家家戶戶

营业中

休息中

去完韓國返嚟之後好掛住韓國嘅味道，今日就嚟到呢間餐廳試吓🤓🔖韓式雞肉石鍋飯💰109呢個石鍋飯望落去色彩繽紛，已經夠晒吸引🤓菠菜、芽菜同紅蘿蔔絲等等😚食之前先撈勻，令到飯粒可以沾滿蛋黃漿同埋辣醬，每一啖食落去無論係味道定係口感都非常有層次😌重點係夠晒熱辣辣，底下仲會有飯焦添，脆卜卜，夠香口啊😍💫推薦指數: 8.5/10🔖純豆腐海鮮湯💰99呢個海鮮湯都有唔少嘅配料，除咗有嫩滑豆腐之外，仲有蜆肉、蝦同魷魚🦑雖然個湯望落去嘅顏色都幾紅，但係唔使擔心會好辣🤣今次我哋仲成功發掘一個隱藏食法，就係將石鍋飯嘅飯焦浸入泡菜海鮮湯入邊，超好食🤤💫推薦指數: 8/10🔖蜜糖蒜蓉炸雞💰93一上枱嘅時候已經聞到好香嘅蒜蓉味🧄炸雞脆卜卜，入面都算juicy，仲有甜甜嘅蜜糖味🍯雖然真係幾邪惡，不過嚟到都一定要試吓啊🤭💫推薦指數: 9/10-溫馨提示👉🏻韓式雞肉石鍋飯同純豆腐海鮮湯都有配咗四款唔同嘅前菜，而石鍋飯更加係會有埋海帶湯㗎🤓另外仲有益力多添啊😋

家家戶戶支封小店既我，今日帶朋友去咗韓國街一間小店食韓國菜。呢間小店雖然地方唔大，但裝修頗有心思，令我地好似置身傳統既韓國家庭一樣。😊坐低後店員同我地解釋咗各種配搭同套餐組合，基本上所有傳統韓國野食都一應俱全。係花多眼亂既情況之下，我地當然參考下四圍啲人食咩，最後叫咗兩個套餐。😍😍首先，第一個黎既係牛肉石頭鍋飯。石頭鍋飯材料豐富，有芽菜，菠菜，牛肉，生雞蛋同埋韓式辣醬，攪拌之後香氣四溢，好有以前係韓國感受過既傳統韓國風味。味道頗辣，但屬於可接受範圍之內。而重點係鍋底既飯焦，甘黃香脆，令口感更有層次。🥰🥰另一款我地叫咗海鮮炸醬麵，份量好大份，而海鮮主要以魷魚同埋蝦為主。炸醬麵味道同係韓國食既味道好相似，令我好懷念上年去旅行既日子。😍😍另外，兩個套餐都有跟幾樣小吃，而我覺得最出色既係呢到既泡菜同埋醃黃蘿蔔，兩款都刺激到我地既味蕾！😄😄

黎到尖沙咀嘅韓國街 點可以唔入去食返餐正到爆嘅韓國菜🥢入到黎家家戶戶 佢嘅裝潢令我好似置身韓國家庭，環境舒服 唔會坐到好逼🥢純豆腐海鮮湯🥢呢排天氣咁凍 最岩食呢個豆腐海鮮湯，辣辣地 食落好暖笠笠🤭豆腐同海鮮好足料，海鮮食落都好新鮮👍🏻🥢牛肉海鮮辣湯鮮🥢呢款同樣係辣辣地，牛肉唔會鞋。同埋佢係用一個類似烏冬面做底，份量超級多😅兩個人食都得🥢芝士炸雞🥢必點炸雞，即點即炸 外皮脆 雞肉嫩，整個外皮都鋪芝士粉

隨便搵個晚飯食下，兩個人唔知食咩好，經過尖沙咀韓國街入左去間韓國餐廳叫左兩個餐。韓式牛肉石頭飯🥘一黎到已經聞到香噴噴，牛肉份量又多，撈埋生雞蛋同韓國辣醬就好惹味喇，重點佢地有飯焦超鍾意食，配埋幾小碟前菜，樣樣精緻好好味😋純豆腐海鮮湯🥘辣度係接受到嘅，豆腐吸晒d湯滑得黎好好味🤤其實裏面仲有隻蛋係到，加埋海鮮好正😊將碗飯放埋落去先最好味，吸晒d湯👍🏻👍🏻👍🏻小小心意就係有兩支韓國版益加多😍

又係時候同媽媽撐枱腳 今日依舊帶佢食佢favourite韓國菜嚟到韓國街 見到呢間幾有家嘅感覺 同埋有啲韓劇feel個名又講到明家家戶戶 就同媽媽入咗去坐低食飯大約6點鐘未有人龍 so lucky 走嘅時候已經排晒隊餐牌好多嘢都想食 啲套餐組合唔太貴我哋2個都叫set 套餐配4款小菜跟 泡菜 腐皮 韮菜今日凍凍哋 所以叫啲暖胃嘢🔹️韓式雞肉石頭飯最緊要有飯焦🤤 而且夠熱好多菜 翠玉瓜絲 菠菜 大豆芽唔想咁辣 可以撈勻前撥走辣醬先🔹️純豆腐豬肉湯個湯甜甜哋但辣度十足超多豆腐 勁滑 豬肉係半肥瘦切粒嘅

今日又嚟咗呢間小編讀書時期食過嘅韓國菜♥️餐廳位於尖沙咀，服務員全部都係韓國人，感覺去咗韓國咁🤣泡菜豬肉鍋:泡菜豬肉鍋絕對是一道讓人垂涎三尺的料理。豬肉與醃製過的泡菜燉煮在一起，散發出濃濃的香氣，味道鮮美香辣。湯底是整個鍋子的靈魂，帶有泡菜的酸辣風味，配上蔬菜和豬肉，好食韓式牛肉炒粉絲:炒粉絲是韓國料理中的經典之一，牛肉和粉絲一起爆炒，入味鮮美。加上各式蔬菜和調味料，風味豐富。粉絲的口感柔軟，完美地吸收了所有的風味。總括而言，這兩道料理都展現了韓國美食的精髓，豐富多彩的風味和精湛的烹飪技巧。無論是喜歡酸辣風味還是清淡的牛肉炒粉絲，都能在這家餐廳找到滿足。

📍家家戶戶 (尖沙咀) 又出發到韓國街覓食~ 呢間「🏠家家戶戶」嘅裝潢設計頗有心思，同店名一樣，令人感覺置身於傳統韓國家庭中，💗好舒適！佢哋嘅菜式味道好正宗，而且價錢唔算好貴👍！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️韓式牛肉石頭飯 ($109)石頭鍋飯夠晒熱辣辣，🥰冬天一定要食返個！佢嘅配料份量多，有牛肉、雞蛋、菠菜、大荳芽、蘿蔔絲等，配埋辣醬好惹味！而且飯嘅底部仲有飯焦🤩，好脆好香口！套餐仲會有4款韓式小菜同海帶湯，味道好正宗！▪️純豆腐豬肉湯 ($99)個湯有少少辣辣哋咁🌶️，飲落好暖胃好舒服。🤤湯底味道濃郁，份量算多，豆腐滑嫩而豬肉好香，飲落好開胃好啱拌飯！𝑨𝑫𝑫𝑹𝑬𝑺𝑺:📍尖沙咀金巴利街1B恆港中心地下1號舖Shop 1, G/F, Everglory Centre, 1B Kimberly Street, Tsim Sha Tsui

尖沙咀嘅呢一頭有好多韓國🇰🇷餐館，朋友🧒🏻話想發掘一吓，因為佢鍾意瓹窿瓹罅搵嘢食，朋友🧒🏻呢度望吓嗰度睇吓，行咗大約15分鐘，朋友🧒🏻終於話不如呢間啦🤣呢度有多款套餐可以揀，叫咗 $118「豉油雞 Soy Chicken」同埋 $109「泡菜豬肉鍋 Kimchi & Pork Stew」🤣呢啲係 Set Prices，即係包咗幾小碟泡菜😋仲有一個海帶湯🤣「泡菜豬肉鍋」：夠晒熱👍，辣辣哋酸酸哋😋「豉油雞」：都係熱辣辣👍，同埋甜甜哋，兼且全部淨雞肉，食得好方便👍

人均$100起｜尖沙咀｜韓國菜｜家家戶戶喜歡這裏的韓國菜！在尖沙咀的韓國街，發現這間家家戶戶，店內的人龍超級長🥹肯定是尖沙咀的人氣店～看過價錢牌，發現挺相宜，當然要進店嘗嘗他們的小菜。人蔘雞湯每一份人蔘雞湯都有半隻蔘雞，很入味，而且藥材味很豐富，感覺用了很長時間的熬煮，每一隻雞已經骨肉分離😂裏面還有糯米，非常飽肚！是冬天一定要吃的韓國料理。牛肉石鍋飯在今時今日的香港，實在太少韓國料理店可以製作出這麼完美的石鍋飯了…… 一碗好吃的石鍋飯，一定要有飯焦！這間簡直是完美😍飯粒已經完全煮好，外邊也有滿滿的飯焦，配搭上辣椒醬，剛好將蔬菜提味。——————為食分界線——————📍 家家戶戶 (尖沙咀)尖沙咀金巴利街1B恆港中心地下1號舖人均消費： $80#mariofatfat #foodie #hkfoodie #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger #hkfoodblogger #hongkonger #香港 #香港美食 #週末好去

平時我都幾鍾意食韓國嘢，但好多時香港的韓國餐廳主要淨係提供炸雞等煎炸食物比較多，很少那些在韓國當地很常見的家庭式料理，咁啱朋友都知我好鍾意食韓國菜，就帶我去試咗主打韓國家庭式料理的餐廳一去到就已經見到滿座，不過好彩等一陣就已經有位，一入到就好似置身於電視劇成日都見到的韓國家庭裝修辣豬肉韓式雜錦飯 $102推薦指數🗯️：🌟🌟🌟🌟🌟材料非常豐富，而且不論係辣豬肉定係其他配菜份量都超多🙈🙈但配搭得剛剛好，唔會某一種食材特別多，基本上每一啖都可以食齊咁多種配料，而且我自認唔係一個細食嘅人都食唔晒還附送海帶湯，如果覺得食得多太濃味，可以用嚟清一清味蕾韓式牛肉石頭飯 $109推薦指數🗯️：🌟🌟🌟🌟🌟其實和雜錦飯味道有點相似，不過牛肉比辣豬肉較為淡身，所以食落冇咁重口味，而且會有飯焦，所以會香口啲，不過配菜方面就比較少，所以食落反而冇咁飽每份餐都會配咗四款小菜和一支益力多🤤泡菜當然係必有，配飯一齊食，簡直一流，而韭菜和芽菜就清淡一點，剛好可以中和返啲油膩感，而茄汁腸仔也不錯，不過就令我好想食公仔麵🤣🤣✨整體來講，係正宗嘅韓國美食，而且可以選擇嘅款式都好多，最特別嘅係會有一支益力多🤣🤣雖然味道同平時飲嘅差

喜歡韓國菜的我又去到韓國街覓食，選了一家價錢比較相宜的餐廳餐廳裝潢環境像置身於傳統韓國家庭中，在舒適環境享受正宗的韓國美食；食物質素不錯，有多款配搭的套餐組合任君選擇，份量多，價錢合理，性價比高建議晚上時間早於7點到達免卻排隊時間~LA牛肋骨 $178跟紫菜湯及餐前小食：泡菜、韮菜、薯仔，十分健康牛肋條有七八片，份量足夠，鐵板煎到好有鑊氣，肉質鮮嫩多汁，調味適中好入味，油脂分布好，煮得相當軟稔，值得一試米飯粒粒用韓國米，軟糯香甜，煙韌有咀嚼感純海鮮豆腐湯 $99熱辣辣韓國豆腐湯份量夠多，飲落暖肚，啖啖泡菜味湯十分足料，內有豆腐、金菇、蜆、魷魚、半熟蛋等，豆腐非常嫩滑，湯底很鮮味不辣，十分開胃適合拌飯-總體評分-環境：7/10 食物：7.5/10 服務：7.5/10 抵食：7/10家家戶戶📍尖沙咀金巴利街1B恆港中心地下1號舖

今日難得黎到尖沙咀，當然要去下韓國街買啲韓式小食返屋企一邊睇戲一邊食啦， 買完小食之後發現有啲肚餓，所以就響附近搵左間韓式餐廳食個晚餐喇。家家户户系一間主打韓式美食既餐廳，睇見佢樸實既外觀，就知道佢走既系住家路線，入面從報置到擺盤都好似去左韓國人既屋企咁樣。辣豬肉石頭鍋飯系我好鐘意既一道韓國料理，最近天氣轉涼，除咗煲仔飯之外，石頭鍋飯都係一個好好嘅選擇，特別鍾意鍋底個層金黃酥脆的飯焦，增添了口感的層次感。石頭鍋𥚃面嘅五花豬肉鮮嫩多汁，加上這道菜的靈魂辣椒醬，兩者配合令到每一啖都充滿了豐富的味道，令人回味無窮。海鮮炸醬撈麵都系依間店既一大特色，炸醬由豆醬、肉末及蔬菜等炒製而成，濃郁的醬香形成獨特的口感。麵條口感彈牙，再加上蝦、蜆肉及魷魚等海鮮，令到成個麵香味撲鼻，令人食指大動。除左正餐之外，每個餐點都可以配上各款小菜及紫菜湯，包括泡菜，酸瓜等等，十分滿足。

呢間餐廳門外好多人排隊，入到去好似置身於傳統韓國家庭裝潢享受韓國家庭式料理，好有家的感覺，呢度環境好特別入面有裝飾左既牆，仲可以享受正宗韓國美食多款配搭的套餐組合，呢度既套餐款式好多價錢好抵，好大碟，我地叫左一個韓國石鍋飯，仲有幾碟前菜跟餐，泡菜，韮菜仲有腸仔好特別，牛肉份量好多加，埋生蛋混埋一齊食仲有飯焦好香脆岩岩好，而甜品更有驚喜既係益力多，我就叫左份韓國牛肉粉絲鍋湯加埋飯一齊食甘凍既天氣真係好岩飲啖熱湯。

📍沿住韓國街一路行到盡頭🚶🏻‍♀️ 不難發現紅磚牆大理石壁裝潢嘅韓式餐廳🙌🏼 舒適環境有風格 主打傳統韓國家庭式料理 🌀 韓式雞肉石頭飯3款韓式石頭飯都做緊限時推廣 Lunch $69/ Dinner $85😍 石鍋飯夠熱 底部有少量香脆飯焦～ 菜量夠多 菠菜/ 大荳芽/ 辣蘿蔔絲/ 翠玉瓜絲 配合微甜嘅黑椒鷄肉粒 拌飯加入辣醬會更惹味! 🌀 純豆腐海鮮湯所有套餐均配有4款韓式餐前小菜 ▶️泡菜+炒韭菜花+茄汁腸仔+辣蘿蔔條～豆腐鍋上枱時湯底滾熱冒煙 天氣轉涼好暖胃 海鮮湯鮮甜辣度偏高 湯內有嫩豆腐 蜆肉 魷魚 花蛤金菇 同泡菜 用料相當豐富 海鮮湯撈飯食超開胃!

韓國街除了有大型餐廳之外，想吃家庭式韓食可以到這裡體現舒服溫馨的感覺，餐牌有很多菜式的組合 - 拉麵、炒年糕、湯、拌飯等，應有盡有🔺雞肉韓式什錦飯拌飯超級大碗，也是每一個韓國餐廳我的必點之一，勝在有菜有肉有碳水，營養均衡雞肉份量蠻多的，雞腿肉肉質嫩滑不鞋，調味帶點甜的醬油味卻不會過濃還有很多其他配料例如菠菜、豆芽、辣蘿蔔和蘿蔔，全部都不會過油辣醬在旁邊讓大家可以因應自己的口味調配當然少不了半熟流心的煎蛋，令整個飯更香🔺純豆腐海鮮湯豆腐湯熱辣辣看見已經胃口大開以香港標準來說辣度算蠻高的，你可以看見整個湯紅噹噹的，非常爽口裡面有蜆肉和魷魚增添海鮮的鮮味，配上豆腐的豆香就是經典的住家飯口味另外還有泡菜、拌豆芽和韭菜花小菜，一個人份量剛好