家家戶戶

营业中

休息中

無得去韓國唯有去韓國街止下渴!!雖然難啲幻想到!!!無計啦唉!!!韓式牛肉炒粉絲 $62 (lunch set)自己都試過買韓式粉絲同牛肉汁整，但始終都係整唔到佢咁好味!!佢個汁真係好濃牛肉味，粉絲好煙韌，索曬啲牛肉汁!!好滿意有海量既洋蔥同椰菜，lunch set份量都算多，2個人食絕對足夠!! 海鮮煎餅 $69依個海鮮煎餅真係每次幫襯都必嗌，絕對係食過一次番唔到轉頭😂雖然好似有d燶，但唔燶燶地又唔夠脆卜卜喎😇好鐘意依個煎餅既質地好煙韌，厚身得黎唔會實的的，證明粉漿整得好好👍海鮮、大蔥令到煎餅既口感更佳，食落好香口😻紫菜卷 $39食韓國菜當然要嗌埋紫菜卷先夠圓滿😻見到塞得滿滿既材料真係好治癒😋2個人食咁多野，好飽呀🐷

小編好多年前響韓國菜剛興起時成日去哩間，因為佢係基本既韓國菜都有，同埋價錢相比個度韓國街既韓食店黎講算係抵食（40-100蚊/蚊不等）有得選擇單點或跟餐，而餐就有前菜小食泡菜同湯，雖然現在的水準沒以前那樣好，但環境同食物質素都是不錯，店內環境好適合同朋友情人黎打卡及聚會🍽鍾意食韓菜既你地又唔想食咁貴都可以試下同朋友黎打卡🇰🇷 服務：⭐️⭐️⭐️⭐️價錢：⭐️⭐️⭐️⭐️食物：⭐️⭐️⭐️⭐️性價比：⭐️⭐️⭐️⭐

呢間幫襯佐好耐，以前係堂食食得多雖然上菜好慢，不過食物都唔錯琴晚外買晚餐，呢個素質真係嚇親我我買佐一份泡菜湯同炸醬麵呢份泡菜湯份量好少仲係無味料幾塊泡菜加兩塊豆腐同三塊豬肉真係好似水一樣而且同之前堂食個味道完全兩回事今次淡到真係無咩味道而個炸醬麵不失不過，都好普通講真真係無下次

忽然想食韓國餐 梗係去尖沙咀’韓國街’搵食成條街都係韓國餐廳 外賣 堂食 雜貨舖都有行到街尾就係依間見menu好似ok 就入去落單係自己寫no.選擇真係多到我揀唔到🙈因為咩都想食一開始想試韓式雞肉粥 但係驚太齋 所以諗咗15分鐘 最後點咗個 豉油雞飯 ($55)比相像中豐富 好多前菜👍🏻芽菜同韮菜都好好食 好開胃咬落清脆泡菜應該自制 味道一般 比較酸 唔算好濃味同太辣 👎🏻香腸就麻麻地 食落冇香腸味 醬料甜甜地 但係同香腸唔夾紫菜湯都唔好味 紫菜完全唔似紫菜 一舊’梅梅’地嘅嘢咁 而且湯唔香 只係似飲緊有油嘅水...🍚米飯遍硬同乾 唔好食...可能我已經食關咗珍珠米 (上2篇食評嗰2間都係靚米)🐓至於雞 份量大方 都多嘅 同埋似用新鮮雞脾肉整 食落淋 不過唔算滑嫰 多肉 帶少少肥膏 味道...原本應該係豉油味 但係我只係食到重重嘅黑椒味🌚伴隨好多椰菜絲 不過冇咗椰菜香甜清脆嘅味道-份量就好足嘅 尤其雞肉可惜味道好麻麻地😢嚴啲講係唔好食入面環境燈光較黑 座位就寬闊嘅服務好麻麻啦 係啲外藉人士開 (國藉似菲律賓？唔肯定）就一定唔係香港人／韓國人要紙巾 佢就咁指 叫我自己攞衞生可挑剔位係佢啲

以前lunch最鍾意喺度食因為好食得黎 環境都幾舒服但而家越嚟越難食 上次嗌左個牛肉石鍋拌飯同芝士辣年糕個拌飯食到最後 底個啲飯全部燶晒黑哂 明明一已經一路食一路keep住攪 唔會再幫襯

好耐無食過韓國野, 於是屎忽痕係韓國街搵食😂行過見到間野好似幾有feel就入左去啦😊呢間主要食韓國住家菜咁, 連入面d裝潢都好屋企feel🏠我地唔知道原來set包左飯, 以為得d前菜, 仲叫左炒飯變左飯筒食左勁多carbs😂🤦🏻‍♀️唔加set嘅價錢減$10就啱喇😂 前菜must have嘅泡菜好好食唔會太辣啱哂我😚. 牛肉鍋 . $95 (set)見個鍋乜都有d就想試!! 入面有牛肉啦年糕啦粉絲豆腐雜菌洋蔥勁豐富😙😙仲要個湯好熱甜甜地唔會好咸撈飯係好食嘅😋入面仲有好多粉絲😇d料好好食除左個牛有d失望比較鞋同無乜味😗. 泡菜炒飯 . $78 (set)泡菜蛋炒飯呢個個人覺得好食過牛肉鍋🤩隻蛋好靚燶邊😋除左紫菜絲之外仲有一塊塊紫菜可以撈正!!炒飯份量都幾多set配左湯都好飲😙. Raspberry wine . $94呢個似紅酒但好易入口😋好啱女仔飲😚好有果味☺️呢間算幾抵食份量又多👍🏻比較多韓國嘅平民野好似炸醬麵呀石鍋飯海鮮湯泡菜煎餅😉會想再去食😋😋😋推介: 🌟🌟🌟🌟(最高5星)

從未試過咁難食既韓國菜!見間餐廳都算多人食，menu亦正正常常，諗住唔會差得去邊，就入去試下啦我地兩個人叫左飯卷、人參雞湯同韓式牛肉石頭鍋飯飯卷唔香，包得唔靚，味道尚可石鍋飯個鍋係夠熱，但熱到有燶味，辣醬又唔香，得個辣字唯一可取係人參雞湯都算清清地有啲人參香味喺韓國街食過咁多次，從未食過咁難食既韓國菜，完全零香味雖然配菜好齊全，但只係好普通既配菜，一啲都唔精緻，又唔好味侍應服務態度好一般，要行出櫃枱先搵得到佢，餐廳又好似唔夠冷氣咁，開埋風扇都仲係熱到出汗咁樣都要280蚊，不了。

韓國街相比尖東嘅韓國餐廳抵食，天氣咁靚，行多幾步當散下步。menu 都多選擇，有學生價，雖然我唔受惠，不過都欣賞，另外有個是日特價，59蚊，今日係雞肉石頭飯，同事揀咗呢個，我就揀咗海鮮豆腐湯。好迫，檯已經好細，上面仲要有自助餐具同水樽，二人檯，旁邊又放滿好多汔水，真係好迫，石頭飯等咗差唔多15分鐘，上菜時原本放係檯面嘅小銀包都要攞走，如果唔係無位放，重要野要講三次，真係好迫。前菜跟餐一齊上，每人有四碟，份量係多，出面通常係2個人4碟，我個海鮮豆腐湯其實無乜海鮮，得墨魚同蜆，不過仲有隻蛋，豆腐好多而且好滑，呢個讚，湯有少許辣，係我接受倒嘅程度。

而排要四出去周圍食下野抖下氣，困左太多日係屋企啦，又無得去旅行所以要食下唔同國家既美食平衡下心情😩今日就出左去尖沙咀韓國街搵野食，由於有限眾令每間餐廳都要排隊，我地睇完就排啦，點知都好快有位，入座前仲會量體溫同有消毒酒精搓手，每枱都分格一點五米👍🏽我地兩個人叫左一個豬肉頭腐湯同一個燒牛肉，個頭腐湯唔算好辣岩岩好，啲豬肉都唔會好韌，好有豬味，其他料都好足，好夠飽，仲加上有泡菜同其他小食牛肉一份都有好多件，好濃既牛肉味好多汁，好易送到一碗飯，佢都係一個餐黎，有晒泡菜同湯😉

突然想食韓國野🇰🇷係韓國街搵左間小店唔洗等位有得食我地叫左泡菜炒飯 $78好有住家炒飯既感覺有隻煎蛋🍳同紫菜 配埋一齊簡單又好味😋牛肉鍋 $95🐂🍲湯底好甜好好飲😋😋飲完都無口渴有年糕 粉絲同大量菜可惜牛肉頗為普通跟餐有小菜呢度既泡菜無韓國咁辣好岩我食😍豆腐口感紮實綿密😋仲叫左覆盆子酒 $94🍷有少少紅酒既感覺但無紅酒咁澀 甜d果味多d 容易入口整體黎講小店好有住家感覺用餐感覺舒適而且價錢相宜

I seem to recall that the lunch hours over here are pretty good, and extend all the way to three.They have a number of interesting sets here, and though they cost a little more than some of the other options here, I think they’re definitely worth it. I got the spicy pork set, which cost about $80, and tasted pretty good.The only thing I would change about my dining experience here is to remove the soup. It didnt taste very good, so I probably wouldn’t drink it again.

今日專登嚟韓國街買材料諗住之後整韓國料理 買完已經八點幾，晚餐就直接喺呢度解決 由街頭行到街尾，有好幾間都好多人但武肺流行既呢個時勢，想揀返啲人少少嘅餐廳 行到街尾呢一間，似乎人比較少 食客們都好主動咁樣分隔一段距離坐， 於是就決定呢一間 炸醬麵套餐 $65套餐包2隻餃子同蔬菜清湯，仲有前菜小碟泡菜&醃蘿蔔 炸醬麵味道唔算好濃郁，偏清淡，但食完唔會膩 個人係幾鍾意呢種味，反而麻麻地食完好膩嘅炸醬 一份面兩個人分，啱啱好，可以再加其他小食餃子煎得好香好脆，唔錯 泡菜味道太淡，一般蔬菜清湯胡椒味過重，FAILED DER炒年糕(芝士) $63 炒年糕味道好大路，基本上都唔會難食 年糕煙煙韌韌，好鍾意呢個口感，醬汁辣得嚟都幾甜 但成片未溶既芝士撻喺面，係有啲求其紫菜捲 $43 紫菜飯捲入面有蛋、紅蘿蔔、火腿同埋漬蘿蔔 味道普通，唔算好特別 除非你好鍾意食飯卷，如果唔係可以SKIP呢個試其他小食仲好

尖沙咀金巴利道一带，是个小韩国，有很多韩国餐厅与韩国食品杂货店。今天因事来到附近，就想着吃个韩国午餐。原来金巴利道近柯士甸道那边的韩国餐厅，很多都不做午餐，或没有午餐套餐。但走进小街金巴利街，则每家餐厅都开，都有 Set Lunch.我挑了这家颇有浪漫气息的小餐厅，家家户户。套餐都是 60 - 70 元不等，也算是不错。海鲜豆腐汤，没什么海鲜，我也觉得可以接受。汤的味道还可以。附送了 4 小碟的泡菜，也不错。但白饭比较失色。整体还是不错的。

大家好，第一次在這寫食評。今日黎到尖沙咀，黎到了人稱韓國街既金巴利街，行到呢間幾有韓國feel既餐廳,即刻想入去試試。首先叫左兩個set，一個係辣泡菜豬肉飯，另一個係辣泡菜豬肉炒烏冬，佢地既辣泡菜豬肉其實好出名，所以要叫兩個都係辣豬肉既set。佢呢度可以比你揀要set或者唔要，價錢只係相差十幾蚊，咁set入面會多左一碗湯同埋四款小食之類（應該係每次不同的）。重點係佢地既辣泡菜豬肉真係一流，佢地既泡菜辣得黎又唔會太超過，而豬肉亦都好大片，夾埋一齊既口感好正。而我個人黎講，係一定要配埋飯先係絕配，係令你會大口大口咁食落肚既感覺，相反如果係炒烏冬的話，佢都炒得頗入味，但係要配飯先有果種感覺。兩個人食左大約$170，係尖沙咀黎講，都算平民既，有興趣嘅一定要去試試佢地既辣泡菜豬肉。正！

曾經我都覺得這間小店,又經濟又實惠,味道都可以! 但經過今日嘅午餐! 令我以後都不會再幫襯! 😖我叫咗韓式辣炒豬肉飯......(因為之前食過,覺得幾好食)..所以今次再叫! 😩⋯⋯點知出事! 由於太肚餓,我立即食哂配菜先,再食辣豬肉! 食第一啖.....已經知道中伏☹️⋯⋯點解冇辣味😨??? 得酸味⋯⋯我以為自己問題! 再試! 真係想鬧人! 成碟野酸😖到食唔到! 重要豬肉片得四片, size 細過我手指公! 都算啦! 唸住求其食飽就算! 但無奈地, 酸菜加白飯, 頂! 真係好Q難食! 最終前前後後, 我只食三啖,就埋單走人!我重專登問個侍應.....頭先個碟真係韓式辣炒豬肉飯？？ 佢答我(係)😱! 我只係同佢講酸到食唔到! 成碟冇用過咁! 張單重打錯係牛肉飯😔