富田和食亭 (已結業)

今日去到藍田見到一間貌似茶餐廳嘅食店，原來食日本放題加火鍋。仲好低食168/位，另加一服務，都唔洗200元，我地就入去試試。坐低後就自選食物，任飲飲品和雪糕，甜品等，我地先叫刺身。刺身下放滿冰塊確保食物新鮮。甘蝦鮮甜美味，魚生入口即溶，扇貝、胞魚片爽口彈牙。炸品有炸蠔，雞翼 ，薯條。炸件上枱時仲熱，外脆內嫩。炸雞翼帶有鹹鹹地，肉質嫩滑，炸蠔食落口有陣陣蠔味，都幾好食。泰式虎蝦，呢個係我推介，晶瑩剔透蝦肉加上泰國調味，酸酸辣辣嘅味道，帶出虎蝦更鮮味。天婦羅：甜番薯和蝦棒。番薯甜有口感。日式扒類就試左牛扒，雞扒、豬柳漢堡。牛扒有口感，雞扒肉質鮮嫩，有肉汁。跟著試左薄餅，有朱古力味、咖喱味，最特別係朱古力味，甜甜地，簿餅煙煙靭靭。燒物有秋刀魚，燒菠蘿、串燒雞肉等。秋刀魚燒得好味，菠蘿甜味，雞肉串肉嫩。食到呢度都飽飽地，所以無再食火鍋。但我見到其他客人有叫火鍋，都幾多嘢食，下次再食過。原來呢間餐廳有早餐和午餐。價錢都唔係好貴，大眾化有幾會一定去試下。