家家戶戶

营业中

休息中

好耐無食韓餐，今日去到尖沙咀嘅韓國街🇰🇷嘆返餐抵食正宗韓國美食先😋🥣辣海鮮牛肉湯飯$119湯底辣度適中，海鮮足料，有魷魚、青口、蝦等，味道鮮甜而且爽口彈牙，加上煙韌牛肉，用嚟送飯就最適合🫶🏻套餐附送小食，包括韓式泡菜、腸仔片等，各有特色，幾開胃🤤🥣韓式雞肉石頭飯$85韓餐必點石頭鍋飯，新鮮熱辣上枱，最底黐住石頭鍋邊邊嘅飯有焦香，金黃色，加上唔同既配料同石頭鍋醬，撈埋一齊食口感就更豐富無骨雞肉量多，啖啖肉👍🏻除左幾道小食，呢個餐有埋海苔湯，中和返石頭鍋飯帶來嘅刺激感晚餐時間大量客人幫襯，座無虛席👥👥餐廳環境舒適，佈置裝修充滿韓式家庭風格邊享受韓國家庭式料理，邊感受韓國風情。