地六點半度去到, 入座率已有8成, 好彩仲有枱姐!枱頭放置落單紙, 每類食物分好類別, 由刺身, 壽司, 沙律/小食, 天婦羅, 揚物, 一品料理, 西式扒類, 到火鍋配料都有,仲有清酒及梅酒供應!食日本放題最先食當然係刺身, 呢度既選擇有成十多款, 喜歡食刺身既我立即變心心眼, 每款刺身都有足夠時間解凍, 唔會上客時仲食到雪粒, 個人最喜愛爽脆既馬刀貝及大隻既鮮甜甜蝦! 不斷ENCORE多幾ROUND ^^另外點左D壽司試下, 每件細細件唔會食到好飽, 飯粒夾起黎唔會散開, 味道都唔錯!食到呢度, 出去雪櫃拎返盒飲品飲下先, 最喜愛烏龍茶, 零卡路里, 減底少少罪惡感嘛 (自欺欺人MODE出現........)呢碗北海道蟹粥係新品, 上次黎都無既, 一客都幾大碗, 足夠2-3人分享

朋友生日我地去左佢屋企附近食放題，$178位加一，我地訂左七點鐘，一行去店員就好醒目地問係咪xxx(我真名），感覺親切。可能係平日，時間又尚早，店內客人唔多，walk-in去都有位坐。餐單：食物種類繁多，飲品又多款式揀，佢啲刺身值得一讚，每樣都好鮮甜，連做裝飾啲菜都好新鮮，平時係其他店唔靚既吞拿魚佢都好靚色水好新鮮。朋友推薦，炸紫心香芋丸，同羊架。我個人就喜歡以下食物：刺身，好鮮甜：馬刀貝、希靈魚、甜蝦、鮑魚片、油甘魚壽司：火焰左口邊、火焰類其他都好味道。芝士鰻魚反卷。燒蠔（好味，不過好細粒）因為想食菜我地叫左火鍋，淨係食蔬菜，無叫其他野。另外，侍應手腳好快，又有禮貌。出餐又快又齊。

Yahoo團購，晚市$128+46=（$174）從來未試過係hk有野可以咁難食，希望唔好再有人中伏［刺身］得3文魚擺得入口，其他全部無味，同食膠無分別［壽司］d飯又實又大舊，［炸物/天掃羅］得油味，完全唔知自己食緊乜。炸帶子簡直要爆粗，果舊係炸面粉，帶子？違反商品說明條例wor🤔🤔［串燒/燒物］得雞軟骨ok, 其他垃圾。羊架—成世人未見過肥膏多過肉ge羊架，成舊野fing下fing下，旁邊條骨唔知係邊［清酒煮蜆］蜆有沙都算，完全無酒味，改名叫-白烚蜆-就差唔多［泰式生蝦］成間鋪唯一一樣好味，可以encore食物。可惜，每次最多俾8隻，要逐次叫。

放題最重要是有我最愛的雞軟骨！！愈來愈少放題提供雞軟骨。可以任食雞軟骨，正前後一共點了12串雞軟骨黎齊，值得稱讚。雞軟骨只需要非常簡單的調味，只要好好的溶雪，不要燒焦就非常好味。整體來說，絕大部份食物的水準亦不錯。介紹幾款有驚喜的食物。第一款是羊架。羊架出乎意料地好味，不會羶，而且很嫩，放題有這樣的水平，真的十分驚喜。第二款是即燒的蠔，百幾蚊的放題竟然有蠔。雖然不算太肥美，但尚算出色。另外一個心心眼的地方是：甜品同飲品自己任拎！飲品款式唔算多，但有水果酒、啤酒。我不好酒，但蘋果酒好味，易入口。另外還可以點清酒，喜歡飲兩杯的人，在這裏會有很多選擇。大部份的甜品，都是獨立包裝的。乾淨又方便。我吃了大腳板及豆腐花。味道沒有驚喜，但大方任你隨便食👍🏻

屋企附近搵野食，平時都係去哥仔米線或茶記算，今日想轉一轉口味，所以入商場兜一兜。呢間放題8點半後入座都幾抵，而且唔洗等位，所以決定試一試佢。一坐底就去拎野飲啦，驚喜既係竟然有薑啤飲，之後就開始選野食。食物選擇比一般放題少，不過將價就貨，可接受啦。等左一就有食物送上，魚生無影到，不過幾新鮮。呢個芝士咖哩焗牛坑腩，非常出色，好好味，咖哩加芝士本身已經係無敵組合，牛腩亦都好惗。炸物。好淡，可以話完全無味，不過幾脆同唔油膩。食完第一輪已經有D飽，因為佢野食份量都幾大，ENCORE一個芝士咖哩牛坑腩，今次就大失所望，個牛坑腩無左芝士，（是誰偷走我的乳酪？），我問一問個WAITER,佢話唔知點解之後Dead air, 我問另一個啦，佢話無錯，我問佢點解無左芝士，佢就拎返入廚房，過一陣第三個WAITER拎返同一碟野比我.......無左芝士差好遠 ，拿拿聲食完，之後食埋一個發福豆腐花同雪條就走了。

母親節就到, 媽咪好想食放題,之前食過一次的放題, 真係覺得唔錯, 今年的母親節決定食呢間啦!我地早3星期前預訂左, 價錢比平日貴 $188, 長者 $148,有2個時間食, 5:30 及 7:30由於5點半太早了, 我地就食7點半。因為正日屋企人唔得閒, 我地就揀左母親節前一日。我地7:15人齊, 可以入去了, 限食2小時, 唔似得個半鐘咁趕,我地一行6個人, 一坐低就馬上點野食啦!呢個價錢仲有清酒及梅酒飲, 又有喜力啤酒等等...對於愛酒一族真係抵飲。飲品同甜品都係自助，除左酒, 汽水, 烏龍茶, 檸檬茶等等都有....食物好快一輪輪上黎, 職員態度好好, 又肯主動收拾碗碟, 服務態度不比大食肆差。刺身拼盤三文魚, 吞拿魚新鮮, 反而油甘魚就麻麻, 鮮蝦好鮮甜。質素不錯壽司壽司飯溫暖, 唔似以前出面食過的凍冰冰, 知道係即整。每款壽司都唔錯, 但又唔敢食得太多, 因為要留肚食其他。燒羊架燒羊架總共叫左幾次, 因為真係腌得好正, 亦煎得好香, 雖然有幾件係全肥膏,全肥膏個幾件當然無食, 但係真係好入味。一叫可以再叫。燒生蠔真係幾失望, 因為生蠔太細粒, 我覺得麻麻天婦羅天婦羅真係無得

最愛食日本野既我，今日去左藍田友介紹既富田一試，鋪頭裝潢不是十分華麗，但有沙發坐。放題最好既就係任飲任食，十幾張紙比我點，真不錯。剌身鮮甜，又係厚切，款式又夠多。刺身船視覺上已經勝了。又有即燒生蠔，岩晒貪新鮮既我，生蠔係細隻d，不過放題有生蠔食已經出色。話明任飲任食，點會少得飲，有蘋果酒，其實好酒之人，飲得幾支，都回晒本。最後甜品，我就食左大腳板，充滿兒時味道，一流。其實重食左好多唔同既野，唔一一寫啦，雖然佢無旺角既放題地方咁大，但佢既食物種類同服務態度完全完勝旺角，一定會再光臨。

老公今日夜左收工，返到藍田已經無乜地方岩佢心水，行行下見到富田和食亭有2個鐘任食放題，而且價錢仲咁抵，即係俾心心眼既老公拉住衝左入去入到去地方都幾大，而且已坐位都好寬敞。好啦，食放題當然要食得夠放夠多選擇啦！依度有成十幾張紙，剔都剔到隻手攰攰地係等食物送到既期間，出去睇下有乜好飲先，原來都有十多款揀，都算意料之外返到位唔洗一陣，最期待既剌身到啦全部都厚切真係令人好開心呢！其中覺得三文魚同甜蝦最好食，大大件，很新鮮，很鮮味食完剌身又到壽司時間由於唔想咁快食飽自己，要留肚食其他野，所以只係叫左花之戀，海膽三文魚親子卷同黑松露三文魚腩壽司。三個都好好味吖海膽同剌身都好新鮮，而且油脂好豐富，入口即瀜，真係令人回味無窮，尤其是個黑松露，一放低就已經香到爆，令到我依個松露控encore 左3件之後都我同樣好期待嘅燒烤物出現了其中我覺得最好味嘅係烤日本番薯，細細粒又甜甜地，好好味！仲有雞軟骨串同埋燒蝦，兩樣都係同樣燒到外皮卜卜脆，再撒上少少椒鹽非常嘢味，令我不知不覺食咗接近10串仲有不同類型嘅炸物，全部都係炸到脆卜卜，其中我覺得炸紫薯波波，仲有炸蝦球都好好食紫薯波波係脆脆既外皮，入面既芯煙煙un u

富田和食亭我和家人在藍田逛街，到了晚飯的時間，我們路過這間日式料理餐廳，看見餐牌上食物的選擇很多，價錢又合理，看見店內的顧客挻多，食物的質素應該也不錯，店內環境非常寬敞，而且清潔衛生，給我們一種很舒服的感覺，便決定入去試一試輕盈幼滑的三文魚刺身，清鮮的吞拿魚刺身，韌口的鮮柱貝刺身，鮮甜的鮑魚片刺身，賣相十分美麗而整齊，用大量細碎的冰鋪低，令刺身得以保持很低的温度，保持刺身的高質素日式蟹籽沙律，甜中帶點微酸的沙律爽口微彈，細碎嫩紅的蟹籽，十分開胃燒菠蘿清鮮甜美而且軟彈煙韌，紫心甜薯黏口香軟鬆綿，鹽燒海蝦十分鮮甜，鹽燒雞軟骨串彈牙嚼勁黃金燒蠔，濃郁的芝士味令到蠔的腥味完全沒有，蠔清鮮甜美肥牛片，牛肉的質素非常高，香稔軟嫩，十分濃郁的豬骨湯日式吉列蠔新鮮，爽口微彈芝士蟹籽蝦球清鮮甜美的蝦，軟綿綿的紫心香芋丸，厚身微辣的七味扭紋薯條整體來說，食物的選擇很多，食物的質素非常高，價錢相對非常合理，而上菜的速度挺快，店員有良好的服務態度和有禮貌，所以我認為這間餐廳值得再去惠顧

今日約左家姐食晚餐她提議藍田德田商場富田和食亭食放題，原因是就她近屋企，沒所謂啦見網上食評都不錯就試試，結果是果然沒有介紹錯。花款什多料理、炸物、串燒、扒類、手卷、刺身仲有火鍋樣樣俱全！刺身必食推介色澤鮮豔，肉質爽甜壽司份量剛好而且款式多，有我最愛左口魚壽司刺身沙律，酸酸甜甜非常開胃，食完這道菜可以點多幾碟嘩！燒菠蘿好好味必食推介蒜蓉燒生蠔同芝士焗蠔熱騰騰香噴噴，這都是可以點完再點菜色清酒蜆清清甜甜也不錯係時候食甜品，這裡甜品都是自助的隨意自取，這盒細細豆腐花正合我！另外仲有很多朱古力蛋糕及毛士雪糕雪條供應，可惜我無能為力實在太飽了！大大張海報客人可以睇清楚入座時間的不同價錢食到肚滿腸肥都係$174一位抵喇！今次算是家姐的好介紹

今日經過富田和食亭俾佢的水牌吸引住 😻 因$200蚊都吾洗就可以任飲任食日本刺身等 所以我同我屋企人念都無念就入左去果然不失我期望👏 最欣賞餐廳的地方是把食物用顏色分類 令我地可以一眼就知道大概有那種食物選擇👀第一時間緊係食刺身，刺身好新鮮 特別係三文魚 非常肥美 紋路十分清晰 另外 仲有甜蝦好晶瑩剔透好清甜😋 炸生蠔 裏面大大隻生蠔外面卜卜脆😋 雞翼外脆肉質非常鮮嫩多汁👏👏燒蠔 有兩款口味 一種係黃金燒蠔: 上面有層薄薄的芝士襯托又吾會覆蓋蠔的鮮味 第二種係蒜香燒蠔 濃濃的蒜味 辟走蠔的腥味 整體來說都不錯清酒煮蜆～ 淡淡的清酒香味與蜆的配搭 使肉質鮮美多汁 最令我驚喜的是印度薄餅 估吾到薄餅加朱古力醬 味道非常獨特 甜中帶點咸 非常醒胃的一道茶色😋😋設有甜品專區： 豆腐花、布甸、啫喱、泡芙、雪糕等 總括來說呢間餐廳提供了很舒適的環境並用合理價錢食到高質素服務同新鮮的刺身 下次一定會左光顧😁

今日去到藍田見到一間貌似茶餐廳嘅食店，原來食日本放題加火鍋。仲好低食168/位，另加一服務，都唔洗200元，我地就入去試試。坐低後就自選食物，任飲飲品和雪糕，甜品等，我地先叫刺身。刺身下放滿冰塊確保食物新鮮。甘蝦鮮甜美味，魚生入口即溶，扇貝、胞魚片爽口彈牙。炸品有炸蠔，雞翼 ，薯條。炸件上枱時仲熱，外脆內嫩。炸雞翼帶有鹹鹹地，肉質嫩滑，炸蠔食落口有陣陣蠔味，都幾好食。泰式虎蝦，呢個係我推介，晶瑩剔透蝦肉加上泰國調味，酸酸辣辣嘅味道，帶出虎蝦更鮮味。天婦羅：甜番薯和蝦棒。番薯甜有口感。日式扒類就試左牛扒，雞扒、豬柳漢堡。牛扒有口感，雞扒肉質鮮嫩，有肉汁。跟著試左薄餅，有朱古力味、咖喱味，最特別係朱古力味，甜甜地，簿餅煙煙靭靭。燒物有秋刀魚，燒菠蘿、串燒雞肉等。秋刀魚燒得好味，菠蘿甜味，雞肉串肉嫩。食到呢度都飽飽地，所以無再食火鍋。但我見到其他客人有叫火鍋，都幾多嘢食，下次再食過。原來呢間餐廳有早餐和午餐。價錢都唔係好貴，大眾化有幾會一定去試下。

餓了要吃放題了而家好多日式放題閒閒地都2-300落樓。其實食放題都係為左開住血盤大口又食得開心果個感覺。今次揾到一間價錢唔貴又ok既。簡單講CP值十分高!星期六晚8:30後只係$158 +10%枱唔算好多。反而鍾意呢個感覺多啲。好多餐廳都坐得好逼。枱又細。根本啲野食係放唔落。但呢度唔會。我地2人坐卡位。坐得好舒服好似冇乜酒味 不過可以接受如果佢唔放咁多粟米粒同果塊日式魚蛋會好好多個羊ok羶喎男友好鍾意食三文魚。叫左3-4轉刺身。。佢起碼食左30件三文魚。。。。我個人覺得馬刀貝 & 甜蝦好食喎yeah.有得飲梅酒就梗係唔飲汽水啦！喂呢2個都好推介。好好食呀！串燒就冇特別。菠蘿就ok甜既壽司都好食呀！平時放題梗係唔食咁多壽司啦。撐住個胃嘛！不過呢度啲壽司係好細舊架。先加分先。而味道方面係唔錯架推介"蒜香和牛壽司"。"黑松露三文魚腩壽司"。encore 左一次炸野我一向麻麻。但個大蝦天婦羅係ok既呢個都得喎。有得打binlo。我地叫左韓式豬骨湯底。少少辣。都ok喎! 有菜食yeah!最尾食到好飽好飽。本來唔食雪糕架喇。。。點知埋完單行埋去睇一眼。就俾我見到左上角綠色果堆野---係榴槤雪條呀！

臨近復活節假期, 大家都要趁假期前趕起所有工作, 全日都忙過不停, 的確身心都很疲倦。幸好還有同事一起收工, 不用孤身隻影, 而且大家也是同路人, 可一起乘車傾下計, 還決定齊齊吃完晚餐才回家, 我當然非常樂意, 否認我也要“自己吃自己”, 哈!揀了一間吃放題的餐廳, 開放式的門口, 以紅色為主調, 加上一行燈光, 挺突出搶眼。門口擺放了大型的收費牌和餐牌, 相當清晰。走進店內, 環境光猛, 正中間設有一個小小的飲品和甜品自助區, 有兩個放了多款的飲品凍櫃, 隔離有兩個放滿多款甜品和雪糕的凍櫃, 還有自助熱茶和熱水。靠牆位置設有多張四人卡座, 另一邊則有一排長沙發座的二至四人枱, 而中間有多張二至四人枱, 座位不算很多, 而枱與枱之間的空間較少, 大家都要坐得親密一點, 但勝在座椅挺寬闊。 晚巿放題分三個時段, 分別5:30-7:00pm、7:00pm-8:30pm和8:30pm後入座, 不同時段收貴不同, 星期一至五成人早段收費 ($158+10%), 中段成人收費為 ($178+10%), 以後段成人收費為 ($148+10%), 而早一日前訂位則有九折優惠, 都很經濟實惠。我倆都