富園海鮮飯店 (已結業)

入來呢間野食應該要先三思，因為佢有最低消費，仲要係$148，食唔食到自己衡量。呢晚同友人吃完泰好味，又未見飽，友人話呢間海鮮店啤酒任飲白飯任食，心諗不如入去整碟蝦或者蟹食下啦，就行兩步轉彎推門入來﹗時值10:30PM，人不多，坐低阿叔已經隊左一支大橙汁同埋一支竹庶水來，話係請我地飲既，當然佢都有話來呢度食飯啤酒任飲啦，但世上那有免費午餐，飲完望一望牆先見到呢度最低消費。錢都不是咩問題，問題係我地其實食左0的野，根本未必食到百幾蚊，睇一睇餐牌，只係得二人餐同埋三人餐，三人餐就當然可以COVER左個MIN CHARGE啦﹗出去魚池睇下海鮮，阿姐就話咩好咩好，又話咩三人餐唔會呃你，樣樣都好食，龍蝦就一定要加30蚊食個伊麵，個芝士汁好好味咁款，是旦啦，都入左來，問左佢總之埋單要幾多錢一人百五蚊就算﹗食得海鮮預左貴，不過估唔到而家食飯而佢又唔係咩出名名店而有最低消費個感覺就有0的唔好受咁解﹗不過既然想食就開開心心，先來既係貴妃蚌，蚌上有蟹籽仔，加埋0的蒜蓉同吃味道清甜，新鮮貨味道不錯，不過一人一隻就唔多夠喉。再來是鮑魚仔，蒸得縮左少少係OVER左，不過鮑魚煙韌彈牙香口，蘸0的豉油吃很好味，三個人

我地一行八人來到九龍城竹園食海鮮, 我地6時多已到達, 被安排坐在一樓, 檯間的位置頗迫, 衛生程度亦欠佳, 我地叫餸要落樓下鋪頭門口同d人講, 我地叫左一個八位用的生猛海鮮特價套餐($1,188), 不過落單果位人兄, 會不停遊說加錢轉呢樣轉果樣, 都幾煩擾清蒸游水海上鮮: 果日係清蒸2條中型紅鮋, 肉質一般, 無咩特別, 不過落單亞叔不停遊說加錢轉石斑紅燒頂鴒或豉汁蒸帶子: 我地加左$40轉一隻炸子雞, 但炸得唔好, 肉質唔滑之餘又有血水, 唔好食薑蔥焗蟹: 炒得香口, 薑蔥味濃, 但d蟹肉唔多, 應該係比較細隻的蟹, 有d蟹肉仲要係'梅'生熟蒜茸蒸元貝:無咩特別清蒸生猛鮑魚: 雖然有好多隻, 但蒸的時間太耐, 鮑魚又細隻, 完全唔夠水準干煎豉油王生蝦:用上中蝦, 雖然同鮑魚一樣有好多隻, 又多又細隻, 有濃濃的豉油味, 不錯不錯上湯焗龍蝦: 全部細細隻的龍蝦仔來的, 可惜無咩肉食用, 只係有好多隻, 上湯的味道幾好, 不過唔知點解無伊麵底海皇瑤柱生翅羹: 唔駛講梗係稀稀的而且無咩料咁!總結來說, 呢度海鮮的特色就係大碟, 份量多, 但食物質素欠奉, 衛生程度不佳, 服務亦麻麻,

小弟認為,通常開得幾拾年既食肆,水準一定有番咁上下,可惜呢次居然大跌眼鏡呢次去到九龍城既竹園,開業多年,以海鮮最出名,店門外亦有大魚缸供客人選擇我選擇較化算既海鮮餐,$298 包5種海鮮,任飲竹蔗水,橙汁及啤酒餐內有芝士焗龍蝦 , 有3隻不知品種既小龍蝦,但味道只似淥熟既龍蝦 + 溶左既芝士豉油皇蝦 , 蝦新鮮度普通 , 但焗得夠乾身 , 總來說都係唔得清蒸紅 " 魚由 " , 蒸過龍 , 好鞋蒜溶粉絲蒸聖子 , 冇味 , 真係完全冇味 , 呢味仲要加錢60蚊架蒸青島鮑魚 , 算過得去 , 呢樣都整得唔好死左佢好過啦任飲既橙汁同竹蔗水反而過得去,啤酒未試過 , 送既生果甜品 , 味道都係麻麻呢間真係............................算把啦

去"竹園海鮮飯店", 千其唔好散叫, 一定要叫套餐, 先至抵食, 唔係實食到一頸血 (呢間野有前科!).8人餐, 有湯, 牛油芝士龍蝦, 干炒豉油王蝦, 雞, 清蒸鮑魚仔, 蒸魚(唔係斑), 蒜茸粉絲扇貝, 甜品, 橙.最正既係, 白飯任食, 橙汁, 蔗汁同啤酒任飲 (當日就有幾個國內同胞飲到醉左, 係飲啤酒! ).8個人, 位位150, 係九龍食海鮮, 算係抵食好食,值得推介

阿爸生日飯，飯局地點左唸右唸，最終決定到此食晚飯。7:15pm人齊，7:30pm叫上菜，7:45pm未見上菜，8:00pm仲未有得食(係一樣餸都無)。附近兩檯差唔多時間一齊坐低，都差唔多上晒菜起勢咁食。催兩次最後8:10pm開始食，個個已經個樣變左似阿呆，O晒咀反晒白眼。原本落Order，兩檯人，一圍10人，一圍8人，都係唸住食平價餐。但職員不斷進行游說，又話平價餐無翅無斑，叫我地食$19xx餐，我地話人數唔多食唔晒，佢就話減百幾蚊，餸份量減少就人數。最後達成協議，成交！上菜程序比較混亂唔協調，飯同雞中途已經殺到，但係食海鮮，又要剝殼又要"損"，仲邊得閒食飯同雞？結果飯就由中途擺到變尾段，又硬又乾！部份海鮮尾段上，個個都差唔多飽晒，見到都無胃口再食。上菜速度時快時慢，初時等食，中段及尾段開始要密密食，唔係食物無位擺。8:10pm開始食，9pm已經上晒菜食完，但由於無電視睇無麻雀打，9:15pm大家都打道回府。整體上，食物質素都不賴，可以任飲啤酒橙汁、食白飯，仲有海鮮，以呢個價，都平過西貢。但論服務、環境就真係一般，亦係致命傷。去過一次，都未必介紹朋友去。

提早的母親節晚餐，選了九龍城舊機場對面的竹園。其實去九龍城的次數不算少，這飯店也經過無數次，只見客源不少，但擅長甚麼就不太清楚。後來舍妹吃過一次，並加以好評。第一次坐下後的感覺，發現環境頗為街坊式，有點大排檔的感覺，即使你坐在四樓的高層，也煩請落回樓下的海鮮櫃點菜，還要記住自己的檯號。雖然可以散吃，但大多數人也會選擇其海鮮套餐，因為其價錢實在很「抵」。我們一家四口，每人不到百六的價錢，就有六道菜。此外還有：橙汁、熱竹蔗水和啤酒(其中一隻國產牌子)無限添飯送油菜一碟，白飯無限制，臨尾送生果和甜品茶芥、加一和油料雜費等，一概免收取見到這樣的陣容，也實在有點驚訝。始終還是以食物的水準作出勝負，打頭陣的乳鴿皮脆肉嫩，和沙田名店的水準差不了很多。海蝦約半斤上下，用上簡單的白灼方法，肉質爽口，味道也著實鮮甜。主打的牛油芝士龍蝦，加四十元要了伊麵底，芝士芡看似很膩，味道倒是恰到好處，用的龍蝦也不是巨大的外來品種，三隻開邊，每隻比成人手掌略為大隻，肉質彈牙，其味之甜，用的可能是本地龍蝦。吃完油菜之後，滿心期待後面那三道菜，發覺期間竟沒有東西再上，再等一下，卻見侍應送上一碟泰式榚點，立刻更正順變追單，觀

星期六同朋友食飯.住九龍城的朋友提議食竹園.原來朋友住了一年多九龍城也没有來過竹園用餐,而我每天坐bus經過,也從來末想過去試一下....因為他的門面一點也不起眼,但往往這樣才發現驚喜,正如這一次,去到竹園,裹面裝修很舊,但客人也很多(我們9點幾去到只剩2張吉枱).一坐下.一班老伙計非常熱情地招呼我们,set好台後便放上一大支橙汁.話係送的,碑酒也是任飲....好驚呀,有黑店!!!!原來這裹最底消费HKD145.....(好攪嘢,又唔係食自助餐)點菜也要去門口自己睇.....門口有位阿姐介紹我地食龍蝦.海蝦.石斑仔等......每次都話"得啦!我幫你地預,4位嘛".........又好驚!似黑店點完嘢坐低後一陣.阿姐行埋來同我地講"共HKD820,有冇問题?"......阿姐好有Heart,我地真係好BUY這間餐館的服務態度,真係每一位都很有Heart好!開餐....1)炸乳鴿1只............皮脆肉嫩有汁,Good!2)油菜(生菜)............太多油啦!!今時今日,健康最緊要!3)豉油王煎大蝦.......蝦肉彈牙,夠新鮮,又入味.Good!4)芝士龍蝦....

昨晚又抵受不了海鮮的誘惑..又去了竹園食海鮮,只有２人的我們點了個SET 2人套餐..太感動,太好食！由門口呀姨既熱情招待到食物水準至價錢,實在係無械可擊。首先送上２JAR 橙汁和馬蒂汁,本來我只想要馬蒂汁, 但呀叔話好好叫我試下,我我只怕飲吾晒...佢對方太熱情我只好接受,都ok..朋友小比要了Beer..ALL FREE之後我又想要多個象拔蛑sashimi..就去了問價,但門口Aunie話最少要一只..一只最少都有２斤,實食吾晒,哎....算了不消一會一蝦來了,前菜都幾好.新鮮 之後龍蝦出現，不得了,竟有３大只.開了邊有６件....oh....但上次10 人來，一人只分了一件（半只）???點解?? same size tho..龍蝦出現出現之後,我什麼都忘記了,忘記了影相....蒸海上鮮...上幾次都麻麻地...太老,但呢次好好...好滑...YUMMY Scallop同象拔蛑仔只有一粒,好 sweet..蒸得岩岩好呢！------------------------------------------------------------------------------小比想講

個日老公爸爸叫大家一齊食飯...一行人16個就去左呢間野...入到去啞左...個格局就真係唔係咁正...好似大排檔搬左上樓既感覺...坐落去個個係圓chair...16個真係...唔係好夠位...但佢又話我地坐定左先話比其他chair我地lor...=.=...算...由佢la...點左個2千幾的...無耐就有得食la..象拔蚌刺身...嘩...上個時仲用冰座底...真係好新鮮...勁鮮味...烚東風螺呢個就細粒左少少...但都一樣好鮮甜...d 螺又唔太un...烚蝦d蝦應該係細蝦...但都ok 新鮮鮮甜...炒蜆d 蜆好細隻呀...好香好入味d豉椒...椒鹽瀨尿蝦嘩...好大隻lor...d 肉又多...不過係少左d 膏lor...芝士龍蝦+底好正...d 芝士汁好濃味...不過汁就少d...龍蝦就係仔lor...細隻個類...不過個個都有半隻...仲有多...夠哂分...炒蟹...d 蟹就真係麻麻la...個sizes...真係似bb 多d...不過味都ok...隔呢枱人食開年飯...d 蟹仲大隻過我地呢邊...佢地個枱d 蟹蓋...有成人手掌咁大lor...炸子雞呢個一般la.

貪方便去了老字號..竹園..一去到門口就聞到好嗅既魚腥味..好失望..不過都到門口..咪入去試下..點了個兩人餐..1)牛油芝士龍蝦..芝士汁唔會太燶..龍蝦就好鮮..唔錯..2)清蒸鮑魚仔..都唔錯..細細隻..勝在新鮮..3)白灼生蝦..就真係唔得..一食就知唔新鮮..幾大碟都冇用..4)蒜蓉蒸扇貝..冇咪特別..5)清蒸立魚..蒸得太耐變左瘦肉甘..6)白灼芥蘭..反而就幾 ok..可能因為簡單..白飯仕食..但一粒都冇食過..橙汁蔗汁任飲..甜品係超難食既西米糕同西瓜..雖然甘多野食都只係 $300..但大部份都唔好食..再加上衛生環境麵真係幾惡劣..所以一定唔會再去..

15/9姐姐男友補請我和妹妹吃生日飯,於是揀選了這個三四五人世界海鮮餐,我們要了5人餐$738.清蒸海上鮮,條魚蒸得唔錯,唔會過火,不錯.紅燒石歧頂級鴿,我唔食妹妹話極之美味,仲食了好多添.清蒸生猛鮑魚:這個麻麻地,唔新鮮生熟蒜茸蒸元貝:如果蒜茸唔好咁鹹就好了白灼生蝦:唔係好新鮮牛油芝士焗龍蝦:這個勁好味,雖然只用龍蝦仔,味道也很鮮美,加埋$50元的伊麵,用汁撈麵一絕甜品,鹹鹹的西米糕唔好味水果:西瓜幾甜加了一個賴尿蝦,味道不俗,只是$262有點貴呢服務:不錯,因為都有換下碟,叫拎野都好快到,唔會應左無影格局地踎,如果很愛乾淨的人請勿到此最好係任飲橙汁,庶水,白飯任裝,免費菜和水果甜品5個人食1050

是日心情繼續納悶, 吃完午餐回家後便一直呆在家中, 晚餐也打算草草了事, 後得大食師傅勸解, 才決定出來吃吃東西散散心. 不想遠走, 來了九龍城. 想吃海鮮, 順理成章轉進竹園. 九龍城的竹園, 印象中只來過一次, 還是咸豐年前跟初變男友來的. 阿叔說他們現在只做海鮮, 其他啥也不做, 連炒粉麵飯也沒有, 白飯及青菜卻是任吃, 還有指定啤酒及加水橙汁任飲, 蠻有趣, 也真箇實惠 (但見下面食評有雞有炒飯....可能要叫套餐才有吧).在那些殘舊帶點烏卒卒的魚缸挑了想吃的. 要了蒜茸粉絲蒸蟶子皇, 蒜茸粉絲蒸太子蚌, 蒜茸粉絲蒸貴妃蚌, 陳皮蒸鮑魚, 清蒸海斑. 樓下滿座, 被安排坐在閣樓. 甫坐下, 一陣霉味迎襲而來, 對於有個狗仔鼻的我, 頗難耐. 然既來之則安之, 只好專心等吃. 吃海鮮, 最喜歡蒸的. 這裡火侯拿握不錯, 大部份的海鮮也蒸得剛好. 質素亦佳, 最出色的是那條蒸海班, 剛離骨, 又嫩又甜. 價錢也很相宜, 服務不錯. 但環境及衛生卻是強差人意. 我不是吃環境的人, 再地踎的地方, 只要食物好, 我也照吃如宜, 只是那股惱人的霉味及殘舊變啞的魚缸, 實在教人有點卻步.

六月十五日(日)是晚慶祝父親節地點係竹園海鮮飯店，黎過尼間野都唔小次，因為每人$200價錢又龍蝦又鮑魚有蝦有蟹真係非常抵，環境同服務唔好有期望，要尼d就去番酒樓俾番貴價～芝士焗龍蝦(伊底)龍蝦無指定用咩品種，今次只係細龍蝦，但隻數非常足，每人足有一隻多，芝士汁造得不錯，很有芝士味但不會蓋過龍蝦味道，芝士汁配合伊底亦都一絕～　個人覺得細龍蝦比大既易食都唔錯，味道其實分別唔太大，只係肉無咁大舊～　要唔要伊底芝士定上湯任君選擇～豉椒炒聖子用大隻聖子，聖子肉非常有口感，啖啖肉感覺，豉椒味道亦夠味，炒得夠火喉，一般酒樓通常食唔到咁大隻聖子～薑葸炒蟹蟹比較細隻，但勝在多羔，主要食羔為主，味道亦不錯～豉油皇煎蝦蝦中間界開令蝦更入味，閒日會界至半開邊令豉油味更滲入，今天雖然界開但保持原狀，豉油味配蝦煎依然香濃惹味，但煎得未算太香，比之前食略差，可能父親節關係～蒸鮑魚仔本人一向唔太識欣賞菜識，我們9人也來足一打，味道方面ok但咁耐都未覺得過尼味餸好好食～蒸扇貝蒜蓉粉絲蒸，蒸得唔錯不會過火，蒜蓉粉絲配搭比豉汁好，個人獨吃了三粒～今天的扇貝比較大粒，有時會細得可憐，可以加錢轉帶子。象拔蚌刺生食落有D鯹味，唔

二人套餐 $295有:1 白灼蝦: 白灼蝦先上, 熱騰騰, 一般新鮮, 都ok!2`豉椒炒聖子: 大聖子但都沽清了, 小聖子冇咁厚肉, 炒得唔係好熱, 又唔夠有豉椒味3上湯焗龍蝦伊麵: 小龍蝦有3隻, 早知有一半o既龍蝦都係唔新鮮, 一定唔會叫上湯, 伊麵底係要加 $304. 蒸帶子: 呢加錢要o既(因為唔想食魚同扇貝), 得2隻, 蒸得好老下5. 蒸鮑魚: 4隻迷你鮑魚... 小妹唔太識欣賞6. 炒介菜: 一般水準, 略嫌草青味過盛!有竹庶水, A&W橙汁同唔知乜牌啤酒任飲,唔收加一! 服務都好! 阿姐送菜時會叫我地"記得唔好食鮑魚d腸呀!" 收碟收得密... 但重點係小妹對是晚海鮮之水準還未滿意, 下次都係去西貢或老鼠州那些老店好了~

男友之前跟一大班朋友食過覺得勁好食, 又抵今日便一行5 人去幫襯下叫了一個套餐, 埋單$790芝士龍蝦伊麵鼓油煎蝦炸子雞扇貝鮑魚倉魚炒白菜仔例湯本來呢個價錢, 有咁多海鮮食係相當抵但首先帶位的叔叔在出面有位的情況下, 帶左我地一行5 人去左一個擺明係員工食飯既地方坐低果度勁大陣臭丸味坐又坐得迫我地輕輕的投訴了幾句, 阿叔"聽唔到"坐得唔舒服都算la d 野食真係唔太掂話送碟炒菜心, turn out 黎左碟白菜仔算la, 當佢忙, 俾錯左, 照食朋友話落單時, 大叔話條魚會俾紅的(雖然我唔知即係乜魚)turn out 俾左條倉魚, 仲要係好細條tim問阿叔點解紅變倉魚, 菜心變白菜仔大叔話: 你地跟餐的, 俾咩你就要食咩架la全台人O 晒咀, 跟餐不用俾錢嗎??碟雞上時已不想吃, 皮肉分離, 吃落就知係番叮的, 唔好食 d 扇貝又冇味, 冇la la 加d 蟹子落去, 越搞越衰鮑魚又係冇洗咁既樣...又細隻大家都食到冇晒心機, 仲心唔飽tim最後黎左碟龍蝦, 大家先叫做"Ger"返d, 芝士汁都ok 好食, 龍蝦係用大龍蝦而不是小龍蝦鼓油煎蝦都ok, 本來會以為會霉la, 又幾新鮮不過