家 (已結業)

上一次我們試了午膳，覺得不錯，老闆很nice, 所以今次試一試晚膳。我們去到時剛好日落，景色十分優美，點了兩個晚餐，一個肉眼牛排及一個白汁意大利飯。店員先送來一盤枝豆，非常貼心，餐廳空間感很好，座位非常舒適，最適合我們朋友談天。我對食物不是太考究，但牛排五成熟，食落也很軟熟，有一點韌。我比較喜歡意大利飯，白汁芝士味濃。天氣熱，我點了黑啤，也不錯。最欣賞也是老闆的人情味，我們之後點了一個小食炸魷魚，咬落非常鬆化，但老闆竟然不收錢，還送上兩個甜品，感到很窩心。我們一定要再來光顧啊！

本來同個 best friend 黎純粹 飲杯嘢，點知上到黎，好surprise.地方完全唔擁擠。好大個玻璃，靚view. 望住哂成個維多利亞港，淨係個view 都值哂。首先我地開左支紅酒，之後開始肚餓，叫左少少嘢食。估唔到呢度嘅海鮮好fresh.真係好好味。我建議必試蜆，(好甜)，青口，焗龍蝦，完全唔貴，好抵食。下次試埋佢d steak 先。之後再叫左幾杯draft.同埋老闆2公婆好好人，見我地2個女仔又飲又食，會問下我地意見同我地傾計，真係好有 home feel.

對於一個長期要在office內工作，對著海量文字的人來說，lunchtime最好不過是去「放空」，可是身在灣仔與銅鑼灣交界工作，沒有綠油油的草地，也沒有海旁吹吹風。看看海景，可能是「放空」的機會。可是，可以看到海景的餐廳，應該是很貴吧。然而，這個在外看不明顯的「家」的確很有dream house的感覺—面向海、舒服的梳化座位....而且，食物價錢合理，lunch set hkd68-88 不等，還送飲品+salad大概知道的人不多，很快便找到座位了。問題少女同事看到外面海旁在建築，好奇的找到底會建什麼，海濱公園、水上樂園。。說不盡的計畫。說著說著，沙律🥗便到了。有superfood之一的羽翼甘藍，菜類也很新鮮。而我，當然點了最愛吃的意粉。青口鮮味十足，亦很甜。沒有非常濃濃且邪惡的醬，如果意粉質感好吃點更好。如果可以再坐一會，可能會坐上一個下午，又或是，遇上某個人，靜靜的閒聊一下。

平日中午在銅鑼灣找一間餐廳，同朋友傾偈食飯，又有小朋友一齊，仲要經濟一點，真的很難。無意中在網上看到這間餐廳，於是試一試，果然如前面的食評一樣，十分驚喜。老闆給了我們最入面的枱，有梳化，又對著海景，十分舒服。午餐選擇不多，但味道菜式各有不同，我們2大3小點了4個餐，份量也十分足夠，家庭式經營，員工十分友善。我們本打算點甜品，可惜餐廳沒有供應，但老闆竟然特地為我們免費準備了一分大的Brownie給我們，我們十分感激。我們今次竟然忘記拍照，日後一定會再來，希望餐廳生意興隆。

今日去咗間新餐廳食飯，一入去就俾佢個海景吸引住，如果夜晚，應該好有mood。可能新餐廳，未多人認識，唔多人，一行6人即刻有位，仲坐得好舒服。lunch set正常灣仔價錢。一個伯伯做侍應，招呼好殷切。每個餐都有沙律同飲品。沙律好新鮮，有羽衣甘籃，我平時對生洋蔥無特別偏好，但佢地嘅洋蔥好甜，無平時個d咁重青草味同辛辣味。好食同事叫嘅青口意粉，我試咗幾啖，個白汁夠味，唔算太厚生，唔流。青口嘅份量都唔錯，同事話都鮮。炸魚薯角: 佢唔係用手指魚，係一大塊魚柳，分開一半再炸，睇得出餐廳對材料有要求。魚柳炸得出色，唔油，外脆肉軟。薯角都炸得好金黃，一樣外脆肉軟。佢嘅炸野相當出色。巴東咖哩雞白飯:個雞唔辣，好香香料味，d雞另外有醃過，唔係只靠個汁不停煲入味，所以d雞好滑，juicy，唔'鞋'。個汁好厚，撈飯好好味，不過就有d 肥。講返個飯，有質素，加咗香料同黃薑粉，就咁食個飯都已經好香，個汁同個飯嘅香味好夾值得一試。用啤酒杯沖檸茶，都幾靚

趁返工前食個lunch，呢間銅鑼灣cafe有$68-$98 lunch set，唔洗加一，冷熱飲同價，係銅鑼灣算抵食，而家唔多人，環境寧靜，望住維港海景，好舒服😌lunch set包沙律，主食，飲品一杯。沙律係普通野，細細兜，幾開胃，不過我本身唔係好好沙律哈哈主食揀左白酒忌廉燴青口意粉，$78。青口有成8隻，雖然唔大隻，但都幾鮮甜。忌廉汁底好綿滑，creamy，襯埋唔軟唔硬嘅意粉，一流。仲有翠玉瓜，蘑菇，更有口感。涷檸茶就正正常常，不過不失。侍應同廚師都好有禮貌，好nice，不停主動加水。總結，雖然野食選擇唔多，但質素好，staff nice，已經好值得支持，多食小店，罷食無良連鎖店！

知道是新開的餐廳所以跟同事嚟試下～一坐低，個景好靚～景然可以望海景，今日仲要天氣幾好，變相可以望住個維港食午餐！我點左個白酒青口意粉，可能我個人比較鐘意食濃味，所以個意粉略嫌有啲淡，不過同事個炸魚薯角餐同咖哩雞餐都幾好味，個炸魚熟辣辣又新鮮！可能因為新開喞關係客人暫時唔太多，所以都幾寫意～我地被安排左坐梳化位，仲有少少陽光曬左入黎，同事話好似係屋企星期六放緊假咁～價錢都係可接受範圍，可是午餐選擇唔算多，唔知係咪主要做晚市呢？

好耐冇試過有一間餐廳個景咁靚，同朋友坐係間餐廳食咗一兩個鐘，覺得成個環境好舒服，而且望住個海景簡直一流！佢有lunch set同埋dinner set，lunch set 價錢都係50至100左右，包沙律前菜、鑽石同埋飲品價錢非常合理！而我就嗌咗個牛油果沙律，50幾蚊有咁大碗都算抵，而且牛油果都非常新鮮！本身個沙律係配黑醋汁，我問服務員可唔可以轉芝麻醬，佢都好好咁樣幫我轉左，好貼心！以後我都一定會多啲嚟呢間餐廳食飯！

午市lunch menu有4種，fish & chips, 肥牛飯，忌廉蝦意粉，牛扒，$68-$128免加一，忘了影餐牌🙈-我選了忌廉蝦意粉 $88，包一份沙津和一杯飲品-羽衣甘藍沙律份量不少，聽說羽衣甘藍很健康，所以不愛吃菜的我也吃完了🤣配搭芝麻醬也不錯。-忌廉蝦意粉蝦肉爽滑彈牙，不過應該不是新鮮蝦，忌廉汁是有點像青醬，很creamy香草味也很香，意粉上有我最討厭的黑橄欖🤣然後青瓜是苦的，反正全都撥走就很好吃了😋-凍檸茶好好飲😂值得一提是陽光很好拍照很美🤣

#cassiegocwb / #cassiegowanchai-瘦編今日返工約左個係灣仔返工嘅朋友食飯，所以就揀左係灣仔消防局附近一間新開嘅cafe。👍🏿-佢Lunch Set有幾款選擇，我同朋友分別叫左煙三文魚忌廉汁意粉同蕃茄乾虎蝦火箭菜意粉，份量都夠食。每個set除左主食，仲有一個沙律同一杯飲品。🙆🏻‍♀️-位置都容易搵，係1樓，佢係平時旺角個種樓上cafe咁，一入到去有個無敵海景，可以望到對面海同灣仔會展，返返下工Lunch黎放鬆下都幾好。😍-味道評分▶️🌕🌕🌕🌕🌑 (4)抵食評分▶️️🌕🌕🌗🌑🌑 (2.5)回購評分▶️️️🌕🌕🌕🌑🌑 (3)-➡️家 Home Cafe & Bar (銅鑼灣)📍銅鑼灣告士打道229-230號宇宙商業大廈13樓全層- IG: cassiecwy/ cassiegetfat