家後

营业中

休息中

舖頭望落細細間，但原來係臥虎藏龍！呢度除咗有粉面飯之外，最出名嘅就應該係佢嘅餃子啦！餃子種類有好多，可以選擇湯餃、湯餃麵又或者係煎餃。劍餐牌有推薦嘅餃子口味，就一於試吓佢嘅洋蔥豬肉餃、芫荽豬肉餃同埋菠菜豬肉餃。洋蔥豬肉餃叫左煎，餃子邊煎到香脆，入邊啲肉汁好Juicy，入邊嘅係用咗紫色嘅洋蔥！湯餃係配例湯，而今日嘅例湯係木瓜花生湯，好好飲，冇味精！跟住加配咗個日式飯團，入邊仲有啲牛蒡，飯團本身調味已經好足夠！另外仲叫咗個日式炸雞，炸粉唔厚架！雞肉亦都好嫩滑。豬手都好入味，啖啖骨膠原！最有驚喜嘅係呢度嘅甜品，估唔到一間餃子店嘅甜品都咁出色！叫咗個日式手作芝士蛋糕，好香濃芝士味！而日式焦糖布甸係用咗北海道3.6牛乳去整所以奶味好突出。

這店在網上獲得不少好評，作為餃子控的我今日就去一試。這店除了湯餃煎餃，也賣飯，更與別不同的是，這餃子店竟然也供應日式甜品。到店時已近下午三時，但仍座無虛席，要稍為等候才能入座。看看店內顧客，大部份都在吃煎餃，吃飯的人比較少。我愛吃餃子，比較偏愛吃湯餃，就點了網上大熱的洋蔥豬肉餃和自己最愛的韭菜豬肉餃。等了好一陣子，水餃終於送上。湯是例湯，配餃子感覺有點怪。喝一口湯頭，覺得味道比較淡。至於水餃，很大隻，餡料也脹脹的，不過看上去似乎煮得時間長了一點，因為餃子皮好像有過軟。看著餃子的樣子，本來抱着不太大的信心，但吃一口洋蔥豬肉餃後，就明白為何這餃子在網上獲得那麼多的好評。平日很少吃洋蔥豬肉餃子，估不到原來兩者竟然那麼配合。洋蔥的甜味令餃子很好吃，加上餡料的調味也很到位，所以覺得隻餃子非常美味。反而韭菜豬肉餃就比較失色，韭菜很多，但韭菜的香味不太夠，而且這餡料的味道也不及洋蔥豬肉餃。除了餃子，也點了冰檸檬茶，只要加$5 ，超值。最後還忍不住一試的就是日式芝士蛋糕，因為這蛋糕在網上也是好評如潮。今天供應的除了原味，還有綠茶、開心果和冧酒提子三款新口味，不過我還是選了我最愛的原味。蛋糕表層有點焦焦

陪朋友喺附近行街行到肚餓想搵啲嘢食諗起之前住附近嘅人推薦過一間街坊小店所以就過咗嚟試吓洋蔥豬肉煎餃老闆千叮萬囑我哋要趁熱食果然好有道理因為啱啱上菜嘅時候佢果皮煎得好香脆 然後一咬落去啲肉汁就爆出黎加埋少少豉油同餃子汁食更加好食🤤菠菜豬肉湯餃除咗煎餃仲嗌多咗一份湯餃係連例湯上個set仲可以跟飯團個例湯係木瓜雪耳豬腳湯個湯超好飲真係完全係屋企煲出嚟嘅湯味而唔係味精味 成碗比我地飲晒 老闆仲好好幫咁問我地洗唔洗添多一碗個甜品係最有驚喜嘅部份日式手作芝士蛋糕芝士蛋糕甜味恰到好處 加上外皮少少焦香味 好有層次日式焦糖布甸個布甸奶味好濃好香 連埋最底嘅焦糖一齊食 perfect！炸雞個皮好香脆 同埋啲調味同出邊一般嘅炸雞唔同 好特別 南乳豬手豬手煮到好入味 份量好足

星期六朋友介紹，去左深水埗食餃子同埋小食。芫茜豬肉餃 $408隻，啲皮煎得比較香口，金黃色的。裏邊啲豬肉肉質吾錯。我本人鍾意食芫茜，所以加咗啲芫茜落去，就更加啱我口味。滷水雞翼 $254隻，肉質充滿滷水味滷水豬大腸 $20碗米線，加3蚊就有一碗米線，湯底可以揀例湯，豬骨湯，牛骨湯，今日清清地揀左例湯。日式手作芝士蛋糕 $20呢個芝士蛋糕，有好香濃芝士味，值得一試。下次，可以試埋呢度北海道牛乳，用3.0牛奶來做的。

食過返尋味位於基隆街的一間家庭式小店，食過一次又一次，全因為它的芫荽餃子令人難忘！今晚即興和友人晚飯，再次去食先，推介一下。.麻辣雞翼飯 $40 😋😋😋😋價錢真是公道，一個飯還包飲品，份量多，真的很不錯！！.芫荽豬肉湯餃 $36 😋😋😋😋😋一碗有8隻！餃子滿滿芫荽，好濃的味道，喜歡食就十分愛🤤湯底極正！是自家例湯，屋企味道，成碗飲晒都不口渴，無加味精的湯真的好正！.㊙️辣菜圃一定要食！免費添加，送飯送餃子一流！夠辣夠味😋

裝潢簡陋，食物樣子樸實，但這間深水埗小店絕對是誠意之作，至少他的芫荽餃子深得我心。———————————————————-🌸芫荽豬肉餃子$38@8隻（評分8.6🤩）沒爆汁，沒有啖啖肉，勝在多芫荽🧤芫荽處理得很好沒有苦味🙀更有白菜增加口感 芫荽控必食😋 🌸滷水豬腸 $20 （評分7.5 ）沒有什麼特別的但是是好食的豬腸，完😋#家後 #深水埗

今日出到黎深水埗，諗緊晚餐食咩既時候，行到呢間家後見都幾多人排隊，所以決定一試。餐廳雖然唔大，但環境乾淨企理。2個人叫左2個套餐，煎雙拼餃< 韮菜餃和 芫茜餃 >麵同煎洋蔥豬肉餃波菜餃。湯底係牛骨湯，食得出用心烹調，有落配料去調味，好好味，連湯都差不多飲晒!3款餃子都好出色，好足料，煎得好香脆，咬落仲有汁，特別推介洋蔥豬肉餃，出面食唔到呢隻味，洋蔥豬肉配得剛剛好!另外，小食仲點左炸肉丸同炸雞，一樣都甘香脆可口。甜品方面，激讚呢度既芝士蛋糕同焦糖燉蛋! 唔食會後悔~第2日即刻幫襯佢再買甜品!

深水埗地鐵站出基隆街其實只係幾分鐘路程但呢幾分鐘已經好多餐廳好多林林總總美食了家後嘅位置冇咁多人咁雜亂我自己就極嗜好韮菜餃係重複食一個星期都唔會厭嗰種以前喺屋企住嘅時候屋企人會整 之後搬咗就冇遇過好似自己屋企整得咁好味了除咗呢間如果你淨係俾個餐牌我睇然後同我講間鋪喺深水埗我會以為 「咁平 實係好屈側坐得半邊pat pat又油稔稔嗰種」但係唻到就知雖然店面唔係好大嗰種係夠闊絡坐得好舒服的同埋好乾淨好通爽的凍好立克喺試我個重中之重嘅韮菜餃之前我都食咗幾多嘢打底因為呢度都幾多小食揀嗌咗麻辣雞翼尖同麻辣雞腎食得辣嘅朋友可以試吓因為老細話個辣油係自己炒的辣椒油唔擺得耐 擺得耐啲香味會散 所以要自製個飯團都好正 估唔到呢度有日本米製日式飯團仲要熱辣辣 $15 抵過三啖𡁻完嘅華御結雖然我對韮菜餃情有獨鍾但都俾老細說服咗我試吓佢個洋蔥豬肉餃所以呢碟餃子係雙拼唻的雖然我偏心韮菜但其實又真係好難分高下因為洋蔥+豬不嬲都好夾 唔係點會有洋蔥豬扒韮菜餃唔洗多講 香口多汁呢啲好基本個煎餃最神奇我覺得係 佢比一般餃子大 但係仲係生煎 煎到熱辣辣但又係啱啱好熟唔會燶又唔會過熟仲要隻隻都好靚仔咁一樣size老細解釋咗

深水埗出名美食眾多，白天購物後，晚上又到尋找好野食既時候，無意間發現一間名叫<家後>的小店，店舖門外有數名客人在等位，店內坐滿客人，餐牌上有多款湯麵、餃子和小食供應，好奇心驅使下，便和友人進店一試。<牛腩金錢展上海幼麵 $32>湯麵份量不少，牛骨湯底非常清甜，上海幼麵入口夠軟夠滑，牛腩同金錢展肉質都不錯，用料很足，呢個價錢，實在非常抵食。<鹵水豬大腸金錢肚菠菜麵 $32>菠菜麵份量好多，麵本身無特別味道，不過金錢肚同豬大腸都鹵得夠入味，煙韌彈牙，爽滑好食，配無味精豬骨湯底，非常好吃。惠顧湯麵加$5便可以加配飲品，我們選了凍奶茶，夠凍夠大杯，好抵飲。<雲耳椰菜豬肉煎餃/洋蔥豬肉煎餃 雙拼$42>煎餃上枱金黃香脆，新鮮熱辣，即叫即煎，咬落去豬肉汁慢慢滲出，加上紫洋蔥本身特別既香味，令豬肉餃子味道更加與別不同。而椰菜豬肉餃就豬肉味較為濃郁，兩款煎餃都外皮香脆肉汁甜，非常好食，十分驚喜。<家後鮮大腸羹 $35>大腸羹材料十足，每日用新鮮豬大腸製造，夠曬彈牙。其它材料有豆腐、豬紅、木耳、肉絲等，湯底非常清甜，材料豐富

住喺深水埗的朋友都知『家後』呢間舖頭的手工水餃出晒名，而至於『家後』個名，亦有好多解釋，引起朋友仔們的好奇，有說『家後』喺閩南語中係太太嘅意思，而潮州話中對於已嫁的女子來講，就係『娘家人』嘅意思，點都好，都和『家』、『家人』有關，給所有人有家的感覺，而食物對於食家來講，就有家的味道。呢日來到，果然見到唔少手工水餃類别，有8種咁多，分别有韭菜豬肉餃，雲耳椰菜豬肉餃，香菇栗米雞肉餃，洋蔥豬肉餃，芫荽豬肉餃，芹菜豬肉餃，菠菜豬肉餃，白菜豬肉餃，問吓老細，係唔係有齊所有，佢話係，呢樣好難得，好多時你見到好多選擇咁，但可能最後只剩低一半選擇。而食法有湯餃或煎餃两種選擇，同朋友商量咗，想食多D種類，呢個時候老細又畀咗意見，綜合咗老闆意見，湯餃揀咗我喜歡的韭菜豬肉和椰菜豬肉餡，煎餃就試咗從末食過的洋葱豬肉和芹菜豬肉，而呢度仲有好特别的可以揀湯底，湯底亦有3個揀，佢哋係牛骨湯，豬骨清同例湯，好好吖，通常食水餃邊有咁多嘢畀你揀呢??試匀晒4隻味水餃，全部好juice，豬肉味道調較得好好，而韭菜一路係我锺意的，當然唔會差; 雲耳椰菜有口感亦好食; 洋葱就令我同朋友太驚喜，估唔到洋蔥同豬肉咁搭，如果唔係太飽

捱左成個星期，聽日終於放假喇~ 於是就同男朋友去左深水埗度食飯，見到有間手包餃子店有好多人食，我地都一於去試下~由於好多人食，所以都要排下隊，不過我地都好快可以入去，小店出品係咪必屬佳品呢?~有八款口味可以選擇，大多以傳統口味為主，但選擇都唔少，仲可以有湯餃、湯餃麵、煎餃三選一，仲可以配搭套餐，有野飲之餘仲可以揀配麵、飯團同雞翼。【雙拼: 香菇粟米雞肉餃 + 菠菜豬肉餃 (湯餃)】【套餐C: 配鹵水雞翼2隻】我就揀左雙拼+套餐C，兩款餃子都係好足料，餡料脹卜卜，皮又薄又滑，加埋新鮮嘅餡料，鮮味十足又好食。香菇粟米雞肉餃口感豐富，食落有一粒粒冬菇同粟米，味道好突出。菠菜豬肉餃就岩哂菠菜控，姐係我~ 因為有好濃嘅菠菜味，菠菜好嫩唔會有渣。湯餃嘅湯底係是日例湯，就係年藕花生湯，不添加味精，所以味道特別清甜，好似媽媽煲嘅老火湯，最後我仲成碗飲哂。鹵水雞翼鹵得好入味，雞肉好嫩套餐配左一杯凍檸賓，酸酸甜甜好開胃~【雙拼: 白菜豬肉餃 + 雲耳椰菜豬肉餃 (煎餃)】【套餐B: 配是日飯團一個】我男朋友就揀左呢個配搭，每款各有4隻，而且仲加左店家自家製嘅辣菜脯，加埋一齊食就夠哂惹味。是日飯團送過黎果時

我們又來了。。今日黎到比較多人，駿哥哥一見到櫥窗啲芝士蛋糕已經話我要食呢個仲有布甸🍮，我食埋佢（口頭禪黎）等左大約15分鐘就有位，我地坐近門口位置。我地一嗌就嗌左甜品先，因為實在太肚餓。⭐日式手作芝士蛋糕（原味）蛋糕口感軟滑，啖啖芝士味，頂層及底層比內層硬少少，帶有焦焦地味道⭐日式手作芝士蛋糕（綠茶味🍵）同樣蛋糕口感軟滑，綠茶味慢慢滲出，頂層及底層比內層硬身dd，焦焦地味道⭐日式焦糖布甸入口幼滑，用上日本3.6牛奶，奶味唔會好重，配上焦糖甜度剛好。食完甜品，餃子同麵食剛好到來;⭐自選麵食（麻辣豬肚，豬軟骨，蘿蔔，米粉）配牛骨湯麻辣豬肚，豬軟骨，蘿蔔，米粉）配牛骨湯麻辣豬肚絲爽口，豬軟骨大大舊炆得好稔，補充番啲骨膠原😊蘿蔔清甜仲要無渣，好食。⭐韮菜餃菠菜面配牛骨湯餃子皮薄餡又多，韮菜連肉汁咬落去爆汁出黎菠菜面非常爽口，牛骨湯底一啲味精都無食飽飽，我地仲買埋cheesecake回家做飯後甜品🍰🥄如果唔係疫情關係，我想每星期總會來一次。#深水埗美食 #餃子 #日式甜品 #cheesecake #ifood#foodiehk #Japanese #pudding #雙職媽媽#港媽 #香港媽媽

秋季的一個下午，來到深水埗慢活一個下午慢活下，先去到大南街既cafe歎一杯優質咖啡。再逛逛皮革店，很是寫意。難得有個空閒的星期日，專程晚上來到以餃子聞名既餐廳家後吃晚飯，性價比高到不得了！✧✧✧✧🥟 白菜豬肉煎餃➕洋蔥豬肉煎餃 雙拼煎餃子 套餐B $57即叫即煎自家製餃子，餃子皮夠薄身而難得不會穿。餡料好多好豐富，食到粒粒洋蔥、粒粒白菜。老闆極力推介洋蔥煎餃爽口彈牙既白菜🥬和洋蔥🧅，搭配半肥瘦豬肉拌餡，湯汁清香不過濃。煎餃皮煎得很香脆可口，煎至金黃色很吸引。洋蔥🧅豬肉煎餃用了紫洋蔥很爽脆，白菜🥬豬肉煎餃饀調味好夠，少油煎煮值得一讚。✧✧✧✧🥟雲耳椰菜豬肉湯餃 $36湯底用了赤小豆粉葛，並不是老火湯。味道不算濃但飲落清甜舒服。老闆特意不做老火湯的。雲耳椰菜非常爽脆，口感層次豐富。✧✧✧✧日式牛蒡雞肉飯團🍙 (跟餐)  用日本米製造，好味又感覺健康✧✧✧✧日式手作芝士蛋糕🍰$20質地比較實淨，啖啖乳酪芝士奶香，味道好濃郁但口感輕盈，比較起美國過江龍更勝一籌。記得提早來，因限量供應，當日已錯過綠茶芝士蛋糕。有機會會翻啅!✧✧✧✧麻辣雞腎 $25辣汁超級辣，內臟處理得不錯。很好吃!✧✧✧✧老闆

今日嚟到深水埗呢間小店，一入到去有一種屋企嘅感覺，原來「家後」個名係由同名台語歌而嚟🏠餐廳最出名係餃子同cheesecake，當然要試吓😋另外都有車仔麵自己嗌餸揀麵同湯底，同埋唔同小食😍叫咗個洋蔥豬肉煎餃，個皮好香，裏面一咬會爆汁，餡料都好好食，果然值得一試😆除咗平時嘅醋/豉油，餐廳仲預備咗微辣嘅菜脯，同餃子配埋一齊食👍🏻另外我哋嗌咗兩個麵食，麵嘅選擇都幾多，連波菜麵都有，特別一讚溏心蛋好好食😻仲有就係日式飯糰，望落日式而食落又有少少粢飯嘅感覺。飯糰嘅米都係用日本米整成😚食落鹹鹹地～最後就係甜品啦，本身自己都好鍾意食basque burnt cheesecake，不過去過唔同餐廳都係得原味。呢度嘅日式芝士蛋糕竟然有rum raisin,抹茶同埋開心果味😍叫咗我最鍾意嘅開心果味😋除咗香濃芝士味仲會食到開心果嗰種香口，麻麻地甜品被逼食(?)嘅男朋友都讚好食🤣極力推介佢哋嘅自家製cheesecake😻焦糖布甸亦好重焦糖同蛋味，值得一試～

首先想講哩間小店好有住家感覺包括佢哋嘅食物、服務、環境都好溫和親切我好喜歡☺️店內唔算好大但係好乾淨餃子、芝士蛋糕都係自家手工製的我最愛佢哋嘅手作日式芝士蛋糕（$20）啖啖芝士味同奶香滑而唔膩，中間仲係軟心的好味到我打包多件返去做宵夜😝至於餃子分別叫左🥟雲耳椰菜豬肉湯餃（$36/8隻）、🥟洋蔥豬肉煎餃（$40/8隻）餃子皮厚薄適中，帶點彈性，餡中菜同肉嘅比例都剛剛好，調味唔會太濃，食到蔬菜嘅鮮甜爽脆。湯餃個款係用左粉葛湯，飲落冇味精，感覺好健康👍🏻。而煎餃香脆，唔會油淋淋，紫洋蔥味好突出，喜愛食濃味嘅朋友會鍾意。✨佢哋個自家製菜圃都好好食！好香但都幾辣。至於小食我哋叫咗炸肉丸，雖然好香脆，但感覺上肥豬肉比較多，食多會有少少膩。🔸整體感覺非常良好，味道就好似屋企食飯咁，唔會好濃味、好多味精。到而家我仲係會不時掛住件芝士蛋糕，下次去開SSP又再去回味一下先。