富園海鮮飯店 (已結業)

昨天返工沒有野做,便上來看有甚麼新食評,一路看就一路想食,剛剛出糧,便決定今晚食餐好d,鄰近薪蒲崗,當然去九龍城啦!誤打誤撞來到這裏,記得細個時吃過一次,不過味道就忘記了.店舖門口並不雅觀,進內後總算企理乾淨,裝修像舊式食店.一坐下便有橙汁和涼茶飲,份量都幾多.四個人叫了:---三人套餐($438)紅蘿白豬骨湯---味道一般,但應是沒有加味精的芝士焗龍蝦(加伊麵底$30)---芝士汁很濃不稀,伊麵很好,略嫌份量不夠,主角龍蝦,雖是三人份量,不過有二隻開邊龍蝦,很抵食,芝士有點兒遮蓋龍蝦的鮮味,姐姐說上湯比較好食,但本人並不介意,每一啖都很滿足,最後還打包了芝士汁今晚撈飯吃,一再回味炸子雞---不好吃,皮不脆,肉不滑,伴碟的蝦片炸得不夠透,令我失望蒸魚---不知是甚麼魚,味道只是一般干炒豉油王蝦---一流,蝦殼咸咸地,蝦肉新鮮,十分野味,份量很多,一路食一路有,這味都是吃不完,要打包蒜茸清蒸扇貝(加$18有四大隻扇貝)---好,不用豉油來蒸,清清地突出了鮮味豉油蒸鮑魚仔---有六隻,味道不錯,有咬口,不過有小小苦,唔知係咪不夠新鮮??!!另加叫豉椒炒蟶子送一碟菜($48)豉椒炒蟶子---

今晚同屋企人到此慶祝母親節,8點半去到,9:15先上第1道菜,比起之前水準真的大不如前!而且size 細左,加上大部分菜色偏油,最得都系芝士龍蝦伊麵!$2000/12人餐,其實吾系太抵食!

通常我同老公仔係唔會嗌套餐，免落入粗製濫造之犧牲品。我地通常去到嗌以下四餸：1.芝士焗龍蝦。龍蝦不要食澳洲那種大大隻的，除非人多可以要晒成隻，如果唔係會冇肉食。如人數少，要細細隻、開邊剛好兩三啖食晒嗰啲就得喇。仲要千祈千祈唔好加伊麵底，如果唔係個汁會溝稀晒。佢個芝士汁一流，十次有九次都能保持水準，用嚟撈白飯至正！2. 象拔蚌刺身。刺身到到有，嗌哩個餸純粹貪佢個椒鹽頭膽，送紅酒一流。不過~~~~~~有時師傅會失手，整得油膩咗少少。3. 薑葱蒸孔雀鮑。試過喺皇室堡稻香食孔雀鮑，感覺俾人搵笨。但食完哩度既孔雀鮑，先覺得鮑魚不愧為鮑魚，因為哩度識得先將啲孔雀鮑切片蒸，而唔係蒸完先切，手感當堂唔同晒。4. 菜心/芥膽。其實時蔬應該不時不食，但我亦食過哩度既生菜同芥蘭，覺得始終係哩兩種特別正。而且哩度啲菜係免費送既。

咁多回到竹園，最笨今回！話說早前和S談起翅，說的不知如何拉到竹園…剛巧友人時速500 英哩先生約飯局，於事約同Mr500英哩、1GB ram、收數夫婦、廟祝等到龍城竹園。水檔大姑奶一味講一味講…話總之位位咁多有乜有物…最後笨實…好難有下回了…龍蝦都可以食淨的…你話啦…

如果唔係朋友介紹相信行過都一定唔會幫襯呢度係一間舊式既飯店格局門口有一缸缸既海鮮有好多適合唔同人數既餐單因為得兩個人叫左個二人海鮮餐有清蒸海上鮮,清蒸鮑魚仔,干燒豉油王生蝦,芝士牛油焗龍蝦,金銀蒜蒸象拔蚌同白灼芥蘭清蒸海上鮮～雖然條魚唔係咩貴價魚，但蒸得o岩o岩好，幾嫩滑，又唔覺得腥清蒸鮑魚仔～一人兩隻，有薑蔥舖面蒸，火候又係o岩o岩好，起碼唔會un，但朋友仔話食到一隻仲有少少沙，好彩我兩隻都好乾淨干燒豉油王生蝦～本身諗住食白灼算數，但阿姐話咁整會好味ｄ，信佢要左呢個，真係幾入味，連d殼都入晒味，而且ｄ殼煮到軟晒，食埋都得，而ｄ蝦肉仍然彈牙，一ｄ都唔”梅”，一碟份量又多，到最後食唔晒添！芝士牛油焗龍蝦（見圖）～阿姐話咁煮野味ｄ，信佢要左芝士焗，真係幾好，而且一ｄ都唔吝嗇，用左好多芝士牛油舖面，個汁幾夠味，雖然龍蝦係細隻ｄ，但仍然彈牙同埋都幾多肉食，唔錯喎！金銀蒜蒸象拔蚌～(轉要呢樣加10蚊)跟餐本來係扇貝，但阿姐介紹呢個好食ｄ，又信佢，果然象拔蚌蒸出黎又係好爽口，一ｄ都唔un，有金銀蒜舖面，好香白灼芥蘭～因為當造，好清甜新鮮，但如果大碟ｄ會仲好白飯任食，橙汁同蔗汁任飲，仲送生果同甜品今

話說某下午，去完鐵板13後，仍舊在同區活動，一動就動到晚飯時間。左近就腳，就去竹園開飯。雖然呢間竹園同其他的有D唔同，但其實又無咩所謂。唔火鍋的話，九龍城又真係食到無咩好食。食火鍋，食的又係同竹園咁上下，反正玩左一天，唔想自已煮，咪等人地煮。送都無力行出去點，但只見點送的人番來坐定飲咁橙汁，就開始食野。快就夠快，熱又夠熱，不過係唔多好食。糕蟹，非常多糕，還可以。瀨尿蝦就唔得，D殼軟淋淋咁病蝦樣。乳鴿例牌人頭份量，咸。扇貝…咸，仲重味精。芝士龍蝦，好似忌lin湯伊麵。唔怪得送橙汁任飲，咁多味精，唔飲唔得。