富田和食亭 (已結業)

朋友生日我地去左佢屋企附近食放題，$178位加一，我地訂左七點鐘，一行去店員就好醒目地問係咪xxx(我真名），感覺親切。可能係平日，時間又尚早，店內客人唔多，walk-in去都有位坐。餐單：食物種類繁多，飲品又多款式揀，佢啲刺身值得一讚，每樣都好鮮甜，連做裝飾啲菜都好新鮮，平時係其他店唔靚既吞拿魚佢都好靚色水好新鮮。朋友推薦，炸紫心香芋丸，同羊架。我個人就喜歡以下食物：刺身，好鮮甜：馬刀貝、希靈魚、甜蝦、鮑魚片、油甘魚壽司：火焰左口邊、火焰類其他都好味道。芝士鰻魚反卷。燒蠔（好味，不過好細粒）因為想食菜我地叫左火鍋，淨係食蔬菜，無叫其他野。另外，侍應手腳好快，又有禮貌。出餐又快又齊。