家賀屋刺身寿司專門店

朋友生日，選了灣仔「家賀屋」與她慶祝，在附近算是滿有人氣的和食料理，評價很不錯。店內已配有電子下單，方便快捷，可先點前菜及主菜，再按食量補充主食及甜品。特選刺身盛刺身盛五點，包含最常見的三文魚、油甘魚、赤身、赤貝及時令魚金目鯛。金目鯛肉質細膩爽口、油脂適中味道鮮甜，越咬越滲出魚油香。唐揚日本池魚苗唐揚池魚苗極適合餸酒，整支魚苗外皮酥脆香口、內里肉質嫩滑鮮甜、骨幼軟爛可連骨吃，補鈣又易吃。壽司單點店內壽司款式多，包括四季常有及時令限定的，簡單選了六款壽司。特大赤海蝦個頭大亦飽滿，肉質綿絮軟滑富膠質，香濃鮮甜。劍魚腩肉質柔軟脂肪多，細膩豐腴，咬下魚油滲出。空運𩶘魚𩶘魚肉質晶瑩剔透，入口柔軟幼嫩。紅柚冰啤女士們又一驚喜飲品，啤酒入口果味濃郁，柚香清甜，質感綿滑幼細，爽利甜蜜之選。整體來說，環境衛生舒服、價錢親民、食物質素富水準，聚餐不錯選擇。

唔知幾時先可以飛去日本食好嘢，不如喺香港尋找一下日本美食，有質素的、有口碑的、價錢大眾化的，我立刻想起灣仔的 家賀屋。麒麟一番榨 冰啤 $88天氣熱辣辣一坐低即刻叫杯啤洒，店員推介冰啤 ，果然是透心涼，不同果味選擇了蔓越梅 口味，果味香甜，味道很搭配，勁爽！薄燒牛舌 $80一邊飲啤酒，一邊食牛舌 ，平時都是吃厚切，估唔到薄燒牛舌另有一番風味。牛舌爽口有口感，入口肉嫩多汁。唐揚日本池魚苗 $78佐酒小吃之中的極品，酥脆可口，肉質鮮味無骨，配上少少蛋黃醬非常好味。特選刺身盛 - 時今鮮魚附 $198刺身真係食極都唔厭，尤其是日本高質素魚特別多，開心價錢吃到 廚師發板築地鮮魚；肉質細緻鮮美 的 金目鯛；這裏的招牌特選本鮪赤身，吞拿魚入口無筋，慢慢細嚼魚味；油甘魚一啖放落口；特大赤海蝦，鮮甜入口即化；喜出望外，用料新鮮，厚切份量大滿足。青龍 $68卷物有我最愛的炸蝦🍤 壽司卷物，蝦肉彈牙，酥脆可口，蟹子粒粒脹卜卜，口感豐富。特大 時令生蠔 $78/隻 🦪一定要試下特大 時令生蠔，感覺置身日本嘅魚市場，可以食到天然海水味🌊超大隻肥美肉滑，晚上必吃推介，店長說常常沽清的，因為價錢實在太抵，質素也不

如果行開灣仔想食日本料理，這裡應該都係一個唔錯嘅選擇！今晚行完灣仔電腦諗住行埋去188時，朋友話肚餓想食刺身同壽司，當然有好介紹！雖然餐廳位置門面唔係好靚，但內裡裝修企理，座位舒適，完全同大廈出面唔同，加埋在灣仔區絕對係一間老店！夠晒江湖地位！落餐都係掃QR code 有圖又清晰，十分方便！壽司會有激安壽司，大大件加埋十分新鮮，所以先點了一輸，滿足朋友嘅欲望！有超肥美嘅三文魚腩、爽口彈牙赤貝、彈牙鮮甜嘅特大赤海蝦、肥厚嘅劍魚腩，魚味濃郁嘅油甘魚、肉質結實嘅立魚，同埋超肥美嘅火炙左口魚裙邊，一次過上枱朋友邊食邊讚新鮮大件！食完一輪壽司就係另一個戲肉特選刺身盛-時今鮮魚附，有五點新鮮刺身，當然常見嘅三文魚、吞拿魚必有，新鮮肥美，還有魚味濃郁嘅金目鯛、煙韌彈牙嘅八爪魚同埋刺甜嘅大甘蝦！朋友同我都覺得要加杯啤洒先似在居酒屋內嘅感覺，店員推介了麒麟一番榨嘅冰啤，有不同口味配搭，我就選擇了紅柚味，冰啤上加入了紅柚味，入口冰涼解熱，同埋有香濃嘅紅柚味，感覺清新！加埋隻特大 時令生蠔，大大隻，入口肥美蠔味濃郁，一啖入口就係最完美！邊飲邊望吓手機嘅旅行照片，真係分外回味！當然要加埋個甜品蜜桃雪葩，香濃嘅

選擇日本料理店最好是哪些日本直送的，一看招牌就知這店歷史悠久，平成22年成立。先來特選刺身盛，三文魚魚腩肥美，雕魚很新鮮味道濃烈，八爪魚爽口不太煙韌，吞拿魚赤身新鮮軟滑，油甘魚油分充足，赤蝦鮮甜。特選鮪盛，由左邊開始，赤身壽司味道濃郁沒有血腥味，中拖羅壽司油分適中肉質軟滑，大拖羅壽司油分飽滿入口有溶化的感覺。自選壽司，赤貝壽司真的必選肉質爽脆，空運魚壽司魚的獨特香在這裏充分發揮出來，油甘魚壽司肉厚實油分適中香味在口內四散，劍魚腩壽司的肉比較結實肉質軟滑脂肪夠多。蒲燒牛舌，選用了牛舌心的位置，肉質實得來爽，肉汁夠多，味道濃烈，值得一試，我個人喜歡跟日式芥辣一同吃味道更佳。西京燒三文魚鮫， 用三文魚來做西京燒真是特別，味道甜甜的，三文魚的肉較多出來的效果也不錯。甜品菠蘿雪糕，使用了原個菠蘿做成的雪糕，入口啖啖菠蘿味道酸甜適中。味道: 值得一試環境: 舒適衛生: 整潔服務: 尚可價錢: CP值極高

太耐冇食壽司，今晚就在家賀屋放肆一番，坐下後、即掃QR code落單，太多選擇，最後選了刺身、壽司和熱食。<特選鮪盛$238>由左至右分別是大拖羅，中拖羅，赤身，店員提議我們由赤身開始吃。大拖羅呈淺粉紅色，帶點雪花的脂肪，油份較重。中拖羅呈粉紅色，甘香肥美。赤身呈紅色，味道濃郁，不覺油膩，較爽。<特選刺身盛$198>放鯛魚入口時，有陣輕輕燒過的香味，魚滑甘香；油甘魚有股濃郁的魚味，油分重；三文魚腩肥美；赤蝦有如手掌般大，肉質頗滑。<選了每件$13的壽司>由左上至左下分別是:空運立魚味道較淡。三文魚腩肥美。劍魚腩油分充足。特大赤海蝦，質地軟滑。赤貝肉彈牙。油甘魚肥美鮮甜，入口軟滑。汁燒海鰻醬汁冇過甜，海鰻軟嫩。芥辣粒貝，芥末味都幾嗆鼻。<薄燒牛舌$80>尾部較軟腍，中間還有少許粉紅色，有彈性，口感多汁有嚼勁。<西京燒三文魚鮫$65>通常食西京燒鱈魚，燒三文魚都是第一次食，醬汁有少許甜，魚肉沒有乾身。吃了菠蘿和蘋果雪芭，我比較喜歡菠蘿雪芭，它裏面有啲果肉，夠冰凍。今晚亮點特別多，除了有新鮮肥美的刺身，其次就係$

日本料理百吃不厭，我這個魚痴最愛刺身，日本魚款多如繁星，幾乎每次吃廚師發辦都會發現新款式，不過並非只有高檔店子才值得光顧，親民價的吃法未嘗不可，最重要是性價比，例如今夜到家賀屋，開心價吃，同樣滿足。麒麟一番榨冰啤啤酒飲得多，冰啤未試過，而且有不同果味選擇，本來並不嗜愛啤酒的我，亦被吸引了。所謂冰啤，名副其實是把啤酒冷凍成冰塊，然後放進一般液體啤酒內，浮在面，啤酒最緊要冰涼方才可口，冰啤概念很得。我們二人各選擇了接骨木花及蜜桃口味，前者比較香，我選後者因為喜歡甜，甜味啤酒我鍾意。手機上網看餐牌，大部份項目都是開心價，一般食物百多元，原條燒魚都是三百幾。我們點選了三款組合：特選刺身盛 $198彩虹壽司卷 $108特選海鮮丼 $288魚款多元，皆包括香港人最熟悉及最喜歡的，例如牡丹蝦、拖羅及貝殻類別的，而且份量十足。米飯黏稠好吃，日本芥末勁量十足。北海道海膽 $198金木鯛 $138另外自選了兩款刺身，最可取是北海道海膽配上飯球，隨自己心意組合紫菜、飯球及海膽同吃，有得揀特別開心！白鯖河豚一夜干 $128胃納有限，吃不下最愛燒原條喜知次，選上了白鯖河豚一夜干嚐嚐燒魚水準，燒功沒有出問題，只不

今日陪女伴到灣仔街市購物，之後大家有些肚餓，唔想食太飽，見到家賀屋，食過丼飯該剛好。現在下載 QR code 點菜越來越普遍，因為可以零接觸非常多細菌的餐牌，又可省人手，營商之道。先看中特選海鮮丼，非常大碗，魚生多飯又多，其實兩個人分吃輕食都夠食。超過10款魚生，有些一片有些有兩片，牡丹蝦有兩隻，拖羅一片，還有海膽、吞拿魚茸、貝類等，見已開心，感覺滿足。都是新鮮的，飯都香，最正日本芥末，我唔知大口食咗，辣到咳左幾聲。大部份食物都是百幾蚊，見唔貴，我們多點兩款。一客彩虹壽司卷有八件，每件配合不同刺身，紅白橙奶白，漂亮吸引，魚片長過飯團，價錢$108，抵食呀！點了款熟食，白清河豚一夜干燒得好，有少少鹹味，肉質結實。第一次飲冰啤酒，頂端真是有啤酒冰塊，令，特別涼快，有諗頭，我點了接骨木花味，的確幾香。

疫情緩和過後，又是朋友相聚的好時機好耐之前來獨食過晚餐都唔錯，所以今次決定提早預定好外賣刺身壽司卷物燒物炸物都有齊(請忽略亂入手撕雞與餃子)招牌特選鮪盛，三款吞拿魚壽司大滿足原板北海道海膽，鮮甜入口即化薄造池魚王，肥而不膩，蘸埋柚子醋更鮮甜燒物要數燒牛舌，肉嫩多汁，唔似部分鋪頭會燒到乾曬好似食肉乾還有個自家燒玉子，調味岩岩好，唔會甜過頭，亦唔會食到粉的感覺，還有層次分明無煎黑，考師傅手勢由於今次是外賣，壽司軍艦都有做到不過不失，不過勝在價錢適中，性價比高有機會再去堂食

COVID--19疫情下，生活習慣改變了，其中包括：不聚餐。工作日午餐，多數自己１個人吃，日本料理是個合適的選擇！原來，灣仔街市，有家樓上日本料理：家賀屋經Open Rice預訂了星期五午餐，午市有很多款定食套餐，花多眼亂。。。。。終於決定吃鰻魚：#蒲燒鰻魚飯，鰻魚不算肥美，但份量算多的，每一口飯都吃到鰻魚，定價118元，用上日本米，性價比高！#味噌湯，加了蜆，多了份鮮味，好！#野菜沙律，蔬菜和車厘茄算新鮮，伴胡麻醬，不錯！#日式蒸蛋，加了冬菇、銀杏、鳴門卷，足料，而且是熱騰騰的上桌，喜歡！點讚服務：雖然有地址，但我不熟路，找不到，終於要打電話到店問路，接電話的女店員，很清晰的給指示，並幫我保留座位。我到店已經是13:10 (比預約遲了10分鐘)，門口有約30人在等位，還好女店員有幫我留座！

自從疫情開始，已經好少外出用膳，之但係，冇可能日日喺屋企自己煮嘢食㗎？！所以，間中外賣，就算覺得幾咁唔環保，都要㗎啦！而因為工作地點喺灣仔，呢度美食雲集，中西日印泰台都齊晒，每逢放工時諗起要食咩都真係幾難揀，由遙遠的港島拎返自己屋企大西北，點可肯定保持食物冇壞呢？都唔好話唔係一個大考驗。申完一輪～今日同大家介紹下呢間💛想食壽司就會揀佢嘅——家賀屋！之所以揀佢，有好長嘅故，筆者簡單啲講：我嗰肚比較敏感，唔新鮮嘅嘢一落肚，肯定會成晚抱住嗰馬桶，之但係，呢間嘢，我由市中心拎到返大西北，返去消毒埋自己先食落肚，都冇事唷！——所以，我真心唔係好明白點解啲人會話佢質素差？仲要冇圖冇真相？！Fine～比啲相大家睇下無妨😃不過今次叫嘅都係普通嘢，普通得來又人見人愛，最愛係嗰青龍，以前堂食嘅時候一定會叫，好食又好睇，盡顯餐廳嘅用心。仲有皇帝蟹棒——呢個名詞應該係由細到大喺某間X氣食壽司最有集體回憶㗎啦🤪可惜今時佢放棄咗我，而我都費事“熱臉貼冷屁股”，都係支持返同路人算啦～家賀屋嘅蟹棒絕對會比你嘅味覺搵返啲回憶。

第二次光顧，印象加深了的是價錢方面，覺得還是貴了些這個餐$278，包壽司8貫，吉列蠔兩件，味噌湯和沙律。壽司當中有拖羅、海膽、帶子等較貴的食材，整體肉都切得夠厚，但有點覺得油份不夠，刺身稍為乾身，不是覺得不新鮮，但就是欠點水份和油份，沒有覺得好好食的感覺，不過飽肚方面就不用擔心，因為飯比較大件，當中沒有一件覺得特別好食的。吉列蠔的皮頗厚，炸得夠鬆脆，幾好吃而味噌湯很足料，有魚肉的，比一般味噌湯鮮味另外點了碎葱吞拿魚腩卷，$50料比較少，普通水準之作友人點了櫻花可樂，粉紅色適合打卡整體覺得若套餐包碗烏冬會令價錢更合理些

兩年前的今天選擇了加賀屋，當時的食品質素，賣相，味道，新鮮程度都不錯所以兩年後的今天同太太去晚膳尋回那份味道。不過可惜是加賀屋質素差了很多，跟元氣比［元氣稍勝一籌］質素跟元氣比的話以不用說太多了......總結：像快餐便當就是了

唔想幫襯連鎖壽司店，見呢個壽司店喺OpenRice有外賣自取優惠，大部分貴價壽司(赤貝，劍魚腩)都係$13/件，馬上試試整體壽司無乜太大驚喜，魚生唔會有腥味，但亦都欠缺壽司應有嘅鮮甜味，變咗係食口感，唔係食味道。赤貝更加已經唔爽口，表面有點皺皮，感覺唔太新鮮，但都係一樣，無乜味相反，我叫咗芥辣八爪魚同海膽墨魚調味都好出色，而軟殼蟹手卷份量亦都充足，同埋用獨立包裝嘅紫菜防潮P.S. 值得一讚嘅係，店員會喺醬油樽下面貼膠紙，再貼喺卡紙上，防止倒瀉，十分細心

今日和朋友去食日本野，呢間日本菜係我成日會來食，仲食左好多次，水準都唔錯！不過平時我係食熟野多，因為我對生野都比較擔心佢唔新鮮，今次決定試下佢D壽司如何！可惜有一點點腥味，唔算好新鮮！🤦🏻有點失望添！我每次都會預約左先來，因平日午餐呢間野都多人來，所以如果想食，最好先預約比較好！😊環境係偏黑，有情調嘅，坐既位都舒服，環境係唔錯ga ！但下次再來，我會食返佢既熟比較安全DD🤣但我估唔會有下次啦！😅

今日同朋友同我慶祝生日，去咗食呢間餐廳，叫咗好多唔同嘅壽司，佢都有一堆特價壽司可以比你叫，嗰啲壽司就可能$10左右一舊，所有壽司都超級新鮮好好味，好耐冇食過炸蝦卷，佢嘅炸蝦卷都幾好食！佢嘅赤貝壽司都好新鮮，爽口 鮮甜。叫咗個接骨木花同埋血橙味嘅啤酒第一次飲呢兩隻味，接骨木花味都幾好飲，清新嘅血橙味嘅話就比較啱女仔甜啲兩杯都幾好飲大家都可以試吓！叫咗個魷魚鬚同埋魚鮫兩樣嘢食都好好食，大家都可以叫佢嘅熱食試吓🥰