家後

营业中

休息中

上次食過一次 又抵食又高質 決定再encore好彩七點過到嚟嘅時候啱啱好有位 唔洗等嗌左個芫茜豬肉湯餃啲芫茜味好濃 但又唔會蓋過晒豬肉嘅香味 跟餐湯上 個木瓜雞腳湯飲落冇味精味 就好似屋企煲出黎既湯咁再叫多個南乳豬手南乳味既鹹香好夠 好啱用嚟送飯！

深水埗一向都係好多好野食，今日就黎左一間專食餃子既小店好耐冇食過餃子，見到呢間家後就俾佢吸引左入去餐廳吾算好大，不過幫襯既人都幾多，有時吾想食飯，食餃子都係好吾錯既選擇餐牌除左招牌既餃子外，仲有飯，車仔面選擇，價錢亦合理。有一重大亮點，竟然有芝士蛋糕同日式焦糖布甸食，二話不說就點左先黎小食鹵水豬大腸，一睇個顏色已經知道好入味。食一啖真係入口即化，完全吾會有油膩既感覺，鹵水既香味係口中揮之不散香菇粟米雞肉湯餃面，簡左牛骨湯底。水餃大大粒，皮薄餡靚，材料新鮮，果然不同凡響。湯底清甜，完全吾會有味精既感覺再加左個豬骨湯面，湯底十分濃郁，好香豬骨味小雲吞細細粒，一口一粒，吾使一陣已經俾我一個人ko晒又點少得煎餃呢，我叫左我最鐘意既韭菜豬肉煎餃。外皮煎到金黃色，食落脆卜卜，煎餃內充滿肉汁，韭菜吾會起渣。辣菜脯係必食，果種香辣味係會上癮終於到左甜品時間，抹茶芝士蛋糕食落勁幼滑，芝士味同奶味都好濃郁，自家制果然係吾同D, 真係食到停吾到口。焦糖布甸同樣出色，3.6牛乳製好香濃。呢兩個甜品可以俾100分呢間小店既食物，食得出都係用心制作，最驚喜既係可以食到如此高質素既甜品，下次一定會再黎幫襯

想試日式食品及煎餃子，「家後」必定係好多人的心水推介。煎餃套餐賣點係即叫即煎，材料新鮮，而且大大隻，份量十足，煎好即熱騰騰送上枱面，配埋辣味十足嘅菜譜，美味無窮好似我哋叫嘅芹菜及菠菜豬肉餃子，兩款蔬菜都非常新鮮，配合豬肉香甜鮮味，煎得香香脆脆，一般人都不能抗拒。 而且配有日式住家牛蒡飯糰健康有益，再加冷熱飲品選擇，誠意十足。日式炸雞一碟四件，薄身粉漿，就算大大件都炸得脆口，入口鬆化，又保留到雞味，值得推薦。再有秘製炸雞翼，雞翼醃得入味，炸到金黃色，色澤通透，少少辣味，回味無窮。叫左碟菜心，食下蔬菜平衡下人氣之選係每枱必點嘅日式手作芝士蛋糕，今日係抹茶味 ，睇落細細件，但係味道完全令你徹底融化，因為質地極緻幼滑，芝士抹茶味充滿地道日式風情。可惜係未能嘗到店內另一人氣甜點，日式焦糖布甸，使用北海道牛乳3.6，每日限量，惟有下次早少少去幫襯。

/深水場係平民區❤️黎到平民區緊係要推介平靚正美食比大家啦😇仲要係黃店，點可以錯過呀🤤身為餃子控既我點都要去試下☺️.🧅洋蔥豬肉餃，菠菜豬肉餃 $42我特登帶媽媽黎🤣因為佢中意食洋蔥餃子🥟洋蔥味好出❗️出乎意料之外，就算唔中意食洋蔥既，都好似有少少中意左佢❤️菠菜豬肉，煎完啲餃子外脆內軟🥰菠菜味仲要爆晒汁🤣依到既煎餃煎得好靚😇一定要親熱食♨️甘先係最好味😋.🍙是日飯團 $15飯團用既係日本米❣️熱辣辣送到我手上😋個飯團唔會話好實，不錯啊😆細細舊再加8隻餃子🥟都好夠飽🥳.🥟韭菜豬肉餃，雲耳椰菜豬肉餃 $38自家制湯好足料😋最重要既係飲唔到味精❗️.🍰日式手作芝士蛋糕$20最後一件係我手上😚有綠茶味同原味，好香同好滑🥰綠茶🍵咪就好濃🤤如果叫左依兩隻味，要食左芝士味先再食綠茶味💓

有一日去到深水埗夜晚想食light d 就諗起餃子Search到呢間叫<家後>嘅小店見價錢合理就入咗去試🙆🏻‍♀️我地叫咗煎同湯餃 分別都係8隻 湯餃我揀咗雙拼 加$2 🌟雲耳椰菜豬肉湯餃拼香菇粟米雞肉湯餃$38 呢碗餃子一上枱 我即刻嘩咗一聲😱😱因為佢個湯底好似媽媽平時煲嘅葛湯😍😍一飲係熟悉嘅味道 冇味精仲食到細細舊粉葛同有d紅豆係會令人清晒嘅湯底! 湯餃就不過不失 皮唔算太厚餡料唔算好多 冇嗰種驚為天人嘅感覺反而有一份家庭式嘅溫暖🥰🌟韭菜豬肉煎餃 + 套餐 菠菜麵 $55本來我都對煎餃冇咩期望但即叫即整等咗15分鐘 老闆都好好人不時同我哋講唔好意思要我哋等 仲幫我哋refill左啲菜圃😂😂🙈🙈到一攞上嚟嘅時候 我望住個八粒濺到飽滿嘅餃子🥟 心裏面覺得 廚師真心犀利 可以將每一隻都煎到金黃色好香脆但又唔會燶！咬落去唔會好油膩 覺得比湯餃更出色🤭🤭就算要我一個人食八隻都一定食得晒😆😆🙊而係等緊煎餃嘅期間我就心思思想嗌佢哋都出名嘅芝士蛋糕差唔多每一台食客都有嗌最後我叫咗一個🌟原味嘅芝士蛋糕$20 真係好出色 芝士味好濃保留到蛋糕嘅質感 但又做到好柔軟每一啖都好似食緊濃濃嘅芝

朋友去到深水埗食晚飯，想食吓粉麵之類，見間舖外面有人等位，一於入去試吓。入內見裝修有自己特色，亦有地道街坊感覺。點咗個煎餃套餐，芫茜豬肉餃子材料好新鮮，即叫即煎，金黃色外皮夠吸引，爆汁又好juicy，味道一流，正呀！另一款香菇粟米雞肉餃子，雖然未及豬肉餡嗰味咁突出，但一樣鮮甜無比。套餐有埋個牛蒡飯糰，用日本米加牛蒡做料，味道特別，清新健康。配上一款自選冷熱飲品，大大杯凍檸檬茶，好滿足。跟住有福建鮮大腸羹，即叫即煮，保持大腸鮮味，配料極之豐富，有雲耳絲、肉碎、豆腐粒、豬紅及薑絲，濃稠順口，雖然大腸味未必人人接受，但都可以一試。另外，朋友叫咗咖哩吉列魚柳飯，魚柳炸得脆口，咖哩濃香惹味，配埋飲品，非常飽肚 。加埋小食有鹵水雞腎，夠爽口入味，送飯一流。老闆全程用心包製各式餡料嘅餃子，供不應求，仍然細心同食客傾談，了解食客需要，並提供意見，確係難得。小店用心經營，值得再幫襯。

深水埗的美食選擇很多，窩夫與蝦子餅間中都會去吃蛋牛治、豬膶麵和車仔麵等。日前終於光顧了久仰大名的「家後」。未看餐牌已經有兩大目標，分別是手工水餃和芝士蛋糕。蝦子餅點了韭菜豬肉湯餃米線($40)，湯底可選牛骨湯、豬骨湯或是日例湯，當天的例湯是窩夫喜歡的粉葛赤小豆湯，所以選了例湯。例湯很有家的味道，真材實料，不含味精。韭菜豬肉餃有六隻，雖不是店長推薦的口味，但水準亦很高。窩夫點了雙拼煎餃($42)，雲耳椰菜豬肉餃拼芫茜豬肉餃，各有四隻。餃子煎成金黃色，賣相非常討好，咬下去薄薄的餃子皮煎得香脆，裡面肉汁豐富，調味不會太重手，不會蓋過餡料本身的味道。光顧的時候抹茶味日式手作芝士蛋糕剛售罄，可選原味、開心果味或冧酒提子味。第一次吃所以選了原味日式手作芝士蛋糕($20)，芝士蛋糕做得很出色，不愧為招牌菜，芝士味香濃，不甜也不膩。除了招牌芝士蛋糕，還點了日式焦糖布甸($20)，驚喜之作，滑滑布甸充滿濃濃蛋香，帶有焦糖的香味，不像日本出品的那麼甜，叫人一試難忘。

係深水埗周圍行尋寶 行到咁上下都肚餓又到夜晚睇吓今晚食啲咩行咗幾條街突然見到有間專食餃子嘅小店唔理咁多一於入去試試有湯餃 煎餃俾你選擇本人鍾意食香口野 梗係揀煎餃啦叫咗份套餐C韭菜豬肉煎餃配滷水雞翼兩隻煎餃賣相非常美觀 皮薄餡靚豬肉唔會太多肥膏 韭菜夠香 滷水雞翼真心唔錯滷水味濃 啲肉都係充斥住滷水味唔係剩係得個表皮上色另外一份叫咗套餐B洋蔥豬肉餃配飯團一個比較少食洋蔥配豬肉佢又做得唔錯喎洋蔥味唔算好濃烈 但整體來講係好食嘅飯團指明係用日本米 飯團夠煙韌味道恰到好處 小食叫咗麻辣雞腎 夠曬爽 & 辣家後鮮大腸羹呢碟有驚喜 唔會有臭大腸味份量足料 有豬肉絲 雲耳絲 豬腸 豬紅好好味😋 甜品方面叫咗開心果蛋糕開心果味非常之出 口感軟滑下次食埋原味芝士蛋糕先

深水埗呢個地方係屬於超多隱世食店既地區，佢哋好多食店雖然無刻意大肆宣傳，但卻能以人傳人既方式得到優質口碑及吸引客人刻意前往幫襯，就以呢間小店為例，都是從同事口中介紹過嚟一試。此小店名為《家後》，聽名字已經有種家的感覺，一進店內，老闆及姨姨即上前熱情招呼，又介紹佢哋既餃子最為出名，眼見絶大部份都是街坊客或者是熟客，每一位進店既人客都能夠跟老闆談天閒聊，應該已經幫襯以久。除了馳名餃子，還提供各類小食，飲品，最近還提供飯餐可給客人多一個還選擇先上家後鮮大腸羹，味道鮮甜，大腸清洗得非常乾淨，沒有半點異味及肥膏酥脆炸肉丸，粒粒形狀一樣麻辣雞翼，味道適中，雞肉嫩滑麻辣雞腎，好爽口，唔硬招牌牛什，材料新鮮而且夠入味老闆推介，洋蔥豬肉餃及莞茜豬肉餃各半，配上辣菜譜，呢個必食推介👍🏻👍🏻👍🏻甜品，原味芝士蛋糕，啖啖濃香既芝士，加上面頭有輕微焗過，㚈脆內軟溫馨提示：如想食煎餃子，最好一坐低就order啦，因為即叫即煎，製作需時

我相信唔少喺深水埗出沒嘅人都會識「家後」，因為佢嘅出品高質，同事甚至會買生餃返屋企煮。雖然佢位置係喺深水埗，但其實都偏離中心地帶，所以佢有高人氣全靠實力👏。呢日我同飯腳同事去食，佢竟然話未食過，真係估佢唔到😱。下午一點半鐘到達餐廳，唔意外地要等位，大約等十五分鐘吧。餐廳面積唔大，但環境都算四正。由於堂食同外賣訂單都非常多，所以出餐真係要啲時間。不過老闆好好人，百忙之中仍保持禮貌，亦會向食客推介有乜招牌菜😁。小店除咗賣餃子之外，仲有車仔麵同各樣小食，選擇幾多元化，最重要係價錢好相宜！不過最估唔到係小店有賣甜品🍮，我回想番我第一次幫襯真係覺得好Surprised。我哋兩個人食咗好多嘢🤤，因為同事話想乜都食下，我當然奉陪到底！煎餃($40/8隻, 雙拼加$2)，🥟手工水餃係必點項目，可以揀湯餃、煎餃或者湯餃麵，我哋要咗煎餃，因為感覺香口啲。煎餃真係煎得好出色，底皮煎到金黃香脆，而且餃皮偏厚，🈴️適合用嚟煎。餃子口味有八款揀，西洋菜口味可能因為時令關係所以停售，我哋揀咗菠菜豬肉餃同芫荽豬肉餃。本身我好驚芫荽🌱嗰款會好大味、好難入口，點知完全相反，味道特別，有浸獨特嘅香氣，令人難忘兼回味，必食！但

今晚和朋友到深水埗覓食，在基隆街發覺一家餃子店名為"家後"，覺得名字頗為特別，於是和朋友決定進去一試。進去後被店內標語吸引，"吃了家後餃子、夢想從這裏起航"。後來和這裏的負責人閒聊，他們這店原先主打餃子，但為免太單調，所以加入了許多菜式。既然主打餃子，當然不會錯過，於是和朋友各點了一客洋蔥豬肉餃和芫茜豬肉餃，果然是這裏的招牌菜式，煎得來餃皮不會太乾、太硬，內裏肉汁鲜美，洋蔥和芫茜都很新鮮，知道有些人不喜歡洋蔥和芫茜，但幸好我和朋友皆好此道，正中下懷。隨碟附上的菜甫也不要錯過呢！我們根據菜牌推薦也叫了一個家後鮮大腸羹，一碗份量足夠兩人分享，這個羹有幾種食材調味而成，當然主角是大腸，製作大腸最難就是劈除那陣"壓"味和腸內的肥膏，而這羹就正正就能做到，唯一可能有人會覺得這大腸做得較靱，老年人牙力不好不太適合，但對於我們這等年青人反覺更有口感！另外，我們也點了一個招牌牛雜，這個菜和其他的粉麵舖做的有點不同，味道比較清淡，不像坊間的太鹹，蘿蔔尤其鮮甜，牛筋、牛肚等也不會太靱那個湯小雲吞也值得推薦，小小一口雲吞，内裏吃得出胡椒粉伴隨饀內，非常美味。我們還點了麻辣鷄翼、鷄腎、酥脆炸肉丸，真是色香味美

約左朋友係大南街附近開了不少文青Cafe本身想坐低飲嘢食嘢但Cafe真係乜都無得食咁唯有係左近睇下有乜嘢食比我揾到呢間家後（先前睇以為叫家俊添。。。）本身無乜期望但一試後就要推薦家後比大家menu上有幾類食品有車仔面，有牛腩牛內臟類食品，又有小食咁 menu上有幾款打星既食品其中試了其強硬推介既豬腸羹豬腸豬紅爽口，湯甜料足另外再要咖哩牛腩飯牛腩夠淋入味價錢適中。佢另有手工餃子都係出名之作，下次必食。

🤭有一次經過呢度見到好多人排隊食😨於是就網上睇吓食乜嘢既～見到啲餃子都幾吸引，於是就今日就嚟咗呢度食❤️雖然中間落錯單，送錯咗食物，但員工都好Nice，即刻更正番～再重新整過一份俾我哋，所以明白體諒小店一腳踢🤗不過由於店舖座位唔多，如果唔想排隊，就避開繁忙時間🙆🏻‍♀️食完之後都有驚喜，以下係詳細嘅食評🤡.

在weekday放天假，吃個 late lunch, 就去暢遊新裝潢之下的大南街。漫無目的想找間小店，“家後”是自家製餃子，而門前卻放了幾款日式蛋糕，就入去試一試。想飲下無味精既湯，所以order 湯餃。見到有“芫荽控” 聖物，就叫左 “芫荽豬肉餃” 拼 “香菇粟米豬肉餃”。 個湯係粉葛赤小豆，清熱去濕 👍🏻 兩款餃真係鮮製，我坐在店長老爸前面，老爸一直戴著口罩埋頭專注包餃，中間有同太太用鄉下話講兩句，“家“既氛圍就係咁簡單。以餃論餃，已經好抵食，雙拼加杯熱飲，盛惠$43！好驚喜既係，附送辣菜甫，我最怕死咸的菜甫，呢個絕對係水準之上，$43換黎我一個 ME TIME 😎😎😎

這間小店，位於布行雲集嘅基隆街裡。入去見到男店主在食飯中，但佢見到我時即時歡迎和讓座，我就坐下。店內有多款餃子和芝士蛋糕口味，問男店主什麼好推介，他也一一介紹。我坐下食飯時，聽到左右枱都係熟客仔，同男店主閑聊。食到件芝士蛋糕，也同男店主討論一下芝士蛋糕的製作和質感，好有街坊feel，好親切😄雲耳椰菜豬肉湯餃 (HK$36/8隻)第一次見餃子配粉葛豬肉湯，足料無味精嘅美味靚湯。餃子大隻，薄皮，多餡，爆汁，味道正👍🏻日式手作芝士蛋糕 (HK$20/件)切下是，蛋糕厚實質感，但入口係綿密軟滑口感，中心是半熟半流心狀態，食到近後面，會有少少焦香味道，好正呀😋熱檸蜜 (跟餃子+HK$5)滋潤潤喉，調味到酸甜適中，好好飲。