富士山55 (拉麵沾麵專門店)

营业中

休息中

某星期日中午去完科學館睇恐龍🦖之後太肚餓就openrice附近嘅拉麵舖然後發現呢間好近就去trytry------------------------------唔洗等位 門面感覺已經好似日本💮入到去係open kitchen木枱木凳（用到舊舊地）仲有後門開住門通去商場店員就安排我地坐吧枱--嗌左一人一個沾麵（坐吧枱好處就係望住師傅整野食）大概5分鐘到第一碗送到--⭐️特濃豚骨沾麵 $88⭐️豚骨湯有個熱石鍋同火keep warm我試左一啖湯 的確係好濃郁豚骨味😋又冇想像中咁濃咁誇但佢唔會濃到滯麵質都彈牙沾到湯（對比起多X野嘅麵質當然冇咁彈牙同冇乜麥味）--再過多5分鐘就輪到我嘅沾麵嚟--⭐️柚子沾麵 $88⭐️我第一次食柚子沾麵右：叉燒+蛋+紫菜中：麵底（同豚骨沾麵嘅麵底唔同🤨佢係白色麵，好似上海舖食嘅麵咁，但再粗啲啲）+筍+醃蘿蔔（薄片）左：柚子豚骨湯--食落第一個感覺👉🏻🤩好清爽！又有豚骨味我見佢煮好似加左啲柚子胡椒(?)再夾埋醃蘿蔔食😍好爽輕鬆食晒成碗～一致認為柚子沾麵好食啲👍🏻👍🏻👍🏻👍🏻👍🏻------------------------------我地覺得多X野一半價錢食到呢個質

我發覺我都真係幾鍾意食日式拉麵🍜普通拉麵都真係食唔少🫢今次就試吓沾麵啦😜試吓啲新野😍今日同朋友經過呢一間舖頭 諗都吾諗就入去試下 我嗌左一碗特濃豚骨沾麵🍜同埋超級邪惡既日式芝士🧀雜坎 特濃豚骨沾麵🍜鋪頭選用左比較粗身麵條 比較容易掛起湯汁👍🏻👍🏻👍🏻豚骨湯算比較濃 但唔算太過油膩😋就算普通飲落口都可以接受 同埋食完唔算好口渴 日式芝士🧀雜坎芝士啖啖拉絲 配合湯底煮埋一齊 大家唔會搶走大家個味 不過一個人食會有啲濟 建議同朋友一齊share🫢🫢

一向鍾意食沾麵一去開尖沙咀做嘢決定試下呢間大家都讚沾麵味道唔會太鹹口感適中小食都幾好味為一個喺尖東嘅暗角位會特登行過嚟試下嘅都開咗好多年依然垃圾不到證明都有一定嘅捧場客

N咁多年前食過印象中都okay，有個火仔reheat住感覺好有誠意。咁 咁岩今日係附近就去食啦叫左一碗海老沾面同一碗柚子豬骨沾面，黎到yam一yamD湯同面。喂完全唔掛湯嘅？！texture咁浠？ 海老個湯味道係okay嘅，但D面係完全唔掛湯，碗面係凍嘅，D面過完冷河果種溫度直接擺係個碗度。個豬骨湯得個死咸，一D都唔好食。都幾坦白講係香港都未食過咁差嘅沾面。最過份係店員黎收野，我有粒檸檬支左嘅擺係台面，佢收碗果陣dum落去個碗度，D碗入邊嘅汁彈晒落我度，喂大佬乜料呀，無心做就執左佢啦

夜晚尖東行街路過一間排晒隊嘅拉麵小店，等咗30分鐘之後先入得估唔到佢嘅拉麵真係有啲料到。海膽叉燒湯拉麵，開單份量少但一舊水正常，面可以自己選軟硬度，我要做偏硬比較有口感，我朋友要咗偏軟，但結果我個碗仲軟過佢，唔知係廚師火候問題定係落錯單 算。 但重點係佢個湯底真係好正，拉麵嘅靈魂就係個湯底。食完忍住飲晒啲湯。另外叫咗個章魚燒 真係建議大家唔好點 有少少廢章魚得個少少又唔好食。 食拉麵🍜夠了。 想飲多一大碗佢嘅拉麵湯底

📍富士山55 @ 尖沙咀ღ 辛辣沾麵 $93ღ 濃香櫻花蝦沾麵 $93ღ 名古屋醬油黑椒雞翼 $32/3隻受朋友推薦而試 但水準差咗(╥﹏╥)(好似話以前食完可以加湯一路滾住嚟飲)湯底夠濃 麵條偏粗身夠掛湯嘅奈何所有配料都唔係幾掂😟特別係塊叉燒 真係太薄好易爛～溏心蛋就唔夠流心 又唔夠入味啊～而個雞翼都真係似名古屋食到嘅味 炸得香脆稍嫌醬汁太鹹 要配啤酒就一流啦回頭指數😼2/5（喺尖東想食拉麵嘅選擇 ಠ_ಠ

最近在網上經常留意到不少餐廳都以海膽料理招徠客人，不過小妹一向不太喜歡拋頭露面、隨波逐流。為了吃上一口新鮮甜美的刺身，也許值得大家排幾小時的隊，但我總是提不起「擔櫈仔霸頭位」的決心。適逢朋友強烈推介「富士山55」的海膽沾麵，又已經早早在餐廳找到位置，於是果斷愉快地向「富士山55」進發。下午3點，我姍姍來遲，終於到達餐廳。幸好不用排隊，可以靜靜地吃上一碗熱騰騰的拉麵，實在人生一大樂事。餐牌上有不同的特色拉麵可供選擇，例如櫻蝦油拉麵、名古屋撈麵、特濃豚骨沾麵⋯⋯每款拉麵均附有精美插圖，亦有文字詳細描述每款拉麵裡面豐富多樣的材料，令人食指大動。店內空間相對較狹窄，不過復古風格在視覺上頗特別，牆身亦貼滿店內的招牌拉麵，就我所見，最近的主打拉麵應該是「海膽沾麵」呢！先呷上一小口湯，湯底較為濃郁，麵身比較彈牙。麵條沾上濃濃的湯底，味道無法以筆墨形容，大家可以憑相片感覺到麵條沾上濃湯後的「化學作用」。畫龍點睛是爽口的加拿大海膽，品嚐到海膽刺身的鮮味，其甘甜亦與濃郁偏咸的湯底出奇的匹配。能夠在假日吃上一碗如此高質的海膽沾麵，真的讓小妹可以帶著愉快的心情渡過一個無需勞動的假期。- Thank you f

第一次係香港食沾麵就係係富士山55，不過係銅鑼灣店，都三年幾前啦，原來銅鑼灣店已經執左，依家得尖沙咀有得食。個陣食完覺得好滿足好好食，仲有得整雜炊食，前幾日係尖沙咀剪完頭髮後搵下附近有咩食，見到有富士山55，就過黎食拉麵啦，不過我地食完有啲失望😢我叫左柚子沾麵 ($88)。唔係等左好耐就有得食都幾好，先上左拉麵湯同叉燒，再等多陣先有拉麵🤣枱面好細，但要放三碟野係到🤣拉麵上面舖滿蘿蔔片，沾上柚子豚肉湯食，我覺得個湯都重柚子味，但係唔夠濃。叉燒有兩塊，食落覺得硬左啲，拉麵我揀左正常硬度，但係食落我覺得偏硬咗少少，整體嚟講我覺得麻麻地。老公叫左濃香櫻花蝦沾麵 ($98)櫻花蝦湯好香，面頭都灑上好多櫻花蝦，睇落好似好正咁。老公話個湯都OK濃(不過一生懸麵嗰個好食啲🤣) 叉燒同埋拉麵都一般，不過不失，但係佢話啲筍唔好食，有一陣味，日本拉麵店既筍係唔會有呢浸味喎，所以佢一直喺香港食拉麵都走筍(除咗去食一生，個間冇呢個問題)。店舖方面入面唔算大，有可以坐bar枱或普通枱，裝修方面其實都好似日本拉麵店，就當自己去咗一次偽旅行，不過冇下次了😢.

iFOOD_ProMax今次黎到尖沙咀的富士山55(拉麵沾麵專門店)Fujiyama 55 (ramen.tsukemen)😍由於前一晚係附近Staycation實在飲得太多酒，周身唔舒服，決定食番個暖笠笠的沾麵補一補！平平地叫左個特濃豚骨沾麵$88真係諗住轉下胃醫下肚就算，點知食落非常有驚喜！仲以為特濃豚骨湯會令到個麵底好鹹，會蓋過或者搶走其他食材味道。點知完全冇！豚骨味同其他食材鮮味早已融為一體，相處得非常和諧。可能因為冬天關係，麵底放一陣就好快開始變硬，好彩豚骨濃湯係用石鍋keep住座熱，將麵條放入濃湯中5秒左右，再放入口，味道和溫度都啱啱好👍🏻最後當然要加入熱湯，將剩餘的豚骨濃湯飲得乾乾淨淨🤣📍尖沙沙咀麼地道75號南洋中心地下7-8號

聽說有間幾受歡迎的舖頭提供有火熱著的沾麵，今天特意來到試個究竟。平日的下午落車後看著地圖找來，雖然不算很近巴士站、地鐵站，位於尖東的餐廳也不算很難找到。平日剛好下午茶時間2:30pm到達，店舖細細的有三張檯之外就是幾個吧檯，我選了對著開放式廚房的吧檯位置。餐牌上的選擇就是那麼多，拉麵和沾麵各有幾款，另外也有些小食可供選擇。一般的拉麵店未必會有下午茶優惠，驚訝這裡竟然有提供，可以$10加配一款小食，以原價來比較的確幾抵！今次我加配了煎餃子(4隻)($10)，落單一會店員就送上。這款日式餃子比起一般在拉麵舖食的較濕潤，作法是剛剛煎熟鍋了收乾水份就上碟，沒有如一般那樣把餃子的表面煎上色、煎得更乾身。由於餃子煎得比較濕潤，餃子皮的質感仍然帶黏性，幸好皮很薄很容易咬開，煎完亦保持完整沒有穿破。裡面的肉餡都幾多，味道亦較淡，食得出有摻入椰菜但份量不多。細碟裡面的是餃子醋，味道淡不怎麼酸，喜歡沾醋的我把整隻餃子浸到醋內的味道仍是偏淡。味道來說我覺得一般般，特別是我比較好表面煎得乾脆一點的餃子，不過相比起原價$7一隻，下午茶優惠只是$2.5一隻都可以點來做小食過過癮。聽到廚師忙碌地製作我的食物，過多一

今次係隔咗幾年再嚟 見晚市開返 諗住近近哋食多次 點知質素全面一落千丈……唔算好多客 一入去就有得坐低 落咗單等到另外兩枱新客有嘢食我哋都未有 點知原來漏咗單 下？！落完單佢仲已經俾咗張單我check有冇錯 客又唔算多都可以漏單 sorry都無句就行埋咗一二邊 跟住嘢食終於嚟 又講到一舊舊 撈亂哂啲嘢食 柚子沾麵啲湯又鹹又超稀 完全無掛麵嘅效果 雖然柚子味清新 但係真係鹹到要係咪飲水 櫻花蝦沾麵就好少少 另外仲叫咗炸雞 30幾蚊5舊雞不過不失啦總而言之 咁嘅服務態度 服務質素 食物質素 肯定肯定肯定唔會再嚟 完。

已經有幾年冇嚟，印象中幾年前嘅質素唔錯，今日想食沾麵就嚟咗呢度喇🙆🏻‍♀️ 鋪仔細細，唔係好多位，我哋就坐咗喺bar枱位置😆諗都冇諗我已經叫咗呢個特濃豚骨沾麵 ($88)😌呢個湯會有個火仔熱住佢，所以長期可以keep住熱辣辣～湯底非常濃郁，濃得嚟唔會太油，作為沾麵湯嚟講佢都係鹹淡啱啱好，可以食到好香好香嘅豚骨味☺️麵質都幾煙韌，仲有蔥、荀同溏心蛋添～隻蛋好好味☺️叉燒有兩塊，都有適量肥肉，唔會乾柴～不過始終食完都會覺得有少少鹹🤣印象中之前食日式芝士雜炊 ($32)好似係可以自己加飯，慢慢煮🤣不過依家轉咗形式，差唔多食完沾麵，師傅就會比個飯我～上到枱仲係超級熱，好多芝士鋪面😋啲飯粒索哂豚骨湯，好味🙆🏻‍♀️份量都唔少，不過都係嗰句啦，食得多就覺得鹹，感覺個湯可以稀少少先煮個飯🤣冇食佢幾年，我覺得佢都算冇咩退步，依然係我鍾意食嘅沾麵店😍製作幾認真😌👍🏻

今日同老公諗住試下呢間拉麵啦，下午茶時段，入到去，完全冇服務可言，啲職員黑口黑面又hea，我地去食既時候已經冇其他客人，得我地兩個，坐低然後落單啦，比完落單張紙之後都完全冇講野，就咁攞走去，好啦，佢最出名就係有個鍋下面有個火熱住啦，點知一啲都唔熱不得止，仲要凍凍地，我地叫左個辛辣沾麵、日式芝士雜坎同章魚小丸子，而個日式芝士雜坎都係微暖，最後個小食章魚小丸子一食落去就成口都係粉，搞咩呀🤬真心失望！！！

特濃豚骨沾麵$88.先講一講嗰沾麵汁，係香嘅，另外有個火興住，讚👍🏽 食完麵之後加木魚湯，好飲🥰不過略為有少許多油😅.叉燒係薄薄嘅兩片，我個人幾鐘意，食落唔會太漏.另外蛋係溏心嘅，荀係正堂，兩樣都係一般發揮.麵對自己黎講可以多啲，我朋友比左一半我，比完岩岩好😃😃另外建議麵家可以加個檬角，成個沾麵會再加一個層次.Cp 值及夠飽: 價錢正常，份量對自己嚟講唔係太夠.翻啅:行過附近想食沾麵會過黎食

嗰日想食沾麵，見到呢間評價幾兩極就入咗去試下究竟好唔好食😙-🐽特濃豚骨沾麵 ($88)湯底好濃，啲麵會掛湯，同埋入面本身都有幾塊豬肉，食落味道幾有層次不過偏鹹🤔啲麵都算彈牙，而叉燒嘅肥瘦比例幾好不過偏薄，至於啲筍味道偏淡，份量都俾得夠😗-🌶辛辣沾麵 ($93)一樣湯底都係好濃，不過食落幾開胃，啲辣味係有層次嘅辣而唔係死辣，不過如果跟塊紫菜就更加好喇😙其他嘢例如麵同叉燒大致都同特濃豚骨沾麵一樣👀-🍜柚子沾麵 ($88)湯底都算過味不過唔夠濃，同柚子味夾埋唔會好奇怪，不過個人都係覺得特濃或者辛辣好食啲🤣隻蛋可以生少少，有少少過熟同埋唔太夠味，碗麵有跟紫菜，都夠脆，上到嚟唔會淋晒~-🐔名古屋醬油黑椒雞翼 ($32 3隻)張相得兩隻，因為小編太肚餓忍唔住夾咗先影…講返正題，啲雞翼夠脆，不過要點汁先夠味，個汁係醬油味，略嫌唔夠黑椒味，不過啲雞翼都幾大隻同埋夠肉汁🙉-啲沾麵一樣都係用石鍋裝住啲湯保持温度，見menu上面仲有好多唔同嘅款式可以揀，我地午餐時間去等咗五分鐘就入到👀不過環境唔算好闊落，啲枱櫈之間如果有多啲空位出入會方便好多，同埋服務方面都係不過不失，整體而言還好🤔