家家戶戶

营业中

休息中

老公話唔去韓國， 但可以去香港韓國街食韓國菜， 揀左間以家庭式的韓國菜［家家戶戶］， 紅色磚牆非常搶眼， 外藉服務員親切非常有笑容。我們點了牛肉石頭拌飯， 滿滿麻油味，有金黃飯焦， 脆卜卜香噴噴， 伴著韓式辣醬令味道更上一層樓。牛肉，小菜，配料全部均勻擺放， 色彩繽紛，色香味美。牛肉煎蛋炒飯：泡菜切細， 入口大小， 調味不算太辣， 非常惹味。煎蛋的邊邊香脆， 炒飯粒粒分明， 配紫菜， 爽口，不同口感。炸雞咬開有雞油流出，甜度適中少少辣味，醬汁較稠， 很香脆。

呢度嘅裝修好有傳統韓國家庭屋企嘅感覺，有十幾款套餐選擇，全部都係$100左右，除咗主食仲有唔同嘅配菜例如泡菜、醃蘿蔔、炸餃子等🥟𝟙韓式牛肉石頭鍋飯 呢個Set有齊海帶湯、泡菜同豆腐等。石頭鍋飯上枱嘅時候熱辣辣吱吱聲出哂煙，好有鑊氣感！配咗菠菜、芽菜、蘿蔔、生菜等配料，面頭仲有燒牛肉同生蛋黃，韓式辣醬，顏色豐富睇落好開胃🤤石頭鍋底有飯焦，撈勻夾埋一齊食脆脆哋有口感😋溫提！呢個飯嘅辣度唔惹小，呢個環境下，夏日炎炎唔想食到出哂汗可以考慮秋冬天嘅時候先食暖暖身😋𝟚海鮮炸醬撈麵炸醬撈麵非常大份，食落個味道甜甜鹹鹹，麵條煙韌，掛滿醬汁，食落唔會覺得油膩～包括咗唔同嘅海鮮粒，魷魚食落彈牙😼套餐包括海帶湯、兩隻炸餃子、醃蘿蔔同泡菜

家家戶戶 Gagahoho| 尖沙咀韓國街韓式小店Gagahoho係傳統韓國裝修 外表都裝修得好有特色門口有大大個招牌寫住"家家戶戶" 配埋紅色鮮艷大門樓底好高 有空間感 舒適既感覺🔶韓式牛肉石頭飯配料包括有 牛肉 生雞蛋 芽菜 青瓜絲 仲有一堆韓式甜辣醬 韓式辣醬帶起曬成個飯石頭鍋整到熱辣辣 入到檯都仲係出煙 即時將個石頭鍋飯撈埋 等佢側邊既位慢慢形成飯焦除左主菜之外 仲有四碟小食 泡菜 辣腸仔 韭菜花 芽菜 一碗海帶湯泡菜好好味 最後都有加泡菜落去個石頭鍋度 味道昇華左🔶牛肉鍋配料包括有 磨菇 金菇 粉絲 洋蔥絲牛肉湯湯底鮮甜 清甜 調味岩岩好碎牛肉 係事前煮過 有自己既調味 配埋白飯係 特別好送飯成個鍋都材料十分豐富除左主菜之外 仲有四碟小食 泡菜 辣腸仔 韭菜花🍴整體評價：呢間係超級出色既韓國餐廳位於尖沙咀韓國街韓式小店 家家戶戶成條街最搶眼果間就係佢食物既味道十分正宗 韓式家庭食物味道唔會過濃 調味岩岩好到位推介指數: ⭐️⭐️⭐️⭐️——————————————————————————————📌 尖沙咀金巴利街1B恆港中心地下1號舖付款方式AlipayHK 支付寶 現金——————

係尖沙咀行完街，朋友話想食韓國菜。經過見到餐廳裝潢特別，木系傢俬加上紅磚牆，十分傳統。韓式牛肉石頭飯套餐 $109包括海帶湯，有四款韓式配菜，包括：泡菜、韭菜花、芽菜、泡菜酸蘿蔔條。仲有益力多飲，物有所值！傳統韓式石頭鍋飯，牛肉份量足夠，調味好。有不同類型，新鮮蔬菜色彩繽紛，非常豐富。個人最喜歡吃菠菜和翠玉瓜絲，中間有蛋漿，混合韓式辣醬，口感豐富。記得一開始不要攪拌，底部加熱會有飯焦！泡菜豬肉鍋套餐 $109同樣豐富的傳統套餐，配搭有前菜及益力多甜飲。鍋物熱騰騰，暖胃又送飯，直頭係家的味道。豬肉粒份量很多，食極都仲有。濃郁的泡菜，仲有豆腐同金菇，配搭白飯一流。正宗韓國食法，一啖飯配一啖湯，正！

Gagahoho is a cozy Korean restaurant, designed to resemble a traditional Korean home. Offering an unbeatably affordable dining experience, each set meal comes with four delightful side dishes and a refreshing drink. The spicy pork bibimbap is a standout dish, packed with a lot of ingredients and topped with crispy rice crackers that creates a perfect texture. It’s the to-go place if you're craving Korean cuisine without wanting to burn a hole in your wallet!-Gagahoho係一間好似傳統韓屋入邊嘅餐廳，設計得好有家居感覺。每份套餐

今日放工去咗尖沙咀買嘢，突然諗起好耐冇食過韓國菜，而尖沙咀剛巧有條韓國街，於是走去睇睇，最後被呢間家庭式韓國菜館吸引到我入去探店，因為呢間餐廳門口係用咗紅色磚頭切成外牆，重襯埋道紅色和藍色木門，外觀上夠晒吸引到我嘅眼球。餐廳入面嘅裝修係用木系風格，店內的木枱木櫈有點懷舊嘅韓國家庭feel餐館，坐得好舒服，一啲拘謹感覺都冇。餐牌都有好多套餐組合選擇，搞到我心大心細，最後揀咗人氣極性嘅韓式牛肉石頭鍋飯和韓式牛肉飯。🥢 Bulgogi Hot Pot Rice 韓式牛肉石頭飯 配有一碗熱騰騰嘅韓國傳統海帶湯，仲有韓國經典泡菜、辣蘿蔔乾、韭菜花和辣香腸。而主角石頭鍋飯嘅材料都非常豐富，有牛肉、芽菜、紅蘿蔔絲、菠菜和生雞蛋，再配埋惹味嘅韓式甜辣醬，全部材料撈埋一齊食，口感非常豐富，而且石鍋夠晒熱令到鍋底有層飯焦，非常脆口又好味。🥢 Bulgogi Rice Bowl 韓式牛肉飯好大碟嘅韓國牛肉配上椰菜絲、芽菜、洋蔥絲和紅蘿蔔絲。牛肉鮮嫩多汁，而且炒到好香口。碟餸夠晒大碟，足夠送飯。同樣配有一碗熱騰騰嘅韓國傳統海帶湯，仲有韓國經典泡菜、辣蘿蔔乾、韭菜花和辣香腸。

👉🏻韓式辣豬肉石頭鍋飯套餐 $109套餐包括了湯, 3道小菜, 當中小菜有泡菜,白蘿蔔,9菜等味道中中庭庭,既不算太出色,也不失水準。辣椒油與韓式辣醬的搭配給人一定辣味刺激,後勁強勁 愈吃愈辣豆豉辣椒炒肉口感尚可,飯底微焦部分增添了一些獨特口感這道菜雖然能基本滿足普通消費者的需求,卻難以給人太深刻的用餐體驗。溫馨住家feel 👉🏻海鮮炸醬麵套餐 $119麵條彈牙爽滑,與濃郁醬汁的融合尚可醬汁雖然帶有海鮮鮮甜味,但較為單一。

今日同朋友過黎尖沙咀睇多啦A夢，我地先去左韓國街醫肚。黎到就簡左一間傳統既韓國餐廳食lunch。一入去就係傳統韓國餐廳既佈置，好有家庭式小店feel， 而d韓食都係勁有韓國當地味道，好似番番去鄉下咁。諗起都好耐冇番鄉下啦，今日終於可以回味下，餐牌有多款韓國餐，湯面飯都有齊晒。 我地點左去親韓國都一定點既 *辣海鮮牛肉湯飯 해불 불고기 짱뽕 밥* ＆ *純豆腐海鮮湯 해불 손 두부 찌개*。❤️辣海鮮牛肉湯飯 해불 불고기 짱뽕 밥 有多種貝殼類、蝦、牛肉等，湯辣得黎有海鮮既鮮味，送飯一流。❤️純豆腐海鮮湯 해불 손 두부 찌개我最愛既純豆腐海鮮湯，入面有好多蜆同魷魚粒，完全戴出個湯既鮮味，簡直係韓文成日講既 밥 도독 飯小偷。辣度適中，我全部清晒，勁滿足。*每個餐都同韓國一樣會有多碟既配菜 반찬，有辣有唔辣，滿足晒所有口味。家家戶戶 가가호호地址: 尖沙咀金巴利街1B恆港中心地下1號舖

同阿女出街食飯，佢首選一定係韓國菜，食韓國菜一定少不免去尖沙咀韓國街。家家戶戶  Gagahoho 是金巴利街人氣韓國餐廳，由韓籍人士主理，餐廳裝潢簡潔，主打正宗韓國料理，提供多款配搭的套餐組合。每款套餐都有幾種不同前菜和紫菜湯。味道唔錯，辣辣哋可以醒醒胃。純豆腐豬肉湯：純豆腐做的熱湯。用石頭鍋盛載熱辣辣上枱，豆腐很香滑，配辛辣醬湯底很惹味，仲有豬肉好有口感。湯底辣度適中，配埋碗白飯啱啱好。炸醬麵：黑豆醬味道濃郁偏甜，色澤呈黑色，加入了洋蔥、薯仔、紅蘿蔔等烹調成韓式炸醬，味道香甜，與麵條拌勻同吃，十分滋味。韓國傳統套餐含甜品~益力多

因为口味去过好几次却被服务劝退，那个外国女服务员可以说是毫无服务态度把自己当老板了。开始说没有餐巾纸给我们，然后自己在那叠纸巾，后来理论才给了两张又把桌子上的拿走，就是因为看我们是学生好欺负？请问老板贵店是否是一桌子只能提供一张餐巾纸？2024年了真的活见鬼了才有这种服务体验。那个女服务员还天天坐那玩手机也不干活真不懂为什么，不敢再去了！一次最差的韩餐体验！

近年尖沙咀韓國街鋪頭轉變都大，家家戶戶開咗咁多年，都仍然好多人去，保持到一貫水準。韓式牛肉石鍋飯 喜歡韓式石鍋拌飯底部有脆脆的鍋巴。熱辣辣嘅石鍋飯，配上濃郁醬香嘅炒牛肉、輕爽涼拌嘅紅蘿蔔、豆芽同菠菜，攪拌均勻後再品嘗。由於醬料都有少少辣，如果唔食得辣就揀番其他烤肉飯喇。韓式炒粉絲韓式炒粉絲都係一樣傳統嘅韓式食品，呢度炒出嚟嘅粉絲唔會好油，又唔會過咸，味道唔錯。前菜唔少，有4小碟，套餐配紫菜湯，飲品另叫。🛎️必試指數：9/10🔆

來到餐廳門口,看到特別的外牆，是用上了紅磚頭和鮮紅色和鮮藍色的門，立刻增加了韓國的感覺。🧱內裡裝潢簡約，以紅磚配上木椅，簡約的吊燈，帶點置身在傳統韓國家庭的感覺。🏠餐廳提供多款配搭的套餐組合，亦可以亦擇單點或小食，當然也不少得韓式生米酒，啤酒，真露等等。🍻🥘韓式牛肉石頭飯很豐富的傳統韓式石頭鍋飯，有炒香的牛肉，菠菜，芽菜，蘿蔔絲，翠玉瓜絲，粟米粒，中間打了一隻生蛋，最重要是韓式辣醬，將所有配菜跟飯混合，非常惹味可口，味道濃郁，口感豐富，底部還有少少石鍋熱成的飯焦，更香口。石頭鍋飯會配有清甜海帶湯，可以解膩。🍲牛肉鍋這個牛肉鍋一樣材料豐富，有磨菇，金菇，粉絲，洋蔥絲，蘿蔔絲，椰菜， 煙煙靭靭的年糕片，當然還有炒香了的碎牛肉，嫩滑入味，一點也不老，而且牛肉湯亦清甜的，配白飯吃不錯！🍹Peach Milkis解膩清甜💡石頭窩飯Lunch和Dinner都特價有9折啊！

今日放工朋友話好想食韓國餐，諗起成日經過嗰一間家庭式韓國料理，每日都好多人排隊，所以特別想試下係唔係咁吸引。鋪頭入面既家庭佈置，好舒服，令人好放鬆，我地揀左一張面向路邊既位置，感覺就好似去左韓國食野一樣。餐牌入面有多款配搭的套餐組合，其實心多多都唔知揀邊一樣， 見到最多人揀石頭鍋飯，所以我地都叫左一個韓式辣豬肉石頭鍋飯，另外配一個雞肉韓式什錦飯。韓式辣豬肉石頭鍋飯，好香，飯的口感軟硬剛剛好，上枱個陣仲係滾燙緊，有隻生蛋放上面,用來攪拌啲飯，帶出濃濃的鮮味。整體都好惹味，偏辣。韓式雞肉什錦飯，伴隨的泡菜已經有四款，另外加海帶湯， 所有嘅份量都好充足，一個女仔應該食唔哂。將配菜加入去伴飯，增加甜甜辣辣的口感，更加開胃惹味。

尖沙咀的韓國餐廳開到成行成市，我誤打誤撞找到一間性價比不錯的韓國家庭式料理。餐廳裝潢好有傳統韓國家庭的味道，紅磚牆配木桌木椅，有點懷舊感覺。餐廳最醒目的是它的紅色大門，遠遠便可看到。餐廳的定價在尖沙咀區來說不算高，百元左右已有一份套餐，包括前菜、湯、飲品。🔹韓式辣豬肉石頭飯套餐🔹.甫上菜，滾燙的鍋發出”滋滋”聲，令人食指大動。石頭飯配料很豐富，有辣豬肉粒、芽菜、菠菜絲、生菜絲和生雞蛋，趁鍋仍熱立即將甜辣醬和配料拌勻，每一口飯都滿滿的雜菜和醬汁，辣豬肉入味，令拌飯味道更豐富。鍋邊的飯焦口感也十分香脆。套餐除了一些常見的韓式配菜例如泡菜、辣豆腐，涼拌海帶絲和韭菜等，還有一瓶小小的韓版益力多。🔹純豆腐海鮮湯套餐🔹店員把餐送上時湯還是超滾燙的，湯裡面豆腐份量挺多，豆腐十分滑，海鮮的部分有蜆跟魷魚塊。湯頭能嚐到海鮮的甜，比普通泡菜湯味道更好。總括而言，食物的味道不錯，價格合理，而且傳統韓國家庭裝潢令人感覺舒服放鬆。.

早早完成工作～獨自去醫吓肚先😎韓國家鄉美食就係comfort food啦🇰🇷餐廳以紅磚造型設計～好有韓風傳統特色～坐低享受韓國家庭式料理～感覺幾溫馨舒適🥰🥰打開餐牌有頗多不同配搭嘅套餐可供選擇～做好決定就落單啦～.✨뚝배기불고 기 牛肉鍋 $119要咗套餐🍴一set嚟到伴隨咗四款涼拌韓式小菜～包括泡菜、韮菜、荳芽～牛蒡～令整體視覺及食感更豐富😀牛肉鍋以石鍋原個上保持熱辣辣～材料多份量足～有醃得入味嘅軟腍牛肉🐂、煙韌年糕片、金菇、爽滑韓式粉絲、椰菜、香菇等等等等🤗🤗湯汁甜甜哋好啱撈飯食👌🏻👌🏻.✨加一服務費