富寶軒燒鵝海鮮酒家 (已結業)

金錢雞，老一輩的香港人，並不會感到陌生。然而，現在的年輕人就不一定曉得了。我冒昧的請問一下，你品嚐過嗎？ 近日，相約一眾無肉不歡的老饕們又去西環富寶軒吃燒鵝。席間，特別要了古法秘製金錢雞。每人只有一塊，可得慢慢的品嚐哦。 雖然沒有伴碟的裝飾，只是素顏登場，也突顯了廚師的手藝。五層一件的金錢雞，底部是一塊層餅，二層是一塊豬肉，三層是一塊馬蹄肉，四層是一塊肥肉，頂層是一塊雞肝。在白白的碟子上金錢雞溢出陣陣誘人的香氣。甘香，入口即化，不肥不膩，令人垂涎欲滴。每塊大小均稱，看出師付傅考究的刀工，層餅做墊，恰好吸收了肉汁，鮮嫩的赤肉纖維質感豐富，馬蹄肉爽甜可口，最關鍵的那一塊用上等玫瑰露及砂糖醃漬的肥肉入口即化與頂層的雞肝簡直令人欲罷不能。 既然稱得上古法，你可不能錯過這沒有雞的金錢雞啊。

星期日同老爺奶奶一家人去試下呢間新酒家，比起以前新中華嘅食物質素好，有好多新款菜式，我就覺得XO醬腸粉好香口，辣度適中，而黃茸蝦餃就好新鮮，揚州炒飯又唔太油，味道適中。另外，啲侍應會主動收碟同添茶，值得第日再去食。

係卑路乍街嘅富寶軒，老一輩西環人都最熟悉不過喇。雖然易咗名，但伴隨西環人成長嘅嚟間酒家確確實實值得集體回憶。 上日閤家去食晚飯，除咗必食嘅燒鵝同海鮮外，有一樣值得向大家推薦嘅就係＂百里香牛肋排＂。色香味俱全，一邊用雪白嘅米粉卷，一邊用翠綠嘅西蘭花伴著中間嘅虎珀色嘅牛肉，迷人嘅芳香四溢，令人食指大動。牛肉夠香1夠唸滑，老人家都可以食到，粉卷同西蘭花索咗啲醬汁別有一番風味。大廚做嚟度菜夠曬心思，百里香嘅醉人香味同肉味濃郁嘅牛肋排係絕配加上清淡嘅伴菜，令人齒頰留香。

今年做同屋企人做冬 公公係呢區既老街坊 所以book左呢間新開既酒樓試下10幾個人食飯 最怕係酒樓人迫人坐得唔舒服  好彩入到去2樓用餐地方都幾闊落 枱同枱有空位剩  唔洗老人家辛苦金錢雞懷舊功夫菜，一望舊冰肉色澤就知今晚有口福 食落口油香隨即係味蕾散發 另一重點雞肝烹煮得宜，非常對辦燒鵝侍應係點菜時不斷推薦既燒鵝 ，擺碟成隻飛機咁新穎 味道唔錯 肉質豐厚 上菜果陣仲會倒上醬汁，配埋蠔油豆食一流堂弄羊腩煲上菜果陣先知原來唔係傳統煮法係我地面前干爆d配料同羊肉黎煮 有鑊氣 食起來到位 嫌羊肉味道略為淡味食剩四分之一 侍應會問加唔加生菜 之後會拿走個煲加湯汁滾菜 呢個時候就似傳統羊腩煲 蛋散黃金色 食果陣仲係熱 非常鬆化 加上麥芽糖真係冇得彈出面好多餐廳一係唔識材料分量搞到冇味 一係凍左先上 真係未食就散呢到睇得出師傅以前有糕點底子薑汁燉奶未食都閒到濃郁薑味 最岩呢個時候凍凍地食 個人即刻暖哂口感嫩滑公公話對呢餐好滿意，下次會同佢再來

星期日同屋企人初嘗一間新開的酒家飲茶。竟然有意想不到的收獲。小弟個人重點推介。。。。蝦餃。非常鮮味，皮簿蝦爽，大件回頭率:山竹牛肉。用新鮮牛肉，濃郁牛味回頭率:金錢雞。一絕傳統嘅點心已經少地方搵到。好味嘅，真係少之有少。叉燒入口即溶，雞肝的野味，加埋叉燒的蜜汁嘅肥豬肉令到成個金錢雞口感爽實，滿口油香。回頭率: 既然呢間係專食燒鵝嘅酒樓。就試下。叫左一份例牌。燒鵝。果然無令人失望。外皮非常脆口，鵝肉口感嫩滑，多肉多汁，酸梅醬清甜微酸，除左令燒鵝的肥膩味大大減低，亦都增加整個燒鵝嘅層次。回頭率:總結: 食物質素非常好，等待上菜有點慢，始終係新開，有待改善。亦都可以話好野唔怕等

在朋友圈見這酒樓好多好評，所以今日一家人去試食，去到見到人山人海排隊等位，心諗咁多人食應該係好好食至咁多人排隊食，點知點心勁難食，帶子炒飯帶子唔熟味道更難食， 义燒又話最正，結果味道一般，叫個套餐個栗米更唔熱又難食，波菜又老又硬食唔落，難食到暈，完全唔好食，煎炸點心咸水角唔好食，三隻咸水角有一隻冇鵝肝，面粉勁厚，蛋散得個脆字味道唔好，流心煎堆係唯一好食，前身寶湖的點心，炒飯重可以食下，這間富寶軒根本垃圾茶樓，重衰過小型點心店，下次貼錢都唔食， 垃圾中垃圾， 完全中伏。

新酒樓位於舊新中華海寶漁港，沒有大裝修，祇是番新。一樓加了個燒味檔，掛了幾隻燒鵝，酒樓 logo 又瑰隻鵝，似乎是主打燒鵝鹵味。昨天 12點開張時入坐。吃了獵腸卷、牛肉、叉燒油雞飯。兩人結帳 $146。食物非常滿意，瘦叉燒都非常鬆化。